|
إبني و الـ ( هــز ) الموضوع مشكلة وليس مزحة ساعدوني
السلام عليكم ورحمة الله و بركاته
بداية اطلب منكم تحملني لاني ساسرد امور غريبة عن ابني قاهرانا ومش عارفين لها حل سأحاول الاختصار قدر الامكان لكن قلبي مليان والله :) ابني ماشاءالله حفظه الله ورعاه وادامه ذخرا للتخريب و الازعاج في 19 نوفمبر ان شاءالله سيتم العامان المهم عنده عادة غريب عجيبة متاصلة من وهوة عمره يادوب كم شهر ومع مرور الايام تتطور وتتحور لتصير مزعجة وغريبة اكتر الا وهي الهز الهز بكافة انواعه بداية كان عمرو لسة في بدايات حركته يعني يادوب 6 شهور كان في سريره ياخد وضع الزحف يعني على رجليه وايديه ويصير يهز لورة وقدام ومع الايام صار اعنف لدرجة يوم صحينا لاقينا عواميد السرير الخشب ساقطة عالارض ومرة شلت الفرشة لاقيت الخشبة الي تحت متشققة و مكسورة تقريبا من النص السرير صغير كان و مش متين كتير لكن مش لدرجة الخراب بالطريقة هاي صلحناه لزقناه ومشي الحال ونقلناه على غرفته لسرير اكبر ومازالت الهواية موجودة صار يوقف ويتسند عالاشياء ويهز وهوة واقف يعني ينزل ويطلع وهوة واقف ومازاال الهز الي قلت عليه مستمر لدرجة نروح عند الناس يستغربو ويقعد هيك ساعة عادي ويصيرو يضحكو ويقولو ابنكو مش من فراغ ضعيف رغم اكله ماشاءالله ومع الوقت صار ابني يمشي ويوقف وصارت الابداعات الي عنجد من ناحية الهز تخيلو يوقف في سريرو كبير وتقيل وخشب طوله متر ونص ويخبط راسو في خشب السرير مابنعرف ليش بتسلى بكون ملان ليش مابفهم او يتمدد ويخبط في رجليه في الخشب بطريقة مزعجة كان يعمل هالامر عفكرة من وهوة عالسرير الصغير القديم يعني كان ولد اشهر ويعمل هيك :( بعدين صار يوقف في السرير الكبير ويحركه ويهزو ليوصل عند الحيط وهوة اصلا عند الحيط بس يقبو بزيادة عشان يخربش الحيط وصار محفور مكان السرير تبعو للاسف صار بعدين يوقف على ناحية السرير اليسار بالعرض يعني مش راس السرير لا انما الجوانب ويهز ويزق لقدام ويخبط باصوات مزعجة ولكن معقولة متحملة يعني ونلاقيه حرك السرير لباب الغرفة والسرير اصلا في طرف الغرفة !!! طيب لحد الان محتمل الكارثة الي حتعرفو كمان شوي ليش كارثة صار التخبيط والهز لا يحتملان ابداااااا يوقف عنفس الناحية الي ذكرتها ويصير يخبط ويهز لدرجة السررير من الناحية التانية يرتفع عن الارض ويرجع يخبط في الارض وصوت مزعج فظيع يصحينا من النوم والجيران وصللهم الصوت :( وبصير يضحكو بس اكيد من ورانا بسبو علينا وابدا ابدا مش قابل يبطل هالعادة المصائبية ابدا هلكنا وهلك روحو بالخبط والزق والدفاشة مابعرف ليش جربنا كل الحلول حبس في زاوية العقاب حنان وحب وعيب يا ماما لا ياحبيبي او حتى سراخ و ضرب خفيف لانو مش طبيعي اول منسمعه نحس بدنا نخنقع مش نضربه فظاعة الصوت ينسمع من الشارع وفي جيران ويعني جربنا نطنش قلنا بلفت انتباه بس مافي فايدة بضل ساعة عنفس الوتيرة وبزيد العنف نحس بدنا ننفجر من النرفزة بسبب تخبيطه الغريب لا وقبل يومين الساعة 1 ونص هيئ لي اني سمعت تخبيط قلت وانا بضحك ياربي ابننا هبلنا صرنا نتخيل