|
نيسان بترول 2013
أولا أستميحكم عذراً لدخولي عالم الرجل ولكن ركن السيارات احتليتوه وكأنه ممنوع علينا نمتلك سيارات :18:
المهم .. باركولي أشتريت سيارة نيسان بترول 2013 لونها أبيض لؤلؤي .. وكان فيه حيرة بشأن اللون .. اولا السيارة للحين ماستلمتها بس أمس رحت الوكالة ودفعت قيمتها .. لسه العروس يبيلها يوم أو يومين يطلعونها من الستور ويغسلونها ويسجلونها في المرور .. وبعدين ينادوني استلمها إن شاء الله .. :14: بعد ماحجزتها بالمواصفات اللي بغيتها .. شفتها باللون الأسمنتي .. أو الرمادي الغامق وطار قلبي .. قلت لزوجي كانه اللون أحلى:25: .. قال لي زوجي جننتيني خلاص حجزناها وخلصنا وإذا بتغيرين يمكن يتأخرون أكثر .. قلت له شوف جرب وكلم الوكالة إذا ماتتأخر ابيها .. بس قالو بعد بتتاخر 5 ايام .. وأنا مستعجلة .. لأن سيارتي القبلية (لاند كروزر) بعتها من اسبوع . والحين استخدم سيارة أبو زوجي لأنه مسافر لحد ماتطلع سيارتي .. وأنا ما أحب أسوق سيارة غيري احس المسؤولية تزيد .. قلت لزوجي خلاص الأبيض اللؤلؤي زين وشفيه ؟:26: جبت لكم صور لسيارتي بس من قوقل , عطوني رايكم : هذا الاسمنتي : http://www.mynrma.com.au/media/nissan_patrol_2013.jpg وهذا اللون اللؤلؤي : http://i.dbzstatic.com/images/user_i..._CP_photo.jpeg اكثر شي عجبني إن الكراسي اللي ورا نقدر نطويها بحيث تكون الشنطة في مستوى واحد .. غير عن اللاند كروزر كنا لازم نشيل الكراسي لو عندنا اغراض كبيرة أو شنط كثيرة مثلا في السفر , وايضاً فيها مميزات كثيرة منها إن باب الشنطة يفتح ويغلق بالزر أو بالريموت وليش يدويا مثل سيارتي القديمة .. 8 سلندر وأخيييرا أخدت سيارة 8 سلندر :17: الحمد لله تبارك الله .. مممم وماذا أيضا : المواصفات اللي أخذتها مش فل أوبشن .. يعني فيه اللي أغلى شوي من سيارتي ومواصفاتها أكثر مثل شاشات DVD .. أنا سيارتي بدون .. بس فيها شاشة صغيرة للكاميرا الخلفية .. وسيارتي إن شاء الله فيها فتحة .. وأخذت مخمل لأني ما أحب الجلد أحسه يصير حار بالصيف مع انه رااقي جدا على السيارة ..:24: تحياتي .. |
رد : نيسان بترول 2013
بالبركة ... :14: الله يعطيج خيرها ويكفيج شرها تبين رايي خليج ع الابيض االلؤلؤي اكشخ وارقى واحلى من الرمادي والجلد عملي اكثر من مخمل بركنيها داخل البيت تحت الباركنج لا توقفينها برع عادي ما يضر وآيد بس المخمل يتخيس بسررررررررررررعة سيارة اخوي ابيض لؤلؤي وكشششششششششششخة ونفس المواصفات وطبعا جلد بس هو خذها اول ما نزلت في الوكالات عندنا سيارة لا يعلى عليها الصرآحة تستاهلين كل خير فديتج وانا وراج باخذ نفس السيارة :d:22: |
رد : نيسان بترول 2013
اقتباس:
:d شكرااااا لأنج شجعتيني وحببتيني في الأبيض لأني كنت شوي شوي زعلانة وللحين في خاطري الرمادي .. انا اصلا بفصّل فرش للكراسي عشان أحافظ على فرش الوكالة .. إن شاء الله اليوم بستلمها وعلى طول بحط عليها حماية وعازل حراري .. :24: يسلمووو بشورة .. :) |
