|
انتهى كل شي بينا........
السلام عليكم .................
اخواني وخواتي تبي الطلاق....................... هذي اخرتها عطيتها كل حياتي وتقول طلقني طلقني معد ابي اعيش معك انت تعتبرني مثل الجدار انت ماتحس فيني انت تسايرني كني طفل انت ونت ونت ونت كلام يشيب منه الراس فولله اني لا اعلم لماذا كل هذا الكلام دخلت للبيت جاي من العمل فقابلتني بهذه العبارات من عند الباب اااااااااااااه انا جاي حدي واصل وهي زادتها مادري ليش اقول وش فيه تقول خلاص مليت انا فيني وفيني تقصد الحمل والانجاب وني اسايرها تعتبرني نذل اني ماابي اجرح احساسها ولا اناقشها بالموضوع لكن من يقدر جرحتني جرح كبير تقول انت مو رجال لو انك رجال كان ماقلت مابي عيال شلون ماتبي عيال انت مو مثل باقي الرجال هذي اخرت معاناتي معها انا خربتها فولله من يوم سمعت هذا الكلام حطيت يدي على فمها وقلتها روحي شيلي عفشك ساعه ولا ابي اشوفك بالبيت ولا تراني بذبحك ونا دمي يفور حبيبتي الي حطيتها فوق راسي وتحملت كلام الناس وعطيتها كل شي في حياتي تقول كذا ونا اسئل نفسي ليش كل هذا الصمت ليش ليش انا عارف ان كلامي مو مفهوم بس معد اعرف وش اكتب ولا من اتكلمله حاس اني ضايع مشتت ليش .................................................. .................................................. ............................... |
اخي الفاضل..نايف هدااااااك الله قل أمين كيف تفعل هذا؟ الم اقل لك مسبقا انها مجروحة وساكتة بسبب الانجاب ارايت كلامي الان؟ وهي الان انفجرت من صمتها فكان عليك ان تتقبلها بحنان وتغمرها بكلماتك الطيبة حتى وان اهانتك فهي الان في حالة من اللاوعي تحس انها ليست امراة لانها لم تنجب ..اخي انها مخدرة الان كيف تعامل مخدرة بتعامل انسان واعي؟؟!!! هدااك الله ..اذهب لزوجتك..هاتفها الان..اخبرها انك صبرت وستصبر ..كلمها بالعقل ..بالقلب..بالفلسفة..بالمنطق.. لكن لاتدمر تلك الحياة التي عشنا سعادتها معك..من اجل لحظة كراامة وياليتها كانت تقصدها زوجتك..صدقني لاتقصد.. الله يهديكم ويرجعكم لبعض ويسعدكم أختك حائزة الأمل |
لاحول ولاقوة إلا بالله العلي العظيم ....
بالعكس ياأخي الفاضل ... أنت رجال ... إلا شيخ الرجاجيل .. لأنك تصرفت بحكمة وعقل .... مع أنه بيدك أنك تضربها ضرب على الكلام اللي قالته ..... بس خلك أنت الكبير ... ومصيرها تعرف قدر (ناااااااااايف) ... أخي الفاااااضل .. جايز أنها تعاني من ضغوطات الحياة ... وخصوصاً أنها ماجابت عيال .... أنا أدري أنك ماتلح على هذا الشي عشان ماتضايقها .. بس هي نفسيتها تعبانه وتفكر ليل ونهار وفي لحظة غضب قال لك هالكلام .. بس تأكيد أنها تحمل لك في قلبها كل خير وكل حب ... خلها .. يوم .. يومين .. شهر .. شهرين ..... بس لا تغلط وتطلقها ..... ومن كلامك أنك قلت لها تروح بيت أهلها بس أتمنى أنك ماطلقتها ... ويمكن أنك لهيت عنها هاليومين وأنشغلت عنها .. وهي حست بالوحده والملل ... وحست بقيمة نعمة الأطفال .... والله ياأخي انه شعور مش طيب بالمره ... والوحده تكون حسااااااسه جداً خصوصاً في هذا الموضوع ...... أخي الفاضل ... صدقني أنها بترجع لصوابها ... وبتندم على كل حرف قالته ... بس قبل لاتلومها .. هل أنت متأكد أنك مومقصر معاها في أي شي ..؟ هل تطلع معاها ... تتعشون أو تتمشون .. أو تسافرون .. راجع نفسك .. وإذا كنت مخطي في حقها لازم أنك تراضيها ... وإذا هي اللي أخطت حط لها 70 ألف عذر ... وصدقني أنها من الداخل ولاشي .. لأن قلبها أبيض وتحبك ... فأتمنى من الله ثم منك .. أنك ماتخسرها ... وأتمنى من الله أنه يرزقك بالذرية الصالحه ويرزقني ويرزق كل محروووووووم .. تقبل تحياتي وإن شاءالله تبشرنا عن كل خير |
