العروس المحطمه...آه يا دنيا ( حلت المشكلة ولله الحمد )
 

انا عروس من 6 شهور ... وزوجي انسان لطيف وطيب وكريم لأبعد الحدود ... ولكنه وقد الزعل تنقلب حياتنا فوق تحت
وانا انسانه ادرس في منطقه تبعدني عن زوجي ....يعني اشوفه كل ويك اند ... عشان كذه اسويله كل شي في هالويك اند.. ادلعه اسويله مفاجآت ...... وكل الحركات الرومانسيه ما ابخل عليه بشي...... وهو طبعا عمره ما فكر يسويلي شي ..... وكله يقول انه هالحركات بنات وهو ما يعرف يسوي ..... زعلت وصارت مشكله كبيره وحلفت من بعدها ما اسويله اي شي ..... واستمريت فتره طويله من دون ما اسويله شي..... ومشكله ريلي انه انسان يحب يذل الواحد ..... ولو صارت اي مشكله وزعل مني يذلني ويطلب مني اسوي له اشياء ويأمرني ويحسسني اني خادمه له .....
وآخر مشكله واجهتني وانا للحين مب قادره اماشي او ارضي انه عقب ما شالني من بيت اهلي ورحت شقتي سويت له عشا ودخلت اسبح ولبست له بس من دون مكياج وطلعت له .... ما تكلم ولا قال شي ..... عقب شفت ان الوقت تأخر وصارت الساعه 2 ليلا وانا عندي دوام اليوم الثاني قلت بروح انام ...... عقب شوي يا ينام وقالي يبا يكلمني في موضوع ..... وانا اتريا الموضوع وهو ساكت ..... انا فلحظتها خفت قلت اكيد اني مسويه شي كبير ..... عقب بدأ يقولي ليش انا اقل من الرياييل ؟؟؟ وأنا ما استاهل تسويلي مكياج ؟؟؟ وانتي مقصره علي من ناحيه المكياج ؟؟؟ المهم كان كلامه كله عباره عن صراخ وعصبيه .... انا انصدمت ... وما تكلمت بشي ... عقب نمت واليوم الثاني كله ما كلمني ولما جاء الليل لبست له فستان وحطيت مكياج وعدلت شعري ... اللي يشوفني يقول رايحه عرس .... وانا سويت كل ها بس كنت حيل متضايقه .... عقب يا وسألته تريد عشا.... قال لي لا ... حتى ما طالعني ....... حسيت باهانه كبيره اني مسويه كل هالشي له وهو ابد ما قالي شي.... عقب بدلت ملابسي ورحت ارقد ...عقب ما حطيت راسي بربع ساعه كلمني وقالي انا اعرف انج سويتي هذا كله لي بس انتي ما ييتي تعتذري لي وتقولي ان كلامي صح وانج غلطانه .... وانج مقصره فيني ..... وانا عقب يوم اشوف غيرج لا تزعلين ...... وترى بنات الشارع وكثير ..... وانتي راسج يابس وعنيد انا بكسر هالراس ..... وبتمشين على الصراط المستقيم .... وانا كله قاعده ابكي وابكي بحرقه .... وآخرتها قالي يالله انخمدي ....

انا الحين عند اهلي .... لأن عنده زام ..... وبقعد يومين عندهم ..... وانا مب عارفه شو اسوي .... مرات اقول بخبر اهلي يوقفونه عند حده ...... ومرات اقول خلنا نحل مشاكلنا وحدنا ..... ومرات اقول بكلم عمتي ...... والله ولين الحين مب عارفه شو اسوي ...
دخيلكم شوري علي تراني بديت اضيع .... مع العلم ان ريلي اكبر عني ب10 سنوات ..... عشان كذه احسه يحسبني طفله وبيمشيها على كيفه.......

