|
اقتباس:
كلام عين العقل .... وكمان اشتري لها هديه فخمه ..... والله مسكينه قطعت قلبي |
اقسم بالله كل مرة تزيد قناعتي ان المراة الطيبة العاقلة ماعاد يمشي سوقها الايام هذي لان رجال اليومين هذه ماينفع معاهم الا العين الحمرة والحرمة القوية اجل هي تحب المشاكل وتتفلسف
|
هلا فيكم منور الموضوع ::
اعيد اكرر واقول اني غلطان وندمان وعارف غلطي كبير بس انتوا تقولوا اجلس معها كلمها طيب كيف اكلمها وانا بس جلست جنبها وبكت وراحت عني انتوا مو فاهمين صايره تخاف مني وحتى انها تقول كلام قسم بالله ما افهمه من كثر شهاقها والله العظيم تعبت ابي حل |
ياخي خلك وراها الين تطيب خاطرهاا
وربي انها تستااهل كل خير .... يله الحين فرصتك ترد لها بعض جمايلها عليك.... اسمعلها وضمها وقولها لاتخاافي وانا غلطاان وانا اعتذر منك وابي رضاك علي.. وانا مدري اش صابني يوم مديت يدي عليك يمكن كنت مزعوج وحطيت حرتي فيك وانا الحين ما ابي الا رضاك وان شاء الله رح اعوضك عن كل غلط سويته معك ونفتح صفحه جديده مع بعض... واسالها وانت مبتسم قولها هاااه رضيتي علي ياالغاليه؟؟؟؟؟؟ واكيد بتساامحك وبترضا بس خلك قد الكلام الي بتقوله لها وعاهد نفسك معد تمديدك عليها... |
اقتباس:
الضم والقرب منها باللمسة الهادئة افضل تعبير ورسالة لها بإعتذارك دون أن تنطق بكلمة واحدة ،،، بس يبغي لك تصبر شوي حتى ترجع لوضعها الطبيعي ، ولا تتوقع في يوم وليلة ترجع الأمور كما كانت أول عزوبي:22: بس:d رجل:30: |
الذي يصدر من زوجتك الان اكبر دليل على مقدار العنف الذي كان في صفعتك ومانتج عنه من صدمة كبيرة جدآ جدآ
ولدت ماتراه عينيك الان خاصة لو اتت هذه الصفعة على حين غفلة ولانسانة اعتطك الامان ولم تكن تتوقع ردة الفعل العنيفة تلك ولا يسعني ان اقول سوى اسجدلله شكرآ لانك الان لست مطالب سوى بلاعتذار من زوجتك فقط لانها لو كانت واحدة غيرها لكنت الان تتوسل لابوها وامها وعائلتها من اجل ان تراها وتجلس وتتكلم معها فقط ولن يقبلو بمقابلتك اصلا ولا ادخالك بيتهم ولذلك اقول اعتذر لها وقبل يديها لانك لو كنت زوجآ لغيرها لكنت الان تتمنى تقبيل ايادى كثيرة غيرها لتصل اليها وتعتذر لها ولا اظنها ستقبل لان ما تفعله لك نادر ونادر جدآ في زماننا هذا وعلى قدر الحب والاخلاص والعطاء يكون الحزن وتكون الصدمة لا اتصور كيف سيكون عطاء الله ومكافئته لهذه الانسانة الرائعة لذلك اقول لك اطمئن يا من تركت عقلك يقف و اطلقت العنان ليدك العمياء لتسطر علامات الانكسار وخيبة الامل ومرارة الالم يامن اضعت حب واخلاص ووفاء وعهد سنيييين بصفعة مجنونة نزلت كأعصار جامح على وجه ارق انسانة تحملتك ووهبتك حبها وامومتها وكتمت سرك بقلبها سنيين وخدمتك كجارية . اطمئنك واقول لك ان حقها وكرامتها المهدورين سيردهم الله لهذه المظلومة وليس انت . لانها لاتنتظر منك شئ بعد مكافئتك السارة لها |
لاحول ولاقوة الا بالله ,,,,فيك برود اعصااب عجيب !
