منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   صحة المرأة (http://www.66n.com/forums/forumdisplay.php?f=107)
-   -   هل اقوم باختبار الحمل المنزلي قبل موعد الدوره (http://www.66n.com/forums/showthread.php?t=185086)

رند.. 20-04-2009 01:42 PM

هل اقوم باختبار الحمل المنزلي قبل موعد الدوره
 
السلام عليكم ورحمه الله وبركاته..


كيفكم حبيباتي؟؟!!


بصراحه حبيتكم من خلال متصفحي قوقل..

ارتحت لكم كثير..واتمنى ياارب تجمعني فيكم بالفردوس الاعلى..


بصراحه بخاطري اكتب لكم كل اللي بخاطري..وبحاول اكتب ان شاء الله القى دعم معنوي منكم لي..

ولا اعتراض على تكتبت ربي..


اولا..

انا متزوجه لي سنه وسنه شهور..:14:

بدايه زواجي كان فيه مانع ,,للحمل,,عزل طبيعي//..


بصراحه اسمرينا سنه وزيااده ..بس بعد 4شهور من زواجي بدينا نسوي عزل وقت التبويض..بس..

كنت ابي زوجي يقولي احملي ..كنت اتمنى اسمع هالكلمه منه..بس للاسف ماصار ..

الا ان كملنا سنه..وقلت له ابي اطفال مع العلم اني كذا مره سالته ماتبي بيبي كان يجاوبني عادي اللي تبين؟؟!!

غريب صح..؟؟




المهم..



تركنا العزل..وبدت ماعاناتي..اول شهر مافيه والثاني مافيه الا اخر شهر ..,,



ماصار حمل..


رحت كشفت مع امي من غير علمه والدكتوره قالت لي بدري على الكشف بس كنت مصره..ذبحني الهم..

وبعدها كشفت والحمد الله..

مافيه شئ؟؟!!


الدوره الاخيره بكيت قدام زوجي وقال ماراح نروح الحين نكشف..بدري..



بصراحه اللي ذبحني مو الحمل وبس..

عندي خالتي امه الله يهديها من اول ماتزوجت وهي فلانه كشفت وقالوا فيها ميلان وفلانه كشفت وقالوا فيها هرمون الحليب.

اخرها امس قالت فلانه كشفت وقالوا انك تاكلين دجاجا كثير ..,,

وخلوها على ربكم بس..

والله تعبت صريت يالله اطلع ..وين ما اروح ماحملتي ؟؟!!الناس اللي مثلك عندهم 2 ..

وحاليا باقي على الدوره 4 ايام.. وبالعاده احس بمغص قبل الدوره يلازمني قبل تجي بست ايام ..

وهالشهر جاتني لالامها قبل اسبوع لدرجه اني حسيت انها نزلت ولقيت انها افرازات..

ايش رايكم ودي اسوي تحليل منزلي ..اسوي ..مدري لييه احس اني حامل؟؟


وسلامتكم عذرا على الاطاله..

وربي اكتب لكم وانا فيني العبره..


الله يفرجها ياارب وللمسلمين اجمعين..

Dr.NaNnu 20-04-2009 01:52 PM

الله يرزقك الذرية الصالحة عزيزتي

اهم شئ لا تقلقي والله يقدر اللي فيه الخير

ومو شرط ان زوجك يقلك انه يريد اطفال في رجال هذه العاطفة لا تنبع عندهم الا بعد رؤية ابنه بين ايديه وقدام عينيه وقتها فانه لا يستطيع الاستغناء عنه ويحبه اكثر من أي شئ

ولا تلتفتي لكلام الناس ولا تجعليه ضاغط نفسي عليكي

انت اللي أخترت تأجيل الحمل ولم يكن هناك ما يمنعك

وبالنسبة لتحليل الحمل الافضل أن تنتظري حتى يأتي موعد دورتك فأن لم تأتي في موعدها

فالكي أن تتأكدي بتحليل الدم

علامة الجودة 20-04-2009 02:03 PM

ان شاء الله تكوني حامل والله يرزقك الذرية الصالحة

رند.. 20-04-2009 02:10 PM

اقتباس:

المشاركة الأصلية كتبت بواسطة Dr.NaNnu (المشاركة 2135644)
الله يرزقك الذرية الصالحة عزيزتي

اهم شئ لا تقلقي والله يقدر اللي فيه الخير

ومو شرط ان زوجك يقلك انه يريد اطفال في رجال هذه العاطفة لا تنبع عندهم الا بعد رؤية ابنه بين ايديه وقدام عينيه وقتها فانه لا يستطيع الاستغناء عنه ويحبه اكثر من أي شئ

ولا تلتفتي لكلام الناس ولا تجعليه ضاغط نفسي عليكي

انت اللي أخترت تأجيل الحمل ولم يكن هناك ما يمنعك

وبالنسبة لتحليل الحمل الافضل أن تنتظري حتى يأتي موعد دورتك فأن لم تأتي في موعدها

فالكي أن تتأكدي بتحليل الدم



ياحبي لك..

