حلى السينابون
السلام عليكم ورحمة الله وبركاته
اسعد الله مساكم 🌺 مبارك عليكم الشهر اللهم بلغنا رمضان واجعلنا ممن يصومه ويقومه ايماناً واحتساباً 🌺 ________________ طريقتي في السينابون لعيون العزيزة مسز داني 💙 هذي الطريقه حلوه ولذيذه ومرره طعم وطريه وهشه والكل اذا ذاقها مايصدق انها عمل بيت صديقاتي اذا جايات عندي يقولن لي سويها لنا او اذا عزموني عندهن يقولن لي سويها وتعالي لا تجين فاضيه 😀 _والمعذره ماعرف احط صور🌺 المقادير : _بسوي مقاديري انا اللي دايما اسويه وانتوا على حسب تزيدوا عجين او تنقصوا ومعها تنقص وتزيد المقادير _ • كوب ونصف ماء • ٦ ملاعق حليب بودرة _مثل نيدو_ • بيالة ونصف زيت • ملعقه طعام خميرة • ربع ملعقه باكينج بودر • ٦ ملاعق سكر • ظرف دريم ويب • والطحين يكون ابيض حق الكيك مثل اللي عندنا اسمه كويتي او فوم الطريقه: اعجنها ونخليها طريه مو قاسيه اقعد اعجنها ربع ساعه او ثلث ساعه واخليها تتخمر ٣ ساعات في الصيف او ساعتين ونصف بعدين اخذ صحن كبير وادهنه بزيت ونفرد العجينه بالصحن لا تخليها ثقيله ولا خفيفه مره تكون وسط واخف بشوي واذا صحنك مو كبير فيك تقسمي العجينه المهم تكون وسط واخف وارجع ادهن وجه العجينه المفروده كامل بزيت وارش عليه الخلطه اللي هي قرفه ونسكويك وسكر بني _ يكون عندي علبه أحط فيها كوب قرفه وكوب نسكويك و٣ ملاعق سكر بني _ احيانا استغني عن السكر البني واكتفي بالقرفه والنسكويك القرفه والنسكويك نفس المقدار اما السكر البني اقل منهم المهم يغطي وجه العجينه وبعدين الفها واقطعها والتقطيعه تكون كبيره مو صغيره عشان تكون طريه وماتيبس يعني اخلي حجم السينابون كبير واحطها بصحن مدهون بزيت اللي بتدخلينها بالفرن لما اخلص اغطيها بسفرره اخليها ترتاح لمدة ربع ساعه الى نصف ساعة و بعدين ادخلها فرن مشغل عليه من تحت بس واراقبه لان بسرعه يجهز مايطول لان السينبون مو حلو لما يحمر زياده كل شوي افتح اشوف اذا بدا يصير ذهبي اطفي عليه واشغل فوق ونفس الشي مجرد ماشوف يصير ذهبي اطفي عليه ماياخذ منك وقت بالفرن يمكن نص ساعه بالكثير _______ واول مايجهز اخليها ٥ دقايق وارجع اغطي عليه واسوي الصوص ______ اللي هو علبة نستله حليب مكثف محلى و٦ حبات جبن كيري وإذا زدتي الحليب المكثف تزيدي الجبن العلبه الوحده أحط فيها ٦ حبات جبن كيري اخلطهم بالخلاط الين الجبن يختفي _____ واصبه على السينبون كامل واحط عليه هيرشي وبعدين إذا تحبي مع المكسراات مثل الفستق واللوز تطحنيه وترشي عليه _____ وبالهنا والعافيه وان شاء الله قدرت اشرح زين 😅 ولا تنسوني من الدعوات في الشهر الفضيل 💙 |
رد: حلى السينابون
شكرا اروااح كنت امس بيسال عن مقادير وطريقته❤❤
|
رد: حلى السينابون
ارواح اخر شي تطلع اسفنجيه ولا هشه؟؟؟
|
رد: حلى السينابون
تسلمييييي يا ارواح😍😍
الف الف شكر انبسطت كثير بالموضوع وعلى طول كابتشر سكريين👍🏻للموضوع احب السينبون تسلم اياديك و يعطيك الف عافية |
رد: حلى السينابون
اقتباس:
اقتباس:
هي تكون طريه وماتحسينها عجينه من كثر طراوتها ماعرف كيف اوصف بس جوعتيني 😅 يعني مو هشه هشه بس طريه على حسب فردك للعجينه بتلاقين نتيجة احلى |
رد: حلى السينابون
اقتباس:
ربي يعافيك 🌺🌺 هنا وعافيه مقدماا 💙 |
الساعة الآن 12:11 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©