واذ بي انا الي هبلة وانو لا خيال ولا شي صاحي بنص الليل يعمل هيك واليوم صحي 6ونص الصبح يخبط بالطريقة هاي وقهرنا بس ماما ياعمري عيب مش حلو ابدا بالاخر رزعته في السرير وغطيته وسكرت عليه الباب وبكي شوي ورجع نام بعد مفسد نومتي وضليت صاحية من ال7 عشان خاطرو :( شو نعمل في هادا الولد ولسسسسسة في امور تانية بحب الهز فعلا بحب الهز بنقول فيك عرق هندي على مايبدو لما ينبسط بتلاقيه صار يهز راسو وهوة فرحان يمين وشمال وبقوووة وجت فترة لما ينبسط على امر يهز راسو وصرت انقهر واوسوس ليكون في توحد وصرت كل مشوفو يهز راسه اتنرفز بشدة و السعو اقلو بس هسسسسسس و يصير يبكي والحمدلله وساوس وراحت تصرفاته عادية وطبيعية وزيادة بس الهز عندو عادة وهواية وكمان طالع بموضة الهز عالحيطان يعني بسند جسمو والحيط خلفه وبصير يتحرك بكامل جسمع وراسه يمين وشمال ويحط بشعره عالحيط لغاية الشعر من الخلف تقصف جدا قصيناه مرة ورجع طول وقصفه سيئ شعرو ناعم ماشاءالله لكن خربه بالهز والحك في الحيطان صار مقصف من ورة وواقف زي جذور الجزر بعدين تطور صار يحك راسو من قدام وخرب شعرو من قدام واحيانا من الجنب كمان تقولو انو متقصد بدو يخرب شعرو بكافة الوسائلة وعلى كافة الاتجاهات لا ولما ينبسط ونلعب معاه بروح يحك راسه بالحيط ويضحك تعبير عن الفرح وكمان اكيد بتقولو هوة لسة فيه كمان اه بيوقف عالشباك شبابيكنا هون منخفضة المستوى مسكرة بالقفل جيدا حاولنا نمنعو خايفين عليه فش اي فايدة مش هون المشكلة يوقف وبرضو يحك راسو بالشباك ويتفرج عالشارع ولكن بصير لانو الشباك مش ملس زي الحيط بصير يرج رج !!! بالله عليكم شو هادا اضافة صوته ماشاءالله جهوري وبخوف و نبرته عميقة وعالية جدااااااااا واخته مسكينة حرام تنصدم احيانا وتخاف من صوتو وتبكي او تكون نايمة وتصحا على صوته احيانا يبكي بطريقة مستفزة بدون سبب وجيه واحيانا لالف سبب وسبب لا يبكي مزاجي صوتو بيوصل للشارع صدقا يفتح تمو على اوسع ابوابه واااااااااااااااااااااع لاادري لماذا ابني الحمدلله فيه مميزات يعني مريح في كتير امور ومش قليل ادب عند الناس ماشاءالله يعني مايوسخ متعمد ولا يصير يسرخ يعني وكويس في النوم والاكل ماشاءالله تبارك الله لكن صوته والهز عاملين النا قرف حقيقي الصوت مش مشكلة لانو مو كل يوم وكل الاطفال يبكو لكن قصة الهز عجيبة والكل يعلق عليها ويضحكو اه نسيت اقول يهز عالكنب كمان وهوة منسجم رحنا مرة ناس وكنت بحكي مع ربة البيت صديقتي يعني وفجاة متت ضحك ومامسكت نفسي انحرجت قدامها لسة متعرفة عليها جديد كان ابني قاعد عالكنبة وراها ومنسجم وبحك راسو وجسمه لاقصا اليمين واقصا الشمال ويضحك كان شكلو خرافي انتو متخيلين شكلو ولا كيف يخبط راسو بالكنب و يهز يمين وشمال جت فترة يخبط راسو بالارض والحيط والخشب عشان يتوجع ويبكي ويلفت انتباهي طنشتو والحمدلله اقلع عن هالعادة ولا يعني ناوي يفتح راسو يوم تعالو شوفو جبهته مجرحة و مبقعة من التخببيط وشكلو يوحي بقلة النظافة رغم انو نظيف ولكن من كتر التخبيط والتجريح يعطيك ايحاء انو واحد بلعب في