طريقة جديده لتقديم الضيافه........
http://abeermahmoud2006.jeeran.com/434-wellcome.gif الصراحة ياحلوين إني محتاره ومبتلشه بتجهيز المولود الجديد (( عقبال عندكم )) >>>>>> لكن اللي طالبته منكم وأبغاكم تفزعون معي طريقة حلوة لتقديم الحلويات والمعجنات للضيوف في الأربعين إن شاء الله ,,,, إذا وحده منكم سبق وزات قريبه أو صديقة وعجبها تقديمهم تقولي ,,,,,,,, أبي شيء غريب للتقديم ومميز ..... ياريت ماتبخلون علي ولكم مني دعواتي (( وش تبون أكثر لاتصيرون طماعين يالله همتكم وروني إبداعاتكم ))).... http://abeermahmoud2006.jeeran.com/428-GoogNight.gif |
ممكن تقوليلنا على الطريقه المعتمده عندكم .... عان نقولك على طريقتنا اذا كانت مختلفه عنكم وممكن نجيبلك عدة طرق .....................
|
شوفي يا طويلة العمر تخلين تصميمك لكل اغراضك شكل واحد مثلا شكل طاووس
(شكله يعجبني) سرير النونو ،، لبسك تخلين الروب من ورى ذيل طويل شوي ويكون كله ريش طاؤوس ،، فيه شكل مجسم طاووس من الحديد تعلقين المعجنات عليها او هدايا المولود وباقي السلال تكون مغطيه بريش طاووس والمكان اللي بتكونين جالسه فيه يكون اقمشه شيفونات بالوان الطاووس الفكره تناسب المولود بنت او ولد اما اذا كانت بنت عندي فكره ثانيه.....................:15: :15: :14: |
مبرووووووووووووووك المولود
والبساطة حلوة ياعسل |
يُنقل لعالم التغذيه والطبخ مكانه المناسب إن شاء الله..
|
احنا طريقتنا يعني اذا صرتي بالسادس ولا بالسابع تبدين تدورين في محلات المعجنات والحلويات المشهورة وتشوفين وش مسوين افكار جديدة واذا مقدرتك المادية كويسة اتفقي مع محل عادة يكون عندهم كتالوجات ويسوون لك كل شي نفس الستايل وبطريقة حلوة مرة وانتي عاد فصلي روب الاستقبال بنفس لون التجهيزات..
بس اذا مقدرتك المادية مش مرة دوري في المحلات المشهورة وخوذي افكار وطبقيها انتي .. صديقتي شافت عند باتشي زي سرير البيبي الصغير مرة وجوتها ملبس على شكل بيبي نايم وكان سعر الحبه اتوقع خمسين ريال او ستين ريال عجبتها الفكرة مرة وراحت سوق شعبي بعيد اتوقع السويلم ودورت كثير ولقت اشياء تجهيز مواليد كثير بس لان في بالها فكره ماتعبت راحت دورت سرير صغير ولقتهم على ريالين اتوقع اشترت كمية كبيرة واشترت فيونكات ورديه صغيره واشترت حاجات كثير وراحت باتشي اشترت الملبس اللي على شكل بيبي بس وصلحتها بالبيت هي لزقت الملبس والفيونكات وكل شي.. بعدين راحت اشترت سرير بيبي رخيص وراحت محل هدايا وخلتهم يغلفونه بطريقه حلوة وحطت كل الاسرة اللي جهزتها جوا وجابت اسرة بيابي كبيرة وودها محل شوكولاته وعبتها .. وخلت الروب حقها وردي عشان يناسب مع الاستعدادات.. كان كل شي حلو ما شاء الله وماكلفها كثير بس تعبت فيه.. يعني اهم شي يكون في بالك الفكرة وروحي المحلات الرخيصة ودوري الادوات.. يارب اكون افدتك.. |
راح اقولك على طريقه حلوه ان شاء الله تعجبك
