كيف اقطع صلة زوجي بابنة خالته
السلام عليكم ورحمة الله وبركاته
مشكلتي يمكن تشوفوها بسيطه هي منفصله تماما عن المشكله السابقه لدى زوجي قريبه وهي ابنة خالته يأتي لها خطاب ترفضهم مبنيه آمالها واحلامها على زوجي كل اسبوع مترززه عند ام زوجي واحيانا كل يوم اول ماتعرف ان زوجي عند امه دقايق نشوفها بوجيهنا _ بيتهم قريب دقيقه مشي _ وتسلم عليه من بعيد وتقوله مابغينا نشوفك اشتقنالكم ______ من يوم ماتزوجت وهذه هي ماتغيرت كل اهلنا واهلهم يتغطوا من بعض الا هي ودايما تقول لي زوجك هو لي اذا مو على طلاقك بكون الثانيه والجديده وانتي الباليه القديمه كلامها يحرق قلبي بس ابين لها العكس انها اخر همي _________ قبل أمس زرنا اهله كنت اعلم انها موجوده بس عمتي ام زوجي أصرت نجي على الفطور ورحنا لهم وهي جت تسلم وقالها غريبه هنا بهالوقت قامت تقوله بدلع اساعد خالتي احسن من زوجات عيالها محد نافعها غيري لو مزوجه واحد من عيالها وحده مثلي بترتاح لاني بسكن معها وبعاونها وزوجي التفت علي وسكت ______ لا هي ترضى بالخطاب اللي يتقدموا لها ولا هي راضيه تبعد عن زوجي مخططه انها تتزوجه من اول ماتزوجنا ______ اما في العيد هذا سالفه لوحدها تجي تدلع عنده وتبي عيديه انا قربت اصير رماد من الغيره اللي قاعده تنحرق لها سنين داخل قلبي ماتكلمت ابدا مع زوجي عليها الا مرتين اول زواجنا قلت له ليه ماتتغطى عنك قال لي هي كذا من زمان ماتتغطى لما تطلع الشارع تبينها تتغطى مني ؟ والمره الثانيه بعد كم سنه من زواجنا لما عرفت انها تتمناه زوج لها سألته سؤال عادي مابينت له اني غيرانه عشان مااحط قيمه لها عنده وخاصة انها جميله سألته ليه ماتزوجت بنت خالتك وهي قدامك طول الوقت قال لي ما دخلت مزاجي مع ان امي كانت تبيني اخطبها _____ الحسره تاكل بقلبي اقول ياربي ليه ماتوافق على الخطاب وتتركنا احنا نعيش ______ اريد ايضا ان زوجي يوقفها عند حدها ويقولها يامره تغطي احنا مو محللين لك وبالعيد لا اريده ان يعطيها عيديه _____ او رايكم اصبر مثل ماصبرت كل هالسنين وادعي ربي ان يبعدها عنا |
رد: كيف اقطع صلة زوجي بابنة خا
يازيننك ياارواح عاد حسيتها منحررقه اكثرر منك يكفي انك زوجته وحبيبته وهي 10 سنين تترزز وهي ولاشيء عنده انا اقول بطريقتك ذي ماشاءالله عليك انتي حارقتها احس مثل هالنوعيه لو بينتي انك غيرانه او هاوشتيها بتزيد اكثثر .. الحين انتي عندك زوجك خذي وقطي عليه تلميحات انوو مايعيدها لو تشحذ من هنا لبكررا قولي لو تحبني ماتعطيها انا اغار عليك وكذا .. ولايعطيها وجه .. وانتي لما تكوونو هناك قولي لزوجكك حبيبي وروحي خل تنقههر اكثر لاتنادينو باسموو عندها .. بس تحصنو واستعيذي من شر حقدها دايما..
