منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   تنظيم الوقت لزوجي وبيتي (http://www.66n.com/forums/showthread.php?t=210851)

شدو الطير 12-07-2010 01:53 AM

تنظيم الوقت لزوجي وبيتي
 
السلام عليكم
انا عندي بنوته عمرها شهرين ونومها متقلب تنام الليل تصحى النهار واسهر معاها
والسههههههههههههر اثر على جوانب كثيره منها زوجي والبيت
صرت مو عارفه كيف انظم وقتي!!!
انام بعد الفجر معاها لحد الساعه 7 اصحى لفطور زوجي ترجع بنتي تصحى لحد الساعه9-10بعدها ننام لحد الساعه12
اصحى على صوتها اعطيها بربرونه وشور سريع وتنام بعد تعب ونومها متقطع
مره اجهز بالغدا ومره اسكتها وانيمها واذا فيه وقت اغسل الملابس واكوي بعدها يجي زوجي من الدوام 5العصر احط الغدا وتصحى الى بعد المغرب احط القهوه لزوجي واجلس معاه
وفي يوم بالاسبوع ماانام ابدا في الصباح انظف البيت وامسح السيراميك وانظف المطبخ
موعارفه كيف انظم وقتي وربي صار واضح علي الاجهاد ومااجلس مع زوجي شوي الا والنوم بعيوني
المشكله اذا جاء وقت الدراسه وش اسوي؟؟؟؟؟؟؟؟؟؟؟

اتمنى تفيدوني بتجاربكم وجداول تنظيم الوقت
يعطيكم العافيه

قلب صااافي 12-07-2010 02:35 AM

الله يعينك العمر هذا متعب جدا .......


أحس ماتقدري تتحكمي فيه هو اللي يتحكم فيك .......


يالله إذا كان عمرها 6 أشهر وزياده يبدأ يتحسن الوضع .........

هذه الأمومه .... الله يخليها لك لا تنسي تعطيها من حنانك ووقتك عشان تعطيكي بكرا مثل ما أعطيتيها ...



وحاولي توازني بين بنتك وشغل البيت والطبخ وزوجك ........


لاتخلي الشغل يتراكم عليك حاولي أول بأول .........


الله يعينك ويقويك

شدو الطير 12-07-2010 02:38 AM

مشكووره
بس ابي اعرف كيف انظم وقتي؟


عطر المحبة25 12-07-2010 02:39 AM

شدو الطير

حفظ اله لك ابنتك وزوجك
في هذا العمر الطفلة تشتكي من المغص الي ينغص عليها نومها
أقول لك على نصيحة كانت تقولها أمي الله يحفظها كانت تقول إذا تبغي تنيمي ابنك بالليل غيريله ومرخيه بزيت زيتون دافئ خصوصاً بطنه ورضعيه من صدرك أولا مع النظافة راح يرتاح ومع الزيت راح يتخدر وحليبك راح يمنع عنه انتفاخ البطن الي يسببه الحليب الصناعي وامنعي عنه الحليب الصناعي بعد الساعة 10 ليلا واحرصي على اخراج الغازات من بطنها بحملها على كتفك وجعلها تتجشأ
راح ترتاح وتنام وإذا زوجك يجي العصر حاولي تنامي على نومتها واستغلي الوقت الي زوجك فيه برا وبنتك صاحيه بعد ما تقومي بشؤونها تسوي شغل البيت وقسميه كل يوم شي لأن الشغل ما يخلص
وبعد 3 شهور راح يتعدل نومها بإذن الله

الله يوفقك

شدو الطير 12-07-2010 02:44 AM

مشكوره عطر المحبه
الله يجزاك خير

الغربه مره 12-07-2010 03:25 AM

مغص البنات الله يخليهم اكثر من مغص الاولاد


وهذا كان كلام الدكتوره

دائما عندهم امساك وما يرتاحو مساكين لا باكله ولا نومه

الى ان تهدا الامور وتنتظم رضاعتها و اكلها


الجنه تحت اقدام الامهات

Ms. Blue 12-07-2010 11:43 AM

.. الله يخلي لك البنوته , وتشوفيها عرووسه قمووره ..

