|
تطعيمات الصغار 🤦🏻♀💔💔
صباح الخير كيف حالكن ؟
كيف الصغارير ياناث وش هالقسم لو منتبهة له كان حطيت موضوعي اللي هو التطعيمات نواف وراف عيالي ❤❤❤ باتكلم عنهم انا وحدة م احب ارفع صوتي عليهم حتى ، انا اللي اتاذى وتتعب تفسيتي وابكي ومانام الليل 😂 فـ مع كل تطعيمة اقلب الدنيا واصيح وانهبل لانهم والله يتعبون 💔💔 يتعبون تعب موب صاحي اول شي الحرارة توصل 39-40 وهذا رنج عالي وخطير ويجيهم زي الدوخة مايتحركون كأنهم مخدرين الاثنين ماياكلون ولا يشربون الا اذا نامو رضعتهم 😭 نقعد كذا ثلاث ايام تبهذلت والله حتى احس يجيهم انتفاخ فخوذهم وازرق! ماقد شفت اي طفل كذا حتى الدكتور يقول اوكية فيه اعراض جانبيه فالتطعيم بس هم بزياده حالتهم غريبه 😂😂😂 كل مرة اقول افكر معد اطعمهم خلاص بس قلبي م يعطيني اخاف عليهم 💔💔 |
رد: تطعيمات الصغار 🤦🏻♀💔💔
الله يخليهم لك ويحفظهم من كل شر
الاعراض التي ذكرتيها طبيعية حمى وتورم مكان الحقنة لثلاثة ايام لكن في طريقة امي تعمل كمادات ساخنة مكان الحقنة يخففه قليلا طبعا مع مخفف الالم |
رد: تطعيمات الصغار 🤦🏻♀💔💔
اقتباس:
عشان كذا م تنزل حرارتهم الا اني اكبس عليهم بطانيات لين يعرقون |
رد: تطعيمات الصغار 🤦🏻♀💔💔
الله يحفظهم من كل شر
انت عطيهم تحميلات البراسيتامول كل 5 ساعات تقريبا كذا الحرارة بتضل منخفضة وبتخف معها الأعراض |
رد: تطعيمات الصغار 🤦🏻♀💔💔
الله يخليهم لك والله انا اطعم ولدي ويتعب وتورم مكان التطعيمه وترتفع حرارته واتالم لنه يتالم قلبي يتقطع عليه
|
رد: تطعيمات الصغار 🤦🏻♀💔💔
اعطيه المسكن قبل التطعيم ..
بنتي اول تطعيمة ارتفعت حرارتها ل40 .. طبعا تطعيمة الشهرين بس صرت أول ما أطعمها وانا بالعيادة اعطيها تحميلة .. لاحظت اذا عطيتها خافض شراب تستفرغه لانها تبكي .. واركب المنبه كل 4 او 6 ساعات اعطيها حتى لو كانت الحرارة قليلة .. طبعا احط كمادات دافية ع فخوذها مكان التطعيم .. واخفف لها لبسها اهم شيء كيف تبين الحرارة تنزل وانتي مغطية عيالك بالبطانيات ؟ ع العموم اخذ جرعة التحميلات من الطبيبة مستحيل ازيد عليها او انقص .. وحرارة التطعيم تستمر 24 ساعة فقط طبعا لازم اتاكد قبل التطعيم انهم ماعليهم حرارة او مصابين بانفلونزا او فيه مريض عنقز بالبيت .. ان شاءالله ربي خير حافظ ❤ |
رد: تطعيمات الصغار 🤦🏻♀💔💔
تحاميل م عطيتهم الصدق
اتذكرها وانا صغيره واكره نفسي 😹🤦🏻♀🙈🙈 بخصوص البطانيات هذي زوجي قالي لفيهم ببطانيات ثقيله وراح يعزقون وتنزل الحمى بسرعه الخافض اعطيهم قبل التطعيمه ىيبكون ويستفرغون وارجع اعذيهم معد يتقبلونه |
رد: تطعيمات الصغار 🤦🏻♀💔💔
يوه يالاخطاء الاملائية
يعزقون=يعرقون اهذيهم=اهطيهم |
| الساعة الآن 08:40 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©