رد : نيسان بترول 2013
تبارك الله ..... تستخدميها بالعافيه ورضى الرحمن ...... انتي واختي بشرى اكيد قرأتم عن سيارات وبحثتم ... وبالنهايه اجمعتم ان هالسياره مره حلوهـ ومميزاتها حلوهـ ... هي بجد سياره قويه من جميع المقاييس ... وترا موضوعك نور القسم . خذي راحتك يعني . ياليت الاخوات يشاركونآ . ما اعرف ليه البعض فاهم ان قسم السيارات وعالم الرجل ممنوع يشاركوآ فيه الاخوات . اصلا بدون مشاركاتكم .. يا أخواتنآ .. القسم بيكون بطيء جدآ حتى انا كاتب موضوع مثبت في ركن " السيارات " -لكل سؤال يخطر في اذهانكم .. ويستفز فضول اخوتنـآ واخواتنـآ الاعضاء .. |
رد : نيسان بترول 2013
اقتباس:
ماشاء الله ... تبارك الرحمن عاد لا تنسيني مري علي باخذ معاج لفة :d وشربيني كرك :d تستاهلين كل خير والله يعطيج خيرهـ يارب هو بيكون اصلا ملبيسنه بس انتي احتياط لبسيه الله يحفظج ... |
رد : نيسان بترول 2013
اقتباس:
والله في حياتي ما قريت مواصفات هالسيارة من يوم انا صغيرة وانا اشوف نيسان :d خلاص استوى امر مفروغ منه ولازم اتكون عندنا هالسيارة :) احنا موجودين بس اختك كسولة ما اتشارك وايد :15: يزاكم الله خير ... |
رد : نيسان بترول 2013
ايوه صح من ناجية اللون ...
اول شيء دخلت على المنتدى من حوالي فما ظهرت الصوره تبع اللون الاسمنتي .. ودخلت من الاب توب بس عشان اشوف اللون الاسمنتي وابحث عنه .. بجد صدقيني من ناحية منظر وفخامه ورزه اللون الؤلؤي بدون اي تردد ..... سبحان الله حتى الصور موضحه هالشيء .. لكن انتي يمكن حابه يكون فيه تميز بسيط لأن الؤلؤي لون متواجد بكثرهـ .. الاسمنتي بشكل اقل .. لكن بالنهايه الشخص ياخذ سياره رزه ولونها حلو .. وفيه ملاحظه باللون / دايما الشخص ماينتبه الى اللون بمسألة البيع . يعني اذا انتي حبيتي بعد عمر تبيعي سيارتك هذه .. اللون الؤلؤي بيكون مرغوب بشكل كبير وبتحطي السعر الي تبغي .. لان الي يرغب اللون عدد كبير من الناس ( شريحه كبيره ) مثلا / .. عارفه الكامري جات فتره نزلت منها اخضر فاتح . واسود . ودم الغزال . والوان كثيره . لقيت بجد هالناس الي معاهم سيارات مثل هاللون تعبانين فيها كل ماينزلها السوق ماحد بيشتريها .. اضطر كثير منهم يغير لون السياره ويعملها بويه جديده .. عشان السياره يمشي سوقها ويقدر يتخلص منها . واغلبهم بيعملهآ لؤلؤي . انتي سيارتك .. ماشاء الله .. قويه .. وشكلها جميل .. ومرغوبه مستقبلا حتى لو صارت قديمه .. وسياره يعني للبلد وللسفر وللخرجات والكشتات .. وسيعه زي ماذكرتي بالنسبه للمراتب .. يعني ماشاء الله متكامله .. عاد لازم تحرصي يكون اللون يكمل السياره بهالمواصفات .. وانصحك بالؤلؤي .. يكفيك انه لون خطير بالصباح في النور . او في الليل .. واللون الؤلؤي اللون الوحيد الي بيكون له بريق ولمعه مميزه .. |
رد : نيسان بترول 2013
ايه اختي بشري ........
