|
كيف أتصرف مع خطيبي؟؟
كيف أتصرف مع خطيبي؟؟ (موعد زواجي قرب)..ادعوا لي بالبركة................ أكتبها والدموع تذرف من عيناي وقلبي مليء بالغيظ والقهر ........... كيف أشفي غليلي كيف أنتقم من هذا الخائن(خطيبي).......... قبل أمس اتصلت عليه وكنت أبي أواجهه باني عرفت حقيقته..... خنقتني العبرة....وما قدرت أتكلم....وقفلت بوجهه....... رجع اتصل على أمي وسألها عني قالت له ما أدري.....وسألتني أمي قلت لها ما في شي.....وقمت تركت لها المجلس.... ورحت غرفتي جلست أبكي بحرقة......... أنا فتاة مخطوبة والحمدلله تمت ملكتي بخير..وخطيبي ولد خالتي...ومن احنا صغار عارفين بعض وأنا واثقه من حبه لي....وأنا أيضا أبادله نفس الشعور.. لكن بحكم العادات والتقاليد في عائلتنا ما نتقابل كثير أنا وياه ... وبما أنه هو في منطقة وانا وأهلي بمنطقة أخرى اكتفينا بالمكالمات وأحيانا يسافر يأتي لرؤيتي....... لوحتى المكالمات بينا متقطعه بسببي أنا أخاف أكلمه كثير تتشوه الصورة اللي ماخذها عني من أدب وأخلاق.....أحيانا يتصل وما أرد عليه وأحيانا أرد وأكلمه بحياء وأبين له ان المكالمات بيننا لازم نخففها....... االشاب خلوق و مواصفاته الخارجيه حلوة طويل ورزه وله هيبه وشكله حلو إلا أنه عصبي نوعا ما وأحيانا متشدد يراقب خواته ليل نهار........وأنا عن نفسي مغمضه عيوني عن عيوبه وأقول هي بأخلاقه يمكن تتغير مع الأيام.... وكنت متخيله انه ملتزم لأنه يصلي ومو حق سفرات يعني ماعمره سافر برا أبد.... سبحان الله ذاك اليوم قد ما تمدحه خالتي لما تكلمنا.. ..قلت لازم أتأكد منه ومن أخلاقه....وجات فكرة في بالي عشان أتأكد منه..قلت لازم أخلي وحده من صديقاتي المقربات لي تتصل على جواله ....وأتأكد قمت اتصلت على كم وحده من صديقاتي وطلبت منهم يسوون فيني معروف ويكلمونه..معظمهم رفضوا إلا وحدة جريئة وافقت بعد ما جلست أترجاها ساعه....وياليتها ما وافقت ..ياليتها ماوافقت...خلتني أعرف اللي ماكنت أبي أعرفه.... ولد خالتي اللي هو خطيبي وزوج المستقبل خاين.... ... البنت اتصلت عليه وحطت سبيكر وأنا جنبها....وسوت حالها غلطانه وتقوله إن هذا الرقم جاها مس كول في جهازها وهي تبي تتأكد مين؟؟وتطور الموضوع إالى سوالف ..... .سوت حالها تبي تتعرف عليه وأنها أعجبت بأسلوبه بالكلام وتبي تعرف عنه وعن حياته كل شي وماشاء الله على أبو الشباب ماقصر كان واضح بزياده ما ترك صغيرة وكبيرة إلا قالها للبنت حياته وظيفته حتى أنا دخلني بالموضوع قال لها عني و إنه خاطبني ويحبني ومدحني حتى قال بس......لكن اللي يقهر قال للبنت أبغاك ما تحرميني صوتك وبدا بالمغازل.......حسبي الله عليه.... أنا وقتها ثرت حسيت.