الشارع :( على فكرة انا واختي الي اكبر مني والاصغر مني اعمارنا قريبة وكنا نعمل هالعادة ولكن برقة و رقي يعني كنا نكون زهقانين نروح نقول يلا نروح نهز ونروح احنا التلاتة نجلس عالكنب ونهز راسنا ونخبطو في الكنبة ولكن بس مش اكتر لا حيطان ولا شبابيك ولا بعنف ولا عملنا اعاقة في حالنا ولا جرحنا حالنا حتى النا فيديوهات في الموضوع :) فضيحة لكن ابني طالع الي مثلا ولكن على شكل ذكوري لست ادري ما العمل؟ بدنا حل حقيقي خرب السرير وخرب الحيطة وطرشنا و خرب اعصابنا و صرنا نصحا حسب توقيت الهز والخبط القصة مش غيرة لانو هادا كلو قبل الولادة وماكان فاهم اشي وهوة اسلوب غيرته محدد وعارفاه وغير مزعج الحمدلله ماشاءالله تبارك الله نادر ميغار ولكن للاسف مطلعها في اشي تاني اسعفوني بحل عملي وحقيقي فكرنا ننيمو عالارض ولكن مستحيل لانو ماحنعرف ننيمو وحيقوم يجري واصير في قصة جديدة قصة النوم هادا السرير بحبسو وبجبرو ينام الان مثلا اتحدث معكو تحت وطأة الهز نسيت اقول حتى سرير اختو مش سالم منو وهو نفس السرير الي كسرو في الماضي ولكن صلحناه برضو يطلع عليه ويهز يهز وخلخلو وحالتو حالة !!! |
ياالله والله الموضوع مش طبيعي !!
أختي أنتبهي على راسه والله ماتتصوري المخاطر اللي بتنجم عن ضرب الرأس وأنتي بتقوللي أنه بيخبط رأسه حتى بالأشياء الصلبه لدرجة أنها بتعلم الخبطات في راسه !! مافيه حل ألا أنك تبعدي عنه كل الأشياء الصلبه قد ماتقدري أو على الأقل السرير أللي بينام فيه تغطي الخشب بأسفنج أو اي شي يحمي رأسه وقت الخبط والله شي خطير بالمره ولازم تنتبهي له وماتتهاوني بالموضوع الله يحفظه لك من كل شر ولما بتشوفيه يخبط على طول شيليه بدون ماتبيني أنزعاجك بالحركه أوتصرخي عليه أبداً شيليه ألعبي معاه شوي أشغليه بالتلفزيون ألعبي معاه شوي حتى ينساها أهم شي ماتتركيه يتمادى فيها لأن فيها ضرر كبير عليه هو لاسمح الله |
احب زوجي فزعتيني:(
بطل يخبط راسو كتير الحمدلله بس بهز عالشباك ويخبط شوي شو الاضرار والله تنكدت ناقصني؟هوة المشكلة بنشيلو وبيرجع فش فايدة فيه شو نعملو مش فاهمة الي في راسه يعني في راسه مافي تغيير الله يهديه |
اقتباس:
أنا قصدي ضرب الرأس بأشياء صلبه خطير على أي أحد سواء كبير او صغير والصغار اخطر أقري حبيبتي سوي بحث بقوقل وأقري مشاكل ضرب الرأس وأن شاء الله أبنك مافيه ألا كل خير بس حبيبتي لازم كمان تنتبهي له أكتر والله يعينك حبيبتي مش من قليل الجنه تحت أقدام الأمهات |
أهلين ملك
أنصحك بإستشارة نفسية ، ترى ماعندي أي خلفية ولا أدري شي طبيعي و لا لأ .. بس مايضر لو استشرت أي مختص نفسي .. الله يحفظه ويخليه لك .. |
اختي جربي اقري عن اطفال التوحد
بصراحه مابي اخوفك بس الي اعرفوا ان لهم حركات معينه يسويها وغير مفهومه ويمكن يكون شي ثاني كل شي وارد :) قريبتي ولدها حركته كثيييييييييره ماشالله ونشيييط مررررررررره وبعدها عرفت والدته ايش السبب كانت لما تبي تنومه تهزه وتهز جسمها معه <<الحركه هذي له دخل نفسي بس مااذكر ايش هو بس الي فهمتو انو تزيد نشاط الطفل مثل اذا لعبتي الطفل وهو صغير صارت حركته اسرع ومرن اكثر من الطفل الي مايتلعب |