عارفه اقصد ... لما الانسان بيشتري سياره مستحيل ما يقرا ولا يعرف مواصفاتها ... معقوله انتم تشتروآ سياره كذآ بس على الشكل !!!! والله ما ادري عنكم يا اخواتناااااا .. الظاهر تشوفوآ سياره من برا شكلها حلو .. على طول تشترونها بالنسبه لي لازم اعد مسامير السياره وافحصها من جوآ قبل برا .. :22: |
رد : نيسان بترول 2013
اقتباس:
خلاص الواحد من ينولد عارفين ايش بتكون سيارته المستقبلية .. :23: مثل اللاند كروزر في قطر .. لكن في قطر حاليا كثثير اتجهوا للنيسان لشكلها الفخم ومواصفاتها .. وأنا منهم ..:d عاد اسمحولنا بقناها عنكم ..:25: بالنسبة للون شكرا أخي ابو عقيل أقتنعت جدددددا جدا بللؤلؤي والحمد لله إني ما أخذت غيره :22: |
رد : نيسان بترول 2013
اقتباس:
انا في حياتي ما قريت بس اشوف الكتالوج :d لكن اخواني يدققون عني ويخبروني هذا زين وهذا مب زين :d |
رد : نيسان بترول 2013
ماا شاء الله
على البركة حبيبتي ام الدانة تستاهلين كل خير ان شاء الله ربي يعطيك خيرها ويكفيك شرهاااااا ما شاء الله اللون الي اخترتيه جدا فخم ورائع خليك عليه جدا حلوووووووو كنت بسالك كم سنة صارك تقودي السيارة اختك صارلي كم شهر اتعلم والحمدلله اعرف لكن الى الحين عندي شويه خوف بالانعطافات اخاف من السيارات الي تكون واقفة لما انعطف يمين ولا شمال -ربي يجعلنا واياكم من اصحاب اليمين الحين الحمد لله قدمت على امتحان الكمبيوترونجحت فيه من اول مرة -لان هنا لازم اسوي امتحان كمبيوتر وامتحان قيادة وبقى علي امتحان القيادة لكن ما عندي وقت استعد له -اضبط اموري واتعلم واكون واثقة من نفسي حتى اقدم الامتحان واخلص لكن ان شاء الله لازم قبل رمضان احصل على الرخصة قولوا ان شاء الله لكن ما عندي اي خبرة عن انواع السيارات مثلك تعلمنا من الصغر على اسماء موديلات معينة وصارت كانها مكتوبة لنا من الصغر اسمع بالمرسيدس -سيارة اهلي لكن ان شاء الله ان الله يسر لي اجيب سيارة عائلية حلوة وعلى قدناااااا انا وبناتي :d:d:d ربي يسعدك يا حبيبتي ويحميك ويرزقك من فضله كل ما تترجيه ويرضى عنك ويرضيك |
رد : نيسان بترول 2013
اهلا اختي دوندرمه ......
انتي بس بشرينا انك اخذتي الرخصه ..... وابشري اجيب لك صور ومميزات السيارات العائليه الصغيره مع الاسعار باذن الله ........ ربي يوفقك ..... والمهم اتعلمي كيف تتنفسي بعمق عشان ماتتوتري لان التوتر والرجفه بتعطل عمل عقلك وايضا عمل يداتك وجوارحك واكيد الثقه بالله اولا ثم الثقه بالنفس ...... |
رد : نيسان بترول 2013
اقتباس:
الله يبارك فيك يارب وعقبالك .. أنا صار لي اسوق مممم من يوم عمري 18 يعني قبل 12 سنة تقريبا .. :14: لحد يحسب عمري .. :23: ترى السواقة مش صعبة بس يبيلها قلب .. يعني اللي خوافة وجبانة وكله متوترة بتتعب .. فأنتي خلك قوية :18:ولا تتوتري وأنسي إنك في المتحان ويااارب تنجحي وتبشرينا بالليسن والسيارة الجديدة .. :17: |
رد : نيسان بترول 2013
اقتباس:
