كشتتنا في روضة خريم
 

يالله مسهم بالخير
كيفكم إن شاء الله كلكم بصحة وعافية
أتمنى لكل شخص منكم السعادة الدائمة والراحة يارب

عندي خال بارد وحبوب من طلعة الدنيا، ودمه خفيف، ولاجاء لبيتنا يزور أمي نستانس كلنا ونتجمع حوله منذ الطفولة، فينقلب البيت ضحك.
خالي هذا قريب مني، وافتح له صدري ويفتح لي صدره، واستمتع بالجلوس معه..
كذا مرة كشتنا أنا وياه فوق راس نفود أو أي مكان ومعنا العزبة وأدوات الطبخ كاملة

المهم مرة قالي وش رايك نطلع قلت أوكي نطلع بروضة الخفس كون فيها ربيع وطلعت فيها كذا مرة السنة مع أصدقائي، قال وش رايك نروح لروضة خريم، وبحكم أني ماعمري رحت لروضة خريم وبحكم أني تعلمت من الحياة أني ما أفوت فرص جديدة، أو أماكن لم أزرها من قبل، فقلت له مناسب..

المهم جاء هو وولده وكنا على أساس نطلع يوم السبت، لكن تذكرت أنه عندنا حفل بدوامي، فقلت له خل نخليها الأحد، فلما صارت الساعة 9 أستأذنت من المدير وطلعت.. وقابلتهم ورحنا لروضة خريم، ومن حسن حضنا أنه كان وقت دوامات وكانت الروضة شبه فاضية، وجلسنا من الصبح وتقهوينا، وطبخت لهم وتغدينا، حتى جاء المغرب وبردنا شوي، وتوكلنا على الله ورجعنا، روضة خريم تبعد تقريباً 100 كيلو عن الرياض على طريق الشرقية

حقيقة روضة خريم لم أتوقعها بهذا الجمال وهذه المتعة وهذه الخضرة، ومن سيشاهد الصور سينصدم بها ولن يتوقعها،، وراح نخليكم مع الصور، ولا تواخذوننا على القصور ترانا طالعين للبر dffdffdff

=

http://up.arabseyes.com/uploads2013/...0903527183.jpg العاب
=
http://up.arabseyes.com/uploads2013/...0903524771.jpg العاب
=
http://up.arabseyes.com/uploads2013/...0903526052.jpg العاب
=
http://up.arabseyes.com/uploads2013/...0903528714.jpg العاب


=
http://up.arabseyes.com/uploads2013/...9035461711.jpg العاب
=
http://up.arabseyes.com/uploads2013/...0998611492.jpg العاب


وسلامتكم،،، وأتمنى أنه أعجبكم التقرير السريع، ولا تنسون تغسلون يدينكم وتسمون وتتغدون وحياكم الله ryy

رد: كشتتنا في روضة خريم
 

مشاء الله تبارك الرحمان
صح خرجة مثل هذه تريح ذهن الواحد لاسبوع خاصة اذا كانت مع ناس نحبهم الله يخلي خالك
الارز انت طبخته تسلم الايادي تضبطه احسن مني
ومن باب التبادل الثقافي
ما معنى كشنة هي الرحلة او الاكلة؟

رد: كشتتنا في روضة خريم
 

مرحبا وفاء
جداً طلعة مع ناس ترتاح لهم ولا فيه حواجز معهم جداً مريحة
أنا أطبخ الرز، والحمدلله فنان فيه، لي طبخات في هذا القسم يمكنك الرجوع لها، رغم اللي شفتيه أقدر أطبخ أحسن منه لأنه في البر الهواء يلعب بالنار وماتكون دقته كويسة.

مش كشنة، إنما كشتة، يعني مثل ماقلتي خرجة، وهي تكون فقط للصحراء أو لأماكن الربيع أو للرمال، فنسميها كشتة، إذا تحبي تشوفي شيء فكاهي عنها، اكتبي بقوقل ( الكشتة طاش ماطاش ) هي حلقة كوميدية قديمة قبل عشرين سنة تقريباً تعكس واقع الاسر السعودية لما يطلعوا للكشتة، ولكن الحلقة اخرجت بشكل مبالغ مثل أي كوميديا بالعالم.

رد: كشتتنا في روضة خريم
 

عجبني الموضوع والصور جدا
ولما وصلت لصوره الكبسه ضحكت والله
لان بيني انا وخواتي hhf
نسمي الطبخه هاذي
كبسه كشتات
تكون كذا
كل الخضره تنطبخ تكون
مثل ماهي بدون تقطيع
طبخ سريع جدا
ويكون فيه ريحه حلوة (اذا احترق شوي)
تميزة عن طبخ البيت

وعشان محتاجه اضحك شوي dvf قررت اتابع حلقه طاش ماطاش

رد: كشتتنا في روضة خريم
 

صور جميلة و الخضار يرد الروح
احنا بعد كشتنا في الاجازة
ودي احط صور كشتتنا مع كشتتكم
و يصير تبادل كشتات ⏩⏩ هذي بنت عم تبادل الثقافات

رد: كشتتنا في روضة خريم
 

من أين لك هذا !
hhf توني ادري ان عندكم أماكن جذي خضراءءءء
حبيت ..

عليكم بالعافية على هالكشتة ..
حلوة القعدات بره بهالجو اللطيف..

رد: كشتتنا في روضة خريم
 

مرحبا أسعد فتاة
دائماً طبخ البر حتى ولو كان أي كلام يطلع له طعم، خصوصاً لما يطبخه رجال gggh
وفي طبخ البرد لا أحد يدقق أو يبحث عن مستوى عالي لأنه معرض لأي احتمال
أتمنى أنك ضحتكي بما فيه الكفاية :)

رد: كشتتنا في روضة خريم
 

ماشاء الله 😍😍😍😍
دايم اسمع عنها من اخواني واعمامي وزوجي .. بس ما قد رحت لها ..توقعتها صحرا 😅

ماشاء الله عجبني المكان .. يبيلنا نروح لهناك😁 ..

اما الكبسه شي خيالي .. لو انها مكروونه بس 😋

رد: كشتتنا في روضة خريم
 

فعلا ماشاءالله روضة خزيم أفضل مكان للكشتات مع إني آخر مرة رحتلها قبل تقريبًا 7 سنوات 😰
بس مكان لا ينسى ..

وكبسة البر كلام ثاني 😍 أتحمس للكشتات عشان طعم كبسة البر 😄👌🏻

رد: كشتتنا في روضة خريم
 

ما شاء الله جميل بس ليش الثوم كامل مو مقطع هههههه
الله يرزقك اخي ويرزقك الزوجه الصالحه والاطفال وتطلع تكشت معاهم