|
زوجي مسافر بدون علمي ومستغفلني (حُلت ولله الحمد)
كيفكم
راح ادخل بالموضوع لاني مالي نفس بالمقدمات انا اكتب وقلبي يعتصر الما زوجي بهالاجازة حسيت انة متضايق ومال من صجة الاطفال اقترحت علية انه يسافر لوحدة لانه من زمان نفسة يسافر قلتلة رح ودربك خضر وانا راح اقعد وامشي العيال طبعا هو سافر للشرقية وكلمني اليوم وكان بالبحرين وما قالي انه هناك بس قالي باجل منب جاي الى ااخر الاجازة مع انه واعدني يجي قبل يومين مادريت الا زوجت واحد من الشله اللي رايح معهم ارسلتلي تقول انهم هناك وعلى طووووول دقيت علية قلت وش صار متى بتجي قال مادري الى اللحين قلتلة طيب وينك اللحين قال هااااااااااااااه ليش!!!!!!!!!! قلت لا بس اسال قال بالدمام ويسمع اللي عنده واسمعهم ميتين من الضحك علي!!!!!!!!!!!!! قلت ليش الجحادة انا ادري انك بالبحرين قال من قالك قلت انا عادي كيفك تروح للي تبي بس حط عندي خبر مب انا اخر من يعلم بعدين قلتله الله يحفظك وسكرت ودق علي مرتين ما رديت باسألكم شباب قاعدين بالبحرين الى الفجر وش يسوون؟؟؟؟؟؟؟؟؟؟؟؟؟؟ ليش ما قالي ليش جاحد؟؟؟؟؟؟؟؟؟؟؟؟؟؟ ليش يضحكهم على؟؟؟؟؟؟؟؟؟؟؟؟؟ لكن اوريه اللحين بضف قشي بروح لهلي مع اني ضد هالاسلوب ياعمري انا قاعدة استعد واصلح فطاير وحلويات وبالونات ناوية استقبلة احسن اسقبال ردو على اسفهاماتي عساكم بالجنة ووالديكم |
استقبليه عادي وامسكي بيتك ولو كررها تصرفي تصرف ثاني
الحركة مو سهلة انا حاسه فيكي بس اعتبريها غلطة وزلة واغفريها ولو تكررت زي ماقلتلك لاتعديها الله يهدي بالك ياحبيبتي |
هدي نفسك الله يصلحك
معاكي حق تزعلي ..بس مو تتركي البيت وتروحي لأهلك الان انتي لسه زعلانة بكرا تهدي وفكري على مهلك ازعلي عليه ولا تسوي حفلة استقبال بس ادبيه انتي في بيتك ولا تردي عليه عشان يرجع من السفر بدري كيف لو قلتلك ان أبو العيال ضحك علية وقالي بسافر اليمن للدعـوة وتركني نفاس مالي اسبوعين واتفاجأ انه راح سوريا يتمشى مع اصحابه زوجك يمكن اصحابه قررو يروحو البحرين وهو طبعا بيكون معاهم معليش ياقلبي هدي نفسك وربي يهديلك زوجك ويصلحه |
’، لالالالا تكفين على بيت اهلك مره وحده !! لاياقلبي لاتخلين الشيطان يكبر السالفه تعوذي من ابليس ~ مادري وش التصرف الصحيح ~ بس احس لو ودك تكسـرين عينه وخاطره ~ علقي كم بلونه انزين ! واذا جا قولي علقتها كنت باستقبلك ومتجهزه لك بأحلى استقبال بس انت زعلتني ! ووقفت ماكملتها ! ونزلي كم دمعه .. وعاتبيه وانتهى الموضوع ! ليش انتي مكبره الموضوع .. خلاص طنشي يمكن صح ماكان بباله .. ~ وخوياه هم الي قرروا يوم راحوا للشرقيـه ~ بس خلينا نشـوف رد الصبايا المتزوجات يمكن يفيدونك بنصيحه كويسسـه ~ ** |
بسم الله والصلاة والسلام على رسول الله
اتشرف بان تكون اولى مشاركاتي هنافي موضوعك اختي الكريمه اول شيء انتي غلطانه من ساسك لراسك لانك سمحتيله بالسفر من دونك حتى ولو كان داخل السعوديه طالما انك كنتي عارفه انه يقدر يسافر لاقرب دوله دون اي مانع رسمي مثل عمل او خلافه المفترض ان تغاري عليه حتى من ظله ثقي تمام الثقه ان الرجل ان لم يجد تجديد في بيته فهو ملول بطبعه مثل الطفل المدلل ان لم تلبى طلباته سرعان مايحتال بالبكاء والصراخ لتلبيتها ليش يطلع يتمشى خارج منطقته لوحده رجلك على رجله وين مايروح هذا اذا كان اساس البيت الموده والرحمه والاعتبار بكرامة شريك