منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   السكن مع أم الزوج (http://www.66n.com/forums/showthread.php?t=233132)

أم خالد. 08-02-2012 02:24 AM

السكن مع أم الزوج
 
صبحهم بالكليجا*
كيف حالكم وه وش حلاتي بهالقسم مرتزة
اول موضوع لي هنا وعسا ننتقل لذاك اللي تحتوه 
قولو امين يارب انا وكل بنات المنتدى الطيبات وخصوصا عيوني < هاذي لك 

كانت لي صديقة قصيمية متزوجة ايام ما كنت متزوجة وبعد ما تطلقت انقطعت علاقتنا بسبب بسيط لأني رميت وكسرت الجوال في ذاك البيت انتقاما ل ذاك الزوج وأمام ناظريه وتعبيرا عن اني مابي ششي من هالبيت 
وضاع رقمها ورقم كل البشكة *وماعاد عرفت أخبارها < اطول مقدمة خخخ
الزبدة صديقتي هاذي كانت متزوجة يتيم ابو وعايش لحاله مع امه في البيت وكل خواته متزوجات يزورونهم بالأسبوع مرة
وانواع الشكاوي كل يوم تتصل فيني وتصيح مشاكل لا حصر لها ان كان من العجوز وان كان من اخواته لما يزورونهم يطلعون كل عيوب الدنيا بها وهي كانت مسكينة مرة تعاملهم بطيب لكن مدري ليه ما هضموها هم .*
الزبدة الثانية < ما تعرف تختصر ابدد
خطبني واحد نفس الشي خواته كلبوهن متزوجات والوالدة عايشة معه وانا ع طوووول جت ببالي ذيك الصديقة اللي عانت وخفت بصراحة ، هي امه لمحت عن السكن قالت ان بنتي عايشة مع اهل زوجها ومطبخهم مشترك واني لحالي في الشقة ما غير السبع غرف انا وولدي نتجارى فيها *تعبيرا عن زود الوسع*
وقالت برضو ان بناتنا عادي ما نشرط لهن سكن مستقل يعني افهميها يا قمر بتعيشين معي ومطبخنا واحد
بيني وبينكم ما حبيتها امه وما ارتحت لها بتاتا البتة بس امي وخواتي حبوها يقولون دمها خفيف اي خفيف بالله وهي من الحين تلمح حسيت انها ماني بقايلة
مير الله يستر على خلقه*
الزبدة الاخيرة : اشرايكم في السكن مع ام الاطخم انا احس انها ماش قلبتها في مخي ما زبطت انا ابي بيت لحالي ابي حرية باللبس بالنوم بالطبيخ بالرقص بالازعاج بكلش يعني
وتدرون ام الزوج يمكن ما يعجبها تصرفات يكون الزوج راضي عنها ويشوفها عادي بس هي تقعد تنقد لين تخليه ينتبه لحاجات تافهه*
وانا عني والله من النوع اللي كنت سابقا احب العجايز وريحتهن وحكيهن واتبارك فيهن وادري مدا الاجر اللي من وراهن بس لما تطلقت وصرت ازور جدتي باستمرار كبدي حامت معليش يعني لسانهم طويل ويعصبون واذا زعلت من شي في الظهر تقعد تطالب وتنافخ لين ثاني يوم هاذي جدتي العزيزة الله يعزها ويسامحها اذا زعلت مني ع شي تافه طبعا اروح بيتنا وان جيتها بعد ثلاث ايام تتذكر وهاتك يا هوشة من جديد أش رايكم بالله أخاف اخرج من حفرة لدحديرة بس*
نرجع لللموضوع الاساسي يعني انا اقول لو شقة بجنبي أوكي لكن بنفس البيت صععب وتسمع وتشوف كل شي وانا طبيعتي انسانة مطفوقة شوي ومرجوجة والعجايز ما يعجبهم كذا أخاف كمان ما تحبني من الاصل وتزن عليه لين ما يطلقني خصوصا انه عزابي ما سبق له الزواج وانا مطلقة
ماااااادري عجزت استوعب ارفضه واريح راسي ولا اقبل به وامه اللي ما بلعتها *[/COLOR][/COLOR][/COLOR]

انسه طفشانه 08-02-2012 02:33 AM

ياشيخه عادي
انا نفسك
بسكن مع ام الزوج لانه وحيد وعنده اخت متزوجه وهو وحيدهم بالبيت
لي غرفتين بس خخخخ
وعادي متقبله الامر بحاول قد مااقدر اكسبها لصفي واخليها تحبني زي بنتها
ولاتشيلي هم موفقه

Crestalla 08-02-2012 03:34 AM

هي بتدخل فيكم اكيد بتدخل سواء بقصد او بدون قصد
طالما انكم عايشين ببيت واحد ...

