|
سكنوا بالعمارة جيران مؤذيين كيف اتصرف؟
السلام عليكم ورحمة الله وبركاته
انا واهلي متأذيين جدا من جيران النا اصبحوا فجأة يقللوا ادبهم امامنا لما يصادفونا او نصادفهم عالدرج متلا صاروا يسكروا الباب باعلى صوت وبقوة لما يشوفونا نازلين او طالعين عالدرج بناتهم ونسوانهم يحاولوا اغاظتنا انا وماما بحركات وكلمات خارجة عن الادب وكأنهم بيكلموا بعض كانه الكلام بينهم صوتهم عالي عالدرج ضحكاتهم وقهقهاتهم اشي بيخزي قدام الجميع وعلى سمع جميع الجيران بصراحة انا صرت اشمئز من العمارة بسببهم وصار عندي وعند اهلي طاقة سلبية من هالعمارة بسببهم هم المؤذيين عائلتين شقتين منفصلتين قبل كم يوم وحدة من الحي الي ساكنين فيه حكتلي انه وحدة من جاراتنا هدول المؤذيين حكت عني وعن اهلي كلام خارج عن الادب وسبتني انا بالذات شتائم كتير وسخة وانا بصراحة مقهورة كتير فكرت اشتكي عليهم للشرطة في الفاظ مابينسكت عليها بس اهلي عيلة مسالمة ومابيعرفوا لاشرطة ولامخافر كيف احطلهم حد؟ صعب ننقل من العمارة لانه النا فيها سنين طوال جدا ومتعودين عالمنطقة ومرتاحين فيها بس لما سكنوا هدول الجيران قرفونا حياتنا والمصيبة انه رجالهم ماالهم كلمة على نسوانهم وبناتهم كزا مرة وحدة منهم بتطرد زوجها برا البيت بعد ماتسبه وتنعته باوسخ الالفاظ جيران مقرفين اتورطنا بهالجيران هلأ انا خايفة ازا اتقدملي عريس انهم يوسخوا سمعتي او شي متل هيك لانهم ناس والله انهم مابيخافوا الله شو اعمل؟ بدي تجارب مشابهة او نصائح او حلول لو تكرمتوا وشكراdff |
رد : سكنوا بالعمارة جيران مؤذيين كيف اتصرف؟
كلمو صاحب العمارة ووقولوا له أن احنا متأذين منهم
والي بعد متأذين يكلمونه بس راح يقول لما ينتهي العقد الله يصبركم ويعينكم احنا الدور الي فوق مره كنا متاذين منهم ابوي طلعه بالغصب بس إلي ساكن فيه أتهم ابوي انه داخل ع عياله وحرمته وصارت مشاكل وشرطه وبالأخير طلع بالغصب لأنه بجد تأذينا منه الله يعينكم عليهم |
رد : سكنوا بالعمارة جيران مؤذيين كيف اتصرف؟
اقتباس:
بس بدي أسألك انتوا بس الي اشتكيتوا ولا في جيران غيركم كمان ؟ وشو طبيعة الأذى الي كان صادر منهم ؟ شوفي بالنسبة لصاحب العمارة اهم شي عنده انهم بيدفعوا الايجار اول بأول وبالنسبة لهدول الجيران المشكلة انه نسوانهم وبناتهم الي عاملين الشوشرة مو رجالهم وماحدا حيرضى يشكيله عن افعال نسوانهم وبناتهم لانه متل مابتعرفي حيعتبرونا جايين بعرضهم وحيكبروا الموضوع ويقلبوا القصة لصالحهم حسبي الله ونعم الوكيل |
رد : سكنوا بالعمارة جيران مؤذيين كيف اتصرف؟
الله يعينكم
مالكم الا تكلموا صاحب العمارة كان جارنا مزعج ,, مراهق حفلات وسهر وشله طالعة نازله كل السكان اشتكوا عليه وطلعوه غصب عنه بنفس الشهر |
رد : سكنوا بالعمارة جيران مؤذيين كيف اتصرف؟
بعض النساء هداهن الله معاشرتهن خيبة وحسرة