على باب بيتك من الخارج اصنعي ورده كبيره من نفس قماش ملابسك وملابس البيبي وبجنبها ورقه مكتوب عليها عباره لاستقبال الضيوف مثلاً اهلين باحبابي اللي جوني اليوم يهنوني.. او ((.....)) ترحب بكم (( تحطين اسم البيبي طبعاً لازم تجهزين ملابسك وملابس مولودك ومفرش السرير للمولود من نفس اللون وتاخذين ركن من البيت تظعين فيه كرسي (( القعده ))اللي تتمددين فيه اذا جلستي عليه ويكون بحنبك سرير طفلك وطبعا تزينين الزاويه بالورودمن نفس لون ملابسكم وتكون جنبك طاوله صغيره مزينه ومحطوط عليها علبه من الشكولاه الفاخره ملزوق على كل حبه منها ورقه صغيره ام ورديه او زرقاء مكتوب فيها اليك امثله خذوا الحلاوة كلوها.. وبولادة أمي هنوها اكلوا حلاوتي .. وتحملوا شقاوتي حلو حلو .. بكره معايا راح تتسلو ربي يحقق مرادك ..يللي جيت تهني احبابك واجعلي مجلس الضيوف مقابلك عشان تشوفي الجميع ولما يكتمل العدد تقدمين اول القهوه ومعها انواع الحلويات اللي مجهزتها بيتي فور او معمول او سلة المكسرات وبعدين العصير ويكون الكاس مزين بشريط من نفس لون ملابس البيبي ومعاه يام كيكه فاخره او مالفي او كلير اوقطعه من كيكة كريم كراميل تكوني مجهزه المناديل وطبعنا لونها معروف نيجي لتقديم الشاي وبعد ذلك تكونين مجهزه طاوله كبيره في منتصف الغرفه وعليها مفرش من نفس اللون وتحطين عليها سله بها مكسرات وبجنبها صحون صغيره بعدد الضيوف وصحن الفطاير ..وصحن كبه..وصحن بيتزه مدوره وعك الشاي وما عليك الا تقديم الشاي وتطلبين من الضيوف التقدم وتقوليلهم تفضلو ما في شئ من واجبكم وكل واحد ياخذ حسب ذوقه وشهيته وبعد الانتهاء من كل هذا ويهم الضيوف للمغادره تكونين مجهزه هدايا البيبي (( البيبرونه او الملبس )) على طاوله بجنب الباب وكل وحده تهم بالخروج تعطينها الهديه ان شاء الله تعجبك الفكره |
اقتباس:
لكن مره وحده من صديقاتي بولادتها سوت حركه حلوه وفكرت أجيب حركات مثلها لأن صعبه أسويها لأن يمكن صديقاتي يجون عندي >>> المهم طريقتها جايبه الفازات حقات الورد مثل هالصوره بس أكبر منها http://www.9o9i.com/download/357647208365b43c4.jpg ومعبيتها من جوا بالورد والفتحه مسكرتها بالنيلون اللي نستخدمه بتغطيه الأكل <<< واستخدمت هالفازات في تقديم الحلى ... والمعجنات.... وكانت مره حلوه >>>>أبغى أفكار مثل كذا |
اقتباس:
بحاول أسويها إذا لقيت أغراضها <<<<<< |
اقتباس:
الله يبارك فيك >>> الله يجيبه بالسلامه :d نعم البساطه حلوه والتغيير أحلى |
اقتباس:
تسلمين حبيبتي هذي فكره حلوة لهدايا المواليد >>>>> لكن مشكلتي في تقديم الحلى والفطائر أبغى حركه حلوه أحطهم فيها وأقدمهم>>> مشكوووووووووره |
اقتباس:
الله يعطيك ألف عافيه >>>> أما بالنسبة لسريري والبيبي بعد فماله لازم لأن الضيوف ماراح يجون إلا بعد إسبوعين أو أكثر وبتكون الوحده متعافيه شوي <<<يعني ماله داعي تسدح عندهم>>> حلوه فكرت الطاوله اللي عليه شوكلاته وحركه الشكولاته>>>>>> أما توابع الشاي فهي مره حلوه لكن مكلفه إذا الضيوف بيجون على دفعات أنا بتعب كذا ؟؟خخخخ تسلمين حبيبتي والله ماقصرتي |
اعرف وحده قدمت المعجنات داخل فوانيس بصراحه انا ماكنت موجوده ولا ادري كيف بالضبط سوت الحركه بس قالو لو ان حركتها مرة كانت حلوة وكانت معلقه الفوانيس على الجدار بعدين اذا وزعو الشاهي راحت شالت الفانوس من الجدار ودارت توزع على الناس..
