كيف أقنع والدي ليوافق على زواجي ؟
 

السلام عليكم

ياعالم يابشر والله خلاص ماعاد فيني صبر كنا نقول الزواج تكاليف بتكاليف ومحد فينا يفكر يتزوج وحطينا لنا عذر وشوي قلنا المهر غالي والاباء اخذين بناتهم تجاره وهذا عذر ثاني....

والحين الناس والله تغيرت والبيوت تغيرت كثير كثير الناس صارت تبغا الستر والبنت نفس الشي ماعاد يهم كلام اول مهر غالي ومدري ايش واذا عالتكاليف عاد انت تفاهم مع اهل البنت وبيتفهمو وضعك دامهم يبون الستر

وادخل بالموضوع هذي كلها مقدمات ههههههههه

الحمدالله موظف لي سنه الحين وطلبت من اهلي الزواج تعرفون الزمن ذا اروح البقاله الي بحارتنا المكسره وياصغر البقاله على قد حالها وعنده السي وكل شي ابو قديم الله يرزقه راعيها المهم والله اروح لها البقاله اشوفلك ذيك ام عبايه مخصره ياساتر فتن عيني عينك والله حتى شغالات حارتنا صارو يفتنون اقولكم مووضه صارت الفتنه وانا واعوذ بالله من كلمة انا مثلي مثل اي واحد من الشعب غلبان ابي استر نفسي والله ياعالم ابغا الحلال مابغا اروح لطريق البنات(( من دق باب الناس دقو بابه))<<كل شاب يحط هالعباره بباله ,, والمهم كلمت اهلي ابتزوج وعندي دخل وعندي شقه بس الي ناقص بنت الحلال الي تبي الستر وترضا براتبي المتواضع مايتعدا ال3000 ووافقو اهلي ورحنا للناس الله يسعدهم يارب عن طريق الاهل وتقدمت لبنت وانا واهلي رحنا لهم باستثناء ابوي وانا جلست مع اخوانها والاهل يشوفو البنت وكذا

وابوهم متوفي والله ياجماعة الخير انهم عيال ناس ابن حلال استقبلوني احلى استقبال ودخلنا بالموضوع واني شاب راتبي على قدي وادور على بنت الحلال وقلي الاخ الكبير وهو متزوج وعنده عيال لاتشيل هم فلوسك ولاشي اهم شي الدين والاخلاق واذا عالفلوس انا ببدايتي مثلك تزوجت وراتبي 1800 واعتبر موضوع الفلوس راح بس خلنا نسئل عنكم بالاول وكذا وتمت الموافقه المبدئيه الحين مجرد جلسة تعارف من غير شي رسمي هذا الكلام صار برمضان ومن بعدها ليومكم ذا تخيلو كل ماكلم ابوي نمشي نروح نتقدم رسمي يقول لا انا مارضاها لبنتي تتزوج واحد مثل وضعك وكيف ارضاها على بنات الناس وصارت مشكله بالبيت وحساسيه بيني وبين ابوي لدرجة كرهته والله كرهته ليش يسوي فيني كذا قلتله انت اشلك واشل الناس هم راضيين خلاص هم ناس يبغو الستر وليش وليش وليش وقام يتعذر باعذار مافيها ايمان بان الله هو الرزاق ويبدل الحال من حال ويقول فلوسك ماتفتح بيت لما تتعين وتصير حكومي ذيك الساعه نروحلهم

ومابغا ادخل بتفاصيل المشكله الي كل يوم وانا ابوي لدرجه يقولي انت مين حط براسك فكرة الزواج روح عيش زيك زي الشباب يعني روح تعرف وروح فلها ورب الكعبه انه لو يكفشني مع بنت مابيقولي شي ولابيتضايق...!

وانا يمين بالله الحين الحين اقدر اطلع مع اي بنت من ذولي البنات بس مو من حلاتي الله يخلف بس ههههه

يعني من الشباب وكذا عزيمه تعال يافلان عندنا صيده بالشقه بتجي وارفض والله اني ساتر نفسي الحمدالله ومايعيبني شي غير الراتب البسيط الي بنظر ابوي

طيب انا ايش اسوي بالله دلوني ايش اسوي اروح انحرف والسب ابوي وبني ادم ضعيف والشيطان شاطر

وامي الله يحفظها معاي كل يوم انا وهي نزن على راس ابوي زوجه وهو الله يهديه راسه يابس لما يتحسن وضعه...!

