منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   مطبخ المرأة (http://www.66n.com/forums/forumdisplay.php?f=81)
-   -   اريد طبخات سهلة (http://www.66n.com/forums/showthread.php?t=114446)

اخو نايف 21-01-2007 01:26 PM

اريد طبخات سهلة
 
السلامو عليكوم

الي ابيه منكم بس تطبخونلي غدا وعشاء وارسلوه بالايميل:d :d :d

لالا امزح انا بس نظرا لاني عزوبي واكره اكل المطاعم ودي منكم تساعوني ببعض الاشيا

1- ابغى سندوتشات سهلة ولو فيها طبخ شوي زي الكودو والشاورما مافيه مشكله

2-تكفون ابغى اعرف كيف اسوي البشاميلا والباستا بالجبن(فيه مطعم بالبحرين يضبطها ودي اسوي احسن منها)

3-انا اقدر السندوتشات وخصوصا الهمبرجر بس عند القلي على نار هادية احسن انه يشرب زيت واذا عليت عليه احترق شوي ودي اعرف يعني عطوني خطوات كيف القلي المثالي وهل اقليه غمر والا بس ادهن المقلاة بالزيت احسن

4لاتستغربون رجال يبي يتعلم الطبخ بس انا ناوي باذن الله خلال شهر اعزم الشباب على سفره كامله من الاطباق الرئيسيه الى الحلى والعصير بس اكل العنب حبه حبه بس انتم ساعدوني وباذن الله راح يصير اللي في بالي:22:


الاشراف / تم تعديل العنوان

مستكة_مستكة

meme900 21-01-2007 01:52 PM

ههههههههههههه
أخي الكريم والله ضحكتني وش لك بالعزايم خل العزايم لا رحت للوالده الله يحفظها
الله يعين الشباب أنصحك أخوي تتزوج بنت الحلال اللي تفكك من هالصجه كلها
لي رجعه بعد ما أجمع لك بعض أنواع السندويشات

غزالة دبي 21-01-2007 02:06 PM

والله دمك حلو ..الله يسعدك

عزوبي وتطلب بعد طريقة عمل الباشميل والباستا :d ...بصراحه انا عن نفسي ما حب الباشميل ولا اي شي فيه مكرونه :(

الساندويتشات ...احسن شي يعجبني الأجبان بأنواعها واموت بشي اسمه كرواسون جبن يعني روح للجمعيه واختار انواع حلوه ومتنوعه من الاجبان واللبنه .عن نفسي اعادي تغدى واتعشى وافطر عليهم ما عندي مانع خاصه مع كوب من الشاي بالحليب الساخن ...ما ادري شو رايك ..اكيد ودك :29: على راسي ..:d

meme900 21-01-2007 02:07 PM

كلوب ساندويش
شرائح توست 2.جبن شرائح 3.خس 4.حلقات بصل 5.مايونيز 6.دجاج مسلوق ومفروم 7.شرائح طماطم رفيعة 8.بيض مقلي (عيون)
الطريقة:

ضعي فوق شريحة التوست الاولى : شريحة جبن شريحة طماطم (ممكن اضافة الخيار ايضا) شريحة خيار حلقة بصل ثم ضعي فوق ما سبق شريحة توست اخرى وضعي فوقها بيضة مقلية ثم ضعي شريحة اخيرة وضعي فوقها : الدجاج ( بعد ان يخلط في اناء بالمايونيز) ووريقات الخس الخضراء اصبح الان لديكي جبل من التوستات ادخلي هذا الجبل في المكينة الخاصة بتحميص وتسخين التوست (اللي تستخدم لكبس السندوتشات وتسخينها..كما تستخدم للشواء احيانا) وبعد ان تتحمر اطراف التوست ويصبح أعلى التوست محمرا على شكل خطوط ذهبية جميلة ..اخرجيه لكي يبرد قليلا ومن ثم قطعي كل مربع توست الى اربع قطع ..اقطعي التوست على هيئة العلامه اكس × النتيجة 4 مثلثات...ضعي عودا في كل مثلث لتتماسك طبقات التوست جميعا ..وفوق العود ادخلي زيتونه خضرا.

