|
على عينك ياتاجر ... سرقتني ..!!!
السلام عليكم ورحمة الله وبركاته
مره مصدومة من الشيء اللي صارلي ومن مين من صديقة عمر صداقتي معها من ايام المرحلة المتوسطة قبل ست شهور اتصلت صديقتي فيني وبعد السلامات والاخبار واللازم منه طلبت مني انها تستعير طقم الالماس اللي لبسته انا يوم زواجي تبغى تلبسه في مناسبة تخصها .. طبعاً وافقت انها تستعيره .. المهم بعدها بكم يوم جت عندي وعطيتها الطقم بحضور امها واختها .. عدت ثلاث اشهر من وقت مااعطيتها الطقم وكل مااتصل عليها ماترد علي وقبل يومين دقيت ردت بدون نفس علي وقلتلها يافلانه متى راح ترجعيلي الطقم قالت اي طقم ... قلتلها بلاش استهبال انتي عارفه وانا عارفه اي طقم على بالي تمزح معاي..قالت شوفي بافلانه انا مااخذت شيء منك واعلى مافي خيلك اركبيه وقفلت الخط بوجهي انا انصدمت قلت يمكن هذه حركة مزح بايخه منها ... رجعت دقيت مره ثانية ردت امها وجلست تصارخ وتسب فيني وكلام كثير اترفع عن ذكره ..!!! فعرفت انها سرقتني وعلى عينك ياتاجر يعني بحضور امها واختها انا الان مره مقهوره على سذاجتي وعلى اني فرطت في طقم له مكانه في قلبي لانه اخر هدية لي من والدي قبل مايتوفى رحمه الله ..يعني لو اخذت اي طقم مازعلت عليه كثر هذا الطقم بذات .. وش اقول غير حسبي الله عليهم ... بجد مصدومه ومقهورة من هالتصرف الحقير منها بذات بعد هالعمر يعني لو طلبت مال ماقصرت معها بس ليش تسرقني ليش قلوب الناس صارت بهالوساخة ..؟؟ مدري كيف اتصرف ولا كيف ارجع اللي اخذته مني ياريت تساعدوني بطريقة وهل لو قدمت بلاغ للسطات يساعدوني ولا القانون لا يحمي المغفلين ..؟؟ |
اختي الله يعوضك خير احنا بزمن الواحد ما يأمن على نفسه حتى من اخوه والعياذ بالله
لكن اذا عندك فاتوره الطقم ابلغي السلطات فورا و هم يتصرفون بالموضوع..و اذا لم تكن لديك عندك اثبات صور زفافك.. المال الحلال لايضيع |
أتوقع السلطات هي أفضل حل
و الله يعينك |
cutiepie
آآمين .. والله صدقت في ناس الايام هذه مالها امان بس مره مقهوره لان الشيء اللي اخذته قيمته المعنوية كبيرة عندي أه ياالقهر حسبي الله عليها |
حسبنا الله ونعم الوكيل
ارسلي لها مسج انو الي اخذته وصخ دنيا بس وين بتروح من عذاب ربي وانه مافيه شئ يضيع عند الله صحيح يمكن 90% ماراح تتحرك مشاعرها بس صدقيني مسجك هذا يمكن يصحي فيها شئ الله يعوضك |
حسبي الله و نعم الوكيل
ياريت الشاهد من طرفك طيب أمها و أختها كلمتيهم ؟ يمكن يكونوا زينين و مو نفسها كلميهم و لو لقيتيهم زينين اتفقي معاهم ياخذوا الطقم منها أو يهددوها إنهم بيشهدوا بالحق استعيني بالسلطات و اللي راح يساعدك القسم ( اليمين - الحلف ) اطلبي إنك تحلفي إنها خذت الطقم و ما رجعته و اطلبي انها تحلف انها ما خذته أو خذته و رجعته فلو انتوا الإثنين حلفتوا تطلبوا من الشهود ( أختها و أمها ) يقدموا شهادتهم , و إذا حلفت فالله راح يحاسبها و إذا شهدوا زور فما أدراك بعقاب شاهد الزور لو مثلا شهدوا إنك فعلا عطيتيها بس قالوا ما نعرف يمكن خذتيه بعدين اطلبي انهم يجيبوا شهود يثبتوا انها رجعته و ابشري إذا حقك ضاع في الدنيا عد هالحلفانات و الشهادات فراح ينتظرك أحسن ما هو أفضل في الآخرة بإذن الله |
كم قيمته تقريباً ؟
ودي أعرف بكم باعت صديقتك ذمتها . والله يعوضك خير |
شفت ناس أفظع من جذي
تبوق و لما صديقتها تطلب انها ترجع الشيء تيجي تبكي لصديقتها تقول زوجي ضربني و أجبرني و خذاه مني أرجوكِ سامحيني و الله في ناس تسوي تمثيليات عشان تسرق بس الأخت ما كلفت روحها , من الأساس أنكرت الموضوع حسبي الله عليها |
ارسليلها مسج وادعي عليها فيه و وقوليلها عساك ماتتهنين فيه وعساك تدفعين قيمته على علاجك .. وقوليلها صدمتي فيك كبيرة وماتوقعتك تبيعين صداقتنا وتسرقيني
|
عليكم السلام ورحمة الله وبركاته
معقولة !! الحمد لله الذي عافانا مما ابتلاهم به قولي: حسبي الله ونعم الوكيل يجيها يــوم .. |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©