إني فقدت أعصابي وقام الدم يفور فوران بجسمي....وجلست أبكي بحرقه.... أتصل وأواجهه وأقوله إني عرفت حقيقتك يا خاين.... . الشريحة الجوال اللي اتصلت منها البنت رقم ثاني لي بس جديد ..وهو مايعرف عنه شي.... ومازال يتصل علي الشريحه ...يدور صديقتي... .وش أسوي أرد عليه من نفس الشريحه واسبسبه.... ..... أكذب لو أقول كرهته..أحبه حب بجنون وأعرف انه يحبني وخالتي بعد أنا أعرف انها طيبة وتحبني وبتكون أحسن حماة لي........ ..بس ليش يرضى يكلم صديقتي ويغازلها؟؟؟ صليت ركعتين وطلبت من الله يثبتني.... ويهديه....وجلست أستغفر الله وأتوب.إليه.. جلست يوم كامل أحاسب نفسي وأفكر بذنوبي وأتذكر غلطاتي......غلطاتي مثل غلطات معظم البنات..... ..... .....أنا أخاف الله وأعرف نفسي... هل ما حصل لي بسبب ذنوبي؟ و كيف أتصرف الآن مع خطيبي؟؟ |
يالغالية..لماذا فتحتي له باب؟؟؟
ربما هو يفتقد كلامك وحبك كونك لا تتكلمين معه كثيرا حبيبتي..كيف يتشوه سمعتك عنده وأنت خطيبته وزوجته ومملكة عليه؟؟ يعني المفروض تتكلمين معه وتهتمين به ولا تفتحي عيونه ربما هو عرف بشكك ولهذا اراد ان يضحك معك ويتكلم مع صديقتك..يعني عارف بالسالفة أو ربما انه حاس انه محروم من حبك ارجو ان لا تمسكين عليه شيء وخاصة انت من جعلتيه يفعل هذا وفتحتي الباب له وخاصة ان الرجل كثير من الأحيان يضعب ولهذا الرجل الذي اذا دعته امرأة ورفض يضله الله يوم لا ضل الا ضله..ونعم بالله لأانه صعب جدا جدا وانت سامحك الله يالغالية فتحتي له باب كان قافلها كل حياته أرجو ان تسامحيه وتنسين كل شيء وتبطلين بالشك ما دام انه عمره ما اعطاكي مبرر للشك الا بعدما انت فتحتي له باب الله يجمع بينكما بخير ويسعدكما ويوفقك |
من وجهة نظري ان تصرف خطيبج طبيعي و90% من الشباب بتكون هذي ردة فعلهم
لكن الشئ اللي باقولة لج انك ارتكبتي خطا كبير في حق نفسج وفي حق خطيبج ولو صارحتيه ممكن تخسرينه 0 عشان جذيه انسي الموضوع ومبكل يوم بتلاقين خطيب والله يوفقج:14: |
ياغناتي ليش سويتي جذي؟؟
اكيد بيتكلم معاها لانك حرمتيه منك ... وصدقيني دام انه اتكلم عنك وقال لصديقتك انه يحبك انت.. فهذا اكبر دليل على انه مايفكر في صديقتك غير انها وحدة جت في الوفت المناسب (ولعابه) .. وكلامه لها عنك يقصد فيه روحي عني تراني خاطب واحب خطيبتي.. لا تفاتحينه في الموضوع ولا شي.. طوفيها لكن اتصلي فيه دايم وعبري عن حبك .. وشوفي لو بعدين فكر يتصل يدور صديقتك .. وماراح تندمين اذا كلمتيه ولا بياخذ عنك فكرة غلط .. اتعوذي من ابليس.. ولا تسوين مثل هالحركات مرة ثانية .. عشان يدوم الحب الي بينكم والله يوفقكم يارب.. |
|
بس انتي جبتيها حق عمرك..
