|
هلا عذرا قلبي رجعنالك يا قلبي شوفي كلامك عن أمه يبين ان هي وولدها متفاهمين يوم انه يقول لامه ما بنزورها علشان عندها امتحانات , وبعدين امه شكلها طيبة مرة وعلى نياتها كل شي ينقال لها تسويه وتقوله مثل ما هو ما عندها لف ودوران مسألة أن بيتهم قصر وبكون براحتي انا ماكنت أقصد البيت وأني أجلس لوحدي بعيد عنها بالعكس أنا متأكده أني بلاحقها خخ فاهمة عليك يا قلبي بس قصدي انك مرتاحة من موضوع السلايف واخوان الزوج , اما ام زوجك احلى شي تقعدين معها وتسولفين معها , وانا نفسك احب جلسة العجااايز ممتعة جدا جدا .. بس أخاف مجرد وجودي في بيتهم يأثر على علاقتي فيه لاتلوميني والله متخوفه من قصص المتزوجات اللي عايشين مع أهل الزوج شوفي يا قلبي كل زواج لابد فيه مشاكل بس ظنتي اللي مثلك طيبة وتنحب ولا تظنين يا قلبي ان زواجك من معدد في بيت لحالك أقل مشكلات لا والله بل الاكيد واللي نشوفه من نساوين هالايام انه بيكون اكثر مشاااكل غير كذا أنا أحب أقوم بشغلي بنفسي مثلا لوتزوجت أبي أغسل ملابس زوجي بنفسي أبي أجهز أكله بنفسي ماراح تعجبني الحياة أني آكل وأنام وبس..وأخاف هالشئ مايعجبهم..أو مايعجبه.. موضوع الشغل ليه معقدتها اشتغلي لزوجك لحالك ما عندك مشكلة مهووب لازم انك تعتمدين على الشغالات كثير بنات تسوي كذا , تلقين البيت فيه شغالات بس ما تطلب منها شي في شؤونها الخاصة ... اما عن موضوع ما يعجبه فيا قلبي اني مستبقة أحداث كثيرة هالحين كل رجال بتتزوجينه فيه اشياء بتعجبه وفيه اشياء ما بتعجبه حتى المعدد فانت باذن الله لما تدخلين عش الزووجية تشوفين وش يحب زوجك ووش يكره وتحاولين تتأقلمين وما أظن فيه رجل على وجه الارض ما يحب ان زوجته تكون سنعة وتهتم باموره بشرط انك تنهينها في أوقات عدم تواجده ويوم انه موجووود وقتك كله له خصوصا انه طبيب عندك وقت تشتغلين براحتك ... الحين شغل الخدامة مثل شغلك انتِ! لا والله بتلقين هالملابس مكوية ومعطرة والريحة الزينة وما اظن بيمااانع وأنا أقصد أحس أني بنحرج قدامي تخيلي وحده عمرها ماطلعت وسافرت برا أخاف أطيح بمواقف محرجه وينقد عليتخيلي لوسافرنا برا ودخلني محل شنو أشري!! أنا خجوووولة مع أبووي وأخواني فما بالك مع رجل غريب ومستواه فوق بتورط..مدري أخاف بعد الزواج يحس أني مومن مستواه.. انت فكرة طليق أختك مسيطرة عليك مرة يعني انا اللي ماعرف عنه شي احسك مزودتها في تضخيم حجمه تقل بتتزوجين من الاسرة الحاكمة .. خخخ وش فيك مانتي قروية عاد لدرجة ذي حتى لو هو اغنى منك يمكن تكونين انت ذوووق اكثر منه , والله شفت اغنيا قمة في العفاااشة والدفااااشة ولا عندهم ذوقيات ابدا وبعدين كلنا كنا نستحي ناخذ فلوس من ازواجنا اول شي , بس بعدين نتعود وترى الزوج غير الاب والاخ , الزوج تندمجين معه اكثر وكل شوي تقولين مو من مستواه مو من مستوااه طيب هو كان بياخذ عربية ظنتي انه اما كان يدور مخ مفتح وعقلية مثقفة وماله بالشكليات اللي خوفتك او انه يدور جمال معين القلب الدفين بالنسبه أنها تسلمني الخيط والمخيط هذا اللي أنا خايفه منه أحس أني بصير في وجه المدفع أخاف ماأكون قد المسؤلية..أنا بالعافيه وأمي معي هي المسؤلة وانا المساعده كلنا اول زواجنا ما احنا قد المسؤووولية وبعدين تسنعنا وكل وحدة وشطااارتها واستغلالها لوقتها والاجهزة اللي معها |
| الساعة الآن 05:06 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©