إلى كل أمرأه عاملة أرجو أن تساعدني
اخواتي في هذا المنتدى ...
انا بعد شهرين سوف اعمل ولدي اطفال وزوج يحب الاهتمام وخااااااايفه موت اني اقصر بشيء سواء في بيتي او زوجي او اولادي ... من جد بطني يعورني ( دعواتكم لي ) اريد من كل امرأه عامله ان تعطيني جدولها ... وكيف ترتب امورها .. متى ترد من الدوام ... متى يرد زوجها .. الطبخ .. والخادمه .. الاولاد ... وكيف هو جدول النوم .. ارجوووووووووكم .. دعوني اتحمس ... ساعدوني حتى استطيع ترتيب نفسي ... |
ماعندي اي فكره
بس الله يوفققك:) |
وفقكِ الله و يسر أمورك
|
وفقك الله وييسر امرك
انت لو خبرتينا بوقت دوامك ودوام زوجك بنقدر نفيدك اكثر انا ابقول لك جدول بس ماهو جدولي لاني ماني عاملة اذا دوامك مدارس يعني صباحي قومي الفجر وصلي بعدها ظبطي فطور زوجك واولادك وبعدين تجهزي لدوام افطري معاهم واطلعي لدوام بعد ماتردين من الدوام ضبطي الغداء واذا تستعملين قدر ضغط فاحلى شيء واذا زوجك ما يوصل الا متاخر يعني بعد العصر فنامي الى العصر اذا جاء زوجك تغدي وياه اهو بينام او بيطلع بكيفة استلمي اطفالك وذاكري لهم بعد المغرب نظفي البيت وظبطي العشاء متى ماجاء زوجك يتعشى واطفالك عشيهم بدري طبعا التنظيف الدقيق بيكون بالخميس والجمعة اما باقي ايام الاسبوع بيكون تنظيف سطحي الغسيل لاتراكمينة لانه متعب يعني حاولي كل يومين تغسلين الملابس طبعا المراة العاملة وعندها اطفال وماعندها خادمة صراحة صعب جدا تطلع بايام الدوام طبعا ياقلبو يحكمك كبر البيت اعمار اطفالك زوجك اذا اهو بيتوتي بيكون عائق شوي بس انت توكلي على الله ومن توكل على الله كفاه |
اول اشي لا ترتبكي ولا على بالك انا يا ستي امراة عاملة وبحكيلك اياها عن تجربتي انا برجع على البيت 4 ونص بغير الملابس وبفوت ابني معي على المطبخ وبطبخ اكلتي الي بتاخد معي تقريبا ساعة وبجلي اول باول اذا ابني نكد بحملو عادي ما بعقد الامور او بحطو عند جوزي عند التلفزيون بعدين بعمل قهوة انا وجوزي ومنقعد ترتيب البيت مو كل يوم يعني باالايام العادية اهم اشي المطبخ والجلي والحمام يكونو نظيفين وباقي البيت اول باول يعني لما ينشلحوا الملابس بنضبو فورا وهكذا مرات بصحى بدري بحط وجبة غسيل وبنظف الحمام وبتحمم وبنقع الرز وبطول اللحمة الي للغدا يعني الحياة ابسط بكتير مما بتتخيليها ومع مرور الوقت بتتعودي على النظام الي رسمتي لحالك وموفقة
|
انا امراة عاملة كتبت من ثلاثة ايام موضوع عن شغلي وواجباتي الزوجية والمنزلية
انتي حسب طبيعة شغلك ودوامك ودوام زوجك تقدر تعملي جدول والمشكلة عندك اطفال انا دائما اصحى الصبح باكر واعمل كل شئ وبعدين تروحي تشتغلي لما ترجعي تنامي اذا قدرتي تنامي انا شخصيا اقول لما ارجع انام الاقي مئة عمل مستني والمشكلة انا وزوجي فقط ما عندنا اولاد لكن شغل البيت وطلبات زوجي ما تنتهي حقيقة راح تتعبي..ولازملك مساعدة من زوجك.... انا بعاني من هي المشكلة وما عندي اطفال...طول اليوم اعمال تنتظرني.. حاولت كثير انظم وقتي لكن الامر صعب..لكن كله يسهل بتفهم زوجك..حسب زوجك الله يوفقك يسرلك امرك |
السلام عليكم
اختي ورد انا عامله ووقت دوامي في الصباح اصحى الساعه 5 اخذ شور ينشطني وبعدها على المطبخ اجهز قهوة زوجي وفطوره وبعدين اشوف اموري لبسي وزيينتي بنتي امون مجهزه شنطتها بالليل لاني اوديها عند ام زوجي طبعا الساعه 6ونص اطلع من البيت وارجع الساعه وحده اكون يااما طباخه الغداء الدجاج او اللحم من الليل لان غدانا كبسه بالعاده فلما اجي ماعلي الا اني اضع الرز او استخدم قدر الضغط زوجي يطلع من دوامه الساعه 2ونص ويلقى كل شي جاااهز طبعا انام بعد الغداء واقوم للصلاة العصر واشوف بيتي اتمنى اكون افدتك |
اقتباس:
الله يجزاك خير ... اجمعين |
اختي اطياف جزيتي خيرا :)
اقتباس:
دوامي الى 2 الا ربع ... ودوام زوجي 2 ونص ... وبالنسبه ببقدر الضغط اخاااف منه حيل ... واشكرك على الجدول :) |
اقتباس:
اتمنى تروح الربكه ومن جد شجعتيني ...الله يوفقك |
الساعة الآن 06:09 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©