منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   حلويات (http://www.66n.com/forums/forumdisplay.php?f=86)
-   -   #ممكــــن طلب ((حلى بسكــــــويت مــــاري )) .... (http://www.66n.com/forums/showthread.php?t=143231)

الباسمه : ) 27-09-2007 03:44 PM

#ممكــــن طلب ((حلى بسكــــــويت مــــاري )) ....
 
السلام عليكم ورحة الله وبركاته


ممكن مساعده..؟؟؟

طريقة حلى البسكويت ماري وتكون بالمقادير الله يسعدكم...ادري هو سهل ...

بس مره سويت مع الشكولاته دقيق والله لا يوريكم كيف صار طعمه حتى كان زي الحجر قاسي....


ووزجي كل ما اقول له بسوي حلى الماري يقول لا لا خليني آكله بدون شئ..بس سوي لي شااااهي

<<يؤيؤيؤ يخاف اخربه وما ازبط الحلى...


الان ابغى منكم طريقه اكيده لحلى ناجح ولذيذ.....

وسلامتكم

jeans 27-09-2007 04:04 PM

وعليكم السلام ورحمه الله وبركاته

هلا وغلا بالباسمه :)


لقيت لك هذي الطريقه ان شاء الله تعجبك :D

2 علبه بسكويت ماري
حليب لتغميس البسكويت

- كريما الكاكاو :
2 علبة قشطة نستله
2 حليب نستله صغير
3 ملعقة كاكاو بودرة
2 ملعقة كبيرة حليب بودر


الطريقة:

- اغمسي نصف البسكويت في الحليب بخفة و ضعيه في البايركس .
- اخلطي مقادير كريما الكاكاو مع بعضها البعض بمضرب اليد .
- مدي نصف كريما الكاكاو فوق البسكويت ثم ضعي طبقة أخرى من البسكويت المغمس في الحليب ثم الطبقة الأخيره من خليط الكاكاو .
- إذا أردت عمل أكثر من طبقة فقط ضاعفي المقادير .

اذا لقيت اكثر من طريقه ابنقلها هينا باذن الله

الباسمه : ) 27-09-2007 04:17 PM

هلا والله بالغاليه...


مشكووووووره....تعرفين كنت حاسه انك بتردي عليا..ما ترضين لي كسرت الخاااطر هههههه....

بس اللي اعرفه يا خيتو انها اسهل من كذا..اذا على كذا صعبه هههههه...لا بس ابغى اعرف طريقه ثانيه..

يعني مو طبقات....يتم تكسير البسكويت وخلطه مع خليط الشكولاته..ونلفهم بالقصدير وعالفريزر على طوووول...بس ابغى اعرف المقادير المزبوطه.....يعني خليط الشكولاته شو اخلط معاه..لاني مره خلطت دقيق؟؟؟؟؟


تسلميلي .... وانتظرك في حال وجدت طريقه جديده : ) ......


اختك : )

jeans 28-09-2007 03:43 AM

يحليلك يالباسمه :D

والله شوفي انا عندي طريقه حلا ما ادري هي الي تقصدينها والا لا

اخلط علبتين قشطه مع 3 ملاعق كبار شوكولاته بودر اذاكان الشوكولاته البودر مره

احط مع الخلطه 2ملعقه سكر وبسكويت مففت يمكن علبتين تقريبا واذا حسيتي الخلطه اكثر من

البسكوت زيدي كميه البسكوت المكسر

وحطيه بقصدير ولفيه بطريقه اسطوانيه وعلى الفريزر على طووول وطلعيه وقطعيه حلقات

رووووعه ترا ولا اسهل

وتنفع الخلطه مع اي نوع بسكوت

ان شاء الله تطلع الي ببالك :D

الباسمه : ) 28-09-2007 06:07 AM

يا زينك زيناه.. محد معبرني غيرك ههههه..اشوف الطبخات حقنا ما عرفوهااااا.....الله المستعان


تقريبا هي نفسها...بس سؤال...يعني احط الشكولاته على النار بدون حليب...لانه بدون سائل(حليب او ماء) الكاكاو ما راح يذوب....

ومشكووووره يا غااااااليه....الله يجزاك خير ويسعدك ...

وراح تحصلي من وراااي اجر...إن شاء الله ... : )

jeans 28-09-2007 07:53 AM

لايالغاليه الكاكاو البودر بينخلط مع القشطه

مجرد انه تخلطين القشطه مع الكاكاو واذا احتجتي لسكر اضيفي شوي تخلطينهم بزبديه كبيره

وتضيفين عليهم البسكوت المكسر وبس وبس

مايتحاج نار ومانار

وحاضرين للطيبين يالغاليه :)

على قكره اختنا ماء القمر منزله صور له ترا واعتقد اليوم بتنزل الوصفه

ان شاء الله تفيدك بعد :22:

كل الغلا 30-09-2007 02:44 AM

اعتقد اللي تقصدينة الموجود في الصورة يسار..

http://www.m5zn.com/uploads/401ef70c8f.JPG

طبعا الصورة اخذتها من موضوع لماء القمر...

الباسمه : ) 30-09-2007 04:11 AM

ايوه اختي كل الغلا هذا اللي اقصده وطلبت من ماء القمر في نفس الصوره اللي اخذتيه منه

بس للحين ما ردت : (......


عموما مشكورين.......وجزيت خيرا ..

jeans

مشكوووره والله يجزاك خيرا على وقفتك وتعاونك.....تشكرااااات

مشمشة عمري 30-09-2007 06:03 AM

اختي الغالية
هذه هي الوصفة فكنت اعملها من أيام المدرسة..يعني من قبل 12 سنة...اعطتها لي صديقة في الأردن جزاها الله خير
وأحب هذي الحلا جدا لأانها سهلة ولذيذة في نفس الوقت

المقادير:
علبة قشطة
كاكاو حسب الرغبة
2 باركيت بسكت ماري
سكر حسب الرغبة
2 ملعقة جوز هند للتزيين(أنا ما اخلي هذا لكن يمكنك وضعها لو تحبين جوز الهند)

الطريقة:
تضعين جميع المقادير ( ما عدا البسكت وجوز الهند) مع بعضها
تكسرين البسكت وتضعينها مع الخليط ويحرك جيدا حتى تخلط
يوضع المزيج على ورق الألومنيوم ويلف بشكل اسطواني
يوضع بالفريزر وبعد التأكد من جمده وتماسكه يشال منه الألومنيزم ويقطع الى دوائر ويزين يجوز الهند

وصحة وعافية

الباسمه : ) 30-09-2007 04:30 PM

مشكوره اختي مشمشه ...... ما قصرتي...

.الله يفرج كربتك ويزوجك بالزوج الصالح الذي يخاف الله ....
بوركتي


الساعة الآن 12:07 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©