منتدى عالم الأسرة والمجتمع
صفحة 1 من 2
1
2
عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)
-   السفر والسياحة والرحلات (http://www.66n.com/forums/forumdisplay.php?f=41)
-   -   لأهل بريده ممكن مساعده (http://www.66n.com/forums/showthread.php?t=239104)

شااااب 27-08-2012 06:08 PM
لأهل بريده ممكن مساعده
 
السلام عليكم ورحمة الله وبركاته

أخواني أخواتي سكان بريده أحببت دلوني

على شقق مفروشه للعزاب تؤجر بالشهر

أو بالسنه تكون نظيفه بسبب أنتدابي العمل

بمنطقة القصيم واحببت تكون قريبه من طريق

الملك فهد أو طريق الملك عبدالعزيز أي تكون بحي

الفايزيه أو حي المروه كنت هناك اليوم وتعبت وأنا

أبحث من دون جدواء في الأنتظار من يدل على ذالك .....شااااب

قلب صااافي 27-08-2012 09:51 PM
رد : لأهل بريده ممكن مساعده
 
أهلا أخي الكريم
نزور بريده ونحجز في شقق اسمها قمة بيتكم

لو الإدارة تسمح أضع الأرقام لك تحجز عن طريقها أو ابحث بقوقل

أن شاء الله تعجبك

قلب صااافي 27-08-2012 09:54 PM
رد : لأهل بريده ممكن مساعده
 
نسيت أقول لك عندهم فروع كثيرة ...

اسأل عن اللي يناسبك...

رجل الرجال 27-08-2012 10:07 PM
رد : لأهل بريده ممكن مساعده
 
ابني الكريم شاب:
كل عام وأنت بخير
حياك وبياك والجميع في بريدة
وأدعوك للتجوال فيها وخاصة مدينة التمور ومدينة الأنعام ومهرجان الكليجا ومحل مشهور عن إنتاج وتوزيع وبيع أدوات الرحلات وخدمات السيارات بكافة أنواعها وستجد مخترعات كثيرة تجعل سيارتك كبيتك و أمور كثيرة جداً ستجدها.
عند رغبتك بأي معلومات عن أي مدينة فأكتب التالي منتدى مدينة وأكتب أسمها أو اسمها فقط بالنت وستجد شباب متحمسون لمدينهتم وسيجيبونك على جميع الأسئلة التي تحتاجها.
وقد يزوجونك أيضاً فالكرم لا حدود له عندنا.
تلميحة:
بإمكانك استئجار استراحة صغيرة بمدينة بريدة بسعر غرفة في شقق مفروشه وهي متوفرة بالأحياء التي ذكرتها وفي الاستراحة أكطثر من خدمات الشقق المفروشه .
وألف حياكم
وفقك الله.

عيوني تحكيني 27-08-2012 10:25 PM
رد : لأهل بريده ممكن مساعده
 
حيّاك الله اخوي شاااب في بريده ...
غريبه مالقيت بالفايزيه لأنها بصراحه شقق التأجير فيها مره كثيره ..
عالعموم.. فيه منتدى خاص لأهل بريده وماشاءالله عليهم متعاونين تقدر تطرح لهم الموضوع وراح يفيدونك بأذن الله
وعلى فكره
اكثر شي راح يعجبك في بريده قلة الزحمممممممممه بشوارعهم يعني ان شاءالله توصل لدوامك. بااقل من ربع ساعه
عكس الرياض تماماً ..

وموفق يارب في حلّك وترحالك ..

فجر الاعياد 28-08-2012 01:15 AM
رد : لأهل بريده ممكن مساعده
 
ماعندي فكره ,,, الله يوفقك وييسر لك الخير أخي الكريم

شااااب 28-08-2012 09:21 AM
رد : لأهل بريده ممكن مساعده
 
اقتباس:
المشاركة الأصلية كتبت بواسطة قلب صااافي (المشاركة 2847686)
نسيت أقول لك عندهم فروع كثيرة ...

