السفر ومشاكله
 

قرر زوجي في اجازة الربيع ان نذهب الى أحد الدول الخليجية ( سياحة يعني ) عل أساس أننا سنذهب في الطيارة ... أحدى اخواته يوم سمعت راحت اخذت اجازة من دوامها وقالت بسير وياكم (بدوووون لا احم ولا دستور).. أخواته الصغار يلسوا يصيحون ويقولون اشمعنى هيه ... ( هذا كله وريلي مذهول ) أمه قالت ما أقدر اخلي البنات بروحهم انا بعد بسير .....خخخخخخخخخخ

وباجر بيكون السفر وزوجي قال عددنا كبير ما نقدر نسير بالطيارة بنسير بالبر ...
ريلي قال ما نقدر نقعد بفندق بنقعد بشقه لان التكاليف بتكووون عليه وااايد..

متأكده ان نحن لا بنطلع اروحنا ولا بنيلس في مطعم التكاليف واايد ..

المشكلة اني يالسه اقوول لريلي نبغي نروح ماليزيا في الصيف قالي بشوف خواتي حرام يمكن يبون يسيرون ( واكيد المصاريف علينا ) قلتله خلاص صيف البلاد احلى وزعل مني

انا احب خوات زوجي لكن خاطري اسافر انا وياه وبس

الله يعينك مافيه احد غيركم يوديهم

أعانك الله وهذا لاشك من باب صلة الرحم بأخواته أسأل الله ان يرزقك منه ابناء بارين في أخواتهم

في الحقيقة زوجك مخطيء في تصرفه ويجب عليك ان تناقشية بهدوء

وتفهميه أن هذه السفرة لكم جميعاً وماعندك مانع وعلى الراس والعين

ولكن لك السفرة القادمة لوحدك ..وهذا من حقك عليه ...

الله يكون بعونك حبيبتي ويعينك على اهل زوجك

حــــــــــال يقهر يعني هالموقف لو صار معي لابروح ولا باجي بضل بالبيت احسن وبخليهم هم لحالهم يروحوا
وبجوز تصيبني سكته قلبيه من القهر حتى.
الحق على حماتك هيه ما بتعرف انه الواحد بحب يروح هوة ومرته لحالهم
يستجموا ولا حرام هذا الكلام في قاموس الحموات وبناتهن ...
بعدين الحق على زوجك ليش ما قالهم بروح انا ومرتي او حتى ليش من الاساس
تحكوا انكم مسافرين خليها مفاجأة الهم قبل بيوم عشان ما يقدروا يروحوا معكم ..
والله انا من رأي هذي الامور ما حد يحشر حاله فيها ..
يا شيخه الله يعينك على هالبلاوي هذي ...
الله يجبركم بــــــــــــــــــس

اختي حلو ان الاخ يقدم خواته بعض الاحيان على نفسة

لكن انت بعد لك حق فيه

يعني اذا اخذهم معاه هذه السفر ...لازم هم بعد يفهمون انه من حقة انه يسافر مع زوجته لحالهم

وانت بعد لازم تفهمينه هذا الشي

سفرة يكونون معكم وسفرة لك انت معه

وربي يهديه ويسعدكم