إجراءات الطلاق
اخواني المطلقين ابي استفسر عن اجراءات الطلاق من اولها لاخرها وش الاوراق المطلوبه وهل يلزم وجود شهود وش اسوي بدفتر العائله واذا كانت الزوجة هي الي طالبة الطلاق يكون لها نفقه او لا,
وش الاتفاقيات الاساسية بين الزوجين من ناحية الولد ومصروفه, وكم ياخذ الموضوع حتى يعطوني صك الطلاق. ياليت كل واحد يكتب لي تجربته وبعض المعلومات المهمه ارجوا تنويري منكم. |
تاخذ عقد الزواج وشاهدين وتدخل للقاضي
تاكد ان زوجتك في طهر لاجماع فيه او حامل تتلفظ بالطلاق امام القاضي طلقة واحده بعدها تاخذ الصك مباشرة اقصد صورته الاصل للزوجه نصيحتي اذا كانت هي اللي طالبه الطلاق خليها تجي معك للمحكمه وقول ان الطلاق على عوض وهو تنازلها عن نفقتها الماضية واللاحقة ,,, لو لم يحصل هذا-حضورها معك - فلها النفقه الا ان كانت الان ناشز ,,, الولد تعطيه حسب ظروفك تقريبا 500 ريال كل شهر وتزوره كل اسبوع مره او مرتين واي سؤال اخر تفضل به ,,,,,,,,,,,,,,,,,,,,,, اخوك ليش كذا يقولون اني محامي ,,,,,, |
يعطيك العافية اخوي ..لكن لو قلت انها ناشز, كيف بيتأكد القاضي؟
|
القاضي ماراح يكلمك عن شيء غير الطلاق فقط
لكن بعد الطلاق لو رفعت عليك دعوى نفقه بيسالك ليش ما انفقت عليها انت لو تكتب لي تفاصيل الطلاق ممكن اتصور وضعك واعطيك الزبده ,,, |
هلا اخوي
بإختصار الزوجه كرهتني من غير سبب واضح . توقعنا عين او حسد راجعوا مشايخ لكن ما الله وفق. ومن اكثر من سنه واحنا منفصلين. اتمنى وضحت الصوره |
الاصل ان الناشز - من تركت طاعة زوجها ومثله من خرجت من بيتها ولاتريد الرجوع اليه - لانفقة لها
لكن ربما لاتستطيع اثبات نشوزها فمال العمل ؟؟ انت الان ان كنت تتوقع انها سوف تطالبك بنفقة بعد الطلاق فما عليك الا ان تتصل بها وتقول ساطلقك لكن تنازلي عن النفقه السابقة واللاحقة واجعل شاهدين من غير اخوتك واقاربك القريبين يشهدون انها تنازلت ثم اذهب وطلقها او قل لهم اريدها تاتي وتتنازل امام القاضي عن النفقة ويكون الطلاق على عوض وهو التنازل عن النفقه |
جزاك الله خير أخوي
دعواتك ودعوات كل اللي يقرؤون الموضوع بأن يصلح الله الحال |
مرحبا حبيبي خمس مية ريال ورقة زرقاء او خمس حمراء
استشارة اخر الليل والله ماتلقاها لو انك بالقاهرة البلد اللي لو تفتح قوطي تونه تلقى محامي ,,,,, الله يوفقك اخوي ياكرهي للطلاق انتبه تطلق اكقر من وحده خل لك خط رجعه ,,, ,,,,,,,,,,,,, يغلق لا يجي احد يفتي من راسه خصوصا ان فيه عضو توده دخل يقرا:11: ,,,, |
لاحول ولاقوه إلا بالله
الله يصلح حالكم بدون طلاق إن شاءالله ويرجع لك زوجتك لاتستعجل في الطلاق وخلها تواصل القرايه وإلا طلق طلقه وحده ممكن تروح العين شفت ناس كذا يطلعون إشاعه إنها طلقت أو مدري بس المهم لاتطلق تحزني هالمواضيع |
ياحبني لك,,,وش اقول لك بس والله لو بيدي لأنتظر لكن كل اللي حولي وحولها ملوا وأنا والله مابعد مليت
لكن ما أقول إلا حسبي الله ونعم الوكيل, أسأل الله أن يرد كيدهم في نحورهم تحياتي لك |
الساعة الآن 01:57 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©