دامك واثقه من حبه لك ليش ااتسوين هالحركه.. ما كان في داعي ابداً.. شفتي نتيجة حركتك.. الله يهديك بس.. اللي عليك الحين هو انك تنسين السالفه تماااااام.. ولا كانه صاير شي.. وانتي عاد اتمسكي في خطيبك وكلميه بدلع.. يمكن لانك مقصره معاه بالكلام الحلو وهذا انتي بروحك قلتي احاول اخفف مكالماتي معاه.. بس ان شاء الله انه يحبك مووت والدليل كلامه ومدحه لك لصديقتك.. الله يوفقك ولا عاد اتسوين هالحركه مره ثانيه اوكي يا حلوه *_^ |
اقتباس:
فكيف هو ذكرت ومدحك ويحبك زياادة بعد:22: لاتعلييق علي سوى بعض الغلط منك...ولماذا عندك شريحة اخرى؟؟سؤال غبي!! راح يسالك هذا السؤال وانا بعد نفس السؤال.. وخيتي العروووس( انشالله ) اهذه نزوة وانتي سمحتي لها تستمر وانت بيدك بعد الزواج تنهيه وانتي من اخطأء بجعل زميلتك تكلمه الغي شريحتك هذه وخليكي على جوالك المعروف وانسى الامر دام الرجل يحبك وعوضي عليه اي انثى بعد الزواج بأذن الله |
سؤال..ماذا استفتي من اختبارك؟؟؟؟ صدمة.. انهدام احلام.. تشويه صوره.. اذا كنتي مرتاحه.. و بينكم حب ليه شوهتي صورته حتى عند صاحباتك المفروض علاقتك مع خطيبك ما تطلع لاحد مهما يكون فما بالك وانتي ترجيتي صاحبتك تتصل عليه.. تضمني عاقبة تصرفك اكثر الشباب لما تتصل عليهم وحده حتى لو مكان تبع حركات مغازل يلعب عليها.. الغرض اما تسليه ما تعني شي او يبي يعرف مين البنت اما في وضعك تكلم عنك لين قال بس ايش تسميها اذا ماكن فاهم الحركة غير وضعها تكلم رجل ما يحل لها كيف رضيتيها بسالك ايش حاجتك لشريحة جديده و خطيبك المفروض اول وحده يعرف عنها قبل اي قرار تتاخذيه فكري صح في الي سويتيه قبل ما تفكري بانه خطيبك غازل صديقتك و الله يوفقك في زواجك |
ياعمري انت الله يصلح قلبك ليه ترسلين له بنت؟
ماتدرين لعله كان يلعب قبل وبعد مايتزوجك ويرتاح بمعك ويحفظ نفسه ويصون نفسه ويتوب00 ياما يجينا مثل هالتفكير ونقول بنرسل وحدة له ونشوف وش ردة فعله بس صدقيني كل هذا من الشيطان اي فكرة تجي في بالك من هالناحية تعوذي من ابليس بس الحين اللي صار صار00 وادري بمشاعرك الحين منهارة والله مادري شقولك الحل انك تصارحينه وبس والله يسهل عليك ويفرج عليك |
ما عليش وبدون زعل
إنتي تستاهلين اللي حصل معك وإلا فيه إنسان عاقل يجلس يسوي إختبارات من هذ النوع البايخ لشريك حياته. وصدقيني ما دام هذي طريقة تفكيرك ما راح ترتاحين أبد. وأخيرا هل تقبلين أن يقوم هو معك بمثل هذا الإختبار؟ يعني هل ستتقبلين فكرة تشكيكه في أخلاقياتك؟ |
انتي ليش ما تكلمينه ما دام مالجين؟؟
اذا اهو يبي يكلمج و يحصل كل شي منج انتي حرمتيه و بعد وفرتي له وحده ثانيه الله يهديه و يهديج |
أشكر جميع الأخوة والأخوات اللي ردوا علي... الله يسعدكم ويعيطكم ألف عافية
