سؤال عن جامعة البنات في الرياض
 

السلام عليكم,

ياجماعه انا مذكور لي بنت فيها جميع المواصفات اللي طلبتها :d لكن فيه شي ماقدر احد يفيدني فيه واتمنى منكم تساعدوني.

البنت قيل لي انها تدرس جغرافيا فالجامعه وصارلها سنه ونص, انا ابي اعرف الجغرافيا ذي كم سنه دراستها؟ 4 ولا 3؟لاسباب شخصيه, وبعدين هل هي صعبه ولا سهله؟ يعني اذا قلنا انها 4 سنين هل بتتخرج بسهوله بعد 4 سنين ولا بتحفرلها سنه سنتين زياده؟

الله يوفقك

حسب علمي أربع سنوات

وهل سهلة ولا صعبة ماحد يقدر يقول لك على حسب شطارة خطيبتك ..

يعني بالنسبة لي أنا الجغرافيا صعبة .. لكن الرياضيات سهلة .. يعني ممكن أرسب في الجغرافيا وأنجح في الرياضيات

الله يوفقها يارب

مرحبا .......

طيب ليش معصب :(يعني راح تفرق سنه اسئل عن اخلاقها جمالها

اسأل خواتك امك قل كيفها بالدراسة شطوره ولا راح تحفر على قولتك

لايضيق صدرك الله يوفقكم وعساها تجلس بالكلية 40 سنه والله اذا حبيتها راح يكونو عسل على قلبك

تقبل مروري ....

اول شي احب اشكر جميع اللي ردوا علي ثانيا يا اخت كنافه ترى لحستي مخي وش اللي معصب الحين؟

الحمدلله البنيه فيها كل المواصفات مثل ماقلت لكن بس حبيت اعرف هالمعلومه البسيطه "لاسباب شخصيه" مثل ما قلت ايضا و انا ماعندي خوات و الوالده ماتقدر تسأل.... زبدة الحكي المعلومه وصلت وشكرا.

الجغرافيا صعب لكن فيه متعه وثقافه ,,وقسم متعبه دراسته نوعا ما خاصه آخر سنتين,,لأن بعض المواد تكون نظري وعملي فالجزء العملي كان ياخذ وقت ومجهود كبير من حيث رسم الخرائط وتوقيع الاحداثيات وغيره,,غير كذا كنا ندرس احصاء وعلم الخرائط ومواد ثانيه نشتغل عليها عن طريق برامج في الكمبيوتر,,أنا درست الجغرافيا بكليه وانت عارف ان نظام الكليه عندنا بالسعوديه يختلف عن الجامعه,,في الجامعه البنت تختار عدد المواد الي تدرسها كل سمستر لكن بالكليه كان النظام وعدد المواد ثابت,يعني البنت وشطارتها تبي تخلص دراسه بتاخذ عدد ساعات أكثر وان حصل تاخذ صيفي,,واذا تبي الشهاده عالهون والسعه ممكن تاخذ سنه أو سنه ونص زياده,,

ما فى شئ صعب على المجتهد