وحده راحت محل هدايا وخلته يحط لها قوس خشبي عريض حوالين كل صينية زي قوس القزح يعني بعدين عبت الصياني حلويات وموالح وكان شكلها حلو.. وحده ثانيه اشترت شمعدانات كبيرة مرة من سيتي بلازا واطوالها متفاوته بين خمسين وخمس وسبعين سانتي تقريبا ولها قاعده كبيرة على الارض ان شالله فهمتيني وبعدين جابت كوشنز واشترت من محل كلف شرايط تتدلى منها كرستالات طويله وودتها خياط قالت فرغ الكوشن من الوسط يعني تخلي الكوشن زي الصينيه بالوسط والاطراف لا يكون كوشن عادي وركب الكرستال حوالين كل كوشن لما سواها صارت تعبي الكوشن شوكولاته وتحطها على هذا الشمعدان الكبير كان شكله مرة حلو وغريب.. ووحده اعرفها كانت ولادتها بالشتا كانت مزينة الصياني بفرو وردي مرة كان شكلها يجنن وحاطه صياني عبارة عن دورين او ثلاثه مرة حلوة.. اعرف ان شرحي مب واضح وكنت اتمنى لو عندي صور بس الفكرة اللي تلفت نظرك وحابه اشرحها اكثر قولي لي وانا حاضرة.. |
اقتباس:
<< وشكلك متحمسه معي الله ينولك مرادك ويرزقك من غير حساب>>:d :d لكن بسألك عن الشمعدانات هي حلوة بس وش تقصدين ب((كوشن )) مافهمت؟؟ وين ألقاه ؟؟ وبعد عجبتني فكرة <<< الفرو >>> خصوصا ولادتي إن شاءالله بتكون بالشتاء!! لكن حبيبتي وين ممكن أحصل الفرو ؟؟ |
وينك يالبحلة بالنفس ....... استناك تردين تراني متحمسه ...... وينكم ياراعيات الأفكار والحركاااااااااااااات |
اقتباس:
كوشن يعني مخدة صغيره والفرو اتوقع بمحلات الاقمشة اومحلات الكلف زي عادل تلاقين عنده جلد وفرو وكل الاقمشة والكلف الغريبه.. انا بعد كنت مسافرة بس الحين اي سؤال انا حاضرة.. |
أهاا..... اجل هي المخده.....!!! طيب ياحلوة كيف يطلع شكلها لما أفرغها من الوسط ؟؟ وأرجع أغطيها بالقماش حقها ولا كيف ؟؟؟ الصراحة ياقلبي إني تحمست لهالفكره غريبه وبتطلع حلوه بس أبغى أفهم ؟؟!! وياليت تحطين إذا قدرتي صور......,,,,,,, |
بحاول اجيب لك صورها عموما شكلها يطلع حلو بعد ماتعبينها بالحلويات..
|
أهلين بالغاليه البحلة بالنفس أنا بإنتظارك لا تتأخرين علي عشان يمدين أسويها قبل ولادتي ... وإذا ماقدرتي أتمنى تشرحينها لي ,,,, ومشكورة |
برجع اشرحها لاني مادري اقدر اجيب لك صور ولا لا..
اول شي اشتري قماش يعجبك ولونه مناسب لباقي تجهيزاتك طبعا قماش كنبات مو قماش عادي بعدين روحي محل اثاث تفصيل اللي يفصلون الكنبات وكذا وعطيه القماش واطلبي منه يعمل لك مخدات صغيره تكون قاسيه من الوسط يعني المخدة عادة تكون منفوخه هذي لا تكون بالوسط داخله على جوا يعني كانك فغصتيها يعني حوالينها اسفنج بس بالوسط حاط كرتونه وخايط القماش حولها وزيني اطراف المخدات بكلفه كرستال او اي حاجة تعجبك تكون زي الصينيه الصغيره حوالينها اسفنج يارب تكونين فهمتي بعدين الشمعدان من فوق المكان حق الشمعه يكون دائري و تكون كبيرة قطرها 10 سانتي يمكن وطوله يمكن 70 سانتي تحطين المخده فوقه طبعا المخده من فوق وتحت صلبه بالوسط و الاطراف اسفنجيه كنها مخدة فرغتيها من الوسط وحطيتي خشبه او كرتونه.. يارب اقدر اصورها احس صعبه بالشرح اذا شفتي الصور اسهل بكثير ان شالله بحاول قد ماقدر اني اجيب لك الصور باسرع وقت.. |
ابشرك جبت لك الصور والله اتصلت على البنت نص الليل وخليتها تصورها لي وترسلها ابي عاد دعوتك اللي وعدتينا فيها ابي تدعين لي اتوظف وظيفه تريحني وتغنيني..<-- ياعيني على الطلبات
المهم نبدا بالكوشن المصلحه في محل للاثاث والقماش مشترينه من محل اقمشة كنبات انتي وريه الصورة قولي ابغا زي كذا.. http://www.arb-up.com/files/arb-up-Nov1/a4D15897.jpg http://www.arb-up.com/files/arb-up-Nov1/1Yo15964.jpg http://www.arb-up.com/files/arb-up-Nov1/6ex16021.jpg وهذا الشمعدان اللي تنحط فوقه المخدة.. http://www.arb-up.com/files/arb-up-Nov1/7Ec16092.jpg وكذا شكلها بعد ماتحطين المخده فوق الشمعدان وطبعا تكونين معبيتها شوكولاته او اي حاجة جابه تقدمينها.. http://www.arb-up.com/files/arb-up-Nov1/utQ16164.jpg طبعا انتي تسوين ثلاث كوشنات مثلا وتشترين ثلاث شمعدانات اطوال مختلفه وتصفينها مع بعض مرة شكلها يطلع حلو واللي تقدم القهوة للضيوف تروح تشيل الكوشن وتدور على الناس بعدين ترجعه محله وطبعا الالوان العبي فيها بالاقمشه والكلف والشمعدانات يعني الفكرة لو انضبطت بالمرة حلوة.. وجبت لك صورة حركه ثانيه حلوة تجيبين قزاز او اي فازة عندك تعبينها طبقات اول شي عسل مع لوز بعدين اذا برد العسل شوي ونشف تحطين طبقه صنوبر بعدين تشيريوز او اي نوع سيريل بعدين تعبين الباقي تمر حلو شكلها واللي ياكلونه الضيوف بس التمر اما الباقي بس شكل.. حلو انك تقدمين التمر بشكل حلو الى جانب الشوكولاتات والحلويات.. http://www.arb-up.com/files/arb-up-Nov1/Hqa16334.jpg وهذي شكلها من قريب.. http://www.arb-up.com/files/arb-up-Nov1/F6416442.jpg اتمنى يارب اني اكون افدتك وربي تحمست معك مدري ليش انتي باي شهر طيب ان شالله يكون فيه وقت كافي؟؟ |
وبما ان ولادتك بتكون في الشتا ممكن تحطين فرو حوالين المخدات بدل الكرستال اتوقع تطلع تجنن..