...أبشركم انحلت المشكلة... ما أعرف الحين وين أودي وجهي من خطيبي..طلع أذكى مني وكان عارف انه انا.... لأني غلطت غلطة أول ما اشتريت الشريحة الجديدة اتصلت على بنت خالتي(أخت خطيبي) وقلت لها إني اشتريت شريحه جديده وأصلا كلمتها من الرقم الجديد وقلت لها احتمال أغير رقمي القديم وما جا على بالي انها بتقول لأخوها وتعطيه الرقم.......لأني كنت متعمده أسوي المقلب فيه وبعدين أكلمه منها...... بس الحمدلله جات العواقب سليمه...ولد خالتي هو اللي واجهني.. كلمني اليوم وهو بالدوام و كان رايق وقال لي لا تعيديها ترى كنت عارف ان البنت من طرفك ..وجلس يضحك ..وسألني ليه سويتي كذا؟؟أنا حسيت وجهي صار أحمر وما عرفت أجاوب..بعدين قلتله اني أحبك و كنت بتأكد من حبك لي...ضحك.. وقال والله أحبك..ولا أفكر أكلم أو أحب غيرك........أنا طرت من الفرحه وبما أن اخته قالت له عن الشريحه الجديده ....يقولي رديت وكنت عارف و متوقع انت ..بس لما سمعت صوت بنت ثانيه وجلست أتأكد من الصوت وحسيت ان وراها شي ...قلت أكيد انك بتسوين فيني مقلب.. أنا أوريك انت وصاحبة المقلب ....وجلس يضحك ... أنا عن نفسي قلت والله ما عاد أعيدها ...لأني انحرجت احراج فظيع ..وما أعرف وين أودي وجهي منه.....بغيت أقول يا أرض انشقي وابلعيني....... الحين اكتشفت انه انا اللي كنت على خطأ مو هو........ احمد الله واشكره ان العواقب جات سليمه... |
اقتباس:
الحمدلله.. سمعتي يا حلوه لا عاد اتسوين هالحركات اووكي *_^ |
الله يهديك والحمدلله ان زوجك انسان متفهم وباين عليه يحبك جدا الله يهنيكم وعاد لا تعيدينها مره ثانيه
|
جت العواقب سليمه..:D
نصيحه لك ولغيرك...لا تحاولون بيوم تختبرون ازواجكم! يعني تتبعينه..تشوفين وين يروح والا ترسلين له وحده تغازله! دامك ماشفتي الخطا..قدامك لاتغثين نفسك بتصرفات اقل مايقال عنها طفوليه ( وهذا الكلام للي تحوس بجهاز زوجها وجواله ! ) الله يوفقك بزواجك.. |
بصراحة .. اسلوبج هو الخطأ ... كيف قلبج يطاوعج ترسلين بنت تكلمه ومن؟؟ صديقتج؟؟ تخيلي راحت قالت عنج قدام الناس .. أو حتى قدام ربيعاتج شو بيكون موقفج ؟؟؟
الله يهديج بس... الحين لا تزعلين منه ولا تتضايقين .. لأنج إنتي اللي بديتي وغلطتي .. وبيفهم من تصرفج هذا إنج مب واثقه منه .. وكذا بتبدأ المشكلات بينكم بسبب الشك.. وبعدين يا حياتي .. كيف تكلمينه وهو خطيبج .. ما يجوز شرعا .. لكن إذا صار زوجج كلميه لين ما تشبعين محد بيكلمج .. أدري إني بديت فيج تغليط .. لكن والله .. هدفي هو إني أحسسج بإن اللي سويتيه غلط .. انسي الموضوع واتعوذي بالله من الشيطان الرجيم .. ولا تفتحين له السالفة ...مرة ثانية .. وقوليله كنت شوي متضايقة .. بس .. وحبيت أثبت لصديقتي إنك ما رح تكلم أحد غيري .. لكنك فشلتني ... أتمنى ما يزعل من حركتج .. والله يوفقكم .. ويجمع بينكم على خير .. وانتبهي ترى اللي تسوينه ما يجووووووز << تكلمينة وهو ماصار زوجج ولو كان قريبج حتى<< اتمنى إنج تتوقفين لين ما تستوي بينكم ملجة .. والله يوفقكم |
توني الحين قريت ردج الاخير.. والحمد لله إنه طلع متفهم وطيب ..
وما كنت أدري إنكم مالجين ... عيل كلميه لين ما تشبعي..:d :d :d الله يوفقكم .. |
اسمحي لي تصرفك كان غلط من وجهة نظري ..عموما قدر الله وماشاء فعل ..مالي لا ادعو لك
. ..الله يصلح حالكم ياااااااااااااااااااااارب |
الحمد لله اختى , وربي فرحت لك من قلبي وحسيت بأحساسك ومدى فرحتك وخجلك لما صارحك زوجك ...
