|
عندي عدة اسئله بخصوص ابني؟
السلام عليكم ورحمة الله وبركاته...
اخباركم ابي اسئلكم انا ولدي عمره سنه و7شهور يعني قرب يكمل سنتين والي قاهرني اني ارضعه من صدري ورااااافض شيء اسمه رضااااااعه مافي عصير ولا حليب ولا ......شيء الا ؤحطيته ورااااااااااافضها حيل ..... الان كيف ابعده عن الرضاعه الطبيعيه بلتدريج كيف تعبت والله تعبت يجيء يبكي ويبي يرضع وارفض واعطيه شيء ثاني من اكل تخيلوا يرفض يأكل مستحييييييييييييييييل يأكل يقعد يبكي ومايأكل ويرؤح يلعب ولا يأأأأأكل .....! هو من النوع العصبي والعنيييييييييد.... الاهم وش اسؤي ووش اعطيه ؟؟وكيف الطريقه لتعويده علئ الاكل طبعا شهية بلاكل مو زينه ابدا تخيلؤا يبي يرضع وبس اكله ضعيف طبعا ضعف اكله من عمر سنه والسبب لااعلم !!!!!!!! الشيء الاخر ولدي اغلب وقته يشاهد قناة طيؤر الجنه هل يأثر عليه انا احطه له لاجل اشتغل واروح وهو عليها وبحكم انه وحيد ومحد يونسه ومحد ازوره لاني بحالي بلمنطه الا انزل لاهلي بلرياض كل 2اسبؤعين ويمل من الوحده والشيء الي لاحظته وهو ان بدايت ماتكلم كان نطقه ماشاء اللله بطلاقه والان بدء لايعرف يتكلم مثل قبل !!!!!!! شؤي شؤي واتوقع السبب التلفزيؤن انصحوني كم اشغل له بليؤم ؟ وكيف انمي مهاراته بلنطق هل في كتب للعمر مايقارب 2سنتين ..... افيدوني جزيتم خيرا . |
عزيزتي ..
مررت بمثل مرحلة فطام أبنتي .. كانت جدا جدا صعبة .. .. أولا أستغلي وجودك بين اهلك وقومي بفطمه .. لأنه سيلهو عنك وعن الرضاعه مع اهلك ومع باقي الاطفال .. ولكما جاء لك يريد الرضاعه قولي له ( بح ) يعني خلص .. واعطيه اي شيء عصير او شيء , بس طبعا هو راح يرفض ويبكي ويبكي .. لانه يريد يضغط عليكي حتى تفكي الحصار عنه وترجعي ترضعيه ..لذلك أفطميه وانتي بين اهلك حتى يساعدونك .. يآخذونه منك بالليل وقت النوم , يلهون معاه ويلعبون , ويآخذونه مشوار صغير للسوبر ماركت لشراء العصير , أو لمحل العاب , بس ابدا لا تستسلمي .. ولا تظني انه بيقبل على الاكل بشهيه ابد .. لانه يريد يعاقبك .. ولانه يعرف نقطه ضعفك , فلا تستسلمي .. وبعدها راح يقرصه الجوع ويآكل ويشرب عصير .. وياري تعطيه عصير وليس شراب , لانه الشراب كله الوان ونكهات صناعيه , عطيه حليب ندى او اي نوع ويكون بكرتونه صغيره لانه توه صغير وما يقدر يشرب علبه كبيره .. ,, وعوضيه بالحب والحنان , وأبد لا تعصبي ولا تبكي قدامه , خذيه بالصبر والحنيه .. و ان شاء الله كلها بس ثلاثة ايام وبالكثير خمسه ايام وينسى شيء اسمه رضاعه طبيعيه .. .. بس ياريتك بداتي تفطميه بالتدريج .. يعني مثلا .. تبدئي بفطامه نهارا , يعني ما ترضعينه بالنهار ابدا بس بالليل ,, واذا تعود , تبدئي تفطيمه هن الرضاعه بالليل .. .. وثانيا انا ما أفضل انك تتركي طفل صغير ونونو لسه قدام التلفزيون كل الوقت , العبي معه واضحكي معه . العبي معه كوره , وركبي معاه مكعبات الاطفال ونمي ذكائه , حفظيه سور قرآنيه صغيره بدل ما تحفظيه اغاني من قناة طيور الجنه , ترى الطفل بهذا السن ذاكرته تكون قويه للحفظ , نمي ذكائه , نمي علاقاتك الاجتماعية مع الجيران على الاقل علشان الطفل تطلعي