منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   كيف استطيع نسيان طليقي (http://www.66n.com/forums/showthread.php?t=210985)

بقايا ذكرياته 15-07-2010 05:50 AM

كيف استطيع نسيان طليقي
 
السلام عليكم ورحمة الله وبركاته

اتمنى من الجميع الدخول اعطائي الراي الصواب والحل

محتاجه لاراء الرجال والنساء فيي مشكلتي

انا لم اكمل ال 23 سنه حتى الان

تزوجت قبل سنتين ونصف

تزوجت من رجل كنت لا احلم به علمني معنى الحب والاحترام

حبيته حبيته حبيته بجنون

حبيته لدرجه اللاوعي ,, كان حنونا كريما حبيبا اه كم كان حبيبا

اكتب وانا ابكي

عشت اول سنه وظنيته حلم وربي احسبه حلم تمنيت اني ما اصحى من روعه الحلم

كنت لما امر بمشكله ما اعيشها عشان ما اخرب فرحتي بقربه

كنت احس اني بجنه مستحيل تكون حياتي تغيرت من حزن لحب شديد القوة

بعد مامرت هالسنه ,, تغير تغير تغير

صار واحد ثاني

انسان يحب التجريح

يتركني بالايام والاسابيع والشهور عند اهلي ولا يسال

تعبت نفسيتي

حاولت اعرف سبب تغيره


هل هو خيانه

ملل

روتين

كره

ولا شي من هذا

كلمته بكيت وبكيت ترجيته ذكرته بكل شي

يندم يومين ويعتذر ويرجع اسوا من اول

انهرت خلااص تركته ابيه يحس

كانه ينتظرها وتركني

رجعت له لاني احبه

حسيته يغصب نفسه عشاني

موجود جسد بس

ماصرت احس بروحه وحبه

واخرتها بعد عذاب سنه

طلقني بدون سبب وغير رقمه عشان ينساني نهائي

محد يدري شنو سبب تغيره وطلاقي

اه ياربي رحمتك

انا الحين مر على طلاقي 6 شهور

كانها 6 قرون

تعبت جدااااا لا انام ولا اكل ولا اقدر اعيش طبيعي

وهو لاهي بين ربعه وسفراته وناسه ولا فكر فيني

الحين انا مابي ارجعله

ولا ابييه

ابي انساه

ابي شي يخفف علي لوعة الفراق

حااااسه بحزن عميييق

الذكريات تخنقني وتخنقني وتخنقني

حاولت اطلع نفسي من اللي انا فيه

طلعت تكلمت درست اااه والضيق يزيد ويزيد

ارجع من المكان عشان ابكي وارتاح

فكرت اروح طبيب نفسي ماقدرت اهلي رافضين بشده وفكرت اكل حبوب اكتئاب بس خايفه

انا صرت انسانه ضعيفه هشه مكسوره اعاني اكتئاب شديد

اهلي تعبو مني بدون فايده

اللي اكتسبته من هالتجربه اني تقربت لله وبديت اقرى سورة البقرة

حسيت برااحه كبيره الحمدلله

لكني ابي انسى

انا اشتاقله حييل ولا قدرت اكرهه

ابي انساه يارب انساه

ابي اعيش حياه طبيعيه ,, حتى فكرة الزواج الثاني رافضته

ماقدر اتزوج ماقدر انا انسانه متعلقه فيه لابعد حد

احبه بجنون شلون انقل هالحب الكبير لشخص ثاني

ممكن يكون اقل منه خايفه اكره زوجي الثاني واتطلق مره ثانيه

يالله

اللهم لك الحمد كما ينبغي لجلال وجهك وعظيم سلطانك
الإشراف :

تم تعديل العنوان ليتناسب مع المضمون .