ان شاء الله..وبانسبه لكلام الناس هذي اللي صعبه شوي..لان كلامهم يعور..

منوره حبيبتي فرحتني طلتك يالغلا..

رند.. 20-04-2009 02:11 PM

اقتباس:

المشاركة الأصلية كتبت بواسطة علامة الجودة (المشاركة 2135651)
ان شاء الله تكوني حامل والله يرزقك الذرية الصالحة


اميييييييييين حبيبتي..

منوره يالغلا..

تيررا 20-04-2009 02:12 PM

ان شاء الله تكونى حامل الله لايحرمك ويقر عينك بالولد الصالح

رند.. 20-04-2009 02:19 PM

آآميييييييييييييييين ياارب .. فرحتني طلتك..

ملفوفة الحب 20-04-2009 05:57 PM

الحمل
 
مرحبا حبيبتي

يا رب يرزقك الذرية الصالحة يا رب

انا هيك حسيت باعراض الدورة قبل باسبوع مغص بطن وجع ظهر وحاسة اني حامل

وجبت جهاز فحص الحمل قبل الدورة بيومين وما طلع حمل


ويوم ميعاد الدورة جبت الجهاز وبين خط خفيف والتاني غامق

وبعدها فحصت بالدم وطلع حمل

عقبال عندك يا رب

وطلع مغص البطن والافرازات البيضاء علامه حمل عقبالك حبيبتي

بالنسبة لزوجك لما تحملي رح يشتاق كتير للاولاد

وما تردي على كلام الناس نصيحتي حبيبتي لانهم بتعبو النفسية صراحة

أم يوسف2 20-04-2009 08:22 PM

مالك دخل بالناس.. ارمي كلامهم وراك ....

اذا كنتي حملتي على طول .. بيقولوا لك على ايش مستعجلة .. خذي نفس

لساكم عرسان اتمتعوا و اتهنوا لاحقين عالاولاد و همهم ..

و اذا الوحدة اتاخرت ... قالوا لها لليييش اللي مثلك معاهم 2 و حلو تجيبي اولاد و انتي صغيرة عشان يكبروا و اربطي زوجك بالاولاد و من ذا الكلام

يعني بالحالتين ما راح ترضي الناس .. طنششششيهم ...

وبالنسبة لزوجك يمكن انه مايبي يشعرك انك مضغوظه و انه لازم تنجبي
يمكن مو حاب يبين لك عششانك عشانه يحبك و ماوده يزيدها عليك ...

صدقيني زوجي كان كدا .. ماعدا اننا ما استخدمنا مانع .. و كل شهر اقوله ما تبي اطفال

يقولي ببرود على الله .. ولا يقول خلينا لسه بدري ... بس اول ما حملت كانت فرحته قد الدنيا
والحين يموت على ابنه بسم الله ماشاء الله ..

فا في رجال كدا ما ودهم يبينوا رغبتهم بالاطفال لانهم عارفين انه اذا زادو الالحاح و الضغظ

على زوجاتهم مش حلو و كثر التفكير بالحمل يؤخره ..

ان شاء الله يااارب تكوني حااااااااامل و تبشرينا يا قمرر

حلمي قريب 20-04-2009 09:21 PM

ان شاء الله تكونين حامل ياحبيبتي ..
شوفي بقولك ..يمكن هالشيء يريحك .. انا في حملي هذا رحت للصيدليه قبل موعدي ب3 ايام ... وصدفه قلت له ابي جهاز فحص حمل وقلت له اسم الماركه كليربلو ... وقال لي للاسف مخلصه بس عندي نوع ثاني .. دقيق وهو متخصص للكشف عن الحمل قبل موعد الدوره ب 4 ايام .. واخذته وبالفعل طلع معاي خط

المهم انا لما قريت التعليمات قريت انهم يستخدمون هذا التحليل في بعض المستشفيات للكشف عن الحمل في حالات العمليات .(مايقدرون ينتظرون ساعه ونص لفحص الدم).. ففرحت ان بدت التحاليل تتطور عندنا

المهم
اكيد ودك تعرفين اسم التحليل

اسم التحليل ياقمر

viola

ان شاء الله تلقينه وويفرح قلبك ياحبيبتي

طمنينا ياقمر


الساعة الآن 01:03 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©