معاه وتزوي جيرانك وتغيري جو ويغير طفلك جو ويتعرف على ناس ويكون علاقات اجتماعيه مع الاطفال .. لانه ممكن يكون انطوائي ويخاف الناس .. ونظمي وقت نومه , واكله , ولا تعلميه على الوجبات الخفيفه مثل الشبس والحلويات . وأستبدليها بالفواكه والبسكويت والخضار مثلا الخيار والاطفال يحبون الخيار خصوصا اذا كان مقطع اعواد .. هدرت واااايد ^^ وان شاء الله اكون افدتك بشيء .. نسيت اخبرك ان تشتري قصص فيها صور كبيره وملونه . وتقصيها له بلغه هو يفهمها , علشان يحب القراءة من صغره , وفي كتب تعليميه للاطفال الا بمثل سنه فيها صور حلوة اشتريها له وعلميه عليها , صدقيني راح تفرحين لما تشوفيها يتكلم ويقول اسماء الاشياء والالوان واسماء الحيوانات .. راح تكون عنده مفردات كثيره تساعده في الكلام ,, |
مشكوره
لكن الورطه اذا فطمته بلنهار كيف اقدر عليه وقت النوم لانه يقؤم يبكي يبيني ارضعه ؟؟؟؟!!!!!!!!! فأتورط والمشكله رفض رضاااعه كيف اسؤي؟؟؟ واما عن الوحده فجيراني للاسف زرتهم واسئل عنهم ويطنشون فاتركتهم وحاليا نطلع برئى علبحر او مع الاهل بلرياض وكذا واسؤاق لكن قصدي من الؤحده بلبيت فصرت العب معه انا وابؤه وهو يحب الكوره ياليت تدلوني علئ كتب حلوه لهلعمر مثلا فيها صؤر حيؤانات ابي اشتريها له ووش العصيرات الي ينصح بها ؟؟؟انا اعطيه دناو وحليب الصافي بلكاكاو وغيره .... وش رايكم بلاكواب الي بها مصاص اخذه له لاجل وقت النوم |
شايله هم كبر الجبال
وهو عنيييييييييييييد وعصبي...الله يصلحه ويهديه. |
الله يسعدكم
ويرزق من تساعدني ارجوكم |
حبيبتي الفطام بدو ارادة قوية انا ابني كان معتمد عيل كتييير بال رضاعة و ما يرضة الاكل و فطمته مرة وحدة خلال يومين
و رضي الصناعي لما حطيته تحت الامر الواقع و نسي الرضاعة بيومين .. بس بدها ارادة منك و قوة قلب .. لانه رح يبكي و يصرخ و يوريك الويل انا صراحة ما زبطت معي من اول مرة يعني من ثالث مرة . ابني عمره 3 سنين و يقعد على طيور الجنة معظم الوقت و تعلم منها شغلات كويسة و صار يعرف كلمات اكتر .. الصراحة احسن من اي قناة ثانية ممكن يشوفها بالنسبة للكتب موجودة بالمكتبات اشكال و الوان اسالي و اشريها ان شاء الله اكون افدتك حبيبتي موفقة يا رب |
باحثه عن الحق
الله يسعدك يارب ريحتيني شؤي... لكن اذا قام اخر الليل ويبي يرضع ارضعه ولا احرمه نهائيا كيف اتدرج معه .... انا قلت من اليؤم ابحاول مااعطيه بلنهار وابعوضه بلاكل وابرضعه بليل وشوي شوي الئ ان اعوده بليل بعد ومعد اعطيه الاهم عطوني طريقه كيف الطريقه اذا قام ويبي يرضع هل في حليب مناسب او احكوا لي عن قصصكم . |
ياناس ولدي
اكله بدء يضعف مايأكل كله يرضع واذا منعته يضرب عن الاكل سؤيت له كل شيء رز مع ايدام عصير برتقال بلبيت وموز مقطع صغار يأكل كم حبه وبس تفاح كم قطعه صغيره ويكتفي حليب دافيء مستحيل يشرب حتئ لو مع كاكاو عصير معلب يشرب لكن مو كثييييييييييير وزنه بدء ينهار وجهه مسمر من قلة الاكل بصراحه هو يحب البطاطس المقلي لكن مااعطيه كثير منه |
اقتباس:
