|
مشكلتي مع عمي وزوجتي (حُلت ولله الحمد)
السلام عليكم ورحمة الله وبركاته
حياكم الله اخواني واخواتي جيمعا .... اعاني هذه الايام من مشكلة ارقتني جدااااااااااااااااا وهي ان عمي اخو الوالد ..الله يحفظه ويهديه ..له اكثر من خمسة اشهر ساكن عندي في البيت .. وزجتي متضايقه منه جدااااااااااااااااا خاصة في الفترة الاخيرة ........كانت في البدايه تلمح لي ..وبعدها صارت تقولي بكل صراحه .. شوف صرفه لعمك ........اصبح وجوده في البيت يضايقني ...فاولت اني اخفف من المشكله وجبت له شغاله تشوف طلباته ... قبل عدة اسابيع قالت لي زوجتي ..اذا ما تصرفت مع عمك ...انا بتصرف معاه ..فقلت لها اعذريني مستحيل اقول لعمي اطلع من البيت ...فلا تنكدي علي كل شوي عمك عمك ...قالت طيب من اليوم مافي نكد وراحت اتصلت علي بنت عمي الكبري وقالت لها بصراحه وجود ابوك يضايقني ومقيد حريتي في بيتي وانا صرت ما اقدر اطلع الحوش ..ولا صرت اجتمع مع زوجي علي سفرة وحده .. زوجي طول الوقت مع ابوكم يجي من برا علي غرفة عمه ..الوضع اصبح لايطاق ...اكرام الضيف 3ايام الان بتغلق السنه وهو قاعد عندنا المهم عطتها من كلام الحريم ..اللي يشفي غليلها ...وقامت بنت عمي واتصلت علي ابوها وعلمته بالسالفه كلها .. جيت انا البيت الا وعمي زعلالالالالالالالالالالان وعلمني بالموضوع فقلت له مستحيل .. فعندما اخبرت زوجتي قالت نعم كل الكلام صدق .......فسكت انا ..فقلت لعمي بنتك مبالغه بالموضوع حبتين ..فقعد عمي يحرشني عليها ويقولي ويش تبي فيها طلقها وانا ازوجك بنتي فلانه ..هذي قليلة حيا مو متربيه ...ول لو لو لو ...وانا ساكت ..وقال لي .... فيها حتي لو ما تبيني انا قاعد عند ولد اخوي مو عندها ........ مع العلم ان عمي رفضني ايام زمان يوم خطبت بنته قبل لا اتزوج زوجتي ذي ...بحجة اني مالي وظيفه ... الحين يا اخواني كيف اتصرف مع زوجتي وعمي ..البيت اصبح شبه جحيم ..... كل يوم هوااااااااااااااش ومشاكل ..والسبب وجود عمي ... ولسا زوجتي ما تدري انه يقولي طلقها ولا كان صارت البيت حريقه ........... ارجوكم شوفو لي حل يرضي الطرفين ..او اخرج عمي من البيت بطريقه مهذبه ....... |
السلام عليكم
عفوا اخي خبير الاعشاب ان كان هناك خطأ فهو ارتكب من عدة اطراف سواء زوجتك او عمك لكن السؤال هنا .. لماذا يقيم عمك عندك في البيت ؟ اليس له بيت وزوجه ؟ وان لم يكن له .. اليسوا ابناءه الاولى بأن يسكن عندهم ؟ |
الله يعينك اخي خبير لكن ليش مايروح عند بنته زوجتك معاها حق لان عمك له اولاد لو كان محتاج لك ولا فيه احد غيرك قلنا حق وواجب وانت ملزوم فيه لكن مادام مكتفي الاولى فيه عياله |
عمك ما يستحسي عوجهه
دام عنده بنت مطلقة ليش ما يروح عندها تراعيه وتلبي طلنته بدل ما يقعد في بيتكم ومضايق بنت الناس ومضحية على حسابها وفوق هذا كله يقولك تطلقها. انا ما عندي اي حل يمكن الاخوات ولاخوان بيسعدونك على عمك هذا اللي يبغى يفرق بين زوجين متفهمين |
اقتباس:
هلا فيك اخي طيب عمي له اولاد وبنات . بس انا ساكن بجده وهم في الرياض ..وبعضهم حول الرياض .. |
طيب عمك و يشوف انه عادي يسكن معك .. لكن بنته يوم ان وصلها الكلام من زوجتك ما هو موقفها ؟؟ المفروض انها ما يمديها تقفل الخط من زوجتك الا وهي واقفه على راس ابوها و ما تطلع من بيتك الا ابوها يتقدمها عند الباب ... زوجتك معها حق .. شكل المسأله مطوووله و زوجتك طفشت .. لو انه اللي جالس معك ابوك كان راح نقول ان زوجك ما معها حق .. هذا ابوك و انت ملزوم فيه .. لكن عمك ؟؟ لا .. اسمح لي هذه الوضع لا يحتمل .... |
اقتباس:
يعين الجميع ان شاء الله هو الحقيقه ما عنده احد بجدة ...الا انا .. ويقول انه ساكن عندي .. من كثر حبه لي :25: وكمان ان جدة قريبه لمكه ماخذ راحته بالروحه والجيه لمكه المكرمه .. |
اقتباس:
مين قالك ان بنت مطلقه ؟ |
اقتباس:
حياك الله اختنا اميرات .. بنته اللي اتصلت عليها زوجتي ساكنه بالرياض ... وانا ادري ان الوضع لايحتمل ......طيب ايش الحل ...ويش الدبره ...؟؟؟ |
ليش عمك ما يسكن عند اولاده في الرياض ؟؟؟ لازم جده ؟؟ ما احد تقدر تكلمه يوصل خبر لأولاده انهم ياخذون ابوهم عندهم ؟؟ معقول عمك ما يعرف الاصول ؟؟ كم عمره عمك هذا ؟؟ |
| الساعة الآن 01:07 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©