كيف اتعامل مع طفلي بعد طلاقي
مساء الخير جميعا
بصراحه انا الان مره متضايقه وقلت اكتب هنا عالأقل اقرا نصيحه او كلام يقويني شوي مثل ماتعرفون انا مطلقه ام لولد الله يحفظه ويخليه لي وعمره تقريبا ب 6سنوات وربي وحده عالم انا لأي درجه ضحيت حتى بكرامتي عشان ولدي مايتضايق من اي شي او يحس بأي حرمان او نقص وماقصرت معه بأي شي لا مادي ولا معنوي ماشاءالله تبارك الله واسأل الله ان يعيني ويقدرني على تربيته التربية الصالحه واحاول قد مااقدر كل ماسأل عن ابوه او اهل ابوه اوديه لهم لين بابهم عشان مايحس اني حارمته منهم او يحس انه مايقدر يشوفهم حتى احيانا بأيام الدراسه يطلبهم واوديه هذا بشكل مختصر قبل شوي صدمني قال لي ماما انتي ليش ماتبينا نروح لبيتنا ليش مايجي بابا وياخذنا ونروح معه انا ماابي اجلس هنا ابي اروح لبيتنا انتي ليش ماتبين بابا ماتتوقعون شكثر كسرني كلامه كأنه يحط اللوم علي وطبعا انا رديت عليه ورجعت افهمه وش معنى طلاق واحنا ليش ساكنين هنا بس كأنه مااعجبه كلامي وقتها والله جاني إحساس انه ودي ارسل مسج لابوه ولا اخلي كلمه ---الا واقولها له والله وقليله عليه باع ولده بأرخص ثمن وبالأخير ولدي جالس يلومني طيب انا انخنت وصبرت وانغدر فيني وانهنت وبعد كل هذا جالسه قد مااقدر اكبر ابوه بنظره عشان مايحس بأي نقص بذمتكم هل غلطت يوم رسخت في عقل ولدي شخصيه لابوه غير حقيقته اسأل الله ان يعافيه مما ابتلاه به ولا يبتلينا والله مقهوره مدري هل هو شي طبيعي وكل الاطفال كذا يحطون اللوم على امهم والا هالشي ممكن يأثر على نفسية الطفل وهل تنصحوني اني بين فتره وفتره افهم ولدي انه ابوك هو اللي مايبينا لان فعلا هذي الحقيقة والا وش الطريقه الصحيحه في الاجابه على الطفل لدرجه ان يقتنع ويحس بالأمان تم تعديل العنوان ليتناسب مع المضمون |
رد: كيف اتعامل مع طفلي بعد طلاقي
كان الله في عونك يا ام الغالي ......
|
رد: كيف اتعامل مع طفلي بعد طلاقي
وابوه ايش جوابه على هالأسئلة؟ شو بيحكي للولد؟
|
رد: كيف اتعامل مع طفلي بعد طلاقي
ابنة عمتي مطلقة ، و لها بنتان ، وضع بناتها النفسي مستقر جدا عند والدتهما - اللهم بارك لهما - لولا التدخل بالشيطنة و تدمير نفسية الاطفال من قبل بعض الاشخاص كما بلغنا ...
عموما كلام الاخت مسك صحيح ، فالجانب الاخر مهم جدا من هذه الناحية ، فعلى البناء ان يتم بشكل متوازن و سليم من كلا الطرفين ! |
رد: كيف اتعامل مع طفلي بعد طلاقي
أتمنى فعلا انه يسأل هالأسئلة ابوه
عالأقل يأنبه ضميره ويشوف كيف باع ولده برخيص وودي والله اعرف وش يجاوبه ولو اني احس انه مايسأله هالأسئلة لأن مايجلس معه الوقت الكافي اكثر وقته اذا وديته يجلس مع اهل ابوه لأَنِي كل ماسألته يقول بابا جا جلس شوي وراح الله يقويني ويقدرني على اني اعوضه عن كل شي وكيف اعرف وش يجاوبه ؟ |
رد: كيف اتعامل مع طفلي بعد طلاقي
كيف تتواصلي مع زوجك يا ام الغالي ؟
|
رد: كيف اتعامل مع طفلي بعد طلاقي
اقتباس:
بَـ الرسايل |
رد: كيف اتعامل مع طفلي بعد طلاقي
سجلي اسئلة ابنك في اوديو واتس اب و اطلبي منه ان يجاوب ابنه بشكل مطمئن !
|
رد: كيف اتعامل مع طفلي بعد طلا
لو كنتى حنينه عليه نفسيا ميش ماديا
ميش هيسيبك ولا يفكر يسيبك ابدا |
رد: كيف اتعامل مع طفلي بعد طلا
خليكى معاه كتير واحتويه وحسيسه بحنان الآم هينسى ابوه فعليا
|
الساعة الآن 10:06 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©