انفاس العطور 15-07-2010 06:20 AM

انصحك بالدعااااء

ادعي ان ربي يشيل محبته من قلبك

حب مفقود 15-07-2010 06:22 AM

كل المطلقات تقريبا بنفس وضعك بس اللي اقدر انصحك فيه

تقربي من الله واكثري من الصلاة في كل مرة تشعرين فيها باكتئاب

اذا تزوجتي ...... رقم 2 انتبهي من عدة اشياء

لا تبيني له على الاطلاق انكي تكنين مشاعر ايجابية لطليقك

ان سالك اكذبي عليه وقولي له انكي ماصدقتي طلبتي الطلاق منه

لا تقارني بين الزوج الاول ...... والثاني على الاطلاق لا من الناحية العاطفية او الجنسية او الجسدية او حتى الصفات الخلقية

توقعي ان من يتزوج مطلقة يكون من اصحاب الظروف لذلك اهتمي باخلاق المتقدم ودينه وعلاقته مع الناس

الله يكون بعونك .

بقايا ذكرياته 15-07-2010 06:23 AM

جزاج الله خير

مستمره في الدعاء والحمدلله

انا محتاجه لاحد يناقشني وينصحني

بقايا ذكرياته 15-07-2010 06:28 AM

حب مفقود جزاج الله خير

ما انساج من دعائي

قلبي طفل مغرور 15-07-2010 08:54 AM

ياقلبي والله حززنت علييك
بس من باعنا بعنااه ولو كاان غاالي ادرري صعب
بس حاوولي تنسينه تذكري انه تخلى عنك بدون سبب
وحااولي تعيشين حياااتك بدون ذكريااته
تزووجي يمكن تلاقين زووج حنووون ينسيك هالشخص
ادعي ربي والحي في الدعاد انك تنسينه كثري من الاستغفاار
بنية ان ربي يشيل حب هالانساااان من قلبك تقربي من الله اكثر واكثر
اجعلي حب الله وكل مايقرب اليه من قول وعمل هو شغلك الشاااغل
صدقيني بعدها باذن الله بتنسينه
الله يفرج هممممك اختي ويرزقك بالانسااان الي يعووضك عنه وينسيك اياااامه

سعيد بزوجتي 15-07-2010 09:27 AM

استغفر الله العظيم
والله حزنت وبكيت تأثرا بحالك لأنه لايعرف ألم الجرحإلا من ذاقه
لاسامح الله الظلمه والظالمين
وأسأل الله أن يعصم قلبك
ويرزقك من هو خير منه
أختي الأمل قادم
والجاي احلى
فقط استغفري الله وأكثري من الدعاءوالمناجاة للحبيب الأعظم
يجعل لك من كل هم فرجاومن كل غم مخرجا
وفقك الله

No - Limit 15-07-2010 01:55 PM

تذكري مساوءه وعظميها ومحاسنه وصغريها

اجعلي هذه الآيه نصب عينيك ( وعسى أن تكرهوا شيئا وهو خير لكم )

أسأل الله أن يفرج همك ويبدلك بالزوج الي يسعدك ويحبك وتحبيه

روح الطير 15-07-2010 02:11 PM

ياستي ،، هو أصلا طباعه كذا من قبل لا يتزوجك ،،

علشان كذا انشال القناع منه بعد اول سنة ، افتكري مساوئه ..

مرات الرجال يحبوا الحرمة القوية مو الضعيفة المستسلمة

حلم وتحقق.... 15-07-2010 02:22 PM

وعليكم السلام ورحمة الله وبركاته

اختي كان الله في عونج...والله تأثرت بكلماتج
الحمدلله على كل حال
تناسيه واذا فكرتي فيه اصرفيه بالاذكار وكثرة الاستغفار
6 اشهر من بعد الطلاق مو كافية على النسيان
لا تتذكرين محاسنه ابدا...ورددي الخيرة فيما اختاره الله عز وجل

ونصيحة ثمينة جدا
كملي دراستج وواصلي تعليمج بتحسين براحة وتفاؤل بإذن الله
لا املك الا الدعاء الصادق لك بأن يرزقك الرزاق الكريم بالزوج الصالح الذي يعرف قدركِ


مع مودتي,,


الساعة الآن 04:13 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©