|
كسر الروتين في الحياة الزوجية كيف يكون ؟
اخواني واخواتي
عندي مشكله وابي رأيكم وابي تساعدوني فيها وهي اني متزوج لي اكثر من 3 سنوات ولسا ما يسر الله لي الذرية وزوجتي موظفة. المشكله هي كيف ابتكرالروتين الحلو حيث ان كل فتره اغير اللوك العام لحياتي الزوجية ولعلكم فهمتوني في هذي النقظة وان ما قدرت اعبر لكم زين المهم اللي ابيه بحطه في نقاط : - تجديد حياتي الزوجية وخلق روتين حلو يساهم في تحقيق السعادة والراحة الزوجية . لان جهلي في هالامور سبب لي مشاكل خلتني اطفش من الزواج والساعه اللي خلتني اقدم على هالخطوة . فتخيلوا يقول لكم شريك حياتكم عبارات قوية ما تستحمل على طول مثل ( انت انسان متبلد ولا عندك رومانسية وعايش على روتين واحد ما تقدر تغيره !!؟؟؟ المشكله كل امورنا زينه الا روتين جلسة البيت كيف اغيره او بالاصح اطوره او اجدده ؟؟ مدري وش اقول وش اضيف بس اتمنى ان الفكره وصلت لكم واذا ما لقيتو حل لمشكلتي هل تؤيدوني انهي حياتي الزوجية وارتاح من هالغثى ؟؟ مليت والله مع اني ما قصرت سويت كلشي خطر في بالي لكن المدام تبي زود من وين اجيب لها افكار مع العلم والشهادة لله انها ما قصرت معي في شيء تعمل وتبتكر لي اشياء كثيرة من حركات واضافات رومانسية وما قصرت معي بشي الله يعافيها ويجزاه خير . بس المشكلة فيني مدري وش اسوي ولاعاد فيني تحمل لبعض الكلمات القوية اللي مالها داعي في خاطري الشيء الكثير ولا ابي اكثر عليكم الهذره والفكر متبغثر والخاطر مكسور . والله يبدل الحال ويرزقنا العيال تحياتي الإشراف : تم تعديل العنوان ليتناسب مع المضمون .. |
عدم وجود ابناء بينكم هو الشئ الذي أدخل الروتين الى بيتكم
يجب ان تجتهد في العلاج انت وزوجتك حتى يرزقكم الله طفلا يملأ على زوجتك حياتها |
جرب السفر من وقت لوقت برا الديره حلو لكم مادامكم خفيفين
الله يرزقكم واختي الذريه الصالحه اللهم امين |
هل عندكم مشكله في الانجاب ؟؟ .. الاولاد هم اللي راح يكسروا الروتين .. اعملوا زيارات و ادعوا الاهل لزياراتكم بشكل دوري .. |
- بالنسبة للانجاب ما عندنا مشاكل ولله الحمد كل الفحوصات سليمة بس لسا ما حان اجله اللي الله مقدره
لكل اجل كتاب والحمد لله على قضائه وقدره . - بالنسبة للسفر انا مجدول لنفسي رحلتين في السنة والحمد لله كل سفرياتنا وناسة وسعة صدر ولا هنا خلاف . - مشكلتي الوحيدة هي الروتين في بيت الزوجية بالرغم من ان جلوسنا في البيت تقريبا 5 ايام في الاسبوع غير يوم زيارة لاهلي ويوم زيارتها لأهلها . وذاك اليوم ما تنام عند اهلها لأن سكن اهلها في نفس البلدة اللي انا ساكن فيها . مشكلتي وشلون اغير الروتين واحدث شيء في الحياة هي تقول لي ليه ما تبتكر اشياء نوسع صدورنا فيها مو نفس الروتين نعيش به . على فكرة انا اشوف صناعة الروتين من اختصاص الزوجة لأنها مبدعة بهالشيء واما نحن الرجال بالله وين نصنعه . اتمنى ان استفيد منكم ومن تجاربكم واقتراحاتكم لأن الملل من الحياة الزوجية بدا يطرق بابه بسبب هالشيء حتى يدور في بالي ( ورى ما انهي حياتي الزوجية ) ولا اظلم المسكينة معاي خلها عسى تحصل واحد احسن مني وتحقق اللي في بالها . شي يكسر الخاطر ويدمي القلب . والله يكتب اللي فيه الخير وشكرا لتفاعلكم وفي انتظار المزيد من أرائكم لا عدمناكم |
