منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي تركني في بيت اهلي ولم يسأل عني(مستجدات الرد 66) (http://www.66n.com/forums/showthread.php?t=192840)

ابي رضاه 16-09-2009 04:51 PM

tunisian
لجات لهذا المنتدى بعد الله لدعوه صادقه تصدر من قلب مؤمن

وربما دعاء لي احد ....والله استجاب

وبعدين مشكلتي صارلها 3اسابيع

وانا كنت منتظره ردة فعل من اهله لانهم يحبوني وامه ماتشوفني الا بنت لها

وين الغرابه؟؟؟؟لا اعلم

ابي رضاه 16-09-2009 04:57 PM

اميرات

حبيبتي اتعامل معاه بكل حب واحترام واهله بعيوني...كثير مايردد ياحظي فيك...ولكن الغلط النفس ماتقبله...مابالك واني ماقصرت

حطي نفسك بموقفي ...وقوليلي انتي ؟

باريسا 16-09-2009 10:00 PM

إذا كان الزعل الي تحسينه الحين عشانه خدعك وتركك في بيت اهلك بدون مبرر حسب تصورك

فأقولك هو صحيح تصرف تصرف غير ناضج كرغبة في الانتقام لكرامته الي اهدرتيها قدام الناس

و لكن انتي بعد الله يهداكي ما قصرتي فيه فضحتي قدام الله وخلقه ..

وتصرفك بصراحه وما تزعلين مني كان غير ناضج ..


صحيح أنا معك لما زعلتي .. لما صرختي .. لما تفاجأتي .. لما انفجعتي من صدمتك فيه في البداية

بس الانسان بعدين المفروض لما يرجع لهدوءه يفكر بعقله .. صح والا لا

يعني بالله عليك فضيحته قدام اهله واهلك والكبير والصغير درا انه يسوي هالفعايل .. هل بتصورك سهل ؟

هذا سواد وجه .. ادري انه اهو السبب وهو الي ارتكب هالذنوب .. بس انتي زوجته ستره وغطاه

ورب العالمين قال ﴿هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ﴾.

طبعاً انتي عارفه شنو لباس ..

اللباس اهو الي يستر العيوب .. هو الي يحمي من الأضرار .. اهو الي نتزين فيه قدام الناس

و رب العالمين قال الزوج و الزوجه لباس لبعضهم .. ما قال الأم لباس لولدها .. ما قال الأب .. ما قال الأبن ولا البنت

ليش خص علاقة الزواج .. لأن اي انسان ما ينكشف بشكل كامل الا امام زوجته .. والزوجة بعد

فمن المروءة أنك تسترين عليه .. وضيحته أكبر غلط غلطتيه ..


وبعدين يا بنت الحلال ترى كل انسان معرض انه يطيح في بلوه من بلاوي هالدنيا

لا تقولين لا .. كلنا معرضين للأمراض والأسواء .. ماحد ضامن نفسه إلا بمشيئة الله

حطي نفسك مكانه لو كنتي انتي مبتلية بهالبلوة .. شلون كنتي تبين يعاملك

هل كنتي تبينه يصبر عليكِ ويعالجك بهدوء .. والا يحقرك ويلعب بأعصابك ويهينك

هل كنتي تبينه يفضحك قدام اهلك واهله إلي طول عمرهم شايفنك ملاك .. والا يستر عليكِ

وتبقى السالفه بينك وبينه ..

انا متأكده أن لو زوجك مرض اي مرض جسدي كان وقفتي جنبه و اهتميتي فيه ..

فليش لما روحه تمرض ما توقفين معاه ..

في حاجات في حياتكم تعينكم على هذا الشي

اولا : سنكم متقارب .. ما بينكم إلا سنتين بس .. يعني تقدرون تتحاورون وتفهمون بعض بسرعه ..لأنكم من جيل واحد

هذا شي روعه .. عشان الزوج إذا سقط الزوجته تعينه وإذا الزوجة سقطت الزوج يعينها

لكن تخيلي لو بينكم سنين طويله .. شلونبتتفاهمون .. اصلاً مراح تعرفين كيف تتصرفين ولا تتواصلين معه

ثانياً : الحب الي بينكم اكبر معين ومحفز لكم .. لأن الي يحب يطاوع حبيبه ويتحمل عشانه ويتقبل منه إذا جاه

باسلوب حلو .. لكن تخيلي لو زواكجم عادي .. وهو انتي وغيرك كل واحد .. وانتي نفس الشي

ايش بيصير صعب تتأقلمون مع بعض وصعب تتقبلون من بعض وصعب تضحون عشان بعض


ثالثاً : زوجك عارف خطأه ويبي يترك الي هو فيه .. يعني مو معاند ولا قالك كيفي اسوي الي ابي

لكنه في فترات الضعف البشري يرتكب حماقة وكأنه ينتقم منك يرجع للي كان يعمله


فإذا كنتي تعتبرين تصرفه هدر لكرامتك وخديعه لك .. فهذا مقابل اهدارك لكرامته

ولاحظي انتي للحين وجهك ابيض وناصع قدام اهلك واهله .. لكن هو الي وجهه مسود وكاره نفسه

اهو يحبك ويدري انك تحبينه بس يبيك تحترمينه وتثبتين انك شاريته وتحبينه .. ولا زم تتعلمين هالفضايح

الي تطيح الشخص مع العين تسترينها ..

وغيري اسلوب تعاملك معاه .. غيري كلامك .. غيري نظرتك لا تنظرين له انه انسان مذنب وسئ

طالعيه ان حبيبك بيغرق وانتي تبين تنقذينه ..

