|
اقتباس:
حبيبتي عذرا قلبي رجعنا لك ... طيب أنا أبغى منك شي , استمري في السؤال عن الطبيب وتحصيل معلومات عنه , مثلا اعرف وحدة اهلها سألوا في الشرطة اكتشفوا ان للرجل قضايا حشيش مع ان وظيفته حاليا مرموووقة !!! اسالي في الجوازات اسالي في الشرطة , وفي مرة معلووومة قرأتها من رجل اذا اردت تعرفين حقيقة الرجل اعرفي تعاملاته المادية .. بخيل كريم عليه ديون او لا يعني في نماذج ماغير تستدين من خلق الله , هذا النموذج عمره ما يكووون شي ويضل طوووول عمره صفر على اليسار لا قيمة له , وهمه نفسه يستدين من الناس ولا يوووفي حقوقهم يعني ما عنده أمااانة ... لو تعرفون اقرباءه حاولوا تجيبون معلووومات منهم .. بالنسبة لأم الطبيب : قد جلستي معاها ! وش انطباعك عنها ! يمكن تصيرون سمنة على عسل لانك انسانة حبوبة وتخافين الله فيها , ومادام بيتهم قصر فانتي راح تاخذين حريتك ومانتي مكتضة معها في مكان وغير هذا ان ماله اخوان وزوجات يزاحمونك في بيتكم ويمكن امه تمسكك الخيط والمخيط يوم تشوفك سنعة وذربة وخلوووقة يعني لا تقولين امه اكيد شريرة وان كان لا بد من حزازيات بس المرة العاقلة اطوفها ... احنا اكبر مثال وانتو مثال ثاني زوجة اخوي نخاف عليها ونحبها مع ان شخصياتنا تختلف عن شخصيتها تماما ولكن وش نسوي زوجة اخونا ولا لنا دخل فيها كيف تعيش حياتها المهم زوجها راااضي .. صدقيني لدرجة ان اخوي والله لو يحاول يسحب كلام مني عن خوياتي ماعطيه مجال اسد الباب تماما مووب بس لاجلها اول شي انا اغار على اخوي والشي الثاني مراعاة لمشاعرها , وماروح اقولها ترى زوجك قال كذا وكذا ابد حنا نوفق بينهم وامي طيبة معها كثييير .. ما تدرين يمكن ربي يعوضك بطيبتك مع زوجة اخوك بعمة تشيلك فوووق راسها الطبيب لك أجر احصااانه لانه غير محصن وهو أولى بالزواج اذا كان فعلا ذا خلق ودين ... صدقيني اذا ضمنتي اخلاقه ودينه ولو انه في المظهر مقصر بتعيشين معه سعيدة , وشوي شوي تحاولين اقناعه بموضوع اللحية وغيره عذرا قلبي انت تستحقييين الافضل ولا تبحثين عن الأمان في المظهر ابحثي عنه في الجوووهر , واوصيك وصية : استخيري من قلب قلب قلب قلبك , لا تحطين الهوى في استخارتك وميل قلبك التجئي لربك في انه ينور دربك ويدبر أمرك , واجتهدي في بر والدينك لاجل ان الله يستجيب دعاءك لان الاستخارة دعاااء والله يستجيب من الصالحين .. استخيري ولا تستعجلي واسألي اهل الدين والمشووورة |
أختي
اقتباس:
ما تعرفي ؟؟؟؟؟ عالأقل ، الأم يوم تغار .. فتخاف على بيت ولدها إنه يتخرب بسببها لا سمح الله لكن الضرة ، بيكون مكسب لها إن اتخرب بيتك و ممكن تكسبي أجووووووووور عظيمة من طاعتك لزوجك و تزينك له و خدمتك له ;) |
وفعلا أنا مرات أحس أن الأول بيتعبني ومرات أحس لا..حيرتوني أكثر..أسأل الله أن يكتب لي الخير حيث كان
