|
طلب تصميم ثيم لعلب المويه
السلام عليكم ورحمه الله وبركاته
انا ودي اصلح ثيم لعلب المويه عشان ولادتي وفتحت النت وعجزت افهم كيف اصلح اذا ممكن احد يصلح لي الثيم او يساعدني كيف اصلحه ابي الحق اطبعهم والصقهم واظبط شغلي بس لي كم يوم احاول مافهمت ولو مافيه احد يقدر يفيدني دلوني على محل يصلحها لي انتظركم الله يسعدكم |
رد : ممكن طلب تصميم ثيم لعلب المويه
هلا وحدانية
الله يسهل ولادتك على خير اعطيني الاسم والالوان الي تحبيها حبيبتي وانا اصلحها لك بحيث بس توديها عالمطبعة |
رد : ممكن طلب تصميم ثيم لعلب المويه
هذه مجرد فكرة من الافكار
ممكن اضافة اسم المولود او اي شي آخر ودك ولو تبين بالخاص راسلي الادارة يرسلون لي الاسم وارسله لك عن طريقهم [img]http://im80.***********/oBJJyx.jpg[/img] |
رد : ممكن طلب تصميم ثيم لعلب المويه
الله يسعدك ياشيخه ويوفقك يارب
والله تكسبي اجر فيني الله يرزقك اجر كل من شرب من هالمويه شوفي اذا ينفع اكتب هالعباره كلها او بس الاسم الاسم صبا ربي يفرحني بشوفتها العباره من ٲول حدود الحسن لاآخر حدود الجمال جت (( صبا) ) الحسن تتربى بعز ابوها وامها |
رد : ممكن طلب تصميم ثيم لعلب المويه
الالوان ودي بحاجه يدخل فيها الذهبي عشان مجلسي اغلبه ذهبي
عموما عادي اهم شي تصميم حلو مجلسي ذهبي اورنج زيتي سكري شوفي اي لون يدخل مع هالالوان انا راح اطبعها بالبيت واثبتها وابي اجيب شرايط واربطهم عليها واذا خلصتهم بوريهم لك الله يجزاك كل خير |
رد : ممكن طلب تصميم ثيم لعلب المويه
صبحك بالخير حبيبتي
شوفي هالتصميم مبدئيا اذا فيه اي تغيير او تعديل خبريني وما يصير خاطرك إلا طيب الله يتمم عليك ويسهل ولادتك يا رب وتجيبي أحلى صبا [img]http://im69.***********/vIiNqZ.jpg[/img] |
رد : ممكن طلب تصميم ثيم لعلب المويه
ماشاء الله افكار جنان اختي بكر الله يرزقك الذرية الصالحة ويهون على وحدانيىة وتطل صبا بالسلامة
ومعليش للاخت وحدانية ابدخل في موضوعها اختي بكره مره منحرجه بنتي في صف اول وعندها حفلة بنهاية اختتام الحروف الهجائية وجهزت هدايا توزع على زميلاتها ابي عبارة مع صورة اضعها على الهدية واكون لك شاكره |
رد : ممكن طلب تصميم ثيم لعلب المويه
روحي الله يسخر لك ملائكته وعبيده ياكريم ويوفقك حليتي لي هالازمه
طيب ولو فيها ازعاج ايش الورق اللي اطبع عليه ورق عادي الابيض حق الطابعه ولاغيره وهل انسخها كذا زي ماهي واطبعها كيف يعني اطبعها بالصفحه كذا نسخه ع اساس مااطبع كل وحده بورقه فيه تعديل ع المقاس او لا |
رد : ممكن طلب تصميم ثيم لعلب المويه
اقتباس:
|
رد : ممكن طلب تصميم ثيم لعلب المويه
اقتباس:
هلا حبيبتي بالنسبة للحجم اتوقع اوكي رح يكون اذا حبي بحط لك كم وحدة في ملف وورد ورا بعض بحيث تطبعين على طول الافضل تستخدمي ورق الطابعة الي حجمه 40 جرام ويكون glossy يعني الي فيه شوية لمعه عشان الألوان تطلع أوضح اسألي بالمكتبه رح يدلوكي على نوع الورق الممتاز بحط لك ملف الوورد بالمرفقات بالمشاركة التالية |
| الساعة الآن 03:38 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©