|
قرفت من الزواج (محلولة - الرد 71)
السلام عليكم اهل المنتدى الكرام
انا والله مدري وش اقول لكن اقسم لكم انه كل عرق فيني يتعذب اتوقع قريتوا موضوعي الاول عن المشاكل الي بيني وبين زوجي ,, كنت مجمعة كذا قرش قلت بسوي انابيب عشان بتكون اخر فرصة معه في حالة لا قدر الله صار طلاق بس حسيت نفسيتي تعبانة وقلت له نسافر على اي بلد اجنبي نغير جو حسيت انه ماعاد لي خلق حتى انظف بيتي قلت وشرايك نسافر بفلوس العملية اهم شى تتغير نفسيتي لاني لو جلست بهالنفسية ماراح احمل حجزنا وكل شى وسبحان الله اول مرة منعوه يسافر عشان كان بافي في جوازه اقل من ست شهور قالو اذا رحت هناك راح يرجعونك وتعذبنا بالمطار وشنطتنا سافرت وحنا جلسنا ’’طرنا للجوازات جدد جوازه بنفس اليوم وحجزنا على رحلة اليوم ومعنا بردنق من امس ’’قالو اخر خمس حجزوا تكنلست رحلتهم واحنا منهم وعذاب وتعب وتكاسي كل شوي ناطين المطار ..وبرضه حولنا رحلتنا لبكرة وياعالم نسافر ولا لا,, المهم الرجال بطيئ ويروح يغطس المطار مع موضفين المطار بدون نتجية ويلطعني بالساعات ولا يقول حتى وش ضار ’’ من الي كان يكلمهم اتوقع مدير الصالة المشكلة كان يغازلني ويحاول ياشرلي بيده عشان الرقم وانا تضايقت وكنت ابغى زوجي يجي بسرعة ,, وشوي كان في اثنين بنات اتوقع استغفر الله من اياهم ’’لبس متبرج وحالة في المطار انا شكيت مع الرجل الي يغازلني ويكلم زوجي ويكلم البنات الثانية قلت يمكن يضبط له وحدة منهم ولا يعطي رقم زوجي لهم قامت قيامتي وجلست احترق بناري ولاني قادرة اتكلم لاني خفت تصير مشكلة مع العلم لو علمت زوجي بنفس الوقت ماراح تكون له ردة فعل يمكن يقولي تتوهمين !! غير اطلاق بصره الي معذبني وكرهني بحياتي صرت اشيل هم لا جيت اسافر ولا اطلع معه اي مكان مستحيل ما يبصبص لوحدة وخاصا لو متبرجة مو بصة عادية نظراته فيها غزل لي انا زوجته مايتغزل فيني تعبت وانا اللبس وانا اتانق وانا اكشخ لدرجة ان هالشى صار انا الي يلفت نظر الحريم علي وعلى زوجي لا صرت كاشخة اتوماتك البنات يطالعون فيني وبالرجل الي انا معه تعبت ياخواتي وش اسوي حاولت اشبعه بكل ما استطيع ومالا استطيع’’ العلاقة الجنسية زفت مافي مقدمات ابدا زي البعير يقع علي تكلمت معه عدة مرات باسلوب ارقى من راقي ’’مافي فايدة والله لو مو نظيفة وموسوسة نظافة اشك بنفسي وهو باعترافه انه ماعمره شاف زيي ماني قبيحة الوجه الحمد الله مقبولة ولي جاذبيتي ’’انا ماني اوصف نفسي والله ودي بس تعرفوووون وين الخلل متعلق بجواله بشكل مو طبيعي يعني ممكن يصحى من النوم ويمشي على رؤوس اصابعه عشان لا اصحى ويقعد فترات طويلة على الجوال واتس ومدري وشو بس كثير كلنا عندنا هالبرامج بس الادمان عليها شى زاد الحد الحين صار لنا يومين مو نامين وسبحان الله نومي متعلق بنومه لا صحى اصحى معه ماكلمنا ساعة الا وصاحي ورايح لجواله والمفروض ننام عشان نعوض اليومين الي فاتت وخاصا بكرة ورانا سفر اذا الله كتب وماطلع شى ثاني حتى السفر معه نحس اشك الصراحة بكل تصرفاته وخاصا الي وصلني هالمرحلة انه مايغض بصره قدامي على الاقل مايحطمني قدام الي يطالع فيهم وكل مايناظر برى كل ما ازيد اهتم بنفسي عشان اقول ربما هالشى يشده ابد ياخواتي وكني اصب ماي برمل انا الصراحة بديت افكر جديا بالانفصال رغم اني والله بتكون اصعب خطوة بحياتي بس قرفت على ماقالوا لا سعادة ولا مادة ولا راحة بال ولا احتواء ولا اهتمام ولا حتى كلمة طيب بها خاطري واسال نفسي ولاني عارفة الجواب هل هو حب!! هل تعلق !!! هل تعود!! مدري والله ولاني عارفة احدد احساسي ساعدوني سالتكم بالله وصل السيل الزبا |
رد : قرفت من الزواج
إختي لمسه أنا حااااااسه فيكي وبمعاناتك لأن فيه صفات