عذرا قلبي ما احنا اتفقنا ان الكلام اللي في مخيلتك عن الطبيب طلع أساسه من صورة طليق أختك اللي في ذهنكم... يعني انت ظالمتيه في ذهنكم والحين أنا اسمحي لي أرجع أصف لك المعلومات اللي عن الطبيب بعيد عن الشوائب اللي في بالك 1- دكتور دارس برى المملكة 2- كان له رغبة بالزواج من عربية وماقدر << حاولي تعرفين ليش بغى عربية يمكن لانه شاف نماذج راقية فكريا ومتحضرة اخلاقيا وما يدري ان في المملكة فيه مثلهن واحسن بعد 3- غني 4- متحضر وراقي ( مع اني ماني فاهمة وش قصدك متحضر وراقي ترى اغلب الناس الحين عندهم ذوقيات في التعامل ) وماظنتي انك بتكونين قروية يعني مثلا دخلتي مطعم وش بتسوين !!! بتجلسين على ارض المطعم وتصرخين وتاكلين بالخمس ومادري وشو !! لا حبيبتي تخلقي باخلاق المسلمة وتكونين اكبر متحضرة 5- نتفق بأشياء الهدوء..حب القرائة..التفكير.. 6- بتجلسين عند امه 7- رزقه الله حسن خلقة والمظهر 8- يميل للالتزام << حاولي تجيبين معلومات اكثر 9- اختارك لجمالك ثم اخلاقك 10 بتسكنين في بيت كله خدم ولكن ممكن قسمك وطبخ زوجك ما تهوب ناحيته خدامه انت بيدك تكونين اميرة قسمك ترى على فكرة تقولني أخاف من كيد الحريم وتحسبين ان بعض الزوجات لو تركتيها بحالها ما راح تهوووب ناحيتك !!!! حبيبتي فيه زوجااااات نااار تحرق كل من قداااامها ... لا تحسبين الحياة وردية |
اختاااااري الأوووووول طبعا
ومين قال انو الحياة مع اهل الزوج مو حلوة؟ على الاقل بس امه معاه وماراح تغار منك بالعكس راح تحبك وتحطك في عينها إذا من جد بريتيها وعاملتيها زي امك وحبيتيها من قلبك راح تحس بحبك لها وانك ماتنفري منها وراح تبادلك نفس الاحساس<سبحان الله بالله مو احيانا تحسي من شخص انو يبغا يتكلم معاك ولك معزة في قلبه واحيانا تحسي من شخص اخر انو مايبغاك ولا يبغا يسمع صوتك؟ وصح الدكاترة نص وقتهم مشغوووولين يعني جاك النص زوج,ومافيها أي اشكالية لو جربتي حياة التحضر وماراح تغيرك لو كنت متمسكة بقيمك ودينك..وماراح تغيرك السفريات وتقلل من ايمانك بإذن الله اذا توكلتي على ربك ووقثقتي بانو ماراح يقل دينك.. وأفضل من انك تتزوجي من واحد معدد على الاقل صح انو مافيها شئ بس حلو انو يكون كلا الطرفين مو مجرب شي.. والله يوفقك واتمنى لك التوفيق. |
وفقك الله ودلك على كل خير والله يكتب لك اللي فيه الصالح ـ انا زوجي ـ ( إلى الآن ما صدر حكم الخلع ) ما كان له زوجة أخرى ولكن كان ( نصف زوج ) لظروف عمله وما توفقنا مع اني كنت أقوم بواجبي وأكثر في الأيام اللي يكون فيها متواجد معي وعند غيابه أتفرغ للبيت وللأولاد وإذا كان موجود العناااااايه كلها له وأزيدك بعد ما كان يقعد كثير في البيت الا وقت النوم لانه كان يدرس إضافة إلى دوامه ( وبعد كل هذا ما توفقنا ) ـ التوفيق ما يكون بقياس نصف زوج أو زوج كامل ـ فكري والله واستخيري والله يختار لك الخيرة الصالحه .
|
غاليتي الله يوفقك لما فيه الخير ..
