منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   ركن الطفل (http://www.66n.com/forums/forumdisplay.php?f=97)
-   -   طفلي عمره ثلاث شهور...متى ابدأ اطعمه؟؟ (http://www.66n.com/forums/showthread.php?t=22552)

ايلاف 26-04-2004 03:07 PM

طفلي عمره ثلاث شهور...متى ابدأ اطعمه؟؟
 
متى ابدأعطي طفلي الاكل وهو عمره الان ثلاث شهور؟؟



وماذا اطعمه؟؟ماهي الوجبات اللي اعطيه بهذا العمر غير الحليب؟؟

والف شكر لكم

koook 26-04-2004 04:12 PM

هذا السن لازم ما تعطينه شي لان المعده ما تتحمل بس تقدرين ادخلين البسكوت إذا كان طفلك من النوع إلي يجوع اسم البسكوت (فارليز) مكتوبه التعليمات كيف تستعملين على الكرتون

وممكن ادخلين حبة الحمرا تاخذين معلقه صغيره وتغسلينها زين وتحطينها في فنجان قهوه مع شوي ماء وسكر(السكر عشان ما يكون بطنه يابس) لان حبة الحمرا يمكن تيبس البطن بس حبة الحمرا وايد مفيده حق الدم

ممكن تعطينه نعناع عن الغازات تاخذين ثلاث اوراق نعناع وتحطينها في ما ي مغلي وتصفينه وتشربيه عن طريق الرضاعه

ممكن اسوين الحلبه بدل النعناع

ممكن تعطيه تمر بس اشيلين القشر عنه وتاخذين قطعه صغير وذوبينها في ماء شوي (يمكن ايسوي غازات)

حبيبة القلب 26-04-2004 04:54 PM

عليك بالزبادي والسيريلاك.....

دمعة الماسة 26-04-2004 06:44 PM

اول شي أحب اقول لك ان الله يخلي لك طفلك وانصحك انك تبتعدين عن الأكل الجاهو تماما وتبدين معاه بالأكل اللي تسوينه في البيت ترى إذا تعود الطفل على الاكل الجاهز انسي ان ياكل شيء غير وكثرة هالأكل الجاهز ممكن تسبب تلبخ معوي حق الطفل خصوصا انها تحتوي على مواد حافظة بينما انت إذا سويتي له في البيت راح تستخدمين خضراوات أو فواكة طبيعية وطازجة ...

يعني تقدرين تبدين معاه بشوفان وبقدونس أو كوسا أو أرز ، مع الملاحظة لازم تفوحين الخضراوات وااااايد وبعدين تخلينه في خلاط العصير ولاتنسين ان الخلطة اللي تبين تسوينها لازم تكون مثل الشوربة تقريبا يعني ماتكون جامدة وااايد لان في البداية يصعب على الطفل البلع ....

استمري على هالأكل شهرين تقريبا وبعدين ممكن تسوين له سيريلاك وفارليز عشان يتعود على الخضراوات وبالتالي ممكن ياكل كل اللي تقدمين له ...... لان السيريلاك معروف ان فيه حلاوة غير موجودة في الخضراوات فإذا بديتي معاه بالسيريلاك ماراح يقبل على الاكل البيتي

وإذا كبر إشوي تقدرين تأكلينه فواكه مثل التفاح .. الكمثرى ... الموز بالملعقة ...

ward_najd 26-04-2004 06:58 PM

أختي ايلاف أنا بنتي نفس الشي عمرها الحين ثلاث
شهور ولما سألت الطبيب قال لي لا تعطينها شي
أبدا لا سيريلاك ولا زبادي ولا شي بس خليك
على الحليب ولما تكمل الأربع الشهور نبدأ
بالعصير ولأشياء الثانيه...
أتمنى اني أفدتك :)

أم منصور 26-04-2004 07:01 PM

الاطعام
 
تستطيعين البدء بعد اسبوعين
فيمكنك اطعامه السيريلاك وبسكويت الأطفال مثل فارليز وافضل ان تجتنبي الزبادي ومشتقات الحليب عموما إلى الشهر السادس تقريبا
كما يمكنك إضافة الشوفان والهريس بس من غير اللحم

ونصيحة لك اختي: عليك البدء بمحاولة اعطاءه حبات البسكويت ليتعلم مسكها بنفسه أثناء الأكل حتى يتعود عليها من الآن :)

ايلاف 26-04-2004 08:56 PM

ألف شكر للاخوات
بس فيه استفسار
هل ابدأ اعطيه الخضروات والسيريلاك والفارليز مع بداية الشهر الرابع؟؟
انا الان اعطيه الحلبه مع اليانسون واعطيه تمر مع مويه مغليه

زين ولا لا؟

أم منصور 27-04-2004 06:38 PM

بالنسبة للسؤال الأول تقدرين تبدأين حتى من قبل اسبوع من الرابع يعني اربعة شهور إلا اسبوع أو اسبوعين عادي ما يكون ضرر بس بالنسبة للسؤال الثني اعرف ان التمر للطفل زين حتى من الشهر الثاني بس اليانسون ماادري صراحة..

koook 27-04-2004 11:16 PM

الينسون لا تعطينه وااايد لان ايبس البطن

ايلاف 02-05-2004 06:58 PM

يعني اعطيه فارليز وسيريلاك وعلى مسئوليتكم:)

انا اعطيه الان كوسا مهروسه......زين؟؟

والف شكر للمشاركات


الساعة الآن 03:42 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©