زوجي قال وش نسؤي عطي بطاطس مقلي!!!!!! حسيت خلالالالالالالالالالالالالالاص يئست منه منقهره مايأكل شيء الا قليل جدا جدا ويرجع يطلبني !!!!يبي ارضعه طبيعي وفكرت اني امنعه بتاتا من صدري صح باقي 5 شهور ويكمل 2 سنتين لكن يناس ابيه يأكل تعبت منه ماياكل شيء الا يرضع وبس وش اسؤي معه هو لاهو مريض ولا شيء ولله الحمد لكن دلع وبس وشكلي خلالالالالالالالالاص ابهاوشه واغصبه علئ الاكل معد ابرضعه يمكن الا نادرا بليؤؤؤؤؤؤؤؤؤؤم ...........ز خير ياطير ذبحني من كثر مايرضع اذا كان جوعان رجع علي يرضع طبيعي انا هلكت وهو نحف وكل يؤم الاحظ وجهه هلك من الجوع لاتقؤلؤن راجعي المشفئ مابينفع لاني قد قلت لهم وقالؤا عادي شهية الاطفال تضعف انا ماضعفت انا اقؤؤؤؤؤؤؤؤؤل ماياكل ليته يأكل قبل كان يأكل صحن مطحون رز مع عصير برتقال ,,,,,,,,, والالالالالالالالالالالان ابدا ابدا مايأأأأأأأأأأأأكل ,......... ارجوكم ساعدوني بطريقتكم او بدعاااااااااء اما تطنشون فارجوكم ريحوني لو بكللللللللللللمه . |
تدرون
اشكركم علئ الاطلالالاع فقط |
اهلين اختي همس وش اخبارك
ياليتني اقدر افيدك بس لازم تصبرين كذا الاطفال تربيتهم معاناه الله يعينك اشتري اللى مثل الرضاعه اللى لها مسكه من الجانبين وحطي فيها حليب او عصير وخليه دايما يشرب منها حتى المويه يمكن يتعود عليها وينسى صدرك الله يخليه لك ويصلحه |
: والله ماعندي خبره بفطام الأطفال !! بس يصير تحطين شي له طعم شين على صدرك وكل ماجا قال ابي خليه يذوووق لين يعووف طعمه ! والله مادري اذا هذي فكره ولا لا ! : واشتريله اكواب زي الرضاعه تقريبا الغطا تبعها فيه راس ينشرب منه الحليب .. او العصير وخليها اشكال والوان عشان ينبسط فيهم ويتحمس يشرب فيها اي شي ! والأكل حطيه له بشكل مرتب ويجذب نظره مثلا حطي الرز بالصحن وساويه مع الصحن وارسمي عليه بالأكل وجه مثل عيون بالزيتون وشريحة جزر للأنف وهكذا ! ونفس الشي مع الخضار والفواكه وبعدين انتي شكلك عصبيه معاه من ناحية الأكل .. احلى شي اذا جلستي انتي وابوه عالسفره تحطين له صحن وملعقه خاصه فيه معاكم وتزينينها وتقولين له ولأبوه يالله جا وقت الغدا ... والي ياكل بعطيه كاكاووو من باب التشجيع .. يمكن يتحمس ويتشجع اتمنى ذلك .. |
يباع في الصيدليات دواء طعمه مر يوضع على الصدر كي يرفضه الطفل
اذهبي الصيدلية و اسألي عنه كان الله في عونك |
اختى همس كما قالت لك
الاخت دانتيل والاخت ام ملاك اشترى صبر من العطار وادهنيه ولما يلاقى طعمه مر هترتبط عنده الرضاعة بالطعم المر ,والله يعينك ويوفقك. |
حبيبتي
ليش تتزاعلي معاه عشان الاكل الولد حس ان الاكل عقوبه عشان كذا ينفر منه .. جربي هالاسلوب حطي الاكل وطلعي حلاوه او شيبس او اي شي هو يحب ياكله .. وقولي له كل شوي من الاكل واعطيك شوي من اللي تحبه اليييين ما تخلصي الوجبة معاه .. وبعدها كافئيه باللعب معاه او باعطائه شي يموت فيه .. خذي هذا الاسلوب لانه هو اللي نفع مع ولدي .. الصرااخ ما يجيب نتيجه .. وخلي ملامح وجهك راااااااااااااايقه عشان ما يحس بتوتو ويبدأ يعصب .. بعد ما تحلي مشكلة الاكل نجي للفطام .. .. افطميه في النهار نهاااااااااااااائي .. وفي الليل عشيه مضبووووووووط .. وراح يروح في سابع نومه .. ويمكن يقوم مرة واحده ما يضر رضعيه اول اسبوع .. وبعدين ابدئي بانك يوم ترضعيه في الليل والثاني لا .. بعدين يومين والثالث لا .. الين ما تنتهي من الرضاعه نهاااائي .. العشا مهم ومهم جدا .. الله يحفظه لك حبيبتي .. ت ح ي ا ت ي .. |