الحياة اما اذا كان الوضع كل واحد ماهو طايق وجه الثاني فلاحكم للشواذ عن القاعده الرئيسيه للزواج رغم اكثريتهم عموما ليس هنا بيت القصيد المفترض الان انه اخطاء وجرح كرامتك ولو انه لايقصد ولا اعتقد انه فيه رجل يرضى ان يضحك زملاءه على اهل بيته وام اطفاله لكن الي معاه مجموعة حثاله ولايحترمونه حتى يحترمون اهل بيته من ناحية اخرى الي بلغتك هذي فتانه ومنافقه وحاسده وكارهه لو فيها خير ما مشت بالنميميه والنفاق وتسعى لخراب البيوت حتى لو كانت قريبة لك نصيحتي لك لاتخربي بيتك بيدك مهما كانت الاسباب شوفي وش افضل طريقة لرد اعتبارك دون خسارة بيتك وشماتة الناس فيكي حلي امورك الخاصه بالكتمان واحرقي اعصابه مثل ماحرق اعصابك بس كله لايتعدى جدران البيت مهما كانت الضروف سافرت الشرقيه قبل اسبوعين وكنت في بيت عديلي وزوجتي منشغله مع اختها على طول واقدر اسافر البحرين وارجع في اي وقت وتحت اي عذر واهي ولكني احترمها واقدسها في حضورها وغيابها لاني وجدت ما اريده عندها ولله الحمد فلماذا اخون واكذب واهين قدسية زواجي مافي احد كامل الا الله سبحانه وتعالى وابن ادم مايملا عينه غير التراب وانتم بكرامه ولكن القناعة كنز لايفنى نصيحة من اخوك في الله داوي امورك بنفسك ولكن فقط داخل جدران بيتك ولايعلم عنها غير الله سبحانه وتعالى |
اشكركم جميعا بدون تخصيص والله ان يدي ترتجف من القهر
وانا اساسا قاعدة فبيتي وهو مسافر ومستحيل انام عند اهلي لاني مارتاح غير ببيتي لكنة شايفها نقطة ضعف فيني عشان كذا بروح لهلي حتى انه امس يقول وشفيك انتي نامي عند اهلك انا ماراح اقول لهلي اي شي لاني مابي اشوه صورتة لانه رجل ملتزم امام الناس اخي فارس الكلمات اشكرك واثني عليك في احترامك لزوجتك ويسعدني ويشرفني ان اكون اول من رددت علية واحب ان اوضحلك اني اهتم بزوجي وهو كذالك وانا لم اكن ااويد سفرة حتى اني كنت كاتبة فموضوع سابق اني مابية يسافر لوحدة وكنت نفس تفكيرك لكن الكل نصحني بالعكس بما ان معي طفلة صغيرة 5شهور وسبق ان سافرنا واتعبونا وارهقونا الاطفال فقلت بخليها زي المفاجئة لة عشان يرجعلي بنفسية جيدة لكن خير تعمل شر تلقى |
المرة ارسلتلي تقول انهم مارجعوا الا 4ونص الفجر يعني بالاهي وين سهرانين بالضبط وشي الاماكن اللي ماتسكر الا الفجر ؟؟؟؟؟؟؟؟؟؟؟؟؟؟؟؟؟؟
لملمت قشي وراح اوح بكرا لهلي صراحة ماقدر اشوف وجهه على فكرة كل امس واليوم ارلة رسايل شوق وحب ومارد علي بس دق ويكلم وهو عندة احد وش رايكم ارسلة الرسالة التالية ولا لا تروح للبحرين كيفك انت حر تقعد الى نص الليل !!!!!!!!!! كيفك تجحد ماتقولي برضو كيفك لكن اكلمك اسال وينك وتضحك بعقلي تقول بالدمام وتسمع اللي عندك تضحكهم علي !!!!!!!!!!!!!!!!!!!!!!!!!!!! مير خير تعمل شر تلقى ردوعلي تكفون |
ليش انا صايينه نفسي بغيابة واتجهزلة وانضر جيتة على احر من الجمر؟؟؟؟؟؟؟؟؟؟؟
ليش انا قاعدة اصالي عيالنا وامشيهم تقل ابوهم ؟؟؟؟؟؟؟؟؟؟؟؟؟؟ وهو بالمقابل سهراااااااااااان بالله العالم وين ؟؟؟؟؟؟؟؟؟؟؟؟ |
لوسمحتو لاحد يقولي انتي مقصرة معاه عشان كذا سافر
لانه مايلقى وحدة تهتم فيه مثلي غيرت طباعي علشانه دايم اجدد واصلحلة كل مايبي واكثر حتى اني شاريتلة هدية ومغلفتة وحاطة صورتة على التغليف هو وخشتة |
ردو علي لرسل الرسالة ولا لا
|
| الساعة الآن 05:48 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©