شاورما اللحم بالصويا سوس
- صويا سوس .بصلة مفرومة. لحم مقطع طوليا. طماطم مقطعة صغيرة. خس مقطع. جبنة كاسات. خردل او
ماسترد.مايونيز. ملح. فلفل اسود. خبز شامي او صامولي . فص ثوم مدقوق.

الطريقة:

1-تقلى اللحم مع قليل من الزيت وتتبل بالملح والفلفل والثوم, ونضيف الصويا سوس الى ان تنضج . 2-يدهن الخبز بالجبنة وقليل من الخردل والمايونيز.3-نضع البصل والطماطم والخس بالخبز.4-نضيف اللحم للخبز ونضعه بالفرن ليسخن.,,,,,,,,,,,وتقدم.......{{{بالهناء والعافية}}}
وشاورما الدجاج نفس الشي بس مع التتبيله تضيف زبادي
أما الهامبرج فهذا راجع لنوعية الهامبرج عني أنا أضع زيت قليل في المقلاه وأتركها لمدة عشر دقائق على نار هادئه وتطلع كذا:22:
أما البشاميل أنا موشاطره فيها ياليت الأخوات يفيدونك :23: والباستا بالجبن بصراحه ما أعرفها والله أنتو يارجال في الأكل أشطر منا كل الطبخات تعرفونها ماشاء الله عليكم:11:
أرجوا أكون أفدتك

حياتي أليمه 21-01-2007 02:13 PM

هههههههههه


ياخي والله انا ملاحظه ان الشباب هاليومين طايحين بسالفة الطبخ مدري شعندهم


واول زوجي


صاير يحب يخربط بالمطبخ

ههههه


على العموم انا بعطيك طريقة الباشميل

1- اسلق المكرونه في ماء وملح واذا استوت صفيها وحطها على جنب

2- نحظر الحشوه عباره عن بصل مقطع صغير مع زين في القلايه

نحمسهم نحط معاه شوي ثوم + ملعقه بهارات مشكله + ملح وفلفل

ونحط اللحمه المفرومه ونحمسهم الى ما تستوي اذا حسيت انه استوت حط معاه 2 ملعقه صلصة طماط

مخففها بمويه وخلها تتسبك شوي

3- الباشميل عباره عن زبده نذوبها وبعدين نحط طحين ونخلطهم سوا على نار شوي

وبعدين حط حليب واخلط الين تصير غليظه

وبعدين جب الصينيه وحط مكرونه , الحشوه ثم مكرونه ثم الباشميل

ودخلها الفرن وبالهناء والعافيه


عاد اذا صارت زينه اعزمني

حياتي أليمه 21-01-2007 02:17 PM

اما الباستا بالجبن راح اعطيك فوتشيني الفريدوا

1- نسلق مكرونه اسمها فوتشيني ( متوفره في السوبر ماركت )

2- نحمس بصل شرائح مع قطع صغيره من صدور الدجاج مع بهارات وملح وفلفل و

3- نحظر الصوص عباره عن ( قطعه متوسطه الحجم من جبنة البارميزان ) + قليل من الحيليب

+ ربع اصبع زبده مذوب وكلهم في الخلاط الى ما يختلطون زين

جيب صينيه اخلط المكرون مع الدجاج مع الصوص

غطيها بالقصدير وحطها شوي بالفرن عشان تتسبك


وبالهنا عليك

اخو نايف 22-01-2007 02:20 PM

اخت غزالة دبي والله ماقصرتي بس اللبنة انا احبها بس فطوووور والفطور اللهم لك الحمد اكله في الدوام الحمدلله فطور ممتاااااااز ولا يعلى عليه:22:

