|
هل شرب الحليب بكثرة يسبب السمنه؟؟
السلام عليكم ورحمة الله وبركاته
عندي سؤال هل الحليب يسبب السمنه؟؟ عيالي يحبوون الحليب بشكل غير طبيعي وايد يشربون حليب و يقولون لي لا تعطينهم حليب ولدج متن والحليب يمتن استغربت انه الصراحه اول مره اسمع ان الحليب يمتن وعندي بنت خالتي بنتها بعافيه تقولي لوتموت ما اعطيها حليب مو قاصره تغذيه هي،ابي رايكم وخبرتكم ومعرفتكم ومشكورين مقدما |
السلام عليكم
اختي عيون فتانة فعلا الحليب باللذات العلب الطويل الاجل يسبب السمنة و يصد الطفل عن الاكل يصير بس يبي يشرب حليب ..... عن تجربة انا لما تم ولدي الكبير سنتين بطلت ارضعة و صرت اشتريلة حليب ( صافيو ) المعلب طويل الجل و الكرتون ما كان يتم عندي الا ثلاث ايام و الولد ما شا الله صحتة الكل يطالعة عليها .......... بس ما كان ياكل الا بالتوسل و الحيل .... و قالت لي امي اقطع عنة الحليب يبحس بالجوع و بياكل ... و فعلا هذا اللي سويتة و الولد نحف بشكل مخيف و الحين انا استعملة حليب المراعي الطازج رجعت صحتة شوي ....... |
عيالي مو صغار وايد ولدي عمره 8 سنوات وبنتي عمرها 4 سنوات يعني ياكلون مو بس الحليب وجبتهم الرئيسيه ويحبون بالذات حليب السعوديه
|
والله مو الأطفال .. أنا كمان أحب الحليب ..
وزوجي يقول لي شكلي بأشتريلك بقرة في البيت .. حتى نوفر قيمة الحليب ههههه وفعلا لاحظت إنه زادوزني وطلع لي بطن أحاول الأن الإعتدال في شرب الحليب يعني كوبين في اليوم كفاية ,, كوب في الصباح مع الفطور وكوب في العشاء وسمعت إنه يسوي إمساك .. بس مو متأكده من هذه المعلومة |
اها يعني المعلومه صحيحه على العموم مشكورين
|
السلام عليكم ورحمة الله وبركاته أنا الاحظ بنتي عمرها سنتين فيها انتفاخ ببطنها وادري انه من الحليب بس احس لما اسويه دافي مو حار يقل من انتفاخ وبعد عشان الجو حاااااااار ونا اعطيها مرتين عند النوم واول ما تصحى وتوني ادري ان الحليب طويل اجل يسمن واصلا ما احس انه يشبعها بس اعطيها اياه اذا طلبته مو دايم للتغيرر فقط او اذا كنت طالعه. تحيـــــــــــــــاتي |
خرعتوني خواتي !! انا اعشق الحليب !! ... و لكن اعتقد الحليب جدا مهم للصحه للعظام و الاسنان !! ف ما اعتقد انه منع الطفل من شيء مفيد يكون جيد .. كوبين كافي من غير كثره .. و الله صراحه انا ذابحه عمري رجيم و شغلي كله كورن فلكس و حليب يعني جتي مو مسويه شيء اذا صج يمتن :(
اختكم بني |
أعتقد انه مايسبب السمنه ... والا ليش دخلوه الدكاتره وأخصائيي التغذيه كعنصر مهم في الوجبات ؟!
العيب في الأكثار منه أو شربه أكثر من مرتين باليوم بالنسبه للاطفال فوق 4 سنوات إحفظي هذه المعادلة : [blink](كل ماكان الحليب قليل الدسم .. كل ماكانت نسبة الكالسيوم فيه أعلى ).[/blink].. بالتالي .. حاولي تعطين أولادك حليب قليل الدسم .. او خالي الدسم اذا ممكن يتقبلوه .. وبذلك تحافظين على صحتهم ورشاقتهم أنا عن نفسي .. بعد ماتم ولدي سنه .. بدأت أعطيه حليب السعودية قليل الدسم ... وما شاءالله عليه .. صحته زينه وجسمه مائل للنحف ... ومازال على ذلك وهو الآن عمره 4 سنوات ... واكله طبيعي ... |
مشكوره اختي ام الطاحوس على مرورك ونصايحك
|
والله انا ابني جلد وعظم ويحب الحليب محبة امه وابو ويمكن يحب الرضاعة اكثر مني ولو كان الحليب يسمن كان ابني صار فيل
|
| الساعة الآن 11:53 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©