ادري صعب ويبي له جهد بس ليش قالوا الصبر مر .. لأنه فعلاً مر وعلقم

زبعدين يا بعد قلبي ما تدرين عن الدنيا .. والله الدنيا تخوف والانسان ما يرتاح من بلاويها إلا لما يموت

ويا ليت يرتاح بعد إلا وراه حساب وعقاب

يا ما ناس عاشوا شبابهم مستقيمين ولما وصلو للخمسين انحرفوا وسودو وجيههم ..



فلا تعاندين .. أنا ما اقولك اتصلي عليه بس ردي على اهله وقولي لهم

انك مستعدة للصلح ومستعدة ترجعين

بس يجي اهو ياخذك .. مادام قدموا خطوة .. قدمي انتي خطوة

بارك الله فيكِ .. خليه يحس انك للحين شايته ومحترمته وانك حابته ..

معليش عدي .. واعتبري تصرفه الخاطئ جزاء على تصرفك الخاطئ

ابي رضاه 16-09-2009 10:23 PM

عيوني باريسا اهلي مايدرون

بس ابوه وامه يدرون وكان لازم اقولهم لانو طلقني وقتها وطلبتهم مايقولون له شي...انا احاول احلها قال ابوه ابشري
ومافضحته قدام الناس انا كنت في بيتي لما رفعت صوتي عليه اتهمه بهالامور ...قال الجيران سمعونا...

شلون يسمعون !!هم الله يحفظهم فبيتهم واحنا فبيتنا؟؟؟؟؟؟


هو يعرف...اخر اتصال كان بينا يوم جابني وراح...قلتله انا احبك سعيده معاك وماابي من الدنيا الا حظنك...اكرر نفسي ليش...خلاص

باريسا 16-09-2009 10:33 PM

الحمد لله .. يعني بس امه وابوه الي يدرون

ولونها تعور القلب .. أن الأب والأم يشوفون نتيجة تربيتهم هذا مواصيلها

بس شي اهون من شي ..

بس ابي افهم .. تقصدين أن ابوه الحين قال بيحل المشكلة .. أو هذي كلمته لما طلقك

واي مشكلة بالضبط العادة والافلام .. والا مشكلة رجعتك لبيت اهلك ؟؟

ابي رضاه 16-09-2009 10:49 PM

لا حبيبتي لما طلقني سالني ابوه كلمك او قالك شي...قلتله لا يومين مطلقني ومقفل عليه على الحرام

قال حكلمه يحلل نفسه ويردك اذا كان ناوي ...قلتله سم بس ارجوك لا تقوله عن الافلام انا احاول احلها بنفسي قال ابشري اللي تبين...

صارلنا شهرين من هالمشكله وانتهت...

ابي رضاه 17-09-2009 01:46 AM

اسال الله لكل من دخل ودعاء لي بهذا الساعه المباركه

ان يفتح له ابواب السعاده والرزق ويجعله من اهل الجنة

ورد وذبل 17-09-2009 04:22 AM

الله يفرج لك ، الله يفرج لك ،الله يفرج لك ولنا

حبيبتي اهدي ولا تفكرين بالموضوع كثير
بقول لك عن شي تسوينه
قولي كل ماطرى عليك الموضوع< حسبي الله لا اله الا هو عليه توكلت وهورب العرش العظيم>من قالها كفاه الله ما اهمه

ادعي بالسجود يارب حنن قلبه علي يارب صب حبي في قلبه صب يارب سخره لي

واستمري بالاستغفار

ان شاء الله يومين ويركض لك

ابي رضاه 17-09-2009 04:46 AM

ورد وذبل....اللهم امين يارب استجيب لي دعائي لها بالسعادة والرزق الوفير...وجناااااااااااااااااااانك يارب العالمين.

مس.سوسة 17-09-2009 10:06 AM

اقتباس:

المشاركة الأصلية كتبت بواسطة علوالنفس (المشاركة 2230947)
اذا كان زوجك مبتلى بالأفلام الجنسية والعادة السرية فهو أشبه ما يكون بالمريض الذي يتعالج بالسم

وكنت كالطبيب الذي يريد الشفاءبسرعة وعالج المريض بقتله مدعيا اراحته ..

فأنت لم تصبري على زوجك ولم تعرفي السبب الدافع لذلك واجزم يقينا أنه ليس هناك رجل يمكث 9 سنوات

ليتزوج ثم يتجاهل زوجته ويذهب للآفلام والعداة السرية الا بسبب ( وليس تبريرا لفعله ) فهل تنازلت من برجك

العاجي وتعرفت على السبب وكيف علاجه , ام أنك اجهزت عليه وتركتيه يسيح في دمه حتى الموت ..

ولعلمك أنت بفعلك هذا لم تزيد الطين الا بلة , ليس هناك أدنى حكمة في تصرفك , فضيحة لزوجك يعني

في قلبه الان عليك حنق كبير جدا , لأنك شرخت رجولته أمام أهلك وأهله , وصدقيني كأي رجل مستحيل

أن ينساها وستظل كالكية في قلبه , لأنك لم تكوني ستره وغطاه وأنت أقرب شخص اليه ..

واذا لم يعجبك كلامي وكلام بقية الأخوة .. فعليك أن تركبي قطار المطلقات ربما تجدين من يعلمك كيف

تتعاملين مع زوجك ..

أنا أعلن تأييدي لعلو النفس ولأول مرة
فعلا الرجل حاقد وبشدة ولا ألومه
أنت فضحتيه أمام أهله!!!
الحل بيدك بعد أمر الله
لابد أن يعترف كل منكما بخطأه
ويابنت الناس احفظيها له أنه صبر 9 سنين عشان مايتزوج غيرك!


الساعة الآن 04:29 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©