.. تربية الاطفال جدا صعبة , وتحتاج صبر وطول بال ..

.. وطفلتك للحين بيبي , توها عمرها شهرين .. بس من الحين تقدرين تسوين لها برنامج منظم , وتمسني عليه لمده اسبوع , وراح تسوفين كيف هي بعد راح تنتظم , وترتاح ..

.. انا بنتي الكبيره , علمتها النظام من عمرها شهرين , لاني قريت انه الطفل يتم تنظيم وقت نومه من الشهر الثالث ..

.. وفعلا سويت لها نظام لمدة اسبوع , وصرت لما اتأخر عليها جقايق خلاص تبكي , لانها تعودت على النظام ..

.. انتي جيبي ورقه وقلم , واكتبي اي وقت يناسبك تنام البنوته بالليل .. انا كنت انومها الساعه 9

.. وعقب أكتبي الامور الا راح تسويها لها قبل النوم ..

.. مثلا أنا كنت احممها , وانظفها , وارضعها ( كانت ترضع صناعي ) .. واطفي النور , يعني اهيئها للنوم , واغني لها ..بصوت ناعم وخفيف , وأقرأ عليها المعوذتين ..

.. اسبوع واحد بس .. وأنتظمت في النوم .. وصارت لما أتاخر عليها دقايق عن الوقت المحدد للنوم , تبكي وتفرك عينها وتضايق ..

.. وبعد ما تنام .. اجهز رضاعات نظيفه , وماي دافي , وعلبه الحليب , وأحطهم بصينيه صغيرة , واحطهم جنب سرير ..

.. علشان بس تصحى جوعانه , اعمل لها الرضعه واعطيها الرضعه وهي مكانها من غير ما اشيلها , وتشرب وترجع تنام ..

.. احيانا تبكي اشايها اهديها وارجعها سريرها ..

.. واذا كبرت شوي وصار وقت الاكل .. بعد ما تحمميها سوي لها وجبه اطفال وعشيها , خليها تشبع , علشان تثق عيونها وتنام زين ..

.. والصبح .. العبي معها , لانها الحين صارت تتفهم شوي , وتحب تناغيها , وتلعبي معها , وتسولفي معها ..

.. ولما تتعب نيميها , وبسرعه جهزي البيت من تنظيف وترتيب وحذي شور , علشان اذا صحت من نومها , تكوني فاضيه , مو مشغوله ومربوكه بالشغل وبالعنايه فيها .. وكلها كم شهر وتكبر البنوته , وترتاحي شوي شوي ..

..وانا انصحك مثل ما قالت الاخت ( تمسحي بطنها بزيت زيتون دافي شوي ) .. ترتاح مرره وتنام ..

.. والاهم انك ما تعوديها تنام بمكاننن هاااادئ مرره , لانك راح تتعبي , لانه اي صوت راح يصحيها , ويزعجها ..

.. واذا طلعتي معها لاهلك , وحبيت تنيميها ما راح تقدري لانها متعوده على الهدووء التام ..

.. شغلي التلفزيون لها على قرآن او اي شيء بس بصوت خفيف ..

.. اتمنى اني افدتك من تجربتي ..

ولوودي 14-07-2010 10:07 AM

سبحان الله الان القيام بواجبتك طلعت حوسه وصعبه وغير منظمه

لكن لو عندك مناسبه عرفتي كيف تنظمي نفسك

للأسف هذا حال اغلب الزوجات الا من رحم ربي

مايرتحون الا بوجود المشاكل ولا ادري مالسبب؟؟؟

الشتاء الدافئ 14-07-2010 07:31 PM

اختي من الصعب ان تغيري نظام بنتك حبلص تعودت

ممكن انك تسوي شغلك ليلا وتحضري للغدا كمان

وتنامي معها صباحا


الساعة الآن 08:00 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©