والله العظيم نفسيتي زفت بزفت وامي الله يحفظها تقولي ياولدي مالك الا الصوم وغض بصرك
وابوك ان شاء الله بيحن عليك
وانا مابكذب عليكم استقامتي مو ذيك الاستقامه يعني الحمدالله صلاه وبار بوالديني واحب الخير للجميع

والباقي الذنوب الصغيره الي ماتخفا عليكم من اغاني وكذا بس كأخلاق والله ماتسمحلي اني انجرف ورا الفتن بس الشيطان مابيتركني بحاله من بعد كل مشكله مع ابوي وخصام يقولي ياولد روح سافر روح سوريا فلها لين تطفش ههههههههههه الله يعين بس

ياأخي كن جاداً مع أبيك في طرح الموضوع...

فإن قال لك كما ذكرت:

فذكّر أبيك بالله.. وقل له يا أبي أترضى هذا الشيء لواحدة من بناتك؟

يا رجل أعراض الناس ليست لعبة وفاكهة يتفكه بها..
................................................
أما بخصوص موضوع زواجك واقناع أبيك, فمن الممكن أن تستعين بأحد أعمامك أو أخوالك وتطرح له الموضوع بكل وضوح وإن أهل البنت موافقين..
ثم هو بدوره يقوم بمحاورة والدك في الموضوع..
أسأل الله أن يوفقك ويعينك....
واحذر أن تخربها حتى لا تخرب عليك دنياك وآخرتك.

هلا اخوي ابو ناصر

جاد؟؟؟ يابن الحلال اقولك خصام وهواش ومايفك الخصام الا امي ماهو راضي يتقبل ولا راضي يفهمني اقوله طيب اعطيني عذر غير الفلوس اقنعني اتفاهم معاي يقولي حل عني بعدين افهمك تصريفه

فكرتني بقصة شاب كان معنا هنا و كانت أمه رافضة تزوجه

و الحمد لله ، كلها أسبوع تقريبا ،، و جاء يقول باركولي أمي قبلت تزوجني


أخوي ، أبوك يقول لك كذا ،، روح فلها ووووووووو إلخ

لإنه متطمن إنك ولده ، و واثق من تربيته ماشاء الله

فإنت لازم تمثل عليه ، إنه الموضوع جدددددددددددد

( مثّل عليه كم يوم ، إنك متعرف على بنات ، و اسهر مع صاحبك و تاخر و أرجع و رش من عطر الحريم على ملابسك ،
خلي أبوك يحس إنك سمعت كلامه و عملت اللي براسه و قول له صاحبي عرض أخته لي للزواج أو أي شئ )

المهم ، إنت تعرف أبوك و شوف إيش الشئ اللي يخاف عليكم منه ، و كأنك بتعمله

و تلاقيه تاني يوم بيروح معاك و يخطب لك إن شاء الله ، و إنت فهم أهل البنت علشان لا يطفشوا و يقبلوا غيركم ؟

لا حول ولا قوة الا بالله
يعنى اذا كان الولد جد مو عاجب واذا كان طايش مو عاجب
انت لازم تبينله جديتك بالموضوع ولازم تفهم والدك انه نفسة اكيد بدأ مع والدتم من الصفر
واذا عندك اخوان خليهم يساعدوك

والله يابو ناصر كلامك عين العقل وجاتني هذي الفكره والانسان الي يعز عليه ابوي بمنطقه ثانيه هو الوحيد الي ممكن يسمع منه اما غيره مايسمع هو ابوي اكبر من عماني

والي كلمت الوالده عن ذي الفكره قالتلي لا انا اعرف ابوك كذا انت زي الي تكسر كلامه وهذي خصوصياتنا ماتطلع برا البيت

الله يسمع منك يارب ويوافق

والله كأنك عايشه معنا وفاهمه الوضع :22:

هو متأكد انه مالي بالخرابيط وقال كذا لانه واثق بس بنفس اليوم الي قالها بعدها بساعتين سويت فلم هندي والله ههههههههههه دخلت الشقه ومعصب واسوي اني ادخل ملابسي بالشنطه وامسك الشنطه واطيحها بالارض عشان الفت النظر ويجون يشوفوني ايش يسوي ولما جو ابوي وامي قالو خير اقولهم ابسافر بروح............ ابفلها هناك واجيكم ههههههههههه وخذلك كلام وهواش لين امي طلعت ابوي برا الغرفه ومسكتني وجالسه تترجا فيا وتقول تعوذ من ابليس هههههههههههه قلتلها هيا شفتي هذي المره عشانك وقولي لابوي بيوافق ولا اعيش حياتي

وانا ابمسكه من اليد الي توجعه الوظيفه هو موظفني بالواسطه الوظيفه الي انا فيها هو معايا بالاداره وانا مدني كذا مره لمحت له اني على ايش موظف ابطل احسن وحسيته بعد ماقوله كذا يبدء يقولي ياولدي ياحبيبي ههههههههههههه والله ابوي ذا مصيبه قلك الحين طيب معاي لدرجه وربي اقول حرام والله مايستاهل اسوي بابوي كذا

بس ان شاء الله خير وابشركم