السلام عليكم ..
 

انا متزوجه ليا 5 سنين
احس حياتي ابدا مو مستقره مع زوجي
كل ما صارت مشكله لازم يطلع الاول والاخير
و يهددني انو هوا متعود عالمحاكم من و هوا صغير ( بسبب انفصال امه و ابوه ) و دا الكلام مخليني مو متطمنه معاه ابدآ
غير كدا اخر مشكلة كانت بسبب انو ولدي عمرو سنتين شعره صار طويل و شكلو مو مرتب فجبت المقص و قصيت لما شاف شعر ولدي قلب الدنيا لي تقصيه من غير ما تقوليلي و رفع الشبشب عليا يبغى يرميه و اصلا انا مو طايقك ما تعرفي تربي اولادك حيطلعو اولاد شوارع و ليا خمسه سنين متزوج مو مستفيد منك شي و اهلك واهلك ..
مع اني تركت دراستي و تركت اهلي و كل شي و رحت غربة معاه عشان دراستو وندماانه على دا الشي و كأني عايشه لوحدي انا وولدي ما يجي الا اخر الليل طول الوقت شيشه و دخان مع اصحابه وانا سااكته وممشيه الوضع عادي فالاخير يجي ينكد عليا كمان
كل خرجه معاه لازم ينكد و يسب
و فوق دا كلو انا حامل دوبي طالعه من الوحام
احس بس استنى ارجع عند اهلي و ما راح يشوف وجهي مره مو طايقتو
اهلي يحسبوني مره مبسوطه ما يدرو عني اني باصبر نفسي عالعيشه دي
عارفه اني كترت كلام بس مو عارفه افضفض دا الكلام لمين مره قلبي شايل عليه
ليا كم يوم ما ابغى اشوف وجهو

رد: السلام عليكم ..
 

من كلامك أحس أنه هو مو حاس بالامان برضو
احتويه ياختي .. انتِ عارفه سبب الخلل اللي هو فيه ( أمه وأبوه منفصلين)
اذا قال لك انا متعود عالمحاكم ومن هالكلام قولي له ما نستغني عنك انا والاولاد ،،خططي للمستقبل معه ..
انتبهي لكلامك معه يمكن حاس انك تكرهينه و ماتبغين تقعدين معه..
صحيح غلطان بتصرفاته معك ، لكن حقيقي كسر خاطري ..
الله يهديه ويصلحه ويهدينا جميعا يارب ..

رد: السلام عليكم ..
 

بأحاول احتويه واول ما اتزوجت كان مره يحزنني بس كلامو واسلوبو يخلي الواحد ما يحزن عليه انا ما خلاني كدا الا تصرفاتو معايا

رد: السلام عليكم ..
 

ليش مافي ردود كتبت مشكلتي قلت يمكن الاقي حلول عندكم 🙁

رد: السلام عليكم ..
 

مرحبا اختي
الحمدلله الوحام راح عنك
شو كان ردّك عليه لما أنكر عليكي قَص شعر ابنكم؟ شو سبب ردة فعله هذي؟
اعتقد هو يشعر إنّو دخيل في البيت، وأنك ما ترتاحي معاه، ويمكن ما تحبيه.... أسلوبه يمكن يقصد فيه (انت ليه ما تحبيني؟\متكلميني؟\ما تقدريني\)هو طبعه رومانسي؟
كيف تستقبليه لما ييجي من الخارج؟
وبالنسبة لسكوتك فهو فعل خاطئ، لازم تجلسوا مع بعض وتتحاوروا، وكل واحد يقول للتاني الحاجة اللي مضايقتو، مثلا تخبريه ان البيت بدونه ملل وما تحسوا إنتي وابنك بالامان....
والشيشة استغفر الله منها، الانسان يدخلها صالح ويطلع منها العكس.حاولي تعملي معاه خطط طلعات وغيره عشان يتجنب هذا المكان بشكل غير مباشر.
الروتين حاولي تكسريه، فالروتين المتكرر لفترة طويلة يسبب فتور بين الزوجين
وإذا عمل شي يزعل، اظهري الزعل بنظراتك فورا، لا تنتظري يفهمك بدون إظهار التعابير

رد: السلام عليكم ..
 

اختي ايش حصل معاك طمنينا عليك