برايي حرام تطلبي بيت لحالك وتفصلي الولد عن امه وهو وحيدها
فكري بينك وبين نفسك اذا انتي مارح تتحملي امه ولا تدخلاتها بحياتكم (والتي قد تكون بدون قصد) لا تقبلي بيه لانك ممكن اذا وافقتي تسببي الالم لنفسك ولامه وللشاب
اما اذا رايتي في نفسك طولة بال وقدره على التحمل واااففقي

الله يختارلك الاصلح,,

أمل عمررري 08-02-2012 04:01 AM

احتسبيه اجر وكوني عونا في بر اهله
القرار لك
موفقة يارب

عيوني تحكيني 08-02-2012 04:05 AM

أولا .. من قصدك بعيوني .. أنا .. ؟؟؟

عموما غاليتي ..
لن ألومك من تخوفك لأنه لديكي تجربة صديقتك المأساويه للأسف ..

لكن ماأريد أن أصل به معكي في هذا الموضوع ..
لاتنظري ألى أم الزوج انها ستكـون في يوم سبب لتكدير صفو حياتك مع زوجك

نعـم يوجد أمهات ترى ان زوجة أبنها هي من خطفت أبنها الذي تعبت في حمله

لكن أيضا هناك أمهات تحب زوجة أبنها حبــا جمـا ..
وقـد يصل بها ان تحبها أكثر من بناتها .
لانها ترى أن بناتها تزوجن وتركنها ..
وزوجـة ابنتها عوضتها عن خدمتهن التي فقدتها ..بعد زواجهن
فتحبها أشد الحب وتؤنب أبنها اذا قصر في حقها ..
وأن لم يقصـر تطلب منه أن يزيد في كرمه لزوجته ..
فتكـون هذه الأم سبب من أسباب سعادتهـم ..
وحصول الوفـاق والوئــام بينهم ..
وأن فكر في الزواج عليها هي من تقف في صف زوجته ..وتمنعـه ..

.. ..

وبالنسبـه لموضوع لبسك وكشختك عادي خوذي راحتك أكشخـي ..
لكـن اللبس الخاص بينـكم ..
وترا الرجال مايحب الحرمه اللي طول الوقت لابسه لبس خاص ..
خليك راكـده شووي ..
بتصيـرين بعيونه قمـر 15 ..

..
أستخيـري واذا أهلك اسألوا عنه وطلع اخلاق ودين ..
لاتضيعيـن الفرصه عليك ..

..

وفقتــي ويسـر الله أمرك ..

أم خالد. 08-02-2012 07:58 AM

اقتباس:

المشاركة الأصلية كتبت بواسطة انسه طفشانه (المشاركة 2764877)
ياشيخه عادي
انا نفسك
بسكن مع ام الزوج لانه وحيد وعنده اخت متزوجه وهو وحيدهم بالبيت
لي غرفتين بس خخخخ
وعادي متقبله الامر بحاول قد مااقدر اكسبها لصفي واخليها تحبني زي بنتها
ولاتشيلي هم موفقه





ماشاء الله عليكي يختي
ليتني مثلك أفكر بس انا مشكلتي ما أحب أتقيد بنظام معين ولا أحب أحد يوجهني
والعجايز ما يرتاحو لين يفرضون كلامهم
يعني أحب استقلاليه فهمتي علي
وحلوة فكرتك تكسبيها لصفك لكن برضو الإستقلالية مطلوبه
الله يقدم اللي فيه خير ويعطيكي العافية ع المرور

أم خالد. 08-02-2012 08:24 AM

اقتباس:

المشاركة الأصلية كتبت بواسطة Crestalla (المشاركة 2764891)
هي بتدخل فيكم اكيد بتدخل سواء بقصد او بدون قصد
طالما انكم عايشين ببيت واحد ...

برايي حرام تطلبي بيت لحالك وتفصلي الولد عن امه وهو وحيدها
فكري بينك وبين نفسك اذا انتي مارح تتحملي امه ولا تدخلاتها بحياتكم (والتي قد تكون بدون قصد) لا تقبلي بيه لانك ممكن اذا وافقتي تسببي الالم لنفسك ولامه وللشاب
اما اذا رايتي في نفسك طولة بال وقدره على التحمل واااففقي

الله يختارلك الاصلح,,

مدري ليه حسستيني اني مجرمة مع اني طيبة وع نياتي وقسم :(
بعدين ع سالفة انه حرام افصل ولد عن امه يااخي هو ماهو ورع رجال بسم الله عليه
ومعروف أي واحد يتزوج يعيش مستقل على الأقل العمارة تكون وحده والشقق تكون منفصلة
بس هذول مااعرف كيف يفكرون ..
انا الحمد لله صبوره نوعا ما لكن خايفة أختبر صبري في موضوع مصيري زي هذا وساعتها
أتعب واتبهذل وافشل للمرة الثانية ..
آميين مشكورة ع الدعوة ياعسل

