منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   ابتليت بزوج ضعيف (http://www.66n.com/forums/showthread.php?t=276818)

جهاد الحياه 13-03-2019 09:51 PM

ابتليت بزوج ضعيف
 
السلام عليكم
تكفون ساعدوني ابتليت بشخص مدري شقول عنه
ضعيف شخصيه اخوانه يشرقون به ويغربون به ع كيفهم
ولا يهمني دام الشيء بعيد عني بس المشكله الاساسيه اني عندي مبلغ كنت محوشته واخذه مني قال بتاجر به لك بالاقساط ويجيك ارباحه بعد سنتين فقلت اوكي واخذه عبالي رجال بيتاجر طلع معطيه اخوه يشغله واخوه الظاهر اكل الارباح ولي 5 سنين مااخذت ريال واذا الحيت عليه دق واتصل اسأل قال طيب بعدين ويصرف او يشرد برا مايقدر يواجه اخوه او يسأله لانه ضعيييييف شخصيه وفلوسي ضاعت بسببه لانا اقدر اكلم الرجال واسأل عن حقي ولا هو يسأل عنه
وكرهته وطفشت من شخصيته
وش اسوي مع هالبلشه ارجوكم ساعدوني عاجل

Meriem Aou 14-03-2019 03:28 AM

رد: عاااجل ابتليت بزوج ضعيف
 
السلام عليكم اختي
اختي هل زوجك طيب فيتلعب عليه فصار عند الناس الطيبة ضعف صحيح مالك ينبغي استرجاعه فهو حقك لكن ارى المشكل الاكبر في اخوان زوجك يستغلون طيبته او ضعفه لا ادري ايهم اصح بالنسبة لزوجك فحاولي اذا وجدتي من في عائلتهم يستطيع مساعدتك ك ام زوجك او ابوه يكلم ابنهم الذي اخذ المال ان يرجعه

سيد الرجال 14-03-2019 06:41 AM

رد: عاااجل ابتليت بزوج ضعيف
 
جربي كلمي ام زوجك او احدى اخواته

هذا حقك ومن حقك المطالبة فيه

جهاد الحياه 14-03-2019 10:56 AM

رد: عاااجل ابتليت بزوج ضعيف
 
هو يخشى المواجهه والتكلم بالحقوق شخصيته مايحب يكون بالواجهه ويطالب يحب يكون تابع
بس ورطني اخذ فلوسي ولاقدر يرجعها

NANA99 14-03-2019 02:00 PM

رد: عاااجل ابتليت بزوج ضعيف
 
اعتبريه اخذ فلوسك وشغلها بمشروع وخسر.. انسي موضوع اخوانه
او اعتبري نفسك انتي اللي عملتي مشروع وخسرتيه
المهم انسي الفلوس خلاص اللي صار صار
وهذا درس لك ماتسلفي زوجك ابدا ولا ريال مستقبلا

ترى المشكلة تافهه والفلوس تروح وتجي
لا تكرهي الرجال وتحتقريه بسببها.. هو ترى منحرج منك مسكين
زوجك طيب واخوانه استغلاليين.. خليهم براحتهم لايقين لبعض.. واذكري الله

جهاد الحياه 14-03-2019 02:13 PM

رد: عاااجل ابتليت بزوج ضعيف
 
اقتباس:

المشاركة الأصلية كتبت بواسطة NANA99 (المشاركة 3535499)
اعتبريه اخذ فلوسك وشغلها بمشروع وخسر.. انسي موضوع اخوانه
او اعتبري نفسك انتي اللي عملتي مشروع وخسرتيه
المهم انسي الفلوس خلاص اللي صار صار
وهذا درس لك ماتسلفي زوجك ابدا ولا ريال مستقبلا

ترى المشكلة تافهه والفلوس تروح وتجي
لا تكرهي الرجال وتحتقريه بسببها.. هو ترى منحرج منك مسكين
زوجك طيب واخوانه استغلاليين.. خليهم براحتهم لايقين لبعض.. واذكري الله


لو هو مبلغ بسيط نسيته المبلغ 250 الف بالنسبه لي المبلغ حلو واستفيد منه اشتري ارض اعمل اي شيء يفيدني به ليش يروح حلال عليهم