ماشاء الله ايش الروتين اللي يطفش زوجتك وهي موظفة ...!!! اجل وش نقول احنا ربات البيوت
يااخي جدولة حياتك كما ذكرت جميل وفيه تجديد لقتل الروتين من سفر وزيارات وهذا بحد ذاته تجديد روتين اعتقد اللي ينقصكم مو كسر الروتين ولكن كسر الحاجز النفسي بينكم حاولو تتقاربوا لبعض اكثر في الاهتمامات والنشاطات اللي تجذبكم حاولوا تتشاركوا في قراءة كتاب مفيد او حفظ سور من القرأن الكريم وشيل من بالك الانفصال لانه هذا نزغ من الشيطان لابارك الله فيه اسعدكم الله ورزقكم الذرية والصحة والمال |
اقتباس:
من ناحيتك يجب ان تكون اشياء تشترك بها انت وزوجتك اعمال صغيرة مشتركه وأوقات تتفقوا على تخصيصها لتلك الأعمال مثلا ققراءه سورة الكهف يوم الجمعه سويا قراءه الورد اليومى من القرأن الكريم سويا صلاه ركعتين جماعه سويا قراءه كتاب سويا او جلسه لشرب القهوة او الشاى تتحدثوا فيها كصديقين او حبيبين اطلب منها ان تعاونك فى عمل شىء يخصك ولو كان هذا الشىء يسير وتستطيع عمله بنفسك فقط من اجل اشراكها فى امرك اهتم بشؤونها واختار معها الملابس التى سترتديها داخل المنزل وخارجه استشيرها فى اشياء تخصك كالملابس التى سترتديها اليوم التالى او اى شىء اخر اتصل بها من الخارج واسألها ان كانت تريد شىء تشتريه لها وعندما تعود للمنزل عبر لها عن حبك واشتياقك(تأكد انها تنتظر ذلك منك وتصاب بأحباط وخيبة امل ان لم تفعل ذلك) احضر لها معك شيكولاته كادبورى او جلاكسى او النوع التى تفضله (ستفرح كثيرا من هذه اللفته) فى المنزل لاتجلسوا كأخين تعطر لها وظل متأنقا وخد يديها بين يديك ولا تتركها تجلس بعيدا عنك اذا لاحظت منها انها متعبه اظهر لها اهتمامك واجلس بجانبها اذا لاحظت ان مزاجها سىء ضمها اليك واسألها عن مابها اخرجوا معا وحدكما للتنزه او من اجل شراء احد الأغراض الخاصه بك او بها يعنى اى شىء يمكن ان يكون مشتركا طالما انكما شريكين محبين بهذه الطريقه اعتقد انه صعب جدا انو اى زوجه يشتكى من الروتين لأن المرأه تعشق جدااا الزوج المتفاهم |
اشكر للكل تفاعلهم
واحب اشير ان اغلب النقاط اللي اوصيت بها تراها موجوده في حياتنا وخلوني اقول لكم وش جدول حياتنا كنقاط : للمعلومية احنا نعمل في سلك التعليم إداريين طبعا - نروح للدوام الساعة 7 صباحا . - نرجع للبيت على الساعة 1.45 تقريبا واحيانا بعد هالوقت . - احيانا نتغدى وننام واحيانا ننام ونخلى الغداء بعد العصر . - بعد صلاة العصر نتقهوى الشاي سوا ودردشة ونشوف التلفزيون مع بعض الى المغرب واحيانا قبل واحيان العصر يمكن يكون فيه مشوار للسوق نشتري بعض حاجاتنا الخاصة . - بعد صلاة المغرب اروح عند الوالدين واتقهوا عندهم قهوة المغرب . وهي تشوف امورها وامور البيت او تقعد تحفظ وتراجع حفظها من القرآن . - بعد صلاة العشاء ارجع للبيت واتناول العشاء معها ودردشة واياها وبعدين نروح ننام وخاصة انني انسان بيتوتي ماني راعي استراحات وخرابيط وشلل الخ ..... طلعاتي للبر او رحلة شبابية اخليها آخر الاسبوع بحدود مرة أو مرتين بالشهر . وش رايكم قي نظامي وما الشيء اللي تنصحوني اعدله او اطوره او ابتكره . :( |
ما شاء الله .. نظام حلو ومرتب .. واتمنى هذا النظام .. بس يمكن المشكله منك انت .. من كلامك انك انسان ( ملولي ) باللهجه العاميه ..