أم خالد. 08-02-2012 08:44 AM

اقتباس:

المشاركة الأصلية كتبت بواسطة أمل عمررري (المشاركة 2764903)
احتسبيه اجر وكوني عونا في بر اهله
القرار لك
موفقة يارب

:25: تهقين
مممممدري بستخير وربي يعين
وأفكر بشرط سكن
امين تسلمي ع المرور والدعوة يا قمر

أم خالد. 08-02-2012 09:08 AM

اقتباس:

المشاركة الأصلية كتبت بواسطة عيوني تحكيني (المشاركة 2764906)
أولا .. من قصدك بعيوني .. أنا .. ؟؟؟


طبعا انتي كم عيوني عسوله عندنا شبعتنا بالأمل لين خلت حياتنا كلها وردية
وصورت الزواج وكأنه الجنة من كلامك ومواضيعك اللي كلها تفاؤل ماشاء الله :)
عموما غاليتي ..
لن ألومك من تخوفك لأنه لديكي تجربة صديقتك المأساويه للأسف ..

لكن ماأريد أن أصل به معكي في هذا الموضوع ..
لاتنظري ألى أم الزوج انها ستكـون في يوم سبب لتكدير صفو حياتك مع زوجك

نعـم يوجد أمهات ترى ان زوجة أبنها هي من خطفت أبنها الذي تعبت في حمله
وانا هذا اللي خايفه منه بكل صراحة لاني ما ارتحت لها اساسا

لكن أيضا هناك أمهات تحب زوجة أبنها حبــا جمـا ..
وقـد يصل بها ان تحبها أكثر من بناتها .
لانها ترى أن بناتها تزوجن وتركنها ..
وزوجـة ابنتها عوضتها عن خدمتهن التي فقدتها ..بعد زواجهن
فتحبها أشد الحب وتؤنب أبنها اذا قصر في حقها ..
وأن لم يقصـر تطلب منه أن يزيد في كرمه لزوجته ..
فتكـون هذه الأم سبب من أسباب سعادتهـم ..
وحصول الوفـاق والوئــام بينهم ..
وأن فكر في الزواج عليها هي من تقف في صف زوجته ..وتمنعـه ..

.. ..

وبالنسبـه لموضوع لبسك وكشختك عادي خوذي راحتك أكشخـي ..
لكـن اللبس الخاص بينـكم ..
وترا الرجال مايحب الحرمه اللي طول الوقت لابسه لبس خاص ..


صح كلامك لكن برضو لو كانت الأم موجوده أصلا ما يمدييني البس الا تنورة أو ارواب البيت العادية
الطويلة أقل شي البناطيل والبجايم ما أقدر البسها .. يعني كأني ببيت أهلي وبين اخواتي


خليك راكـده شووي ..
انا باذن الله راكده بس وش فيها لو طلبت بيت لحالي .. مو حرام وربي ولاهو تفريق عائلة :(
بتصيـرين بعيونه قمـر 15 ..

..
أستخيـري واذا أهلك اسألوا عنه وطلع اخلاق ودين ..
لاتضيعيـن الفرصه عليك ..

مو هذا القهر ما ابي ارفض بسبب هالشي وبنفس الوقت ابغى بيت لحالي وخصوصية
وبصراحة اكثر مافيه ولا وحده من بنات اقاربي وعوايلهم عايشين مع اهل الزوج
يعني معرووف عندنا سكن مستقل .. انا ما أقارن وربي لكن مافيه تجارب لنا زي كذا
عشان كذا انا مستصعبة السالفه فهمتي علي


وفقتــي ويسـر الله أمرك ..

اممين يالغلا الله يسعدك يارب ويوفقك

عيوني تحكيني 08-02-2012 09:29 AM

تسلميــن ياقلبي من ذوقك ..

شوفي من ناحية اللبس أنا أشوف عادي لو تلبسين بناطيل على تي شيرت طويل ..
فسـاتين رايـقه ذووق طويلـه ..
حتى بيتك من ناحية الصاله والغرف ..
تقـدرين تحطـين لمستك الحلـووه فيها ..
وما أتـوقع راح تعارضك بشي أبدا ..
اذا عقلتــي معاها وصرتي حنـونه بتعطيك البيت كله :d..
..

وأستمـري على الأستخـاره ..

اذا تيسـرت أمورك معـاه معناتـه هو نصيبك اللي كاتبه لك ربي ..


الساعة الآن 10:53 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©