ماراح اعلق على الملتحي لانه الماضي الدفين كفت ووفت الله يجزاها الخير بس راح اعلق على الطبيب .. مادري من وين جبتي نظرتك للطبيب .. طليق اختك مو مقياس و الناس تختلف زوجي طبيب لذا ردي بيكون من تجربة .. زوجي طبيب ودارس و عاش برى .. ماراح اقول وسيم عشان ما تقولوا تمدح زوجها :)>>>من يشهد للعريس المهم مميزات االطبيب (وهذه شفتها في زوجي وكثير من الاطباء في عائلتي) صبوورين .. فا مهتنهم تعلمهم الصبر و التأني .. منطقي و عقلاني في تفكيره و في قراراته و في رؤيته للامور .. يعني تستشيريه باي امر و انتي مرتاحة لرأيه بالنسبة للي عاش برى .. غالبا .. تلاقيه عملي .. يعني ابدا ما اتفق معاك بموضوع انك لازم تكوني على الموضة و مادري ايش .. بالعكس العيشة بالغربة تعلم الانسان البعد عن المظاهر والاهتمام بالجوهر .. تعلمه الاعتماد على النفس و تحمل المسؤلية غالبا اللي يكون عاش لوحده فترة .. بعد الزواج يكون جدا ممتن لزوجته .. يفرح للاشياء اليسيطة الي تسويها له لانه عاش وحيد فترة .. فا وجود شخص يشاركه يعتبرها نعمة .... بعكس اللي عاش مع امه .. تدلله و تدلعه و كل شي يوصل لعنده حتى كوب الماي بالتالي لما يتزوج يتوقع من زوجته نفس الدلال و الدلع .. السلبيات .. انشغاله بعمله .. بس هذه بالنسبة لك ايجابية طالما و انك حابة تتفرغي للعبادات .. فا استغلي اليوم اللي يكون فيه مناوب و سوي اللي تبيه حتى في البيت مايكون دايما متفرغ .. لانه في الغالب يحب يقرا و يثقف نفسه خاصة في مجاله .. بيني و بين زوجي تقريبا 10 سنوات فارق عمري و ابدا مااحسييييت بالنقص او باني اقل منه بالعكس يدفعك للعلم و التعلم .. تشوفي المجالات اللي تهمه و تثقفي نفسك فيها اذا يحب الاخبار او الاقتصاد او او .. فا اقراي .. منها تعرفي تناقشيهه و منها انتي كمان تتوسع مداركك قلتي انه يميل للالتزام .. اذا بيدك ايضا تزيدي من التزامه و تكسبي اجره ... و امه زي ماذكروا اخواتي ... اكسبي برها .. و مهما كانت غيرتها راح تكون اخف من غيرة الزوجة الاولى وطالما انتي طيبة معاها ان شاء الله بتكون طيبة معاك من كلامي ماودي اقنعك بالطبيب .. لا بس حبيت اعطيه حقه عشان لما تفكري بالاثنين تكون على بينة اكثر بمساوء و ايجابيات الطرفين و ما تميلي من البداية للملتحي فقط عشان انكم مريتم بتجربة مريرة مع طليق اختك .. استخيري .. و اسالي اكثر و اكثر عن الملتحي و عن الطبيب و ربي يوفقك للخير |
السلام عليكم
أختي الحبيبة : مثل ما سمعتي قبلا : الزوجة الوحيدة تؤثر في زوجها أكييد ليس مثل المكررة ..... ليست اللحية في وقتنا الحالي شرط أو دليل قطعي للالتزام و الله المستعان مع إنها المفروض تكون هيك ....... يعني ممكن يكون بدون لحية ويطلع على المسجد في كل فرض و ممكن يكون بلحية ويستهين بهالموضوع .. وهذا نموذج شفته بعيني كثير كثير ... الي شاريك هو الطبيب ( الأول ) ممكن تأثري عليه أكثر بحكم إنو حابك ... معظم الناس إلي عايشين بشكليات بتعجبهم الأمور العكس لأنهم يعتبرونها تغيير ... وبعدين هو هادي و يحب القراءة ( حسب كلامك ) وهذي الأمور حسب التحليل النفسي تدلل إنو ما يحب المولات و وتتبع الموضات ... ومين الي قالك إنو لازم المرأة تكون 24 ساعة مزبوطة عشان زوجها ........ آخرا العبادة أجمل إذا كانت بين اثنين : يعني أعينك زوجك يساعدك فيها و إن شاء الله تكسبي أجر مضاعف ... و إذا كان عندك و ما كان معك بالعبادة ممكن بس ينام تقومي تعبدي الله على راحتك .. أحد التابعين رزق بزوجة متعبدة فكانت إذا جاء الليل تأهبت له و أتته قالت له : إني أعددت نفسي لك .... إذا انقضت حاجته منها و نام قامت و اغتسلت و ذهبت تعكف بمصلاها ، حتى قال عنها زوجها لقد جعلت كل حسناتي لها لأنه كان يسمعها ليلا تدعو له ،، فأصبح لا يفارق العبادة معها ... الله يوفقك بس أنصحك بالأول و هو الغير متزوج |