يعني تحب التجديد .. بس والله هذي مشكله اذا كان هذا النظام المرتب والحلو ما يعجبك الله يعينك .. بس صدقني اخوي اذا رزقك ربي بالاولاد راح تتغير حياتكم 180 درجه وبيملون عليكم حياتكم .. الله يسعدكم ويرزقكم بالذريه الصالحه .. ولاتفكر بالطلاق ابدا ابدا .. |
ليش ماتسويلها مفاجاات في وسط الاسبوع يعني يوم ودها عند اهلها وانت ابدا الترتيبات او ودها للصالون تتعدلك واطلب منها تلبس احلى فستان عندها وانت روح للبيت وزينه وجبلها هديه وجيب تورته لزوم الاحتفال ولا تنسى الكلام الحلو او اعزمها على مطعم وجبلها هديه وبكذا تكونو كسرتو الروتين شوي
الله يسعدكم |
أخي الكريم تفكيرك بالانفصال خطاء خطاء خطاء خطاء
انا اعرف واحد صار له خمس سنوات ما جاه ذريه والحمدلله رزقه الله بنت جميله اسأل الله وتيقن يقين تام ان الله على كل شيء قدير اما بالنسبة للروتين اتوقع ان كثرة جلوسكم بالبيت هو الذي اوجد هذا الملل الله يوفقك ويرزقك ويبلغك ما تتمنى،،،، |
ولا تنسى من الاكثار من الاستغفار وقراءة سورة البقرة
|
دانة الرياض
النظام معجبني كثير المشكله هي صارت تمل من هالرتم وتساؤلي وشلون اجدد اسلوب الحياة في البيت وش تقترحون علي . |
روجي فوشي & باقة مشاعر & دانة الرياض & ملفوف & ((الجون))
شكرا لكم على تفاعلكم معاي والله يعطيكم العافية ويوسع صدوركم بالعافية ولا زلت انتظر من الجميع تفاعلهم معي في مشكلتي واللي مشغلتني كسر الروتين في الحياة الزوجية كيف يكون ؟ |
اخوي ( ولد امه )
فيه طرق كثيره لتغيير الرتم .. مثلا .. يوم من الايام جهزوا البيت والعشاء .. وكلم امك واخواتك واشتروا هدايا للاطفال .. وحطوا زينه وبالونات .. اكيد بتستغرب من هالاقتراح .. انت بس جرب .. راح تحس بشعور حلو اولا .. ثانيا .. كلهم بيدعون لكم ان ربي يرزقكم بالذريه وتفرحون فيهم زي ما فرحتوا اطفالهم .. ثالثا .. بتحس بتغيير كبير بالجمعه اللي سويتوها .. وشي ثاني .. مثلا يوم الخميس .. ماعندكم دوام .. اصحوا بدري .. وافطروا فطور محترم .. يعني فول وكبده وشاهي ..وبيض .. والله وناسه خصوصا الجو ذي الايام مره حلو الصباح .. ... يوم الجمعه .. تبلوا لحم وحطوه باسياخ .. وجهزوا العده .. وروحوا البر .. وسو شوي وحركات .. .. خلي زوجتك تدخل هالمنتدى الحلو .. وتروح لمفضلة المتزوجين .. فيها افكار رائعه والعاب حلوه .. .. وكل هالاشياء اللي قلتها لك حتى لو كانت غريبه شوي .. انا مجربتها بنفسي .. وكنت نفس حالتكم .. انا ادرس ورزوجي موظف .. وجلسنا 4 سنوات بدون اطفال .. والحمد الله لاقوة الا بالله .. استمتعنا بالاربع سنوات .. وماضيعنا ولا دقيقه .. اكيد فيه مشاكل وتتشات .. بس ما تنذكر .. عشان كذا اخوي هذي فتره حلوه وانتو خفيفين بدون مسؤليات .. ودي اكمل الاشياء الحلوه .. بس احس اني طولتها .. بس اهم شي ان الاشياء اللي ذكرتها تعجبكم انت والمدام .. والله يسعدكم ويهنيكم ويخليكم لعين ترجيكم << الدعوه الاخيره مدري وش معناها بس دايم تقولها امي .. |
تنهي الزواج مرة واحدة ؟؟؟؟؟