طيب بسألك هي تجي كاشفه وبعبايه ولابدون عبايه وكيف لبسها عندو وشعرهاا؟؟ |
رد: كيف اقطع صلة زوجي بابنة خا
اختي عليج بالدعاء
و خبري زوجج كل ما يت هو يطلع يعني ماله داعي تشوفه ويشوفها هالشي مايصير خاصة لو هي الله يهديها عليها حركات ف الافضل يتجنب لقاءها تماماً ولو صدف وخل ريلج هو يتصرف انتي لا تسوين شي ،، خل يكلم امه عشان تكلمها وتوقفها عند حدها وتبين لها لا تحلم وايد وتتفائل لانه ماله رغبه فيها وخل توافق على الخطاطيب وتشوف نصيبها اما انتي موقفج صحيح استمري بالتطنيش وعدم الاهتمام والصمت هذا اللي بيقهرها اكثر |
رد: كيف اقطع صلة زوجي بابنة خا
شيء غريب
هي كيف ترضى على نفسها انها ترمي حالها على زوجك و تقولها بالصريح قدام الجميع لو مزوجة عياالك وحدة مثلي واهلها ليه مخلينها تكشف ! و ايش نظرة زوجك واهله لها ؟ الشيء الاغرب كيف تقول على طلاقك كذا تصرح بالشر |
رد: كيف اقطع صلة زوجي بابنة خا
اقتباس:
لان اذا نكون انا وهي لوحدنا تتكلم معي وكأنها بركان هايج ولما زوجي او امي معنا تصير كلها انوثه ودلع مشكلتي استحي قدام اهله وماتكلم كثير ____ كاشفه وجهها ونص شعرها برا والعبايه مفتوحه يعني كانها بدون ععباية |
رد: كيف اقطع صلة زوجي بابنة خا
اقتباس:
بيفتح عيونه عليها وبيقول ليه غيرانه اكيد بوه شي فيها ملفت واذا مو شايفها الحين بيصير يشوفها بعد كلامي هذا تفكيري فلا اعلم اذا صائب ام لا |
رد: كيف اقطع صلة زوجي بابنة خا
اقتباس:
ودلعوها من صغرها لما كبرت ماقدروا عليها لانها درست بالخارج 3سنوات وتعلمت الحريه هناك وقطعت دراستها لسبب لا اعلمه ولم اسأل زوجي مايتكلم عنها واذا تكلم يقول الله يهديها ويصلح حالها واهله تعودوا وصاروا شايفين هذا الشي طبيعي ____ هي ماصرحت قدام الكل هي صرحت بيني وبينها كنت احاول اصادقها بس القى منها الرفض والعداوه |
رد: كيف اقطع صلة زوجي بابنة خا
وانا اقرأ ارتفع ضغطي مليار
ما هذه المرأة المستفزة في وقاحتها لكن اطمني زوجك لن يفكر فيها لانه لو يفعل كان من زمان اهم شي لا تبينين انك مقهورة ولا تعبرينها ولما تروحو هناك خليك مع زوجك ولما تقول ما تقول اجبيها طب ليش ما خذاك بكل برود زوجي يعتبرك مثل اخته ومن هذا الكلام منك اليها حتى تكره |
رد: كيف اقطع صلة زوجي بابنة خا
ماشاء الله عليك عندك طوله بال وصبر غريب !!
ارتفع ضغطي والله ggf اظن ان زوجك ما تعجبه ولا يهتم فيها بس مفروض ما يعطيها وجهه واذا طلبت عيديه لا يعطيها عيب والله |
رد: كيف اقطع صلة زوجي بابنة خا
الحمد لله على تمام صحتك ورجوعك لزوجك
اسال الله ان يجعلك قرة عين له وهو قرة عين لك بنت عم زوجي كانت نفس كذا وكانو يقولو من زمان انهم لبعض بس زوجي مومقتنع فيها هي كانت متحجبه وتراقبه اذا دخل تدخل عليه كانها غلطانه كنت اغار بس مستحيل ابين لزوجي او لاحد مره كنا بالعيد كنت متحجبه وواقفه بصاله انتضر زوجي بنطلع لعيد عمه دخل اخو زوجي الكبير كان رايح للمطبخ قال اعتذر منك ياام فلان ماشفتك ومشا للمطبخ هي كانت طالعه من الغرف والله قدامي راحت للمطبخ لما شافت الرجال دخل فيه تحسبه زوجي لما دخلت عليه صرخت وطلعة كانت تحسبه زوجي لانها كل ماشافت زوجي تطلع قدامه او تدخل عليه وتسوي نفسها غلطانه حتى زوجي ملاحظ حركاتها بعدين رجعة للغرفه وجاء زوجي وقلتله بصوت عالي عشان تسمعني حرام فلانه تحزني كل ماشافت رجال تعرض نفسها عليه قال زوجي هذي العن حركه اشوفها والانسانه هذي شكلها مريضه هو ماكان يدري انها بغرفة خواته وتسمعه والله العظيم من بعدها ماقد شفتها ببيت عمتي ولاتجي عندهم فاللي بيوقفها هو زوجك |
الساعة الآن 12:18 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©