منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   صحة المرأة (http://www.66n.com/forums/forumdisplay.php?f=107)
-   -   ::: متى تبدأ الحامل بتناول التمر لتسهيل الولادة ::: (http://www.66n.com/forums/showthread.php?t=172740)

ملَك شادي 10-09-2008 09:00 PM

::: متى تبدأ الحامل بتناول التمر لتسهيل الولادة :::
 
السلام عليكم ورحمة الله و بركاته

متى تبدأ الحامل باخذ التمر بغرض تسهيل الولادة انا الان يمكن اسبوع او 10 ايام وادخل التامن

ونا اصلا مابحب التمر وماكنت احب افطر عليه برمضان

لكن رمضان هادا حاباه غير شكل

وماكنت ارضا افطر فيه لانو بعرف انو بسهل الولادة

فزوجي قلي المفعول بدو فترة من هون للولادة بصير التسهيل

فالي كذا يوم بفطر عليه 3 تمرات

فصاحباتك الخبرة تنصحوني استمر في هالاشي ولا لا؟

اكل التمر من الان لنهاية حملي إن شاء الله ولا باي وقت

والي جربت التمر عنجد بسهل ؟وشو بيعمل كيف بتحسي يعني الفرق؟


معلش سؤال اخر لصديقتي

هية الان باخر التامن

وبتقول طالع معها سيلولايت

بدها تستعمل كريم نيفيا الخاص بالسيلولايت

على المناطق الي انتو عارفينها

انا قلتلها هاي الكريمات عالفاضي لازم جمبها رياضة

وهية مصممة تستعملو

بقلها ليكون يضر جنينك

قال لا مابيضر

بعد الخامس عادي الوحدة تستعمل هيك اشياء

فقلتلها اسكتي وبسالك خواتي هون

عادي تستعمل كريم نيفيا للسيولايت

هوة يحتوي اظن على البروتين والكارانتين والاشياء هاي الي بتقوي نسيج البشرة

حذرتها ليكون فيه ضرر عالجنين مش راضية ترد وراكبة راسها

شجاعة مش خوافة متلي طول الحمل ماتجراة استعمل شي

دوب كريمات مرطبة


المهم انتظر جوابكم عالسؤالين هادول
وبارك الله فيكم

Dr.NaNnu 11-09-2008 02:22 AM

الله يقومك بالف سلامة ونفرح بالبابي:15: هو ولد ولا بنت؟
التمر حبيبتي تبدأي تاكليها من بداية الشهر التاسع 7 تمرات في اليوم:29:
وعن التجربة صراحة انا ولدت مرة واحدة وكنت اكل فيها تمر وما اعرف يعني لو ما أكلت ايه راح يصير بس الحمد لله ولادتي كانت سهلة:22::22:
يكفي انه ذكر في القران حيث امر الله مريم ان تأكل منه وقت مخاضها"وهزي اليك بجذع النخلة تساقط عليك رطباً جنيا"

والتمر فيه انواع كتيرة ومنها انواع حلوه كتيييييييييييييييييييييييييييييير اختاري نوع حلو علشان تاكليه وانت مبسوطة:23:


بالنسبة للكريم والله ما عندي خلفية
بس انا كنت استعمل كريم حلو كتير مكون من زيت الزيتون ومجموعة زيوت طبيعيه اسمهHipanthin

الدكتورة كانت نصحتني فيه كمان ريحته كتير حلوه
يالله الله يقومكم بالسلامة انتو الاتنين

ملَك شادي 11-09-2008 03:29 AM

شكرا اختي الغالية بارك الله فيكي

يعني مش من هلأ اكل التمر بدري صح؟؟؟

شكرا الك كتير انا بحلم انو ربي يكرمني بولادة سهلة ومااحس فيها بركة منه يعني

يارب

بالنسبة للكريم شكرا الك كتير انا كنت بس بدي اعرف لو مضر عالجنين في المرحلة الاخيرة او لا