ذكرتيها موجوده بزوجي بس صدقيني كل شيء إلا الطلاق أنا ضد الطلاق مهما صار.. لأن أغلب المشاكل الزوجيه يتواجد لها عدة حلول وآخر شيء نفكر فيه هو الطلاق .. أنا الان أعاني من تهديد زوجي لي بالطلاق وشايله هم ما يعلمه إلا ربي .. والله أنها خطوه صعبه وإللي بيتعب نفسيا حنا مو هم .. انصحك ماتفكري بالانفصال نهايئا وان شاءالله باقي الاعضاء يفيدونك أكثر .. الله يسخر لك زوجك يارب |
رد : قرفت من الزواج
حياك الله اختي انثى
حتى انا يهدد عشان كذا ودي اسبقه الخطوة واطلع بكرامتي انا تعبت يا انثى خلاص احس انه بيوم راح ارتكب مصيبة يا فيه يا فيني انا وش الي مصبرني ياربي تعبت انثى تعبت يختي الشى اصبح فوق طاقتي اذا ماهو مقتنع فيني خلاص يسرحني وكلن يروح بحاله ويجتفظ كلن منا باحترامه للثاني نظراته تذبحني في الاخريات الشى هذا اعاني منه من سنين وتكلمت وسويت ونصحت وناديت وارسلت مافي فايدة طيب وش الحل؟ اسوي زيه اقسم لك اني حاولت اسوي زيه بس ماقدرت اركز بعيون رجل والا ترى بشربه من نفس كاسة المررر |
رد : قرفت من الزواج
اوخيتي لمسه
اكثري من هذا الدعاء في سجودك ياحي ياقيوم اللهم اني اسألك رضاك عني |
رد : قرفت من الزواج
ربي يفرج همك ويريح بالك يا رب يا كريم
|
رد : قرفت من الزواج
كان الله في عونك .. والله انك نفس حالتي صرت أكره الطلعات
بسبب عيونه الزايغه وألحين متعرف له على وحده ودائم يتواصل معها بالواتس .. وأنا من النوع اللي غيووووووره جدا وتصرفاته هذي كانت تخليني إحس بالنقص واني مو عاجبته ولا معبيه عينه .. وألحين أنا لي شهر عند أهلي بسبب عدة مشاكل ويهدد بالطلاق.. وأنا لولا ان عندي بنت ؤكمان حامل كان ماهمني بس ؤش نقول ألشكوى لله .. نصيحه إختي لمسه أصبري على زوجك حاولي تكسبينه بعدة طرق ولا تستسلمي .. بعض الأزواج مايفيد معاهم أسلوب النصح من الزوجه جربي معاه أساليب أخرى صدقيني فيه رجال يكون طبع فيه يطالع للحريم وتعرفي كيف يكونوا ضعاف بهالمواقف وحنا بزمن الفتن وكل وحده صارت تتمسك بزوجها قد ماتقدر وماتعطي مجال لغيرها .. شوفي الآشياء اللي تحسينها تجذبه كثير وسويها.. وإذا تبغي نصيحتي أقرأي مقالات الدكتورره ناعمه الهاشمي راح تفيدك كثيرررررررررر وأنا متأكده .ز وإقرأي قصة أم بسمه مع الدكتوره ناعمه ومعاناتها مع زوجها وكيف بالأخير قدرت تكسبه وتجذبه لها راح تتغير نفسيك شوي بعدما تقرأيها .. وان شاءالله يارب ربي يهدي زوجك ويسخره لك ويجعلك أجمل النساء في قلبه وعينه يااااارب .. |
رد : قرفت من الزواج
اسأل الله ان يفرج همك ويشرح صدرك ...
|
رد : قرفت من الزواج
أسأل الله لك أخيتي راحة البال واليسربعد العسر
كوني قريبة من الله ادعيه سراً وجهراً ليلاً ونهارا ((أمن يجيب المضطر إذا دعاه)) |
رد : قرفت من الزواج
انتي تحبينه وهو عرف نقطت ضعفج ويستغلهااا
الحل الوحيد انج تطنشينه وقطي عليه نغزات قوليله انا احب الريال الثجيييل كل ماحوال يستفزج جدام البنات دقميه طفريه قولي حدك تفشل ترى البنات مايطالعونك فشلتني جدام العالم عبالك معجبين فيك وقولي يزين الريال المحترم له هيبه وريال بمعنىء الكلمة مايعطي ويه لاحد. يمكن يحس ع. دمه اذا قهرج كلش لاتطوفينله حتى لو جدام العالم خليه يعملج الف اااحساب أعوذ بالله يغازل جدامج وش هاالريال والله يكون بعونج |
رد : قرفت من الزواج
بخصوص الكلام الحلو سمعيه كلام حلو حتى يسمعك هوا كمان
وبالنسبة لزواغة العين الله يشفيه منها بس دايما امشي قبله خطوتين. واذا شفتيه يطالع في حرمة قربي منه وعيبي في شكله. وهزي ثقته بنفسه مثلا قوليله امسح اللي على خشمك او ثوبك فيه حاجة او شعرك ابدعي يابنت ولا تفكري في الطلاق الله يصلحلك زوجك ويسخره لكي ياحي ياقيوم ويرزقك الذرية الصالحة اكثري من الاستغفار سيرزقك الله من حيث لا تحتسبين |
| الساعة الآن 02:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©