.. اختي همس .. شسويتي مع ولدك ؟ فطمتيه والله لسه ؟؟
.. الله يكون بعونك اختي .. الفطام مررره صعب على الام وعلى الطفل .. .. بس لا تيأسي .. وثانيا طفلك عرف نقطه ضعفك وعرف انك تريدين ان يآكل وهو يعاند وما يآكل علشان يأنبك ضميرك وترجعي ترضعيه .. ما عليش حبيبتي ,, كوني شوي حازمه معه بس بدون صراخ , وان شاء الله راح يتعود .. وبعد الفطام راح يرجع يآكل أحسن من أول ,, ويشرب عصائر ,, بس لا تعطينه وجبات خفيفه من شبس وحلويات .. بعدين يتعود , عطيه بسكويت , كيك , فواكهه وخضار .. وروب ولبن وجبن ,, لا تعودينه على الاكل الا مو صحي والا يسبب السمنه عند الأطفال .. .. طمنينا عليكي .. وعلى ولدك .. |
الله يسعدكم
ويسعد من سئل عن الوضع ....... الوضع بصرررررااااااااااااااااااااااااحه جدا صعب وولدي من النوع العنييييييييييييييييييييييييد والعصبي الان بديت ابتعد عنه نسبيا ااكله رز مسلؤق بلظهر مع ايداااااااااااااااام ....... والعصر خفايف من بسكوت مع عصير او شاي والمغرب زبادي والعشاء وجبة كبسه من دجاج ورز وايدام ..... والحمدلله بديت ابتعد شؤي في فرق عن اول صح يبكي ! لكن اعطيه اي شيء يلهييه واكله اكل من اي نوع . وعلئ هلحال الئ الان بلتدريج شؤي ! الله يعين . |
ممتاااااااااااااااز
استمري حبيبتي .. وربي يحفظه بك ويهديه .. |
الله يحفظ ابنك ويقر عينك بصلاحه ويرزقك بره
اهم طريقة لانهاء عناد ابنك .. نظام المكافئات .. كل ما فعل شئ جيد حتى في الطعام كأن تعطيه تفاحة ولو اكملها تكافئيه كده راح يتشجع على عمل كل ما ترغبين واهم شي امدحيه امام ابوه لما يرجع للبيت قولي امام ابنك اليوم عمل كذا وكذا وصفقوله وخلي ابوه يكافئه ومن المكافئات المطلوبة بهاعمر بلاضافة للهدايا المادية التقبيل - المعانقة - المديح - الاهتمام بالنسبة للفطام بعد عمر السنة : تستمر ولكن رضعة واحدة حتى الفطام الكامل، حسب رغبة الطفل متى يحب وقتها ، ولن تجدي هناك مشكلة -إن شاء الله- في سحب الرضعة الوحيدة بالتدريج. اي تصبح مرة كل يومين ثم كل 3 الى ان تصبح مرة بالاسبوع ...وهكذا يجب الهاء ابنك بألعاب جديدة تلفت انتباهه وتعينه على تحمّل مشقة «الفطام» ونسيانه، خصوصاً في الوقت الذي يطلب فيه الرضاعة. لا تحملي طفلك، بعد فطامه، بالطريقة التي كان يستعد فيها للرضاعة حتى لا يتذكر هذا الأمر. الحلوى والشيكولاتة لا تعطيها له أبدآ إلا بعد الوجبات مباشرة، حتى لا تفسد الشهية. أفضل الفواكه المناسبة للطفل هي الكمثرى، والموز والبرتقال والتفاح؛ وذلك لأنها سهلة الهضم. ولكن يجب عدم إعطائها بين مواعيد الوجبات حتى لا تضعف الشهية. يجب التنويع في أصناف الأكل من يوم لآخر؛ منعا للسأم وضعف الشهية. تجنبي تغذية الطفل دون إرادته حتى لا يكره الطعام؛ |
تسلمين اختي سعاد الله يسعدك
|
| الساعة الآن 04:42 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©