لانو هية مصممة تستخدمو

الله يهديها

عبير الأحلام 11-09-2008 04:32 AM

ياقلبي عليكي الله ييسر لك ولادتك ونفرج بيكي وبالبيبي الحلو متل أمه

ياقلبي التمر أو الرطب وهو الافضل تاكليه في الشهر التاسع لانه يحتوي على مادة شبيهة بالمادة الموجودة في الطلق الصناعي واسمها بروستاجلاندين وهذه المادة تساعد على انقباض الرحم وتقوية عضلاته

بالتالي تاكلي الرطب والعسل في شهرك التاسع وتكثري من العلاقة الحميمية وباذن الله تتسهل ولادتك

بس لاتكثري من الرطب والعسل من الان لانهم حالين كثير وممكن يجيكي سكر الحمل لاقدر الله

الله ييسر لك ويقومك بالسلامة

غدير ام حسام 11-09-2008 05:10 AM

الله يقومك بالسلامة ان شاء الله انا كمان حامل و كمان اسبوع بدخل في التاسع و بلشت اكل تمر من اول رمضان لاني انا كمان ما بحبه كتير و بعدين انا ما شاء الله هده الولادة الخامسة لي فان شاء الله تكون ميسرة كمان بسمع انه المشي كتير بسهل الولادة انا بحب كتير المشي او بالاحرى مضطرة امشي مع اولادي الثلاث لانهم لازم يروحوا على الحديقة كل يوم تقريبا و يلعبوا و انا بضل وراهم ف بلشت مشي من زمان الله يسهل عليكي حبيبتى الولادة و تقومي بالسلامة اما بالنسبة لسؤالك الثاني و الله ما عندي فكره بس الفضل انه صاحبتك تستنى ل بعد الولادة

الحنين للجنان 11-09-2008 05:34 AM

الله يسهل ولادتك وولادتي وجميع المسلمين ..

بس الي أنا أعرفه في أي وقت آكل تمر عادي ومايضر أن شاء الله ..

أنا في بنتي ألي قبل أكلت التمر من حملت حتى الولاده والحمدلله على تسهيله ..

أتوكلي على الله وأكثري من الأستغفار ..فهي السر في جميع الأمور ..

في حفظ الرحمن ..

om mody 11-09-2008 06:24 AM

حبيبتي التمر مفيد لك ولجنينك في كل شهور الحمل

لكن في التاسع تكتري منه

وربي يسهل عليكي يارب

طيوفة المزيونة 11-09-2008 09:10 AM

شغالتي الاندونيسية تقول لي اول مايجي الطلق اشربي مويه محلاه بسكر ويش رايكم

مدام الاء 11-09-2008 12:19 PM

ان شاء الله تقومي بالسلامه
التمر بالشهر التاسع لازم تكتري منو بس ديري بالك على أسنانك
آخر شهر بالحمل من كتر التمر صارو أسناني يوجعوني جبت تمر مطحون الي بستعملوه بالمعمول وصرت احط بالمعلقه شوي وأحاول أبلع من دون ما ييجي صوب الاسنان
وطبعا البكري الوحده بتلاقي صعوبه بالولاده ويمكن يتأخر موعد الولاده كمن يوم طبعا البكري بدلل علينا
وما تنسي المشي بآخر التاسع
وبالنسبه للكريمات الوحده بتخاف تحط اي شي بفتره الحمل... خلص بعد الولاده الا نلاقي حل...مش محرزه
صحيح قوليلنا ولد ويلا بنت وشو اخترتي أسماء

ناآاني 11-09-2008 12:38 PM

اقتباس:

المشاركة الأصلية كتبت بواسطة طيوفة المزيونة (المشاركة 1966933)
شغالتي الاندونيسية تقول لي اول مايجي الطلق اشربي مويه محلاه بسكر ويش رايكم

‏@‏@@
ديري بالج لايضرب عندك السكر
الدارسين ثم الدارسين ثم الدارسين
ولاده سهله للجميع


الساعة الآن 03:02 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©