|
( مخي فاصل ) على كفة الميزان !
السلام عليكم و تقبل الله طاعتكم خلال إجازة العيد كنت مع الأهل بعد سفر مدته أسبوعين و كان من ضمن جدول الأعمال إذابة الجليد عن المشروع الخطير للبحث عن رفيقتي في الزنزانة الذهبية و مفاوضات ساخنة مع الجنرال \ ماما ، نافذتي الوحيدة على كوكب الزهرة بعد التحية العسكرية دار بيننا الحوار التالي : مخي فاصل : هاه بشري يمه عساك لقيت لي عروسة الماما : لا ما بعد صار شئ مخي فاصل :كيف يعني ما صار شئ الماما :فلانة الي بترتب بنت أختي الاجتماع معها بيسافرون و أجلوا الموعد إلى أجل غير مسمى (الوالدة ذيبة تبي تقابل البنت و لا تبيهم يدرون أنها جايه تستكشف ، حركااااااات عشان ما يصير فيه ربكة ولا حزازات ) - ما شاء الله الماما كلها ذوق - مخي فاصل : طيب يمه الله يرحم والديك ، اشتغلي على أكثر من خط الماما :ما فهمت مخي فاصل :يعني علانة ( بنت من العائلة ) الماما :هذي صغيرة ولا أتوقع أبوها يزوجها قبل تكمل دراسة ولا يبي أحد من العائلة مخي فاصل :لا إله إلا الله مخي فاصل :الا ما قلت لك يمه ترى في تطور جديد في المواصفات الماما :وش بعد ؟؟؟؟؟ مخي فاصل :غير أنها تكون خلوقة و ذكية و خفيفة دم و يتجلى فيها الجمال العربي أبيها بعد دوامها طوييييييييل أو دراستها غثيثة الماما :لييييييش مخي فاصل :لاني ما أبي وجع رأس و جلسات استجواب ، تشتغل في نفسها و لا تشتغل فيني وبعدين حريمنا على كل حال موظفة والا عاطلة لازم لها خدامة الماما :خيييييييييير إن شاء الله و خزتني بعين تشوي الوجه :18: _________________________________________ الوالدة لها أكثر من سنة تدور ولا صار شئ حتى أنها تفكر باللجوء للخطابات ربعي - الله يهديهم - يلعبون بي يقولون أنت ما شاء الله ألف بنت تتمناك الشهادة لله خفوا بي شوي __________________________ أنا الحمد لله كنت متفوق أيام الدراسة الآن موظف في شركة الكل يتمناها راتبي 12 ألف ريال بدون الانتدابات أحافظ على الصلاة ، بار بوالدي خلوق حنون ، أحب البزران موووت __________________________ سلبياتي زعول شوي (شايب )، فلسفة الحريم كروت و ورد و مدري أيش هذي كلها ما دخلت مخي دبيبة شوي _________________________ بكل صراحة هل أنا كفو لشروطي و طلباتي وش رأيكم ؟؟؟؟ أفتونا مأجورين |
والله أنا اللي مخي فصل عن الخدمه .. اسأل الله أن تكون زوجه المستقبل تحمل نفس تخصصي طالما أنك تريد اشغالها في نفسها بعيدا عنك.. أضف شرطا اضافيا وقل لوالدتك أريدها متخصصه اضطرابات عقليه وسلوكيه كي لاأغضب منها والتمس لها العذر حينما تجن..
أتمنى لك ولأسرتك كل ماهو أجمل بالوجود..في رعايه الله saapna (أخصائيه عقليه واضطرابات سلوكيه) |
اقتباس:
وباقي الموصفات كلها ممتازه الله يوفقك للخير |
أختي saapna81
شكرا لتعقيبك ربما أسأت التعبير أنا أقصد أن أي إنسان عاطل ( رجل أو امرأة ) يقلق من حوله بكثرة المناوشات و خلق المشاكل بالإضافة إلى أن النساء يعشقن الغوص في أعماق التفاصيل أتمنى أن المعنى وصل ________________________ اقتباس:
|
زوجة أحمد
جزاك الله خير وعسى الله يعجل باجتماعك بأحمد |
اقتباس:
|
الله يوفقك لكل خير ..
مواصفاتك كامله ومتكامله ما شاء الله يارب نفرح فيك عن قريب وتكتب لنا احوالك في قسم المتزوجين |
ما اقولك إلا انك تتوكل على الله وتتفاءل انك بتجد بنت الحلال الي تسعدك .. ولا تشيل هم ترى كل شي مكتوب .. ومكتوب لك في اي تاريخ راح تتزوج اذا قدر الله .. فى لا تشيل هم توكل على واتبع الاسباب بارك الله فيك :)
|
رومانسيه عاطفيه
و أنت كذلك,, وفقك الله لكل خير اشكر لك كلماتك الرائعة أخجلتيني ,, _____________________________ الفهدي25 بارك الله فيك يارب أجعلنا من المتوكلين قولاً و عملا وبعدين أخي الكريم أنا لا أتسخط إنما أتعجب و استغرب من طول مدة البحث بلا نتائج معلوم أن كل شئ مكتوب لكن ذاك ما يمنعنا من الكر والفر و التفكير و التدبير ترى حتى موضوعي في المنتدى مكتوب ________________________________ |
أسأل الله أن يرزقك بخير متاع الدنيا ووصيتي لك بملازمة الاستغفار كل وقت فقد قال الله تبارك وتعالى : ( فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنــــــــــــــــين ويجعل لكم جنات ويجعل لكم انهارا ) والبنين لا يأتون الا بالزواج .. فعليك بالاستغفار اخي الكريم وأن شاءالله نفرح فيك بأقرب وقت .. دمتَ بخير |
| الساعة الآن 10:21 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©