اسأل عن اللي يناسبك...
أخي قلب صافي شاكر لك مرورك هذي على

أي شارع وهل يأجرون بالشهر أم باليوم ...شااااب

شااااب 28-08-2012 09:31 AM
رد : لأهل بريده ممكن مساعده
 
اقتباس:
المشاركة الأصلية كتبت بواسطة رجل الرجال (المشاركة 2847691)
ابني الكريم شاب:
كل عام وأنت بخير
حياك وبياك والجميع في بريدة

وانت بصحه وسلامه أستاذي رجل الرجال الله يحييك ويطيل بعمرك على طاعته

وأدعوك للتجوال فيها وخاصة مدينةالتمور

هههههههه لا توصي حريص كنت فيها أمس وجيت الشقق المقابله لها من الجهه الشماليه وأخذت تمر

ومدينة الأنعام ومهرجان الكليجا

جيت على الجرح وين أحصل معامل الكليجا صناعه بيت مو مصانع لأن الوالده وصتني ولفيت أمس

ماحصلت إلا شغل مصانع وأخت من محلات شعبيات اللي قبال مدينة التمور من الشمال

ومحل مشهور عن إنتاج وتوزيع وبيع أدوات الرحلات وخدمات السيارات بكافة أنواعها وستجد مخترعات كثيرة تجعل سيارتك كبيتك و أمور كثيرة جداً ستجدها.

أي أكيد زرته أمس على عجل مع أنني دائما أتزود منه لذخيرة الصيد سوق الجرده معروف ومحبوب

عند رغبتك بأي معلومات عن أي مدينة فأكتب التالي منتدى مدينة وأكتب أسمها أو اسمها فقط بالنت وستجد شباب متحمسون لمدينهتم وسيجيبونك على جميع الأسئلة التي تحتاجها.
وقد يزوجونك أيضاً فالكرم لا حدود له عندنا.
تلميحة:
بإمكانك استئجار استراحة صغيرة بمدينة بريدة بسعر غرفة في شقق مفروشه وهي متوفرة بالأحياء التي ذكرتها وفي الاستراحة أكطثر من خدمات الشقق المفروشه .
وألف حياكم
وفقك الله.

والله فكره حلوه الأستراحات لأني أمس دخلت الفكره براسي بس شفت الأستراحات اللي قريبه من الدائري

طريق الشماسيه الربيعيه يعني بعيده شوي من الحي وشاكر لك ترحيبك أستاذي ........شااااب

شااااب 28-08-2012 09:42 AM
رد : لأهل بريده ممكن مساعده
 
اقتباس:
المشاركة الأصلية كتبت بواسطة عيوني تحكيني (المشاركة 2847699)
حيّاك الله اخوي شاااب في بريده ...

الله يحييك ويبقيك ويطول بعمرك


غريبه مالقيت بالفايزيه لأنها بصراحه شقق التأجير فيها مره كثيره ..


كان أكثر مادورت في حي المروه طريق الملك عبدالعزيز وجميعهم يرفضوا تأجير بالشهر

يريدون باليوميه وبالأخير أنتقلت للفايزيه بس ماطولت فيها لأني كنت صائم وارهقتني اللفه شوي

وطلعت لرياض بعد التعب برجع الجمعه وأدور واشوف

عالعموم.. فيه منتدى خاص لأهل بريده وماشاءالله عليهم متعاونين تقدر تطرح لهم الموضوع وراح يفيدونك بأذن الله

راح أسجل بهالمنتدى ويكفيني حسن الاخلاق من أهل المنطقه

وعلى فكره
اكثر شي راح يعجبك في بريده قلة الزحمممممممممه بشوارعهم يعني ان شاءالله توصل لدوامك. بااقل من ربع ساعه
عكس الرياض تماماً ..


ههههههه لا تخافي القصيم كلها عاجبتني لأنها معشوقتي وكثير تمنيت أني أعيش فيها والحمد لله على

قولت المثل جات على ماتمنى يامهنا وكثير زرتها وليست أول مره وإن شاء الله لن تكون أخر مره

بعكس الرياض الرياض شوارع واسعه وزحمه خانقه وبريده شوارع ضيقه وزحمه قليله

وموفق يارب في حلّك وترحالك ..

تسلمي على الدعاء ولك بالمثل إن شاء الله ........شااااب

شااااب 28-08-2012 09:44 AM
رد : لأهل بريده ممكن مساعده
 
اقتباس:
المشاركة الأصلية كتبت بواسطة فجر الاعياد (المشاركة 2847770)
ماعندي فكره ,,, الله يوفقك وييسر لك الخير أخي الكريم

اهلا بك أختي فجر الأعياد يكفيني مرورك ودعائك الطيب النابع من قلب طيب ولك بالمثل.....شااااب


الساعة الآن 01:08 AM.
صفحة 1 من 2
1
2
عرض 40 مشاركات من هذا الموضوع لكل صفحة

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©