قررت اشتري سياره واسوق
 

السلام عليكم ورحمة الله وبركاته

اخواني الرجال اصحاب الخبرة الاكبر في السيارات
واخواتي اللي يسوقون
قررت اشتري سياره😎

رغم رفض اخواني اني اسوق لكن ما يهموني
انا اللي تعبت من السواقين😝

لكن محتاره وش اشتري؟؟
وش هي الاجرائات؟؟
عن ايش اسأل وانتبه عشان لا انغش

وانا تعلمت السواقه لكن ما عندي رخصه
لكن خرجاتي بها بتكون قليله اغلبها للدوام🌞




شوركم عن كل ما سبق؟؟👍🏻

رد: قررت اشتري سياره واسوق
 

رد: قررت اشتري سياره واسوق
 

وعليكم السلام ورحمة الله وبركاته

ﻻ تشترين سياره صغيره أخذي كبيره إذا عندك اﻻمكانيه
يمكن وزنيتها بالبدايه صعبه لكن في الطريق يهابونك وﻻ احد يسقط عليك

رد: قررت اشتري سياره واسوق
 

شكرا سلطان
اكيد جديده

ميواكو
والله ما احب السيارات الكبار😂

رد: قررت اشتري سياره واسوق
 

ولقيت ثلاثه اليوم
انصحوني اش اختار تكفون🙏🏻

لقيت افلون 129 الف "اقدر على المبلغ بالراحه" فيها كاميرا خلفيه<<تهمني كثير ك مبتدئه
اللون اسود فخم

كامري 90 الف بدون كاميرا لؤلؤي جميل

يارس 54 الف بدون كاميرا
اسود حلو

رد: قررت اشتري سياره واسوق
 

الافالون سيارة جميلة وعملية ومريحة وواسعة اكثر من الكامري وانا عندي وحدة من عام 2002 ، ورغم ان شريت سيارة جديدة وكبيره غيرها لكن مازالت محتفظ فيها ورافض ابيعها

بس ما انصحك باللون الاسود .. لان اللون الاسود يمتص الحرارة وفي اجوائنا الحرارة متعب .. هذا غير ان الغبار يبان فيه اكثر من الابيض والؤلؤي.. والاختيار لك

رد: قررت اشتري سياره واسوق
 

اي والله الافلون اعجبتني وتنحت عندها ما شاء الله
ومريحه من جوا وواسعه الكامري حلوه بس احس اني محشوره فيها شوي

اما اللون الاسود فهو عشقي في السيارات هو والعودي❤
والمكيف يؤدي الغرض ان شاء الله ولا اني اترك الاسود😂


الرجل في المعرض يقولي خذي الكامري دام ما عندك رخصه
عشان لا قدر الله صار حادث ما تكوني خسرتي كثير😂
قلتله انا مشاويري قليل جدا
ف احتمالية الحادث بذان الله قليل
وطريق دوامي مافيه زحمه والحمد لله


بغيت اسألك ما معنى فل كامل و ستاندر؟؟


شكرا لمشاركتك اخي

رد: قررت اشتري سياره واسوق
 

فيه مميزات مكتوبه على السيارت ماني فاهمتها
اريد منك اخي سيد الرجال والبقيه ان تشرحوها لي

مميزات الافلون اللي ما فهمتها
1 تسخين المقاعد الاماميه
2 نظام الدخول الذكي للسائق والراكب الامامي
3 مرايات جانبيه كهربائيه مزوده باشارات انعطاف قابله للطي كهربائيا

اللي يعرف يفيدني🙏🏻

رد: قررت اشتري سياره واسوق
 

اولا ما عليك من صاحب المعرض .. اشتري السيارة الي ترتاح نفسك لها و تشوفين نفسك مرتاحه فيها لان من الصعب تغيير السيارة بعد شرائها ونزول قيمتها ، وبعدين حتى لو حدث شي لا سمح الله التأمين موجودة وتكاليف التصليح متقاربة بين السيارتين ، وايضا الاسعار بين السيارتين ليست بذلك الفارق الكبير جدا مثل ان يكون سعر السيارة اكثر من 200 او 250 الف ... السيارتين تقريبا في فئة السيارات المتوسطة السعر .

هذه المواصفات خاصة بالمقاعد الجلد ، والمقصود ان مقاعد الجلد بها ثقوب يخرج منها هواء ساخن ( في حالة وجود تسخين فقط ) او هواء بارد مرتبط بتشغيل المكيف اذا كان السيارة مزودة بميزة تبريد المقاعد .. بعض السيارات بها تسخين فقط .. وبعض السيارات تسخين وتبريد ( تأكدي من هذه المواصفات اي وجود تبريد ايضا لانه الاهم )
في البيئات الحارة الافضل هو التبريد بحيث تشعرين براحة وبرودة اكبر ، اما التسخين ينفع اكثر في البيئات الباردة .
مثل ما قلنا هو عبارة عن هواء ساخن او بارد يخرج من ظهر المقعد .

[IMG]https://1.top4top.net/p_1336qs6031.jpg[/IMG]

[IMG]https://2.top4top.net/p_1336shyvo2.jpg[/IMG]

2 نظام الدخول الذكي للسائق والراكب الامامي

يعني تستطيعين الدخول للسيارة بدون اخراج المفتاح من الجيب او الحقيبة ، بمجرد اقترابك من السيارة وضغطك على الزر الخارجي تفتح السيارة بدون اخراج المفتاح ، وكذلك تشتغيل السيارة بدون اخراج المفتاح ( الضغط على دواسة الفرامل وبصمة او زر التشغيل فقط )

3 مرايات جانبيه كهربائيه مزوده باشارات انعطاف قابله للطي كهربائيا

يعني المرايا الداخلية تستطيعين تضبيطها والتحكم فيها كهربائيا بضغط زر ، ويوجد مصباح مثبت في المرايا الخارجية يعمل عندما تحركين اشارة الانعطاف يسارا او يمينا
وكذلك تستطيعين طي المرايا الخارجية بالكامل باتجاه الداخل في المواقف الضيقة كما هو موضح في الصورة المرفقة ، وكذلك السيارة من نفسها تقوم اوتوماتيكيا بطي المرايا عند اطفاء السيارة ، وترجع لوضعها الطبيعي عند اعادة تشغيلها .

[IMG]https://3.top4top.net/p_13360a9uy3.jpg[/IMG]

رد: قررت اشتري سياره واسوق
 

شكرا اخي سيد الرجال
بالنسبه للتأمين نسيت اقولكم
مع الاسف يقول بنعطيك تأمين شامل
لكن لو صار حادث لا قدر الله وباقي ما عندك رخصه
التأمين ما يشملك ابدا لان التأمين مرتبط بالرخصه وانتي ما عندك

مدري كلامه صحيح ولا لا؟؟
وهل فيه حل؟؟

لان الرخص مقفله عندنا في الطائف حاليا
واذا بيفتحوا باب الرخص للنساء يمكن بعد سنه او اكثر
وحتى لو رحت اخذها من جده نفس الوضع
يعطون لكن فيه طوابير قبلي لسا ما اخذوا
كيف انا اللي دوبي اقدم!!