مناورات للصلح بعد الطلاق
 

اخواتى انا كنت عرضت مشكلتى هنا من فتره واريد ان استمع لرئيكم فلا تبخلوا على وهختصرها للتذكره
انا زوجتى كنت اعاملها بما يرضى الله منى ومن اهلى وبعد ما اشتغلت فجاه تركت البيت ورفعت قضايا نفقه وقائمه وتمكين وخدت حكم حبس فى قضيه القائمه وتم الطلاق بالتراضى واخذت كل حقوقها
وتم كتابه عقد اتفاق على النفقه والرؤيه الطفل
والتزمت من جانبى بالعقد وببعت لها النفقه شهريا بانتظام فى المقابل اهلها مبيرودوش على التليفون ورافضين انى اشوف الطفل فتركت الامر لله ولم ارفع قضيه رؤيه حتى الان
احتراما للطفل والان تدخل شخص يعرفهم ويعرفنى
وقال انه عاوز يتدخل عشان خاطر الطفل واظن انه جاى من ناحيتهم (والله اعلم) لانه قال انه شايفها مضايقه وزعلانه فحكيتله على افعالها وقالى هتكلم معاهم فوافقت عشان خاطر
بنتى يمكن تكون اتغيرت ولسه رادد عليا انهارده لقيته بيقول انه جلس معاهم 4ساعات بيتكلم معاهم وجمع اخواتك كلهم وهيجى يتكلم معانا
بصراحه انا مش مرتاح حاسس انهم بيتشرطوا او هيقولوا على شروط انا مستعد لاى كلمه قالوها ارد عليها وبالدليل لانى انا واهلى مغلطناش فى حققها طول فتره زواجنا
ومتاكد من كده
سؤالى هل لو قال انهم هيرجعوا بس بشروط معينه اقبل ولا ارفض؟؟
انا ايه هيا شروطى انا اللى اتظلمت واترفع عليا قضايا واتهانت واتحرمت من بنتى ايه هيا شروطى؟؟
انا بفكر فان تكون شروطى
تعيش بما يرضى الله
عدم تدخل اهلها فى حياتنا وانا المسؤل عن البيت وكلمتى اللى هتمشى
زيارتها لاهلها انا اللى اقرارها ومفيش تليفونات لان اهلها سبب المشاكل
مش هكتب قائمه تانى ومش عاوز العفش ومش هتكتب مؤخر لانها هيا سبب الطلاق
فهل دى الشروط المناسبه ولا اعمل ايه انا محتار ونفسى بنتى تتربى فى حياه عاديه
وهل هيا ممكن تكون اتغيرت ولا لا؟؟
اطلقنا من 4 شهور وقبلها 5 شهور قاعده عند اهلها مده الزواج 4 سنين
اهلى مش عاوزينها تانى بسبب اللى عملته بس انا ممكن اقدر اراضى اهلى
خصوصا ان اهلى صعبان عليهم الطفل جدا

رد: مناورات للصلح بعد الطلاق
 

الله يكتب لك الخير حيث كان
انا أفضل تسمع منهم واذا شروطها مافيها ضرر عليك وافق كرمال بنتك
وانت تضع شروطك اللي ذكرتها
وقبل كل شي استخير وأكثر من الدعاء فرج الله همك

رد: مناورات للصلح بعد الطلاق
 

الشيخ
خذها قاعده
دام زوجتك دخلتك محاكم وبهدلتك وحرمتك من ولدك ف اعرف ان هذي خلاص ما منها أمان. ارتاح عقب الطلاق وبعد سنه ارجع تزوج وعيش وحياتك وولدك اتشوفه غصبن عليها وعلى اَهلها عن طريق القضاء.

ودام انها اهل محاكم عاملهم بالمثل وخل يشربون من نفس الكاس الي شربوك اياها

هالنوعيه اتخاف ما تستحي

رد: مناورات للصلح بعد الطلاق
 

الله يكتب لك الخير دام بينكم طفل , معليش تنازل هالمره وحط شروطك انت اذا وافقت كان بها واذا لا خلاص
فرصه لك ولها وممكن هي تعلمت
وربنا كاتب ف كتابه الصلح خير

رد: مناورات للصلح بعد الطلاق
 

اكتب في العقد انه مافيه مؤخر.
وحط شروطك اللي تضمنلك كرامتك.
اذا وافقة معناته هي شاريتك.

رد: مناورات للصلح بعد الطلاق
 

دام دخلتك محاكم وبهدلتك حافظ على كرامتك
ولا ترجعها خلاص انساها