ولا يسلم من يجالسهن من الغيبة والنميمة والغيرة حد الموت لو كنت مكانك أختي للجأت للسلم قبل الحرب.. وتودت إليهن بما أستطيع .. كإعداد طبق وإرساله لهم .. أو دعوتهن لفنجان من الشاي والترحيب بهن بحرارة .. إرسال باقة ورد في مناسباتهن السعيدة اصطحابهن لأماكن الوعظ والإرشاد بغية تثقيفهن دينياً لعل الله يهدين ويتركن أذية المسلمات وغيرها الكثير والكثير من الأفكار.. مع الدعاء لهن بالهداية وجميع بنات المسلمين افعليها لله أنت ووالدتك ولا تلتفتي للنمامات اللاتي ينقلن أحاديثهن لكن فالنميمة عقوبتها عند الله عظيمة بل لشناعتها كان ثلث عذاب القبر بسببها.. نعوذ بالله من كل فعل يغضب الله نعم هن أخطأن بذكرك بسوء ولكن نقل الكلام أشد قباحة لما فيه من إيغار صدور المسلمات على بعضهن البعض.. وانظري لحالك والألم الذي يعتصر قلبك بسبب نقل الكلام وربما قد زيد عليه أو تم افتراءه بالكلية والله أعلم.. أما أفعالهن الأخرى كإغلاق الباب بقوة والقهقة وما سواها يا أختي كبري عقلك هذه التصرفات لا تنقص من قدرك شيئاً تغاضي وكأن شيء لم يكن فمجاورة البشر يشوبها بعض الكدر وإذا لم تفلحوا معهم خاطبوا صاحب المسكن ليخرجهم في موعد انتهاء عقدهم دون أن يذكر لهم أن هناك من يشتكي منهم إنما يبلغهم بحاحته للمسكن فقط حتى لا يكون الشق أكبر من الرقعة بالتوفيق.. |
رد : سكنوا بالعمارة جيران مؤذيين كيف اتصرف؟
اقتباس:
لا احنا بس لأن بيتنا كلمنا العقار قال لما يخلص العقد رحنا للشرطة ورضخو للأمر الواقع وكان أهو وزوجته كل يوم هواش ويطققون الباب علينا ونص الليل صراخ وم نرتاح ابد وكلام وصخ بينهم يعني شكينا فيه |
رد : سكنوا بالعمارة جيران مؤذيين كيف اتصرف؟
اقتباس:
بالنسبة انه نكلم صاحب العمارة ياريت هالشي صار عنا امنية بابا ماحيرضى يتكلم مع صاحب العمارة عن افعال النسوان وبناتهم بابا واخواني كمان متدايقين من افعالهم بس مابيقدروا يكلموا صاحب العمارة بخصوص هالنسوان وبناتهم مابنضمن ممكن صاحب العمارة ينقلهم هالشي مابدنا نفوت بقيل وقال وقصص معهم ويصير بينا وبينهم مشادات كلامية عالعلن والمشكلة انه الجيران الباقيين اشي منهم دايما مسافرين يادوب يقعدوا كم شهر ويسافروا واشي منهم رجل وزوجته وابنه الصغير وجميعهم منزعجين منهم بس ماحدا منهم بده يشتكي الي مسافر بيقلك انا مالي دخل مابقعد بالشقة الا يادوب وبسافر والتاني بيقول انا وابني ومرتي بحالنا ومابدنا نحتك فيهم ولايجينا وجع راس مشانهم يعني من الآخر ازا حدا اشتكى مافي غيرنا احنا وبهيك ممكن صاحب العمارة مايصدقنا ازا اشتكينا لحالنا حسبي الله ونعم الوكيل |
رد : سكنوا بالعمارة جيران مؤذيين كيف اتصرف؟
اقتباس:
كلامك رائع وبجيب نتيجة ممتازة بس مو مع كل البشر اقسم بالله انه اخر مرة شفتهن كنت ناوية اسلم عليهن وربي يشهد عليي بس افعالهم بتخزي شافوني بناتهم نازلة عالدرج وسكروا الباب بقوة والله لهلأ صوت خبطة الباب بداني افعالهم مقرفة مخزية والله يااختي الكريمة انه مابدر منا تجاههم الا كل خير وربي يشهد على كلامي بس هم نيتهم شر في ناس لو ماأذوا غيرهم مابيعرفوا يعيشوا والله صرت دائما لما اطلع من الشقة اقول اللهم اكفنيهم بما شئت مو عارفة شو احكيلك والله نصيحتك رائعة ومجدية بس مع الناس المحترمين مو مع الكل ماما بتحكيلي طنشيهم واتحسبي عليهم وصرت دائما اتحسب عليهم والله مرة كنت مقهورة من افعالهم كتير وفكرت ابعت مسج لصاحب العمارة احكيله عنهم بدون مااكتبله مين الي باعت بس اتراجعت حسبي الله ونعم الوكيل |
رد : سكنوا بالعمارة جيران مؤذيين كيف اتصرف؟
اقتباس:
عقبال عنا يارب |
| الساعة الآن 07:00 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©