ااخواتي الفاضلات
حائزة الامل... اللهم امين يارب لكن تخيلي انا توني داخل من الباب من الحر والقرف والهوشات بالعمل اصلاا انا يوم شفتها كذا انصدمت شلون يطلع منها كل وين التضحيات وين وين وين كل شي راح انا حطيت حياتي لها فدوه قلت شوفي انتي راس مالي وهي عارفه ها الشي لكن انا انسان ولله اني تحملت الكثير والكثير فرطت في امور كثيره عشانها بس تستاهل زوجتي بس انا لي قدره على التحمل لو اتكلم ماراح تصدقين اشكرك اخيتي على اهتمامك وحرصك اختي الهنوف والله اني احاول اسعدها بقد ما اقدر حتى لو على حسابي وتحملي نا وضحت من كلامي لكم انها تعبت من ها الشي تقول ليش تحن علي ليش تعطف على وليش وليش صارت تسمي حبي لها عطف ورحمه شوفي شلون تسممت افكارها ونا ماقصرت معها ماعندي الا دوامي وزجتي اطلع ونروح ونجي واسافر معها بس عشان اشغلهاعن التفكير لكن هذي جزاتي |
اخي نايف..اذا لم تضحي من اجل زوجتك وشريكة حياتك تضحي من اجل من؟ صدقني انها تستحق التضحية مع حبها لك لكن هذه الازمة والعلاقة الزوجية لابد ان تمر بأزمات ولاتعلم لعل هي الان حامل ولايعلم كل منكما.. اطلب منك ان تهدأ وتترك نفسك وترركها بضعه ايام وعد بصدر طيب لها..والله يهديك ويشرح صدرك أختك حائزة الأمل |
في الحقيقه لم أفهم مشكلتك !
أيمكنك التوضيح أكثر لنقف معك |
اللــــــــه يعينك وأنا كلامي من كلام الأخت الهنووووف
ونصيحة لا تطلقها لأنها هي في حاله لايعلم بها الا اللــــه لأن موضوع الانجاب حساس جدا بالنسبه للمرأه خصوصا اذا كان منها وهي تحس انك فاقد شي هي السبب فيه الله يهديها إن شاء الله ويرجعكم حق بعض |
صعب أن تحرم المراءه من الانجاب اذا هو عذر طبي فأنت معذور 00000غريزه الانجاب موجوده فى كل مراءه وماتستغني عنها ممكن الواحد يأجل سنه او سنتين فى بدايه ا لزواج بس أزود من كذا صعبه000000كثير يخططو لعدم الانجاب فى السنه الاولى او الثانيه من باب انهم يبو يتقربو لبعض أكثر لاكن يجي الولد قبل نهايه السنه الاولى حتى00000
أذكر سألت أحد المتزوجين عن اكبر فرحه هل كانت الملكه ام الزواج او لحظه ما رزق بمولود 000000فكانت اجابته سريعه وهو يوم رزق بمولود كانت فرحته اكبر بكثييييير من يوم زواجه او ملكته أترك الكبرياء والكرامه فمن شيم الرجال الاعتراف بأخطائهم اما العناد فهو للضعفاء تفاهم معها وأرجعو لبعض وخططو للأنجاب واتركوها لمشيئه الله والله يوفقكم ويرزقكم الذريه الصالحه تحياااااااااتى أخوكم عزوبي |
اخي العزيز عزوبي
والله لو الموضوع بيدي كان بدال الولد ثنين وثلاثه لكن من عند ربي ياعزيزي زوجتي لاتنجب هل اوضح اكثر |
انا زوجتي بالنسبه لي كل شي بس ولله اني تعبت تعبت
نلخبطت حياتي فوق تحت هي جالسه بالبيت بس انا مسؤل منةهذا البيت عملي معد اركز فيه كانو معطيني بعثه تركتها عشانها وعدني رئيسي بالخير تدرون وش ها الخير لفت نظر ملخبط بالشغل فوق تحت مع انها اول مره تصير لي كل هذا ليش ولله الدنيا ماتسوى |
| الساعة الآن 09:08 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©