مرحباااا
سامحوني تأخرت بالرد لأن عندي مذاكره الماضي الدفين أسأل الله أن يشرح صدرك وأن يوسع لك في رزقك أم الدكتور كبيرة في السن مره رديت عليها وأمي موموجودة وقلت لها أن أمي طالعه قالت في آمان الله ولاسكرت السماعه وجلست تنادي على ولدها وتسولف معه إلين أنا سكرت السماعه:d وأول مره كانت بتجي تشوفني كان عندي اختبار وقالت لها أمي أن عندي مذاكره وأصرت أنها تجي قالت بس 10 دقايق نسلم عليها ونشوفها وتروح تذاكر قالت أمي أوكي..وبعد دقايق اتصلت قالت لا ولدي(الطبيب) يقول نروح لهم بعد الإختبارات اتركوها تذاكر:26: أنا إذا تذكرت هذا الموقف أقول يمكن شخصيته مستقله ماحد يمشيه.. أنا خوفي أنه من الشباب اللي أهله يتحكمون بأدق تفاصيله بالذات لأنه وحيد والدته مسألة أن بيتهم قصر وبكون براحتي انا ماكنت أقصد البيت وأني أجلس لوحدي بعيد عنها بالعكس أنا متأكده أني بلاحقها خخ لأني بجد أحب أهتم بالكبار وأداريهم..وأنا عارفه نفسي لوسكنت مع أم الزوج بتلاقيني أدور عليها وآكل معها وأجلس معها..بس أخاف مجرد وجودي في بيتهم يأثر على علاقتي فيه لاتلوميني والله متخوفه من قصص المتزوجات اللي عايشين مع أهل الزوج..غير كذا أنا أحب أقوم بشغلي بنفسي مثلا لوتزوجت أبي أغسل ملابس زوجي بنفسي أبي أجهز أكله بنفسي ماراح تعجبني الحياة أني آكل وأنام وبس..وأخاف هالشئ مايعجبهم..أو مايعجبه.. وأنا أقصد أحس أني بنحرج قدامي تخيلي وحده عمرها ماطلعت وسافرت برا أخاف أطيح بمواقف محرجه وينقد علي تخيلي لوسافرنا برا ودخلني محل شنو أشري!!:29: أنا خجوووولة مع أبووي وأخواني فما بالك مع رجل غريب ومستواه فوق بتورط..مدري أخاف بعد الزواج يحس أني مومن مستواه.. وصراحه خفت من جملتك هذي تقولني أخاف من كيد الحريم وتحسبين ان بعض الزوجات لو تركتيها بحالها ما راح تهوووب ناحيتك !!!! حبيبتي فيه زوجااااات نااار تحرق كل من قداااامها ... لا تحسبين الحياة وردية روح الطير جزاك الله كل خير بس موكل الأمهات يخافون على بيتوت عيالهم miss.roseجزاك الله كل خيييييييرر nooraجزاك الله كل خير كلامك جميل ويطمن بديتي تغيرين نظرتي ناحية اللي دارسين طب غربة الروح كلامك خوفني الله يعوضك يااااااااارب ..غريبين هالرجال!! أم سليمان رزقك الله برأبنائك مشكووورة ياحلو كلامك عن أحد التابعين جزاك الله كل خير جميعا" على نصايحكم القلب الدفين بالنسبه أنها تسلمني الخيط والمخيط هذا اللي أنا خايفه منه أحس أني بصير في وجه المدفع:23: أخاف ماأكون قد المسؤلية..أنا بالعافيه وأمي معي هي المسؤلة وانا المساعده:d |
لاحظت انك كثير تقللين من شأن نفسك وتكررين كلمة أنا مو من مستواه ولا أنا قد المسؤولية
مافي تعارض بين الدين و التحضر ليه ما تعتبري زواجك من الطبيب الدارس خارج المملكة فرصة لاكسابك خبرات جديدة وتبني من شخصيتك للأفضل تكوني متميزة ...بالعكس هذه فرصة تجعلي من المرأة المتدينة والملتزمة مثال للمرونة والحضارة وممكن يكون نوع من التحدي انك تكوني شاطرة ومبدعة بكل ناحية ما أظن الطبيب بيجبرك على أمور تنافي دينك بالعكس انتي هنا بتبيني له ولغيره ان المتدينة قمة في الحضارة والرقي ارفعي راسك وثقي بنفسك واعتزي بما عندك ولا تقفي عند حد معين في تطوير ذاتك للأحسن وعلى فكرة خوف الزوج من ربه لا يكون جلي في العبادات انما في التعاملات وهذا الذي يؤثر عليك كزوجة |
ودايم حطي في بالك انك بنت روعة وأفكارك متميزة وذوقك مبتكر ولك بصمة مميزة في كل أمر تقومين فيه وهكذا بتكونين بحياة زوجك مستقبلا
أهم شي تكونين معتزة بذاتك وواثقة بما تقومين به ...هذا اللي يكسبك اعجاب اي رجل ثقتك بنفسك وبأفكارك لا تخجلين من مستواك مهما كان ولا من تدينك ... |
| الساعة الآن 06:10 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©