احب زوجي تسلمي وان شاءالله ادور واشوف الموضوع
بس الحمدلله القصة اكتر شي تخبيط السرير اكتر من ضرب الراس لانو طنشتو وحس مافي حد منتبه لهالحركة وبطل لتل دريم تسلمي بس انا عايشة في بلد يلا يلا نولد فيها وسترها الله الطب مش بزيادة ابداااااااا اروح اوديه مستشار للاطفال يعمل في الولد شي الله يعين شكرا لك انفاس العطور:( وش توحد ومش توحد بعيد الشر ماخوفتيني بس نكدتي علية مش خوف انما تخيلت بعيد الشر و خفت انا قارئة كتير عن اطفال التوحد الحمدلله ابني مافي شي منهم لانو صحيح تصرفه هادا غريب ولكن الولد طبيعي يعني اطفال التوحد يهزو وتكون زي النوبة بطريقة غريبة يدخلو فيها وينفصلو عن العالم الخارجي ابني يكون عادي جدا انما مبسوط بعبر عن فرحته وقصة الهز والتخبيط لعب و زيادة حركة وواثقة مالهاش علاقة نفسية او مرضية بعيد الشر يعني شلون اقلك؟تصرفه غريب ومزعج ومقرف هههههه لكن شكلو مابكون مرضي وهوة بتصرف اضافة الولد ماشاءالله اجتماعي و ماعليه الا العافية بس يحب اللعب والهز وهيك ماكنت اهزو وهوة صغير ابدا كنا نلعب معاه بس عادي من يوم منولد كان واضح عليه انو كتير حركة لانو كان يخبط في رجليه و يرفس لدرجة خرب رجلين ملابسة تبعت الاطفال عارفاها ماشاءالله الله يخليه وشكرا على تخويفك لي ههههههه امزح |
ههههههه
اسفه جدا اذا كنت خوفتك شوفي اذا المشكله بالنشاط الزايد عندي اخ كبير شوي نشاطه زايد حبتين شرت له الوالده الكور الي تجيك جواتها مثل الرمل صار يلعب فيها وتخفف احس من نشاطه احس صار يفرغ طاقته فيها واذكر بعد جته فتره صار يروح بعد صلاة الفجر دوره حفظ قران والله ياملك ادي حسيت الولد تغييييييييير من هالناحيه بالذات صااار هاااادي جدااامو مثل قبل مايترك احد الا ويتحرش فيه اجلسي يوما بعد صلاة الفجر اقري عليه قران شوي او شغلي مسجل بالمكان الي يكون فيه او وقت نومه واكرر اعتذاري اذا كنت خوفتك:) والله ماكان القصد الا التنبيه |
شوفي يابطة
امس قرات موضوعك و صراحة اول شي جاء ببالي موضوع التوحد بعيد الشر بس بعد ماقلتي انك قراتي عنه فاكيد عارفه و فاهمه اعراضه و الحمدلله فهودي مافيه الا العافية المهم رجعت ادور بجووجل :) صديقي الصدوق فالقيت كثير نساء او امهات بالاصح يشتكوا من نفس الشي الهز العنيف و كثير ردود تقول ابني نفس الشي و بعد فترة لحالهم بيبطلوا .. فا اطمنت الحمدلله .. مالك الا الصبر و زي ما وقف يخبط راسه لحاله ان شاء الله بيوقف الهز لحاله ....بس يكبر شوي يمكن اذا دخل الحضانة ينشغل شوي عن الحركة هذه يمكن اصلا يسويها لانه ملاان ربي يحميه و اخته من كل شر يارب |
انفاس العطور شكرا الك الله يخليكي ويطمنك