NANA99 14-03-2019 03:15 PM

رد: عاااجل ابتليت بزوج ضعيف
 
اقتباس:

المشاركة الأصلية كتبت بواسطة جهاد الحياه (المشاركة 3535500)
لو هو مبلغ بسيط نسيته المبلغ 250 الف بالنسبه لي المبلغ حلو واستفيد منه اشتري ارض اعمل اي شيء يفيدني به ليش يروح حلال عليهم

والله مبلغ كبير ما تنلامي صراحة
اقترح عليك تقولي لزوجك: معك اسبوع تكلم أخوك
لو مر اسبوع بدون فايده.. كلمي انتي اخوه
وقولي له يا ابوفلان الفلوس لي وانت اعرف ماترضى تاكل حلال غيرك


اعتقد اخوه بيعطيك جزء من المبلغ او يقسطه بمبلغ تافه
عادي اقبلي.. ومشي امورك.. لو قدرتي تاخذي نص المبلغ بركه..
والباقي بذمتهم

( أبو كنان ) ! 16-03-2019 06:30 AM

رد: ابتليت بزوج ضعيف
 
مبلغ ٢٥٠ الف هل اخذتي كمبيالات عليها او لا ؟
اذا ما اخذتي اوراق فعوضك على رب العالمين وهذا غلط منك احد يسلف احد بدون اوراق تحفظ حقه ؟
واذا عندك أوراق كلمي زوجك قولي لك وقت معين ماجبت فلوسي من اخوك برفع على أخوك قضية في المحكمة ويوقفون خدماته

واذا ماتبغين تزعلين زوجك اطلبي العوض من رب العالمين ولا تتوقعين في حل اخر

جهاد الحياه 16-03-2019 08:05 PM

رد: ابتليت بزوج ضعيف
 
اقتباس:

المشاركة الأصلية كتبت بواسطة ( أبو كنان ) ! (المشاركة 3535516)
مبلغ 250 الف هل اخذتي كمبيالات عليها او لا ؟
اذا ما اخذتي اوراق فعوضك على رب العالمين وهذا غلط منك احد يسلف احد بدون اوراق تحفظ حقه ؟
واذا عندك أوراق كلمي زوجك قولي لك وقت معين ماجبت فلوسي من اخوك برفع على أخوك قضية في المحكمة ويوقفون خدماته

واذا ماتبغين تزعلين زوجك اطلبي العوض من رب العالمين ولا تتوقعين في حل اخر

الكمبيالات باسمه هوو مااقدر اتصرف لانها باسم زوجي وانا عطيته يشغلها لاني واثقه مابياخذ شيء وهو فعلا ماياخذ وامين بس مايطلع الحق من الناس
والله يعووض عليا😕☹

العقل نعمة 17-03-2019 01:08 PM

رد: ابتليت بزوج ضعيف
 
وعليكم السلام ورحمة الله وبركاته
لا تضغطي على أعصابك وتسوء نفسيتك,
زوجك ليس بهذا الضعف والسوء حتما,
زوجك فيه طيبة وحسن نية وحسن ظن, ومع الأهل هذا ليس بغريب, بل هو دليل حسن خلق,
فلا تتركي أنت أيضا الشيطان يشرّق بك ويغرّب,
الدنيا تجارب ودروس نعتبر منها ونتسلّح للمستقبل,
ذكري زوجك بضرورة وفائه بوعده, ويمكن هو متضايق ايضا من فعل اخيه مثلك من فعله هو,
إذا صعب عليه مواجهة أخيه, استأذنيه في أن تكلّميه انت أو تتوسطي بأحد إخواته الآخرين أو والديه,
لعلّ هذا يدفع زوجك ليكون هو في الواجهة,
لكن خذيه باللين والهدوء على أنّك تريدين استثمار مالك فيما تنتفعون به جميعا,
واستمتعي بحياتك ولا تجعلي هذه العقبة تهوي بك وتدمر ببيتك,
فجمال الأسرة لا يعادله شيء.





الساعة الآن 11:54 PM.

Powered by vBulletin® Version 3.8.7
Copyright ©2000 - 2019, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©