لا حول و لا قوة الا بالله ليش يعني؟؟ الزواج لعبة ؟؟ اكسر الروتين مثلاً بكلام حب بلعبة اجلب فيلم و طالعه معاها اطلع معاها مكان اعمل لها حفلة رومانسية اعمل لها مفاجأة .. اجلس معاها و اعمل لها مساج اعزمها على عشاء من طبخك اطبخ معاها خليها تعلمك شي هي فنانة فيه علمها شي انت تحبه و شاطر فيه كلها اشياء ممكن تكسر الروتين و سهلة جداً .. إنتوا يا رجال من تشوفون مشكلة بسيطة قلتوا بتتزوجون وحدة ثانية أو بتنهون الزواج ؟؟؟ |
الله يرزقكم بمشيئه الله الذريه الصالحه
لان الاولاد راح يملون عليكم البيت وراح تصير تشتكي من المستجدات و المفاجات التي راح بيعملوها الاولاد باهليهم طبعا هذا بأراده الله يمكن ان تبعتلها مسجات اثناء العمل بتقولها فيها انو اليوم راح نروح مشوار للاهل او على مطعم او على الاصدقاء دايما اعملها مس كول الستات بحبو هيدي الحركات لو كنت اقراب من بعض |
للمعلومية للجميع حتى لا يعتب علي احد
موضوع الانفصال او انهاء الزواج ان صح لم اجعله خيارا اخيرا وان شاء الله اني لن استخدمه والموت ارحم من الانفصال اللي يترتب عليه اثار كثيرة . |
دانة الرياض اشكر لك تفاعلك واهتمامك والله يرحم والدينا ووالديك والمسلمين اجمعين .
وعندي ملاحظة وهي ان اللي ذكرتيه اكذب عليك اذا قلت ما اسويه . اموري و المدام خارج البيت تمام التمام وناسة في وناسه ولله الحمد والله يديمها علينا وعليكم . بس المشكلة الوحيدة اللي منغصة على هي بيت الزوجية وشلون تغير وتلطف جوه وتبتكر فيه ؟؟ اللي فهمته ان المدام تبيني ابادلها الابداع والابتكار والافكار الجديدة اللي من شانها تغير الجو في البيت وهذا الشي اعترف اني ماني مبدع فيه ذاك الابداع ولكن ما انلام طبيعة الرجال مو زي المراة فالمرأة مبدعة في هالامور . وعلى كل حال تبقين يا دانة نموذجا استفدت منه ومن افكاره . جزاك الله خير والله يرزقنا واياكم الذرية الصالحة ويقر عيوننا بهم عاجل غير آجل وكل محروم آمين يارب |
سميد
اشكر لك مرورك واقتراحاتك واما بخصوص تعليقك هذا : إنتوا يا رجال من تشوفون مشكلة بسيطة قلتوا بتتزوجون وحدة ثانية أو بتنهون الزواج ؟؟؟ اقول لا تعليق |
zhr_sawsan
اشكر لك اطلالتك ويعافيك ربي |
داخل البيت مارسوا هواية معينة تحبها او تحبها زوجتك
مثلا رسم على الزجاج نحت وحرق على الخشب ابتكر اشياء حتى لو مانت مبدع جيبوا العاب الزوجية والعب انت معاها اونو بلاي ستيشن امممم مثلا الانترنت تصفحوه مع بعض مقالة تقراونها وتعلقون عليها انتو الاثنين تبتكر العاب زوجية معينة داخل البيت تتصفحوا الانترنت مع بعض على موقع معين طبعا هذا كله بجانب فرائتكم للقرآن مع بعض وغيرها من الامور الدينية يمكن تغيرون ترتيب الاثاث في المنزل مع بعض ادا كان عندكم في البيت كراج تقدروا انت معاها تغسلوا السيارة للاستمتاع ماشاء الله ماشاء الله فقط تفكيرك في تغير حياتك الروتينية علشان زوجتك شي ايجابي وفكرة الانفصال الي تراودك فقط لانك تحاول وتحاول وتحس انك ماسويت شي لا تحمل نفسك فوق طاقتها بس بحاول بالي تقدر عليه اكسر روتينك بعمرة 3 او 4 ايام |
اخي ولد امه