اخت ميمي برضه ماقصرتي بس سؤال على الشاورما
(تقلى اللحم مع قليل من الزيت وتتبل بالملح والفلفل والثوم)قصدك اتبلها قبل ما اقليها والا بس اضع قليلا من الفلفل والملح حسب الرغبة كاني اقلي بيض؟؟؟؟؟؟؟

اخت حياتي اليمة ماقصرتي وانشالله ربي يقدرني واطبخ هالوصفات بعد ما اشتريلي فرن صغير:22:

غزالة دبي 22-01-2007 11:17 PM

اقتباس:

المشاركة الأصلية كتبت بواسطة اخو نايف
اخت غزالة دبي والله ماقصرتي بس اللبنة انا احبها بس فطوووور والفطور اللهم لك الحمد اكله في الدوام الحمدلله فطور ممتاااااااز ولا يعلى عليه:22:

اخت ميمي برضه ماقصرتي بس سؤال على الشاورما
(تقلى اللحم مع قليل من الزيت وتتبل بالملح والفلفل والثوم)قصدك اتبلها قبل ما اقليها والا بس اضع قليلا من الفلفل والملح حسب الرغبة كاني اقلي بيض؟؟؟؟؟؟؟

اخت حياتي اليمة ماقصرتي وانشالله ربي يقدرني واطبخ هالوصفات بعد ما اشتريلي فرن صغير:22:


يقولون أهم وجبة يتناولها الانسان هي وجبة الفطور ..دام انها :22: ممتاز ولا يعلى عليه ..خلاص انحلت المشكلة باقي اليوم كثر من الفواكه والعصائر الطازجة وبالعافية عليك والله يرزقك باللي تسعدك :d

مملكه الحب 27-01-2007 10:33 AM

انا اعطيك طريقه الكودو

تقطع قطع صغيره دجاج
تحمس بصل وزيت والدجاج وبعدين ماجي
وصلصه الصوياوفلفل اخضر وتحطها في شاندوتش فيه مايونيز وقطع طاطم

وصحتين والله يرزقك بنت الحلال

روح الغالي 27-01-2007 11:48 AM

يسعدك قلبك وحياتك يالعزوبي


البشاميل في جاهز ومريح الباكيت اللي يجي بالدعايات

بس تفك الباكيت في القدر مع كاس حليب اللين يسمك وحطها على الأكله اللي تحب


وتعليمات البشاميل خلف الباكيت

تلاقيها جاهزه احسن لك (خلطة البشاميل)



في عندي طريقة شوربة لذيذه وسهله

(شوربة الفطر بالدجاج والذره)


1_تجيت باكيت شوربة كريمة الفطر ..جاهز الباكيت

تضعه في الخلاط +3 ملاعق ك حليب بودره وشوي ماء وتخلطهم.


2_تجهز القدر وتضع فيه ملعقه ونص دقيق +شوي زيت الطبخ....وتحمسها الين يتجانس الدقيق مع الزيت

وتصب الخلطه اللي بالخلاط وتستمر بتحريك بسرعه عشان مايكلكع وتقلب تقلب وتكون مجهز جنبك ماء مغلي وتصب عليها تقريبا ليتر اللي بالغلايه الكهربائيه

وتقلب تقلب بسرعه

واذا حسيت انه تجانس وماكلكع

جيب علبة ذره افتحها وحطها كلها بموياتها كمان +مكعب واحد من مرقة الدجاج(ماجي)

وقلبها شوي


اذا عدك دجاج مسلوق وحابه تحطه فتفت الدجاج وحطها على الشربه واذا ماتحب خلاص من غير الدجاج


وخليها تطبخ عشر دقائق وهي مخلصه

بس انا احب الذره مررره مهريه فأخليها اطول وقت


وصحتين وعافيه ياعزوبي




والله يوفقك وينور بصيرتك ويسخرلك ويفرج همك ويريح بالك ويرزقك الزوجه الصالحه


الساعة الآن 08:43 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©