رسالة وهدية إلى خطيبتي ؟
السلام عليكم ورحمة الله وبركاته
أنا من أكبر المعجبين في هذا المنتدى و أني شبه يومي أدخل المنتدى وأستفيد من مواضيعه أنا عندي فكرة ناوي أسويها بس خايف أنه تكون مالها داعي وهي أني أنا خاطب لي 6 شهور (لست مُمَلِك) وبعد أسبوع ناوي أروح أسلم المهر الأن أنا زواجي إن شاء الله بعد 6 شهور والملكة والزواج في نفس اليوم وأنا خايف أنه خطيبتي تكون خايفة لأنه على طول ملكة وزواج و ما يمديها تتهيأ نفسيا طبعا ما أستطيع أني أكلمها لأني خاطب ولست مُمَلِك (مجتمع محافظ) فحبيت أني لمن أسلم المهر أسلمها رسالة على ورقة رومانسية جدا ومعاها صورة لية (صورة شخصية 4×6 بدون نظارات)>>>>> مسوي ينكت:d ومعاها هدية متواضعة جدا وهي مجموعة أشرطة بيوت مطمئنة للشيخ الدكتور ناصر العمر عشان تتعرف على الحياة الزوجية أكثر وتستفيد منها مع العلم أني لمن رحت أشوفها في الشوفة أعطيتها هدية طقم ذهب أبيض وناوي إن شاء الله قبل الزواج بثلاثة أيام بأعطيها الشبكة فهل ترون أنه هذا الشي مناسب وراح يريحها أو أنها راح تتضايق من هذا الشي؟ والله أني محتار أتمنى أنكم تفيدوني ولكم مني جزيل الشكر |
هل فعلك هذا جائز شرعا أم هو حرام ؟؟؟؟
|
فكرة الاشرطة رائعه
لكن الصوره والرساله احسها مو حلوه يعني باختصار ماراح تصدق بتقول هو عرفني عشان يحبني ؟ الصوره اذا هي طلبتها عطها لكن اذا ماطلبت لاتعطيها وألف ألف ألف مبروووووك وعسى الله يوفقكم ويهنيكم ويسعدكم ويرزقكم بالذرية الصالحة يارب ,, |
قدم لها المهر في بشكل مميز معه باقه ورد وهديه بسيطة عطر أو خاتم أو عقد على الأقل
أما الرسالة والصورة اعتقد ان الوقت مبكر جداً عليها |
الراسالة الرومنسية مالها داعي لأنك للحين ما عقدت قرانك عليها
الصورة اشوفها عادي .. بالعكس أنا متأكده أنها تبي تشوفك بس يمكن لأن بيئتكم محافظه وتقليديه زياده مستحيه تقول حق أهلها أو يمكن أهلها مستحيين يقولون .. وصدقني أي بنت مافي اي شك تبي تشوف هالرجال الي تبي تتزوجه ومن أول ما يخطبها مع ان الصوره مو دايماً مثل الحقيقه خاصه مع الفوتوشوب والأجهزة الحديثه بس مو مشكله خلها تشوف شوي من ملامحك بس الكتب والاشرطه إذا خاصة يمكن تستحي من أهلها لأن الكل يبي يشوف انت وش جايب لها والكل بيسأل .. من رأيي خل هالاشياء بعدين .. لأن الي حواليها مو مقصرين كل وحده تعطيها كلمه واذا على الخوف اذا مراح تتقابلون إلا ليله الدخله ابشر أجل بالخوف والرجفه والزلزله و الوجه الأصفر ونشفان الدم والدموع الي مراح توقف الله معكم .. ومبروك مقدماً |
اقتباس:
لأنة لا توجد خلوة و ولا حتى كلام وأشكرك على مشاركتك |
الرسالة بكير عليها
الصورة اذا شافتك مالها داعي إلا اذا هي طلبتها برأيي الدهب مع علبة شوكولا فخمة مثلا و باقة ورد أحمر بتطلع رومانسية و كلها زوق و ما بتكون دخلت بمتاهة الحرام و الحلال الكلام المعسول بين الخاطبين غير جائز اذا ما في عقد اقتباس:
|
اقتباس:
أنا في الرسالة ما كتبت كلمة أنا أحبك وأنتبهت لهذه النقظة وتسلمين على هالدعوات والله يسمع منك مشكور وما قصرت على مشاركتك |
اقتباس:
|
اقتباس:
مشكورة أختي على ردك وماقصرتي أجل بجيني فقر دم ووجه أصفر هههههههههههههههه والله أني مت من الضحك عليها حلوووة مرررة:22: والله أني خايف أني أنا إلي أقعد أصيح وهي إلي تقعد تهديني ومشكورة على الدعوات |
الساعة الآن 12:11 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©