نورا انا لما شفتك دخلتي وطلعتي قلت شكلو فكرو ابني معاه توحد بعيد الشر يارب انا ولاهوةاخص عليكي هيك برضو:( اطفال التوحد بيهزو ولكن بيكونو منفصلين يعني مش داريين بالي حواليهم انا ابني يهز من فرحته عادة او استهبال وعناد فينا بعدين الهز شبه انعدم انا الي قاهرني تخبيطة السرير والازعاج وهادا حسب المزاج وكمان بحسو عناد فينا يكون ملان يروح يطلع السرير ويهز واصير اقلو هسسس يصير يضحك ويستهبل التوحد مابعملو هيك والله صراحة انا وسوست وصرت اقرا واقول ليكون فهد فيه شي زي هيك بس فهد اجتماعي و متفاعل معنا وبيفهم علينا ويعني مابخاف من الناس و واضح انو عادي وطبيعي يوه يانورا كأبتيني:( المشكلة كل الامهات يصيرو يقارنو ويحسو اطفالهم في اعراض توحد بس الصح انو ممكن تكون في الاطفال قصة مثلا الهز او هيك ولكن تختلف عن طفل الوحد بالطريقة والشكل :( انا شفت مرة دعاية عن اطفال التوحد وجابو طفل بيهز كان بيهز وهوة سرحان والي بكلمو مابيرد عليه وواضح انو في عالم اخر بس برضو خايفة وقلت لزوجي قلي بلاش هبل ووسوسة بس صرت خايفة بعد ردك و حاسة بدي ابكي صراحة:( مابعرف خفت طرحي اصلا كان عشان السرير والتخبيط مش الهز اكتابت من ردودكو |
على فكرة نورا احنا انا واخواتي كنا نهز وبشدة عالكنب كل يوم وعاملينا هواية يعني نقول يلا نروح نهز ونجري ورة بعض ونهز
بس ماعنا توحد ولا عندي وانا مش دارية هههههه |
يابنت استهدي بالله و ارجعي اقراي الرد
تخطفي الكوباية من راس المااااعون مش هيك بيقولوا :) قلت لك كنت افكر انه توحد لا سمح الله بس بعد ما قرات ردك و كونه اجتماعي ماشاء الله استبعدت موضوع التوحد و قعدت ادور في النت و لاقيت فعلا امهات يشتكوا من نفس ال موضوع و اطفالهم عاديين مافيهم الا العافية الحكاية وما فيها عادة اكتسبها زي مثلا عادة مص الاصبع و عليك تحاولي تلهيه عنها اذا شفتي يهز .. لا تنهريه .. لا خذيه على طول مثلا للشباك وريه السيارات او هاتي له لعبة حلوة او الهيه باي شي احر لغاية ما لحاااله ينساها و كل اللي شفتهم يالنت اجمعوا انه اطفالهم بعد فترة من الزمن بطلوها |
شكرا نورا وسامحيني لو بالغت في ردة فعلي بس شو اعمل من زمان بصير اوسوس في الموضوع وبرجع انسا وبرجع اوسوس ولما اشوف الامهات عالمنتديات بلاقي الكل موسوس بالتوحد مابعرف ليش
بس اهم شي طمني انو التوحد مافي اتصال بالعيون يعني مابقدر يطلع فيكي وانا اليوم من الصبح بطلع في فهود بلاقيه بطلع فيه وبرجع ابحلق فيه هههههههههه بدي اتاكد بصير يطلع فية ويضحك بعدين بدير وشو وازا ركزت النظر فيه بنغاظ مني وبنحرج شكرا لك والله يهديه ابني هيو اليوم ماخبط كتير بدي اشوف الله يهديه وسامحيني |
ولايهمك ياقمر
صدقتي والله حتى انا اوسوس صراحة ايام ماكان يوسفي لسه صغير .. شفت موضوع بالجزيرة عن التوحد و ان الطفل يحب يقضي ساعات طويلة يتفرج على اي شي يدوور تلاقيني اجيب اي شي و ادوره و اذا انتبه و ركز اخاااااااااااااااف :) لغاية ما لقيت تهزيءة محترمة من امي و بطلت هالحركات اللي زود خوفي انه ابن خالي صغير شخصوه بالتوحد البسيط كان من النوع اذا مسك عالكلمة ما يتركها و ما يتعلم بسرعة بالمدرسة و فعلا ممكن يقعد بالساعات مركز بشي بسيط لغاية ماعرفوا بالمدرسة و مع كم كورس مع اختصاصية و ماشاء الله عليه الحين صاير طبيعي .ز لانه الحمدلله كان عنده حاله خفيييفة جدا ياملووكة هكذا الام تعيش حياتها موسوسة على اولادها ربي يحفظهم لنا يارب المهم زي ماقلت لك كل ما خبط بالسرير بس حاول يتلهيه بشي ثاني لغاية ما ينسى هذه العادة |