اختي عليك الدعاء واذا كان زوجك يشوف مسلسلات حولي تبعدينه00

لازم يحس انك طفلته المدلله

لا تبكي ولا شي

كل المطلوب منك

انك تكوني كل يوم كيوم عرسك



اعطيكي نصيحه سويها


في الناس الجنس ما يكفيهم ميشان هيك يعصبو

وهو مثل ما قال يشوف في الخارج نساء اشكال والوان



احضري طبق ماء وضعي فيه قليل من عطورات المساج اللي تريح الاعصاب


وضعي له رجليه ومساج وخصوصا بين اصابع رجليه


وشوية مساج للكتاف والراس والجبين


ويديه مع بعض القبلات والكلام المعسول باذنيه بهمس



وشويه شويه رح يغير طريقة طريقة كلامو معك

اهم شي وقت ذروة المشكله اياكي والدموع


وقت يشوفك صامده يخفف



الرجل بطبعو يموت في دموع المرأه يحاول المستحيل تيشوفها




اعملي بالمثل اللي يقول

لقمة الرجل مقمره ما تاكلها الا كل مشمره



اذرعي بقلبه حبك واسقيه شويه شويه

تتحصلي على نبته جميله زرعتيها بيديكي وسقيتيها

شكل زوجك مو راضي عن شغلك يبغاك في البيت ترا اغلب الرجال كذا يلا الله يعينك ويصبرك وحاولي بقدر الامكان ماتهتمي بشغلك أكثر من اللازم ولا تنامي الا بعد ماينام يعي خليكي صاحية معاه والله يوفقك ونصيحه لا تقولي لأهلك ولا عمتك ترا الموضوع بيكبر

شكرا لأختي oula1
بس انا والله ما اقصر فيه بشي ....مساج وسويتله .... وزيوت عطريه وسويتله ..... حتى يوم يكون راد من الدوام احطله الماي الافي لرجله وبين اصابعه .... يعني انا بالعربي ما قصرت عليه بشي .... حتى الاكل لااااز القمه ... وهو بيلعب سوني .... ودائما يقول انه المرأه لازم تسعد زوجها ... زين انا مين يسعدني ؟؟؟؟؟

والله ان صدري ضايق .... ومش قادره اتحمل مذلته اكثر عن كذه ..... وانا بصراحه غلط كثيــــــــــــــــر لما دلعته .... ومن اليوم ورايح لازم اشياء كثير تتغير ..... عشان يحس باللي اسوي له ....

عفوا لاحظت انك تدرسي بعد الرد حاولي تطبقي كلام الاخوات وتعوضيه مو بس في الويك اند

نصيحة لك .. مشاكلك خليها بينك وبين زوجك لايدخل أي طرف آخر مادامت المشكلة بسيطة

بالحوار كل شي يتعدل ، إنتِ كلميه وقولي له بجلسة رايقة بينكم إنك تطمحين تكونين الزوجة المطيعة

المحبة لزوجها ، أي خطأ تشوفه مني علمني عنه بهدوء وأنا برضيك قد ماأقدر

حاولي تصغرين كل مشكلة بعينك لاتكبر وشوفي مميزات زوجك أكثر لأنه مهما كان مافي إنسان يخلى

من العيوب والحياة قدامك صعبة توقفين عند كل موقف !

زوجك له مدخل أكيد ، حاولي تعرفينه

مثلاً يحب الكلام والتعبييير .. امدحيه كثير

مثلاً يحب الأفعال .. اطبخي له واكليه واهتمي بلبسه وببيتك

مثلاً يحب الثقل ويحب إنه هو اللي يجري ورا زوجته عطيه فرصته خليه يشبع غروره

إنتِ بس لاتعصبين وتزعلين شوفي واضح زوجك يحب إنك تعتذرين منه بعد أي خطأ

اعتذري منه واكسبي راحتك وتأكدي سعادته من سعادتك كل شي راح يرجع لك

الله يوفقك ..

أنتي ما سويتي جريمة عشان يسوي كل هذا

كل السالفة عشان ما حطيتي مكياج ........... الله أكبر

بعض الأحيان الواحد يكون ما عنده نفس غصب يعني ما في تقدير للظرووف

و اللي تقولك اعتذري من ايش تعتذرين ..... حمدالله و الشكر الانسان يعتذر من خطأ و اذا مافي خطأ ليه يعتذر ؟؟؟؟؟

بس حنا أغلب الحريم علمناهم اننا نعتذر في أي وقت حتى لو كانوا هم الغلطانين ليـــــــــــــه ؛؛؛؛؛؛؛؛؛؛؛

أنا اذا كنت غلطانة نادرا ما أعتذر تبغين و أنا مو غلطانة أعتذر ((( يا سلاااااااااااااام ))) * آخر ما يتمناه أسويه