|
مشكلتي مع غسيل الثياب البيضاء
السلام عليكم في البداية لأعضاء وقراء هذا المنتدى الرائع
مشكلتي مع غسيل الثياب البيضاء وبالذات الملابس الداخلية لزوجي كالفنايل والصراويل فقد اصبحت تميل الى السواد ولا اعرف السبب ؟؟ هل من مسحوق الغسيل"اريال" ؟؟ او من طريقة غسيلي في الغسالة الاتوماتيكية؟؟ او من مبيض الثياب "كلوركس"؟؟ مع العلم اني جربت عدة طرق لتبييض الثياب كالليمون او الزيت ولم تنفع افيدوني؟؟ الاشراف: تم تعديل العنوان ليتناسب مع المضمون |
فيه شي نسميه بالعامي ( تشويت ) بس مادري بصراحة هل هذا اسمه أو بس إحنا قول لها جذي ..
هو سائل لونه أزرق غامق .. وبصراحة يلعوز إذا ماتعرفين تستخدمينه .. طريقته إنك تاخذين دلو كبير .. وتسكبين فيه شويه ( مو كثير )من هذا السائل وتخلطين الماء .. بعدين تاخذين الملابس قطعة قطعة تغمسينها في السائل بسرعة وترفعينها وتعصرينها .. بيصير لونها أزرق خفيف كأنها جديدة .. الفانيش حلو للإستخدام في غسيل الملابس .. وفيه نوع للملابس البيضاء .. لكن الكلوركس ما انصح به للإستعمال المتكرر .. يعني مرة كل أسبوع او أسبوعين أو عند الحاجة .. |
مشكورة اختي "بحرينية ولكن" بس انا ما ابي الثياب تصير زرقا ابيها ناصعة البياض مثل الدعايات
|
أنا بعد عندي نفس مشكلتك مع ملابس زوجي وغسالتي اوتوماتيكيه، جربت الطرق اللي ذكرتيها بعد مانفعت معي
؟؟؟؟؟؟؟؟؟؟؟ ياليت نلقى حل |
اقتباس:
تشويت عندنا بنسميها نيلة لليوم والدتي تستخدمها للغسيل الابيض اختي بامكانك استخدام الصابون النابلسي فهو للغسيل الابيض رائع جدا |
يا جماعه احنا فى مصر بنسمي التشويت (زهره زرقاء) هو بيخلى الغسيل لونه زاهي بس فى ناس كتير ما بتحبه
|
الحل: الموية عندك ميب نظيفة يعني يمكن البيت قديم الخزان من زمان مااتنظف .. واذا تبين بياض اول شي الموية نظيفة مرة وتتاكدين من كذا ومحلول الغسيل كميتة والتنقيع
|
الكلوركس كثرتة تخلي الثياب صفراء ساعات
|
السلام عليكم،،
معي نفس المشكلة خصوصا الفانيلات يظل اثر مزيل العرق الي يصير بقعه صفراء وما يروح ،، اني من البحرين بس ما عرف شنو تشويت؟؟! افيدونا |
مكعبات مغلفة لونها ازرق.. تسمى زهرة او نيل
|
انقعي الثياب بمويه فاتره مائلة للحاره مع صابون اريال او اي صابون لمده ساعه
ابدئي بفرك الثياب باليد لين تحسي انها نظفت اذا طهرتيها حطي شوي نيل في مويه وغطسي الملابس واعصريها بيدك عصر خفيف علشان ما تبقع وانشريها ولمن تنشف راح تشوفين الفرق ان شاء الله تضبط معك .... لان هذي طريقة امي في غسيل ملابس اخواني وملابسهم مره ناصعة |
نحنا نسميها الزهرة وناس يسموها نيلة بس هي ماتبيض الثياب هي تخليها على زرقا
علشان الثياب تكون بيضاء لازم تطلع الشمس (1)وهذا الاغلب الكلوركس يعدم الملابس ويخليها تصفر بسرعة ويكفي تستخدميه مرة وحدة بالشهر وانصحك تستخدمي (الصابون المبشور )(ماركة الوزير )ريحته حلوة ويزهي ويبيض الثياب والملابس الداخلية بس قبل ماتستخدميه لا زم ينقع شوي او يحرك بالموية الين يذوب علشان مايمسك بالملابس ويتعبك بالكوي واحذرك تحطيه مع الملابس الملونة وانت ماذوبتيه... |
اشكركم اخواتي وراح اجرب الطرق هذي واقول لكم بالنتايج
اشكر كل من مر على موضوعي وبالتحديدمن ابدى لي رايه |
بقولك عن تجربتي إن شاء تنفعك
استخدم تايد وأحطه بالغساله مع كلوروكس وزهرة الغسيل الزرقاء وأشغل الغساله فرتين بس عشان يختلطوا مع بعض بعدين أحط الملابس وأحياناً استخدم صابون العملاق الأخضر أحط شوي مره منه وأحيانا فانش مره حلو الله يوفقك ويسهل لك كل أمورك وبالتوفيق |
انابعداعاني من نفس المشكله مشكورين
|
نفس المشكله عندي
انا غسالتي اتوماتيكيه نوع سامسونج وانا متأكده ان المشكله في الغساله واعتقد ان السبب هو وجود صدأ داخل الغساله ويظهر اصفراره بالملابس عند التنشيف عموما المشاكل هذي لا تظهر الا في الغسالات الاتوموتيكيه و انا رايحه اكلم الشركه واسالهم عن السبب وارد لكم |
انا عن نفسي ثياب زوجي ناصعة البياض
استخدم الغساله العاديه لان الاتوماتيك <<< توسخ الملابس عن تجربه واحط مع الملابس تايد ....+فانيش..السائل....+ شوية كمفرت بس ترى هالاشيا من غير الشمس ماتسوى شي الشمس لها مفعول كبير عالملابس بحيث انها تزيل البقع بتقولون كيف!!! مره كان عندي بقعة زيت ع ملابسي غسلتها اكثر عن مره مارضت تروح البقعه قلت خل اخليها تعبت منها لما رحت نشرتها فالشمس ف عز القايله ورجعت عالمغرب اشل الملابس الا البقعه اختفت تماما ولا اعلم اي مكانها كان حتى ............... اتمنى اني افدتك |
زيت؟؟ كيف طلع من الملابس؟
|
هضبه من الجهل
اذا كان قصدك الملابس اللي فيها زيت خذي القطعه اللي فيها زيت وحطي عليها فيري مركز نقطي على حسب حجم القطعه وافركيها مع شويه مويه .... واتركيها لمده ربع ساعة ... بعدين ارجعي افركيها ثانيه وطهرها راح تشوفيم ان بقعة الزيت راحت تماما .... هذي انا مجربتها ... وتناسجها فتاكة |
| الساعة الآن 09:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©