اقري عليه وشغلي القرآن عنده بالليل
أشغليه بالسباحة والألعاب والألوان كل ما شفتيه يهز فتره بس لين ينسى الحركه هذي بس تأكدي من موضوع التوحد الله يهديه ويخليه لك |
نورا تسلمي والله يخليلك يوسف يارب
اختي ذكريات ليش تخليني اوسوس الولد طبيعي وزيادة ولما يعمل هالحركة بكون بيضحك وبيحكي و بيتسلى شكلو بكون طبيعي الطفل الوحدي بهز وهوة في عالم تاني اضافة ابني اجتماعي وبيحكي شوي و بيعرف يركز في عيون الناس عادي وبيضحك و بينحضن وبيلعب وعادي :( صحيح الو حركات تقهر بس عادي زي كتير اطفال شكرا لاهتمامك |
صراااحه انا اول مره اسمع عن هذاء الهز ولا عمري شفت احد يسوي كذاء
ما عندي خلفيه عن هذاء الموضوع انصحك بستشارت طبيبه او طبيب نفسي |
الله يخليلك ياه ياغالية
اختي حاولي بس يبدأ بالهز انك تشيليه وتلهي بأيا شي مثلا اقعدي انتي وياه عالتلفزيون او جيبي دفتر الوان ولوني انتي وياه يعني هالشغلات الي بحبها الاطفال والله ماعندي خبرة بس جربي هالطرق بركي يلتهي |
ملك عزيزتي..خليني اقلك عن ابني شوي..عمره الله يحميه حيصير في نوفمبر ثلاث سنين.
لماكان عمره سنه وشوي كان لما يعصب يخبط رأسه في الارض عده مرات(الارض خشب وعليها سجاد) فما بتألم كتير وكان قصده بالحركات هذي لفت الانتباه انه زعلان وعصب لما صار عمره سنه ونصف انزلت عند اهلي..وهناك بلاط وعليه موكيت فكنت خايفة يعمل نفس الحركة وعصّب وعملها مرة فتألم وماعادها ابدا ونسي الحركة مع الايام..ماشاء الله عليه ابني كتير حركة ..في اولاد بكوننوا نشيطين وعندهم طاقة فبفرغوها بحركاتهم ولعبهم وهو بهز بفرغ طاقة وعم يلعب مش عارفة انه هالحركات هذي ممكن يوقع وتآذيه..حاولي اشغليه بلعب الكرة اوالتلوين واي اشياء مفيدة ..ولاتيجي بشكل مباشر تصرخي عليه اذاهز او تقوليله لاتفعل لانه حيعمل العكس اصرفيه عنها بشكل غير مباشر ألهيه بلعبة يحبها او اي شئ...اتمنى تكوني فهمتي علي...وصدقيني ابنك مافيه الاالعافيه..بس هوه ماشاء الله نشيط وعنده طاقة وعم بفكر حاله بلعب وكل مايكبر حينسى هذي الحركات وحتكبر اهتماماته وبصير يحب يحضر كرتون وحيصير يفهم اكتر . |
و الله ابدا ما عندي اي خلفيه او معلومه حول موضوعك يا ملك بس حبيت ادخل و اهديكي شوي ان شاء الله مافيه الا العافيه و اعتقد انه ما شاء الله تبارك الله جدا نشيط و يمكن ملان من البيت و يمكن لما يبدأ الحضانه يهدأ شوي و بما انه اجتماعي راح ياخذها لعب مع العيال الين يتعب و ينام :d الي لاحظته انه الأولاد يبدأوا الحضانه بدري قبل البنات,, لأنهم يكونوا جننوا اهاليهم من نشاطهم و مشاغبتهم مافيه الا العافيه ان شاء الله |
ملك لاتحاولي تشفلي اغاني ابدا لان ممكن هذا الهز ان بيرقص حتى لو مافي اغاني بس بودنه سامعها فاهمة علي ولاياكل الشوكولاته والبطاطا والسكريات لانها بها كلها طاقة اكتري من تشغيل القران والاغاني لالالالا حتى ينساهاهذا تحليلي والله اعلم وماعليه الا العافية يارب وحاولي تجيبي بسكليت صغيرة يمشي فيها لعمره العاب متل الالوان كورة ماتعطيه مجال يهز وحذاري تصرخي عليه لانه بعند اعملوا حالكم مش شايفينه والله معكم