|
ما شاء الله علي الافكار
جزاكم الله كل خير تحياتي |
http://abeermahmoud07.jeeran.com/634...eerMahmoud.gif http://abeermahmoud07.jeeran.com/629...eerMahmoud.gif الصراحة إنك ماقصرتي >>> الله يرزقك الوظيفه السنعه اللي ماكنتي تتوقعينه<<<<:22: ومن كتب يااااااااااااارب وينولك مرادك ويرزقك الجنه أنتي ومن تحبين؛؛؛؛؛؛؛ ويسهل طريقك وييسر أمرك آميييييييييييييييين يكفي ؟؟؟ :d :d تأكدي ماراح أنساك أبدا من الدعاء لأني وأنا بشتغل بهالفكره بتذكرك وبدعيلك وطبعا كل اللي ساعدوني وتفاعلوا معي ألف ألف شكرررررررر........................ أنا باقي لي تقريبا إسبوعين وأدخل السابع إن شاء الله؛؛؛؛؛؛ إدعولي إن ربي يهون علي |
ماشاء الله البنات ماقصروا بس حبيت أضيف فكره بسيطه .. انه تجبين قماش مثلا ساتان بني اوبيج وتسوين عند الخياط على شكل اكياس صغيره وبما أنك اختارتي الفرو سوي العلاقات للكيس من الفرو وبعدين تحطين جو الكيس شكولاته ومطويه اوشريط نافع وكرت فيه عباره عن المولود ... وتتوزع على الضيوف اذا جو يطلعون .. |
اقتباس:
http://www.up07.com/up7/uploads/b95c2f3596.jpg إن شاء الله تعجبك |
هانديا كل الغلا http://abeermahmoud2006.jeeran.com/525-happy.gif الصراحه ماقصرتوا ...... وكل الغلا إن شاء الله بستفيد من الكروت .......... الله يعافيكم ويجزاكم الجنه |
موضوع روعه والله كنت ادور على افكار
الله يعطيكم العافيه بعدممكن تحطين شجره باللون الذهبي او اي لون وبالحجم اللي تحبين وتعلقين هدايا الضيوف عليها |
اعجبتني هذي الاشكال بعد
http://www.weddingfavorites.com/Merc...boxesforweb.gi وهذي الاكياس روعه http://www.weddingfavorites.com/Merc...g3bforweb3.gif http://www.weddingfavorites.com/Merc...tagsforweb.gif واذاحصلت شي ثاني بجيبه لك ونفيدبعض |
أفكار حلوه
|
|
مو فاهمة , ليش الصور في الحمام يعزكم الله ؟
في أحد يقدم هالأشياء في الحمام دوخوتوني تسلمون |
حبيبتي قطره الصوره مبين انهاعلى
المغاسل برا الحمام ويمكن حطوها عشان التصوير والاضاءه |
هلا حبايبي وهذي بعد طرق جديده
اتمنى انها تعجبكم بس لاتنسون تدعون لي ان الله يسهل ولادتي اناوكل حامل http://www.formomsandkids.com/images...ick-favors.jpg http://www.formomsandkids.com/images...box-flower.jpg http://www.formomsandkids.com/images...enterpiece.jpg https://mimosasdesigns.net/catalog/i...rriagePic4.jpg http://www.creativepartyfavors.net/i...lacarriage.jpg اتمنى انها اعجبتكم:22: :22: |
وهذي من عمل احدى الاخوات في منتدى ثاني واعجبتني الفكره
وحبيت اشاركم فيها http://www4.0zz0.com/2007/09/01/12/12161465.jpg |
الساعة الآن 03:00 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©