منتدى عالم الأسرة والمجتمع - دردشات نسائية ...(يسمح بمشاركة النساء فقط )

بسم الله الرحمن الرحيم

عشان كثرت المشاركات اللي خارج المواضيع وعشان مو كل مره نقولكم التزموا بصلب الموضوع
عاد من خلال دراستي لكم عرفت انكم مستحيل ما تخرجون عن الموضوع
ولذالك قررت الاداره الكريمه تعطيكم مساحة حريه للسوالف المفتوحه
يعني بأي مجال وبأي شي اهم شي ما يكون خارج عن القوانين اللي بكتبها تحت
وللعلم هالموضوع تجريبي لمدة شهر إذا ما حصل فيه مخالفات ف راح يستمر
واذا كان فيه مخالفات كثير ف راح يُغلق ويُغلق معه شي اسمه مواضيع للسوالف
وعلى فكره هي موضوعين واحد خاص بالرجال والثاني للحريم
موضوع الرجال ما يردون فيه الحريم وموضوع الحريم ما يردون فيه الرجال
وفي حال كثرت المخالفات في واحد من الموضوعين وإُغلق ما يعني إغلاق الموضوع الثاني اذا كان ماشي تمام

من اهداف الموضوع
التقليل من المشاركات اللي تشطح برا مواضيع المنتدى
إعطائكم مساحه جميلة تاخذون راحتكم فيها
وفيه اهداف ثانيه الوكاد اني ناسيتها اذا تذكرتها كتبتها خخخخ

المهم نجي عند القوانين
هي سهله مره واظن مافي احد راح يخرج عنها فلا تخيبون ظني

1- مافي تبادل ايميلات او حسابات وهذا الشي ممنوع منعاً باتاً واظن الإداره مو مقصره من هالناحية
2- التعرض لبعض بكلام جارح وطقاق ومدري وشو ما نبي إحنا نبي نسولف وننبسط زي الناس
3- كلام سياسي والدوله الفلانيه فيها مافيها الا اذا بتمدحون عادي او تعرض لمذاهب دينيه او نقاشات في تفاصيل زي كذا بعد مالها داعي خلوكم في سوالفكم القميلة
4- كلام عن مسلسلات واغاني ومدري وش بعد لا لان كل واحد يتحمل ذنبه كمان يشيل ذنب غيره
5- وصف تفصيلي لنفسك ووو بعد لا ما اظن ترضون اي احد يقرا اشياء كذا عنكم
6- واهم شي اهم شي ارجوكم رجاء خاص هنا نسولف وبس مشاكل المنتدى الثانيه لا تدخل هنا
اللي عنده رد على موضوع معين يرد بنفس الموضوع لا يجي يرد فيذا
واللي عنده مشكله يكتبها في اقسام المنتدى
7- يمنع كتابة اكثر من مشاركتين هنا
لا تصدقون رقم 7 ؟ امزح شاركوا لحد ما تنفجرون ما عندي مشكله

وبس خلصت
ورجاءاً لحد يخرج عن صلب الموضوع اللي هو السوالف عُلم

وللمعلوميه انا بحذف وبعدل اي شي خارج عن قوانين الموضوع
من غير ارجع للعضو ومن غير تنبيهات بعد لان زي ما قلت استمرار الموضوع بيدكم انتم
ومن اول مشاركه لك هنا يُعتبر موافقه على اللي كتبته فوق

ملاحظه هامة :

يُمنع مشاركة الرجال

ويالله انتشروووووووا