انا مرت علي فترة كان فيها زوجي يداوم وانا فاضية وماعندي اطفال كان راح يقتلني الروتين في البيت كل يوم نفس الشي المهم قلت لزوجي حياتنا روتين قاتل وهو ما قصر الله يحفظه بس اكثر شي عجبني فكره بسطه وحلوه ( وداني عند بيت اهلي وراح للسوق اشترى عصيرات وتشيبس وجالكسي .... يعني اكلات دلع وبعدين غير مكان التلفزيون من الصالة وحطه في مجلس الضيوف ورتب لنا جلسه رومانسية في المجلس وقضينا فيه كم يوم جداً رائعه والله احسست وكاني مسافرة من بيتي وماكان يخليني اطبخ غداء اوعشاء كله من برااا (فله) قضينا اسبوع فيه واشترى مراتب ومخدات وحطها لنا في الصالة وغيرنا مكان نومنا من غرفة النوم للصالة مرررررررررررره احسست بتغير حلو دائماً افكار زوجي بسيطة ولكنها رائعة وممتعه وكلها في البيت ومو مكلفه عليك جربها وراح تدعيلي استغلوا الفرصة دام انكم خفيفين وانبسطوا بحياتكم الله يوفقكم ويرزقكم بالذرية الصالحة عاجلاً غير آجل |
دمعات الروح بيض الله وجهك والله يوسع صدرك بالعافية وكل مسلم
اختي جميع اللي ذكرتيه من الالعاب متوفر عندي حتى السلم والداب والكيرم :) وبس برضوه لازال الروتين عندها ممل . وهذا اللي مضيق صدري :( |
ام احلى بنت
مشكورة اختي وما قصرتي وعسى السعادة في الدارين دربنا ودربك ان شاء الله والمسلمين اجمعين وشاكر لك مداخلتك الجميلة . وانا اتوقع سبب هالمشكلة عندنا هو تاثر المدام نفسيا بنظرة الشفقة من المجتمع عشان تأخر الحمل بالرغم من محاولاتي ان افهمها أن هذا من قضاء الله وقدره وانه ربما يكون ابتلاء من الله سبحانه وتعالى . ولكن تأثر المرأة نفسيا بالنظرات والهمسات اللي حولها يتعبها مما ياثر سلبا على علاقتها بزوجها . لكن ما قول غير الله المستعان |
أخي الحياة بطبيعتها روتينية خاصة ً لما تكون مستقر بعملك و ببيتك ما بيكسرها إلا السياحة و الخروج من المنزل بين الحين و الآخر
يعني اذا كل اسبوع خرج الزوج و زوجته لزيارة أحد من العائلة أو للسوق أو السنما او مطعم ... الخ و كل شهرين يخرجوا مشوار أبعد (سيران ) على مدينة غير اللي هم عايشين فيها و كل سنة ( اذا عندهم سيولة مادية) يخرجوا سياحة على دولة أخرى أكيد بهذه الطريقة ما رح يكون في روتين و ان شاء الله بكون في سعادة و تفاهم لأن كلا الطرفين خرج من الروتين و هموم الحياة بين فترة و أخرى كن رومانسي مع زوجتك إذا تكلمت اسمع حديثها و غازلها كل ما لبست شي حلو أو حطت زينة حلوة اذهبوا للسرير باكراً و خصص من وقتك نصف ساعة قبل النوم احكيلها عن حبك لها و الشي اللي خلاك تتزوجها امدحها و امدح سلوكها قل لها أنها أغلى الناس عندك و اني هي عمرك و حياتك و الحياة بدونها مالا معنى قدم لها الهدايا الرومانسية في المناسبات مو شرط الذهب و الألماس بكون هدية ممكن وردة حمرة تكون أحلى عندها من المجوهرات بهذه الطريقة أخي تكسروا الروتين و تجددوا كل فترة حياتكم و يستمر الحب ان شاء الله وفقكم الله |
اقتباس:
( اسأل مجرب ولا تسأل طبيب .. ) الزموا الاستغفار وعليكم بالصدقة .. واعطها دائما الثقة بنفسها ولا تلمح لها مجرد تلميح بإنك ممكن تتزوج عليها بسبب هذا الأمر .. واساسا لاتتكلموا كثير في الموضوع هذا .. اسأله تعالى أن يرزقكما الذرية الصالحة .. |
| الساعة الآن 08:57 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©