حبوب منع الحمل سيرازيت
السلام عليكم ورحمة الله وبركاته
اخواتي بارك الله فيكم لي 25 يوم والدة متى ابدا استخدم حبوب سيرازيت علماً اني ارضع طفلي وكيف طريقة استخدامها |
رد: حبوب منع الحمل سيرازيت
اهلا وسهلا فيك .
اولا الف مبارك لك على الولادة والطفل وان شاء الله يتربى في عزك. بالنسبة الى الحبوب وهي مناسبة مع الرضاعة ، الافضل طبعا مشورة طبيبة النساء او طبيبة الاسرة عشان تاخذ التاريخ المرضي كامل وتشوف الانسب لك. الحبوب هذي طبعا في الكتب والغرب يقولو تاخذيها بعد 21 يوم بعد الولادة ، مايفرق، هم عندهم يبدأو الجماع لما يخف النزيف وايضا حتى وقت الدورة يصير فيه جماع عند الكثير منهم ما تفرق معهم ! المهم نمشي على الي يقولوه ، ابدأي فيها الحين . تاخذي حبة وحدة كل يوم في توقيت محدد . يعني اخذتيه 4 العصر ، تاخذيه كل يوم نفس الوقت . ممكن تقدمي او تاخري ساعة وحولها . اي زيادة في التاخير ممكن يصير فيه قلة في مفعوله وتحملين . ! وتستمري عليها على طول بدون توقف طبعا الغالب راح تصير شوي الدورة متلخبطة وبعدين تنقطع ، ولا تصير فيه دورة ابدا هذا عند اغلب النساء. وفيه نساء تمشي معاهم الدورة . وبس . اضافة الى ذلك ، انا المريضات لدي اسألهم عن عادة يوميا لا يتوقفون عنها مثل اعداد القهوة بالصباح، صلاة الوتر، من هذه الاشياء . واقولهم حطو الشريط عند السجادة مثلا اذا دائما تصلي الوتر، او عند القهوة وهكذا ما راح تنسي الحبوب . وفيه تطبيقات الحين تنبه . في حال نسيتي الحبة وقت ما تتذكري خذي الحبة وكملي عادي . واذا كان النسيان اكثر من 12 ساعة لازم تشوفي طريقة عزل او واقي عشان الحمل قد يحدث . وهذا ما لدي. والحمدلله على ماعلمنا الله وما اوتينا من العلم الا قليلا . |
الساعة الآن 11:25 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©