|
كل العرايس يدخلون قولي لنا كيف انخطبتي
السلام عليكم
الف مبروووووووك لكل عروسه وعقبال الانسات مثلي انا عضوه جديده فيه بنات واهم شي العرايس ابي كل وحده منكم متملكه او مخطوبه او متزوجه تقول لنا 1\ كيف انخطبت شافوها بزواج احد مدحها لاهل العريس كيف اجمعت الصدفه بين الحبايب اكيد كل وحده مكتوب لها نصيبها من قبل ماتنخلق بس نبي نعرف كيف تم الموضوع 2\كيف وصل لها الخبر ووش شعورها لما جات امها او ابوها وقال في واحد متقدم لك ووش ردت فعلها الموضوع واضح وياليت الكل يشارك |
رد : كل العرايس يدخلون قولي لنا كيف انخطبتي
ياااه يا هموسة ..
رجعتيني 13 سنة ورا .. dvf أنا ياقلبي .. كنا ساكنين ببيت العايلة أبوي وأعمامي .. دق علي عمي وقال لي تعالي شوي أبيك .. رحت لعنده .. قال لي: لو تقدم لك واحد من (الدولة الفلانية) توافقي ؟؟ الله يهديك ياعمي .. المفروض إنه يكلم أبوي مايكلمني مباشرة خصوصا إني كنت صغيرة . 18 سنة .ggdf وبهالسن أي بنت تتمنى تنخطب وتتزوج .. وماتفكر بتبعات الموضوع ..yyy أنا من باب الاصول وعاملة فيها استحي .. قلت له مادري كلم أبوي ..:o وأنا بداخلي طااايرة فرح أبي أنخطب وبس ..:16: قال لي عمي فكري وردي علي .. رحت لأمي خبرتها .. هاوشتني ..hgh إنه شلون يجي عمك يقول لك انتي .؟؟ المفروض يخبر أبوك .. طيب أنا ايش ذنبي يا نبع الحنان ؟ gfn أمي قالت لأبوي .. وعمي كلم أبوي .. وأبوي أخذ رايي وانا وافقت مبدئيا .. وبعد كم يوم حضروا في اجازة نهاية الاسبوع وخطبوني وشفته وشفنيhyg وأعجب فيني بعدها بكم اسبوع تمت الموافقة والملكة .. bfbfbb |
رد : كل العرايس يدخلون قولي لنا كيف انخطبتي
ماشاء الله حمستيني للزواج لساتني بنوته عمري 23 داخله هالسنه 24
|
رد : كل العرايس يدخلون قولي لنا كيف انخطبتي
امممم كنا في زواج واهله خطبوني
وعمري وقتها 19 تسلمي ياقلبي |
رد : كل العرايس يدخلون قولي لنا كيف انخطبتي
شعوري بكيت طبعا ماكنت ابي خخ
|
رد : كل العرايس يدخلون قولي لنا كيف انخطبتي
وانتي ياهموسه جاوبي 😉
|
رد : كل العرايس يدخلون قولي لنا كيف انخطبتي
ابوه صديق ابوي من 20 سنه
كنا مسافرين برا وهو كان رايح مع أهله بصدفه لقينا زوجي وأهله وأبوي سلم عليهم لان ابوي يعرفهم هو شافني وانا متحجبه عجبته وقال لابوه وأبوه قال لابوي جا شافني في بيت أهلي لما رجعنا وارتحنا لبعض صار لنا متزوجين اربع شهور |
رد : كل العرايس يدخلون قولي لنا كيف انخطبتي
لساتني بنت مااتزوجت حبيت اعرف شعوركم كيف انخطبتوا
|
رد : كل العرايس يدخلون قولي لنا كيف انخطبتي
صاحبتي اتزوحت زواج تقليدي شافوهاا بفرح واخطبوهاا
|
رد : كل العرايس يدخلون قولي لنا كيف انخطبتي
الله ايام عالرغم صار بدخل بالسنه الثالثه مو كثير
بس كنت وقتها خلال هذاك الشهر كثروا الخطااب مرررررره يعني تعبت من كثر التفكير والاستخارة وكل خاطب كان ياخذ حيز من وقتي وتفكيري ولما خطبني زوجي كنت مخطوبة لواحد غيرة ولما دخلت على الخاطب الي قبل زوجي بيومين قبلها بخمس دقايق صرررخت صرررررررخه من قلبي وبكيت والرجال سمعوني بالمجلس ههههههههههههه حسيت بتوتر من كثرهم والسهر والتفكير ابوي جاء وضمني على صدرة كاني طفله وقال ماتبغينه خلاص اتعذر منهم الحين بس ادخلي مانتي خسرانه ويمكن يعجبك الرجال ودخلت وعيوني حمراء وبعيييييييييييده عنه وكانت عندنا زوجة اخوي وراحت حكت القصه لخالتها غير شقيقة امها وهي تقول قفلت وانا افكر فييك وسولف لها خالها هههههه وعلمته بالسالفه فطلب منها انها تخطبني له قالت تراها صارخت وسمعوها الرجال وبكت وصارت عصبيه هالايام اخاف تدخل عليك تضربك هههههههههههههههههههه كلمتني وهو قدم اغراءات كثييرررررررررررة لي وقال كلام عن نفسه وربي نفس مواصفات الي كنت ادورها بس طبعا طلعت نصها خيال هههههههههههه وعلى طول اليوم الثاني الساعه 3 العصر وهو واهله الرجال عند الباب وكلمني ابوي وبكييييييييييييييت قلت اي شي خلااااص بس نظرة لا مستحييييييييييل تعبت هذا خامس واحد اشوفه ووافقت وبسسسرررعه تم الموضوع ودخلت عليه بدون اي شي بس كريم نهاري ويوم شافني غلط وبغى يجي يسلم على راسي من الفرحه هههههههه ومسكه اخوي وانا وربي ماناظرته زيين لاني كنت تعبانه من اعصابي ورحت المستشفى قبلها بليله عشان اخذ ابرة ارتاح وتم الموووضوووع بسرعه بس زوجي لين الحين وهو يذكر قناة المجد للقران لانه حنا نشغلها بالصاله هههههههههه يقول من الخجل هو ناظر فيها بدل يناظر كثير فيني وتم الموضوع الحمدلله وصار عندنا احلى ولد الحمدلله وويارب الفال لكل وحده وواحد يبي يتزوج |
| الساعة الآن 04:38 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©