|
اقتباس:
خلاص حبيبتي مثل ماقلتلك لما تشوفيه أو تسمعيه بيعمل الحركه هادي طنشيه أو اشغليه بأي شي أعطيه لعبه شيليه لعبيه بس لاتبيني ضيقك من الموضوع أن شاء الله فتره وينساها مثلك انتي واخواتك بس على شكل ذكوري مثل مابتقولي ضحكت كثير لما شفت هالجمله والله يحفظه لك من كل شر |
سبحان الله تلاث ارباع كلامك نفس اللي عندي
صحيح احيانا بتجيني افكار غريبة بس علطول اضحك وافرح بحركاته دي بس لما زادت قلقت وكل سن له حركة شكل سن ابني من سن ابنك رجعتي علي الكريات ياااااه زيادة انا ابني من وهو عنده 6 شهور ينط بجسمه على فوق شوي وقدمه مثبتة في الارض وهو جالس وكل اللي يشوفه يستغرب ويقولو كيف مش خايف على ظهره يالمه وانا ما كنت افكر تفكيرهم ده ابدا الصراحة انا الحمد لله ما بحمل اي حاجة من دي انها امراض بس تعرفي كل واحد وله شخصيته اكيد بتفرق طريقة كل واحد عن التاني في التعبير عن سروره وحزنه ومعروف ان فيه اطفال هاديين واطفال مشاكسين وحركيين ربنا يخليهم ويحفظهم ويبارك لنا فيهم وبعدين انتي قلتي انك كنتي بتحملي بعض الصفات دي فعادي اعتبريه جينات وراثية ههههه |
اختي حلا الايام شكرا لمرورك الكريم
اختي عاشقة الغالي ان شاءالله اعمل الي قلتي عليه ونشوف بلكي التهى ونسي الموضوع شكرا لك |
هلا شكرا على كلامك المطمئن حتى فهد كان يخبط في الموكيت او عالستارة يوم مجرب يخبط عالبلاط ماعادها
بس انا اهملتو ايامها كل ميعمل الحركة اكون ولا كاني شفت وبطلها من حالو لف اوف لايف تسلمي منا بقول امتا بس تيجي السنة الجاي يكون صار 3 سنين ونوديه حدف هناك وازا فيه دوامين مسائي وصباحي ماحقصر واخليه هههه بس فعلا زي مقلتي الاولاد مزعجين ومااحلا البنات شكرا الك ام لؤي تحليلك غلط للاسف :) الاغاني من يوم متجوزنا كنا عاملين هدف نبطلها وكنا نسمع احيانا واحيانا لا قليل وانا من بيت اهلي مبطلة اسمع اغاني ولما حملت كنا تقريبا بطلنا نسمعها حتى وهوة في بطني ماسمع غير قران ولما انولد كنا من فترة طويلة شايلين قنوات الاغاني عالتلفزيون الحمدلله زمااااان ماسمعت اغاني وتيجي وحدة تسالني عن الاغنية الجديدة اقلها وين مابعرف تقلي عايشة في العصر الحجري الها سنتين نازلة ههه احسن هيك حتى طيور الجنة رايحة من عنا من ايام الحمل مابعرف طارت وماعرفنا نرجعها لهيك مافي اغاتي ابدا وكنت افتحلو اغنية كرتون شاون ذة شيب تبع الخرفان ويهز عليها بس مش بسببها لانو الاغنية هاي جديد نزلتله اياها ماسمعها كم مرة والهز عندو من زمان مالو علاقة بيها ابدا ورجعت بطلت اسمعه اياها لانو حرام فيها انغام ان شاءالله يلتهي والالوان لسة صغير عليها صح؟؟؟؟ ام مريم تسلمي طمنتيني في حد عجيب زي ابني :) احب زوجي شكرا لك حبيبتي والظاهر طالعلنا هزاز ههه الله يهديه |
يغلق الموضوع.........
|
| الساعة الآن 05:37 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©