مشورتكم في المهر وكيفية تقديمة ؟ ولمن يقدم ؟
بسم الله الرحمن الرحيم
يقولون ما ندم من استشار باختصار شديد انا راح اودي للعروس هاليومين المهر لكن ابيكم تعطوني رايكم طبعا أنا اللي راح أوديه بنفسي لظروف خاصة لا أحد يستطيع غير تسليمه لكن ابي منكم اجابة بعض الأسئلة س هل أعطي المهر أبو العروس ؟ س: كيف اسلمه إياه مغلف أو ظرف عادي ؟ س متى أسلمه إياه أول الزيارة أو آخرها ؟ س: لو قال المهر كثي( لا بد يقولها ) وش أرد عليه ؟ س :هل آخذ هدية للعروس مع المهر ؟ وفي الختام أي شي تنصحوني فيه وجزاكم الله خير الاشراف : تعديل بسيط في العنوان , بالتوفيق . |
الففففففففففففففف مبروك والله يتمم لكم على خير
بالنسبة للسؤال الول طبعا بتديه لابو العروسة لمين تبغى تعطيه للعروسة (عذر عشان تشوفها هههههههههه) ذوقيا انك تسلمو ايه في علبة المهر وهذه تنباع في محلات علب الملكة والعربيات اذا قلت للبائع علبة المهر بيعطيك اشكال كثيرة وانت وذوقك اولها اخلاها مافي فرق بس انت شوف الوقت المناسب اما بالنسبة اذا قلك كثير قله انها تستاهل اكثر بنت الاجاويد اذا حاب تاخذلها هدية ليش لا بالعكس بتفرح العروسة منك كثير |
و الله اخوي انا عزوبي علشان كذا ما اقدر أفيدك
بس دخلت علشان اباركلك يا عريس و الف الف مبرووووووووووووك |
هلا طبعا لابو العروسه اذا انت منحرج ممكن تسوي مثل الديكور يكون محطوط في علبه مع تشكيلة ورد وفيه عطر وكريم للعروس اوساعه على ذوقك وقلهم ان المهر وان هديه للبنت والله يوفق لك ان شاء الله ويسخرها لك
|
اقتباس:
|
اقتباس:
والله يبارك فيك وعقبالك وعقبال عيالك اذا كنتي متزوجة أما الشوفة لا بد منها |
اقتباس:
حياك الله يالعزوبي والله يبارك فيك وعقبالك شد حيلك وانا اخوك انت بس تلاقي بنت الحلال كل شي يتسهل |
اقتباس:
وأسال الله أن يبارك فيك وجزاك الله خير |
اقتباس:
يعلم الله ان كلامك ونصائحك وقعت في قلبي وراح تكون في المفضلة كل وقت أقرأها ما قصرت بارك الله فيك أسأل الله أن يبارك لك في زوجك وأن يرزقك الذرية الصالحة |
اقتباس:
بس عاد ابغاك تقولي ايش صار معاك بعد العقد ... يسر الله أمرك اخي الكريم وحياك أخوك jamal-alroo7 |
,
, يا غالي ألف مبروووك ..:14::14: عساك جهزت الشقة نفس ماقلتلك بموضوعك منذ مبطي ؟؟:d:d المهم : 1- تعطيه لأبو العروس .. وحبذا لو كان قبل يوم من كتابة الكتاب .. هكذا العرف عندنا 2- المهر تقدمه بصندوق وتحط معه كم عطر وورد طبيعي ومجفف .. ترا شيء ضروري 3- لو قال ( هذا كثير ) لاتقول مثل ماقالك الأخ ( جمال الروح ) : هذا هدية رمزية ,, لأن المهر ليس هدية للزوجة وإنما واجب لها وغصبن على خشم الرجال :29::29: .. ولكن قل هذا حقها وهي تستاهل أكثر إن شاء الله .. وإذا لزَّم إنه يشيل منه عاد أنت مشها عادي أنت الربحان :d:d 4- إذا كنت ممن يخرجون مع البنت بعد كتابة الكتاب فالأفضل أن تأخذ لها هدية في أول ليلة تخرج فيها معها .. أما إذا كنت ممن لايخرج فلا .. أتمنى لك أن تعيش بحياة مليئة بالسعادة وطاعة الله .. وإلى الأمام سر في قطار المتزوجين .. , , |
أبو فلان
الله بيارك فيك جزاك الله خير ودايم انت معي على الخط لكن الصناديق ذي مدري وين ألقاها لو تحطون صور لها أفضل لاني خايف أجيب صندوق غير واتفشل |
عادة المهر يقدم في صندوق وتلقاه في محلات البخور والعطور انت اذا رحت المحل وقلت لهم صندوق للمهر راح يعرفونه عادة يوضع بالصندوق المهر وتقدر تحط المهر في صندوق صغير وقدم معه بالصندوق عطر دهن عود ومصحف ومسباح ويقدم في يوم العقد لأب الخطيبة او اخوها |
,
, حاضرين للطيبين .. هذه صور الصندوق إلي قدمت فيه المهر .. [img]http://www.Q8Boy.com/uploads/a32391e0e7.jpg[/img] [img]http://www.Q8Boy.com/uploads/267e0709c8.jpg[/img] , , أي شيء ثاني أنت أشِّر وأنا أقشِّر يالغالي .. الله يوفقك وييسر أمورك .. , , |
3- لو قال ( هذا كثير ) لاتقول مثل ماقالك الأخ ( جمال الروح ) : هذا هدية رمزية ,, لأن المهر ليس هدية للزوجة وإنما واجب لها وغصبن على خشم الرجال :29::29: ..
ولكن قل هذا حقها وهي تستاهل أكثر إن شاء الله .. وإذا لزَّم إنه يشيل منه عاد أنت مشها عادي أنت الربحان :d:d أخي الكريم ابو فلان اتفق معك المهر ليس هدية و إنما هو حق وواجب شرعي من حقوق الزوجة ... نحن متفقان على انه شيئ رمزي مهما غلا ثمنه يبقى شيئا رمزيا ... صحيح ( حق ) افضل من ( هدية ) |
اقتباس:
, , أهنيك على القلب الطيب ياجمال الروح .. والله نسيت أكتب كلمة ( السموحة من الأخ جمال الروح ) .. بس فعلا طلعت إسم على مسمى .. الله يحفظك ويزيدك من فضله .. , , |
اقتباس:
|
وين وين
هذه سالفة طويلة ، تحطه بصندوق وورد طبيعي يا رجال سوي زيي مديت له شيك ، ورفضه وقال نقص منه انا قايل لك الامور المادية ما تهمني وبعدين حوله للحساب:14: |
ألف مبرووووووووك
ربي يتمم على خير |
الساعة الآن 03:15 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©