السلام عليكم يعني انا اللي مستغربه له ياخي برودك وتعاملك مع الموضوع وكانه انت ضيعت قلمها او مساحتها جدا غريب ! انت ضربتها ! بدون ماتستفزك او تلغط بشي يسئ للشرفك ..او تعلي صوتها عليك ..مع إني اعارض الضرب في اي حاله _لكن قد نلتمس لك العذر _تعرف ايش يعني ؟؟ يعني ماعاد تحس معك بالامآآن وهذا اهم شي في حياة المراءه يعني الانسانه صابرة ومحتمله و حتى بعد ماصارت المشكله ماغلطت في اي شي ..ومع ذلك مو عاجبك ..وتعتبرها هي الغلطانه .. و تنكر عليها خوفها منك ,, وابتعادها ونفورها .. يامسلم اللي هي تسويه طبيعي ومن ابسط حقوقها .. يعني هذا جزاء خوفها عليك تضربها ,,,وتعتذر والمفرووض انه تضغط على زر _ديليت _ويرووح كل شي وترجع ثااني تصاارخ عليها ...وبعدين تقوول ,,,تحب المشاكل ومزودتها ,,, خاف الله في هالمراءه ,,,حراام عليك اللي تسوي فيها ,,وتستغل ضعفها وطيبتها يقول عليه الصلاة والسلام : " اللهم إني أحرج حق الضعيفين ، اليتيم والمرأة " [ رواه النسائي وغيره بإسناد حسن ] ، يحذر من تضيع حقوق احدهما ويبرا الى الله منه ,وحرمتك تجمع الصفتين ,,فانتبه تظلمها ربي يعاقبك .. وانت محيت كل هذا ....وقاعد تستغرب ليه 3ايام بعيده عني بعد ما كفختها ! |
بالصراحه انا شفت ردود الكل وما ابغى اقسى عليك اكثر
وبما اننا النساء نفهم بعضا البعض بالصراحه زوجتك نادره في الوجود والمفروض تحافظ عليها يكفي انها تخلت عن حقه كأم وماحد يرضى لانها غريزه في الانسان وبعدين انت تكأفها بكف معصب عصب على نفسك لو زوجي يسوي لي والله ماقعدت وياه اسأل عنه وحارقه نفسي في الاخير يكافني بكف لا و يزعلني واسوي له غدا عمره ما اكل بسألك جى لك نفس وانت تاكل الغدا |
الحل ,,,,,,,,,لو كنت تبي تحل المشكلة ...
الاخوان والاخوات ماقصروا بالحلول اللي قد تصلح الوضع وتوصل الرساله للزوجتك بس انت مو مقتنع انك غلطان ولا انت حاس بحجم المشكله ,,,او بالاصح ماتبي تحس لانك ماتدورحلول انت تدور اعذار لك ومبررات عشان زوجتك ترجع طبيعيه _ الله يكون في عونها _ ولانت حاس بوضعها وبالالم اللي تحس فيه واللي مسببه برودك واحساسك ان مشاعرها وكرماتها مالها اي قيمة عندك ولاتساوي اكثر من هديه وعشاء بس ولاتتجاوز ذلك .. كل اللي تبيه البنت من زوجها انه يكون سندها والبنت يتميه يعني في اشد الحاجه لك فلا تخذلها والحضن الدافئ اللي يلمها لو صكت فيها الدنيا عشان تبكي وتخرج كل اللي في صدرها من اهات وحزن وشخص يسمعها ويحاورها ويتكلم معها عن خصوصيتها ومشاكلها هي وهي وحدهــــا والقلب العطوف الي يرحمها ويبين هذا على اسلوبك وتعاملك معها يعني مثلا لو تاخر الغداء ممكن تقول : يلا ياعمري اسرعي لاني بتأخر على موعدي اللي خبرتك عنه بدل ماتقعد تصارخ عليها وتخرعها ,,, الرجل القووي اللي يدافع عنها ويحميها لاسف هي تبي اللي يحميها منك ,,,ولاجل كذا خايفه منك لانك تتقوى عليها ةتحب تسمع كلمه طيبه تين حبه لها وخوفه على مشاعرها يعني ممكن تقولها انا ادري ان جرحنتك وفاجأتك بتصرفي معك واسف على االي حصل لكن اوعدك ماراح تتكرر وراح اعيشك بحب واكون حنون معك واعوضك عن الفات فديت عيونك و...و.. وتغزل فيها مو تقول اسف بس وتجي ماشي وتبي البنت تنسى كل شي وتسامح ببساطة .. |
أخوي خالد
لاتعطي الموضوع أكبر من حجمه خل الأمر عادي جدا ولاتعتذر إعتذرار صريح مثل أنا آسف أو غيره أكرمها وراضها وراح تحبك أكثر خلك طبيعي ولاتضربها على وجهها مره ثانية وبالتوفيق ياغالي |
| الساعة الآن 02:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©