ما قول غير ربي يوفقكم ويسعد قلبك ويريح باللك مع زوجك . ولا تعيديها ياقشطة ^-^ مرة ثانية . |
هههههههههههههههههههههههههههههههههه
مقلب فله :d :d |
هلا اختي كان ودي اساعدك واخفف عنك بس كلامي مثل كلام باقي الاخوان انتي اللي جنيتي على نفسك حارمه خطيبك من مكالماتك وتبين تختبرينه صديقني لو تواجيهنه بالامر راح ينقلب الموضوع ضدك ابتداء من الشريحة اللي عندك وانك اهنتي رجولته بما ان بينكم عقد شرعي المفروض ما يكون تعاملك معاه بهالطريقة فترة الخطوبة فترة حلوه حلو انك تعيشين لحظاتها حتى لو كانت عن طريق التلفون الله يكون بعونك ويساعدك........ |
ههههههههههههه
ياحليلك انا كنت ناوية اسوي نفس حركتك بس سمعت انه ذكي وخفت وهوووووونت واقتنعت بقووووووووه من تجربتك :) والله يوفقك دنيا وآخرة |
انا كنت حاسة انه عارف من يوم ما قام يمدحك قدام صديقتك
والا لو انه يبي يغازل ما كان جاب طاريك قدام البنت عشان ياخذ راحته والبنت ما تروح من يده اللــــــــــــــــــــــــــــــــــــ يوفقك ـــــــــــــــــــــــــــــــــــــــــه |
الحمد لله انها عدت على خير .. بس تراك غلطانة كثير كيف تحرميه منك وفي نفس الوقت ترسليه البنات يعاكسوه ؟ ما فيه احد يأمن على نفسه الفتنة ..
نسأل الله الثبات على الهدى والحق |
والله الرجال بشوف بنت متصله له وتسولف معاه
تبيه مايعطيها وجه بس اظن زوجج يتسلى معاها يبي يشوفها توصل لوين بس انتي زوجته والزوجه غير مااظن يفكرفيها غير بتسليه بس المشكله انه مستمرحتى لوالبنت انقطعت وماعادت تتصل له فحاولي اللي عطته اياه صاحبتج من كلام وسولف وحب انج تخلقينه بينج وبينه عسب مايفكربأحدغيرج فكان الله بعوونج |
شو هالتصرف الله يرضى عنك..... لو انتي مو واثقة فيه ليه وافقتي عليه من البداية.... وبعدين اللي سويتيه حرام وحثيتي صديقتك على شي حرام اتكلم واحد غريب عنها واتغازله ويغازلها شو تتوقعين تكون النتيجة كل الاخلاص من خطيبك..... (خبز خبزتيه اكليه)
الوحدة لما تبدأ حياتها من جديد تبنيه بعقل وتكسب زوجها واتنسيه كل بنات الدنيا مب انتي رايحى تختبرينه وتفتكرين بعد هالحركة راح اتربينه كان عملته امه قبلك.... الله يهديك اذا باقي عندك عقل استخدميه كيف تكسبينه واحسن لك انك تتخلصين من الشريحة اللي عندك هو راح يتصل وؤاح يتعب بعدها من المحاولة (لا تنسين انتي السبب لا تستائين) واستغفري ربك كثير وتوبي على العملة اللي عملتيها..... |
أخواني أخواتي في المنتدى المحترم....
الله يسعد قلوبكم على المرور الحلو ......أتمنى الموقف اللي حصل لي مع خطيبي ما يتكرر لأحد غيري |
اختي الكريمة نصيحتي لك واتمنى من الله ان تنفديها
لازم تستفيدي من هالموضوع حاولي تكتر من كلام الغزل والحب ولا تخليه يتصل بيكي وما تردي هذا اكبر غلط هو حلالك لا تكوني قاسية وتمنعيه من الكلام اللي يتمنى يسمعه حاولي انك تعبيله عينه انسي كل هالشي رغم انه قاسي بس انتي السبب لا تنسي ،حاولي تبكي وتطلعي اللي في قلبك لا تحكي هالموضوع لاي احد مهما كان وحاولي تتكتمي عليه استغفري الله ولا تخلي للشيطان مكان بينك وبين زوجك واعرفي يمكن يكون هالشي بسبب ذنب عملتيه اختي في الله سامحيني لو كنت قاسيه معاكي بس والله ما ابغاك تخلي الشيطان يفرق بينك وبين حبيبك وادعو الله ان يرزقكما السعادة ويبعد عنكما الشيطان امـــــــــــــــــــــــــين |