ما تقصر مشكور انا مشكلتي اني اسوق تمام جدااا ولا احسن شوفير لكن لما اوقف عند الاشارة خلاص اجي احرك بعد ما تنور الاشارة -- اطفي محرك السيارة ويبدا التوتر والاخطار متلاحقه وما اخلص الا لما اوقف على جنب واريح شوي واهدي اعصابي حتى اقدر ارجع مرة ثانية اسوق انا الحين صارلي كم شهر من بديت اتعلم لكن ما كملت العشرين ساعه يمكن سقت 16 او 18 ساعه المشكلة ساعاتي مو متواصله حسب الوقت بسبب بناتي الصغار وما في احد يبقى معهم :29::29::29: يعني اخطاء مرة ولازم الحقه بخطاء ثاني وثالث ورابع :29::29::29: شكرا لك على عرضك الكريم ما تقصر ان شاء الله قريبا اقدم على الامتحان مثل ما سبق وقلت لازم اقدم عليه قبل رمضان ان شاء الله ربي يسهل علينا واقدر اخلص منه على خير شكرا لك اخوي |
رد : نيسان بترول 2013
اقتباس:
لكن شوية توتر خصوصا لما اوقف ويطفى معي المحرك صارت كم مرة وعقدتني :29::29::29: تعرفي شنو اكثر شي يخوفني ويخليني اتوتر هو لما افكر اني انا اسوق السيارة وبناتي نور عيوني جالسين ورااااااااا قلبي يوقف والله ويدي تجمد وعقلي ينشل احس اني مو قد هالمسؤولية مع ان جارتي وزوجي وحتى المدربة اشادوا جدا بطريقة سياقتي بس انا اول ما يخطر على بالي بناتي عقلي ينشل ما اعرف ليه الحين هم ان شاء الله اول الشتوية -اكتوبر ان شاء الله- يدخلو الروضة وانا الي اوصلهم عشان هالشكل احيانا احس اني انا الي اتعمد اني اخطا حتى ما انجح واتحمل مسوؤليه بناتي خوفا على سلامتهم خصوصا بالشتى يكون عندنا ثلج والحال حال الله يستر والله الحين قلبي يبوقف على هالكتابة اجل كيف ان سويتها صج ووصلت بناتي بالثلج ههههههههههههههههههههههههههههههههههههههههههههه المهم انا الحين انطر شوي الظروف تتعدل وان شاء الله ارجع اباشر تعلم كلها كم ساعه انا محتاجتهاااااااا وما في مجال الله يسر بس ادعولي معكم امانه :d:d:d شكرا لك حبيبتي ام الدانة |
رد : نيسان بترول 2013
السلام عليكم ورحمة الله وبركاته ما شاء الله تبارك الله الله يعطيك خيرها ويكفيك شرها ويحفظك من شر الحوادث بالنسبة للون الأبيض فهو الأفضل من وجهة نظري لأن غالب الخدوش الخفيفة ما تبان لاكن الألوان الغامقة تبان فيها الخدوش وتمتص حرارة الشمس بنسبة أكبر من الألوان الفاتحة |
رد : نيسان بترول 2013
اقتباس:
لكن بالعكس هي مهمـــــــه .. ان شاء الله تكون بخير اخوي ابو ندى لك وحشــــــــــــــ~ـــه .. وربي يعطيك العافيه .... |
رد : نيسان بترول 2013
شكرا اخي أبو ندى ..
ملاحظتك مثل ملاحظة زوجي .. جزاك الله خير وايضا الشكر موصول للأخ ابو عقيل .. |
رد : نيسان بترول 2013
ماشاءالله تبارك الله ،،،
ألف مبر ووووك حبيبتي أم الدانه ،، الله يعطيك خيرها ويكفيك شرها ،،، اللون اللي اخترتيه أحلى عن الإسمنتي ،،، أحسها تعطي فخامة أكثر ،،،، ومثل ما قالوا الإخوان ينفعك أكثر في المستقبل ،،، مبرووووك مرة ثانية ،،،، |
رد : نيسان بترول 2013
ياقلبي ياداماس ماقصرتي ..
والله يا إن كلامكم يريح .. الحين انا مو بس أقتنعت باللون السيارة .. إلا عايشة قصة حب معاها .. ههههههه .. الله يحفظك ويحميك وينولك اللي تتمنينه وأكثر .. |
رد : نيسان بترول 2013
ألف الف مبروك
يعطيج ربي خيرها ويكفيج شرها ...واللون اللؤلؤي احلى بوايد من الاسمنتي |
رد : نيسان بترول 2013
اقتباس:
|
| الساعة الآن 05:15 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©