|
ترتيب شنطة السفر
ترتيبات شنطة السفر السلام عليكم ورحمة الله وبركاته حبيت نرتب شنطة السفر مع بعضنا انا اعطي اللي عندي واذا احد عندو اضافة ياريت ينفعنا وربي يجزانا ويجزاكم الخير يارب نبدأ بسم الله ............. اول شي عشان نجي نعبي شنطة سفر لمدة لا تقل عن اسبوعين فأكثر او حتى اسبوع لازم نرتب تفكيرنا ونقسم ديننا... نحتاج ... قرآن للجيب صغير سجادة للصلاه شرشف صلاه<< للناس اللي مسافرين مع اهاليهم عباية ملونة يفضل لون فاتح << للناس اللي مسافرين مع اهاليهم طرح ملونة 4 او 3 يكفي ورقة الأذكار اللي يفضل يكتفي بجواله ازا فيه تطبيق للقرآن والأذكار براحتكم ــــــــــــــــــــــــــــــــــــــــــــــــــ ـــــــــــــــــــــــــ النظافة الشخصية عطر< يفضل للرجال فقط اما النساء فتكتفي بالتعطر في الفندق فقط \ عن النبي صلى الله عليه وسلم أنه قال: "أيما امرأة استعطرت فمرت على قوم ليجدوا ريحها فهي زانية، وكل عين زانية" رواه النسائي وفي المأثور: خير عطر المرأة ما ظهر لونه وخفي ريحه. فرشة شعر فرشة أسنان ومعجون مزيل عرق شامبو صغير ليفة جسم موس حلاقة قصاصة مرآه صغيرة للحقيبة بكلة شعر للمرأة شنطة مكياج مختصرة وصغيرة للمرأه للتزين للفندق فقط ــــــــــــــــــــــــــــــــــــــــــ للصحة.. نحتاج.. ديتول صغير بخاخ لرش كراسي الحمام اكرمكم الله او ديتول عادي الأصلي شمسية نايلون جاكيت شفاف من ساكو قد الكف ويخدم وقت نزول المطر على غفلة ادوية..كريم العضلات فولتارين كريم حروق ميبو مسكن للآلام بنادول <<< في انواع مرهم حساسية <<< في انواع مرهم للحماية من البعوض دوا حكة فكس قطرة عين ريازولين القطرة الملحية للأنف ــــــــــــــــــــــــــــــــــــــــــــ للطفل...<<للناس اللي مسافرين بطفل طبعا على حسب عمر الطفل أنا كانت طفلتي عمرها سنة هدا اللي احتجته نحتاج.. خافض حرارة أدول تحميلة أو شراب أفضل شامبو أطفال حجم صغير عطر للأطفال علبة حليب او سيريلاك رضاعتين أكياس للحفاضة لبسين في اليوم للطفل كل يومين بيجاما وفنيلة داخلية 2 جاكيت مايوه لحاف للطفل جزمتين مريحة وصندل الحفاضة اللي تتفرش تحت الطفل للتغيير عليها تخدم كتييييير 4 ألعاب يحبها الطفل وهو من يختارها عربية شنطة صغيرة تحطي فيها غيار و4حفايض ورضاعة وطعام وحفاضة مناديل معطرة ومناديل مجففة ومويا بالنسبة للمناديل المعطرة و الحفايض لما توصلو هناك تشتروها احسن تخففو وزن ـــــــــــــــــــــ شنطة للكبار. نحتاج فيها .. جاكتين لكل شخص <<اذا الموسم اللي مسافيرين فيه موسم حار وناويين تطلعو قمة يكفي واحد جاكيت 4 بنطلون 7 بلايز تكفي لمدة اسبوع تتغسل وتتلبس تاني 3بيجاما مايوه 4شراريب 4ملابس داخلية جزمة رياضية مهمممممة <الله يعزكم جزمة تانية احتياط جزمة بحر كاب اذا يوم شمس قويه شرشف سرير وبيت مخدة شنطة ظهر<<< انا كنت احط فيها اغراض بنتي وأغراضي وحدة مرا الكاميرا واغراضها واللابتوب وأغراضه شواحن وفيش عالمي من ساكو توصيلة غلاية مويا صغيرة <<موكل الفنادق فيها غلاية تنفع كتير فرشة صغيرة حقت نفرين للجلوس في حديقة اوماشابه بهارات في علبة ادوية قلم ودفتر صغير ــــــــــــــــــــــــــــــــــــــــــــــ طبعا ما ننسى أبدن الأوراق اللي جمعنا فيها المعلومات اللي تهمنا وكمان الاوراق اللي فيها معلومات الفنادق وارقامها بالنسبة للشنط الكبيرة انا اخدت الشنطة الكبيرة وحطيت جوتها الشنطة الأصغر وبعدين حطيت الملابس<<كانت نيتي تسوق عشان كدا اتحايلت بالطريقة دي واخدت الشنطة الأصغر منهم وحطيت فيها ملابس بنتي وشرشف السرير وشنطة مكياجي وجزمنا بعد مالفيتها بكيس وووماشابه والشنطة اللي مرا صغيرة تتشال في اليد حطيت فيها الأدوية والتوصيلة والغلاية وماشابه زائد شنطة اللابتوب والكاميرا زائد شنطة الضهر فيها اغراضي واغراض بنتي وبالنسبة لزوجي شايل شنطة في حزام بنطلونه كبيرة شايل الأوراق المهمة والمفاتيح والجوال والفلوس وماشابه مرررا نفعتو وما استغنى عنها لحظة من ساكو اشتراها ما ننسى جوازاتنا ورخصة السواقة طبعا منقول من منتدى العرب المسافرون |
رد : ترتيب شنطة السفر
موضوع جدا مفيد وراءع
امور كثيرة ما كانت خاطرة ببالي واستفدت منها . عندي بس ملاحظتين 1. عدد الجرابات والملابس الداخلية 4 . حسيته قليل كوني راح اغسل بالاسبوع مرة .. بالذات الجرابات 2. الادوية كثيرة ان الصيدليات متوفرة بكل مكان يعطيكم العافية وشكرا علي التعاون بتغيير معرفي:) |
رد : ترتيب شنطة السفر
اقتباس:
العفو واجبنا |
رد : ترتيب شنطة السفر
جزاك الله كل خير
عن نفسي اكتب كل شي باخذه معي قبل اسبوع من موعد السفر و اجهز الجنط قبل ثلاث ايام من الموعد حتى اكون متاكدة اني اخذت كل شي ممكن احتاجه و ما اقفل الجنط الا بيوم السفر ... حتى اضيف اي شي اخر .. بشكل مستمر و بوجود الاطفال .. اكون حريصة على اخذ خافض الحرارة و مسكن الالام و بلاستر للجروح بشكل دائم موضوع جميل يعطيكم العافية |
رد : ترتيب شنطة السفر
اقتباس:
شكرا جزيلا على مرورك الطيب اختي الفاضلة |
رد : ترتيب شنطة السفر
احلى شي في السفر عدم التخطيط
اهم شي في السفر الشطه والجبنه والتونه ان شاء الله حارجع من السفر بعد يومين وحاكتب كل التفاصيل ودمتم في حفظ الرحمن |
رد : ترتيب شنطة السفر
اقتباس:
بانتظارك اخي الفاضل شكرا جزيلا على مرورك الطيب |
| الساعة الآن 02:26 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©