corazon
الله يوفق ويسعدك ويسر لك أمورك نصايحك على عيني وراسي |
اقتباس:
|
بسم الله الرحمن الرحيم
أنا ردي بيكون قاسي شوي بس استحملي الله يعينك :11: أولا تصرفك هذا ماله داعي أبد وإنتي اللي جنيتي على نفس(جنت على نفسها براقش) ثانيا: إتأكدي إنه خطيبك ماهو ملك ولا نبي حتى يكون معصوم من الخطأ والمعصية ثالثا: إنتي اللي خليتيه يتصرف هذا التصرف لأنك بداية حرمتيه من صوتك وحنانك واهتمامك وهذا الشي اللي كل شاب ينتظره من خطيبته بعد ملكته وبعدين هيئتي له ظروف الإرتباط بوحدة ثانية (يعني مو هو اللي راح يدور على غيرك علشان تقولي خاين) يعني باختصار عنده فراغ عاطفي يدور أحد يملاه له ولما راح للحلال مالقي هذا الشي. أخيرا: لو صارحتيه بهذا الشي أتوقع إنك راح تدمرين حياتك بنفسك، لأنه أفعالك بصراحة تثير الشكوك فيك إنتي: 1- ليش عندك شريحة ثانية؟ 2- طلبتي من صحباتك إنهم يكلموه، يعني الواضح من إنه صحباتك ماعندهم مشكله يكلموا شباب ,اقرب صديقة لك هي اللي وافقت ( قل لي من تصاحب أقول لك من أنت) :29: يعني معليش لو أنا كنت مكانه واكتشفت بعدين إنه هذي تصرفاتك وهذول هم صحباتك ماراح أستمر معك ولا يوم واحد :( |
اختي انصحك نصيحة .. من وحده صديقتي فاهمة بهالامور زين..
لا تواجهينه .. اذا واجهتيه واللللللله بيتفركش كل كل كل شي.. ولا تحز بخاطرك لان متاكده لو تزوجتوا بينسى و يسلى و بتصيرين انتي هاجسه الاول والاخير ما اقولك انه ما غلط .. اكيد غلط .. لكن بالاخير هو رجججججججججججل .. باعتقاده يقدر يثبت رجولته بهالطريقة والله يوفقك يارب |
الحمد لله حبيبتي انها عدت على خير,,,
كيف قدرتي تخلين وحدة تكلم حبيب قلبج وريلج اختي ,, الله يسامحج ؟ ماتغارين ؟ انا امووووت من الغيرة ماتخيل اسوي هالشي بخطيبي حاسة فيج حبيبتي وادري ليش سويتي هالشي ,, تبين تتأكدين زيادة ,,تعوذي من ابليس واستغفري ربج بس ماعليه لاتعيدينها معاه ,, لان تصرف يوحي بالشك ,, واي واحد مايكون مرتاح لو حد شك فيه ترا هالزمن كله فتن ,, وانتي زوجته شرعا ,, فالمفروض تحمينه من الفتن بدل ما تفتنينه بغيرج الريال محتاج للحب والدلال والغزل والكلام الحلو,, واللي يسأل عنه ويخاف عليه لازم ما تحرمينه من هالشي لانه من خطب حط بباله ان بيحصل ع الحنان والحب والغزل ,, لاتخففين المكالمات ,, هو محتاج لج وانتي محتاجه له والغلط انج تجرين صديقتج للغلط ,, تخلينها تكلم ريال محرم عليها ؟ ومب حلوة بحقج بعد يمكن تقول هالسالفة يدام الناس ,, هذا غير البنات اللي حاولتي معاهم قبل وما رضو ,, لو ما قريت ردج الاخير كنت بقولج ان اكيييييييييد هو شك بالسالفة لان مستحيل ريال تتصل له وحدة ويتكلم معاها عن وحدة ثانية (عنج) اذا كان يبي يغازل وكنت بقولج لا تقولين له وانسي السالفة ,, بس الحمد لله ريلج طلع متفهم وااااااايد واتقبل السالفة وكلمج بضحك عنها ,, والسموحة حبيبتي اتمنى ماكون ضايقتج |
اختي عليك ان تحسسيه انك خطيبته وانك زوجته بالمستقبل يعني اسألي عليه دائميا كما قال الاخوان كي يرد باله من نفسه ويلا يخرج لي المحظور
وانا من راي انتتكلميهعلي الجوال يعنيمو دائما ولكن علي فترات تدكره انه انت له وهو لك وارجوا ان اكونوفقت لي حل المشكلة انا واخواني فالله جزاك الله خير |
| الساعة الآن 12:46 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
